شينحۋا اگەنتتىگىنىڭ 5 - ايدىڭ 10 - كۇنى بەيجيڭنەن بەرگەن حابارى. باس شۋجي شي جينپيڭنىڭ ماڭىزدى نۇسقاۋىنىڭ رۋحى مەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرۋ، تياناقتاندىرۋ، ورتالىق كوميتەت كەڭسەسى، مەملەكەتتىك كەڭەس كەڭسەسى باسىپ تاراتقان «تەلەگراف، ينتەرنەت الدامشىلىعى زاڭعا قايشى قىلمىستارىنا سوققى بەرۋ، جونگە سالۋ قىزمەتىن كۇشەيتۋ جونىندەگى پىكىردى» دايەكتىلەندىرۋ، تياناقتاندىرۋ ٴۇشىن، ورتالىق كوميتەت ۇگىت ٴبولىمى، قوعام حاۋىپسىزدىگى مينيسترلىگى 5 - ايدىڭ 10 - كۇنى بىرلەسىپ «الدامشىلىققا قارسى تۇرۋ جالپى حالىقتىق ارەكەتىن» شوعىرلى ۇگىتتەۋ ايى قيمىلىن باستاپ، ۇگىت - تاربيەنى اناعۇرلىم كۇشەيتىپ، بۇقارانىڭ كۇشىن جۇمىلدىرىپ، بۇقارانىڭ اقىل - پاراساتىن ۇيىستىرىپ، جالپى حالىق الدامشىلىققا قارسى تۇرۋدىڭ، تۇتاس قوعام الدامشىلىققا قارسى تۇرۋدىڭ قويۋ رايىن قالىپتاستىردى.

قيمىل ورنالاستىرۋى بويىنشا، جەر - جەر، تاراۋلار بۇكىل ەل كولەمىندە تەلەگراف، ينتەرنەت الدامشىلىعى زاڭعا قايشى قىلمىستارىنان ساقتانۋ جەلىلەس ۇگىت - تاربيەسىن ۇيىمداستىرىپ ورىستەتىپ، وڭاي الداناتىن قاۋىمعا قاراتا دالمە - ٴدال ساقتانۋ ۇگىتىن ورىستەتىپ، الدامشىلىققا قارسى تۇرۋ، الدامشىلىقتان ساقتانۋ جونىندەگى بىلىمدەردى الەۋمەتتىك اۋماقتارعا، اۋىل - قىستاقتارعا، وتباسىلارىنا، مەكتەپتەرگە، كاسىپورىندارعا جەتكىزۋدى ۇزدىكسىز ىلگەرىلەتىپ، الدامشىلىققا قارسى تۇرۋدىڭ جان - جاقتى، كەڭ قامتىمدى ۇگىت - تاربيە جۇيەسىن ورناتۋعا كۇش سالادى. نەگىزگى اقپارات قۇرالدارى مەن جاڭا مەديا تۇعىرلارى الدامشىلىققا قارسى تۇرۋ جونىندەگى حابارلاردى ۇزدىكسىز شىعارىپ، دەلو ارقىلى زاڭدى ٴتۇسىندىرۋدى كۇشەيتىپ، الدامشىلىقتان ساقتانۋ جونىندەگى بىلىمدەردى جالپىلاستىرىپ، بۇقارانىڭ الدامشىلىقتان ساقتانۋ تانىمى مەن الدامشىلىقتى پارىقتاۋ قابىلەتىن شىنايى جوعارىلاتادى. ورتالىق كوميتەت ۇگىت ٴبولىمى، قوعام حاۋىپسىزدىگى مينيسترلىگى ونەركاسىپ جانە ينفورماتسيالاندىرۋ مينيسترلىگى، جۇڭگو حالىق بانكەسى سياقتى قاتىستى كاسىپ سالاسىنىڭ نەگىزگى باسقارۋ تاراۋلارىمەن بىرلەسىپ فينانس قۇرىلىمدارىنا، تەلەگراف كاسىبى تيجاراتشىلارىنا، ينتەرنەت قىزمەت وتەۋىمەن قامدايتىن قىزمەتكەرلەرگە جانە قىزمەت وتەۋ وبيەكتىلەرىنە الدامشىلىققا قارسى تۇرۋ ۇگىتىن ورىستەتەدى؛ وقۋ - اعارتۋ مينيسترلىگىمەن بىرلەسىپ «الدامشىلىققا قارسى تۇرۋ ۇگىتىن مەكتەپتەرگە جەتكىزۋ» قيمىلىن باستاپ، بۇكىل مەملەكەتتەگى جوعارى مەكتەپتەردە مەكتەپتىڭ الدامشىلىققا قارسى تۇرۋ ورتالىعىن قۇرۋدى جالپىلاستىرىپ، جوعارى مەكتەپ وقۋشىلارىنىڭ الدامشىلىققا قارسى تۇرۋ ەرىكتىلەر قوسىنىن ۇيىمداستىرىپ، الدامشىلىققا قارسى تۇرۋ جونىندەگى بىلىمدەردى وقۋلىققا ەنگىزۋ، ساباقحاناعا ەنگىزۋ جانە الدامشىلىققا قارسى تۇرۋ جونىندەگى زەيىن سىناۋ جارىسى سياقتى تاربيە، ۇگىت قيمىلىن ورىستەتەدى؛ مەملەكەتتىك قارتتار قىزمەتى كوميتەتىمەن بىرلەسىپ «قارتتاردىڭ الدامشىلىقتان ساقتانۋ ۇگىتى» جەلىلەس قيمىلىن ورىستەتىپ، «قارتتاردىڭ الدامشىلىقتان ساقتانۋ قولدانباسىن» قۇراستىرىپ جاساپ، مەملەكەت بويىنشا قارتتاردىڭ الدامشىلىققا قارسى تۇرۋ جونىندەگى زەيىن سىناۋ جارىسى سياقتىلاردى ۇيىمداستىرىپ، ۇگىت - تاربيەنىڭ قىزۋ ورلەۋىن ۇزدىكسىز كوتەرەدى.