ورتالىق كوميتەت ۇگىت ٴبولىمى، ادام كۇشى بايلىعى جانە قوعامدىق قامتاماسىزداندىرۋ مينيسترلىگى

2021 - جىلعى «جوعارى مەكتەپ بىتىرگەن نەگىزگى ساتىداعى ەڭ ارداقتى تۇلەكتەردىڭ» ىزگى ىستەرىن جاريالادى

شينحۋا اگەنتتىگىنىڭ 5 - ايدىڭ 10 - كۇنى بەيجيڭنەن بەرگەن حابارى. باس شۋجي شي جينپيڭنىڭ جاستار قىزمەتى جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، جوعارى مەكتەپ بىتىرگەن تۇلەكتەردى پارتيا مەن مەملەكەتتىڭ ۇندەۋىنە بەلسەنە ٴۇن قوسىپ، باتىلدىقپەن نەگىزگى ساتىنىڭ ٴبىرىنشى شەبىنە جانە جاپالى، شەت - شالعاي وڭىرلەرگە بارىپ ۇلەس قوسىپ، ەڭبەك ٴسىڭىرىپ، ۇلتتى گۇلدەندىرۋدىڭ ماڭىزدى مىندەتىن ارقالايتىن ٴداۋىردىڭ جاڭا ادامى بولۋعا جەتەكتەۋ جانە شابىتتاندىرۋ ٴۇشىن، تاياۋدا ورتالىق كوميتەت ۇگىت ٴبولىمى، ادام كۇشى بايلىعى جانە قوعامدىق قامتاماسىزداندىرۋ مينيسترلىگى 2021 - جىلعى «جوعارى مەكتەپ بىتىرگەن نەگىزگى ساتىداعى ەڭ ارداقتى تۇلەكتەر» بولىپ باعالانعان 20 وقۋشىنىڭ ىزگى ىستەرىن بىرلەسىپ جاريالادى.

  ۋاڭ حايياڭ، شى شياۋگاڭ، ليۋ پانفي، ياڭ شياۋشۋاي، ۋ شۋشياڭ، شىن فۋچيۇڭ، جاڭ كى، چىن ۋي، لين ۋىنجيە، حى چيانرۋ، جاۋ جيان، چين چيان، يۋان حۇي، گاۋ چىڭلۇڭ، گو حۇيحۇي، گۇڭ يۇيبىن، سۇي جيۋشيۋ، يۇڭ چاۋبين، داي بەيبەي، ۋي جيڭ قاتارلى «جوعارى مەكتەپ بىتىرگەن نەگىزگى ساتىداعى ەڭ ارداقتى تۇلەكتەر» بولىپ باعالانعان 20 وقۋشى جاڭا داۋىردەگى نەگىزگى ساتىداعى جوعارى مەكتەپ بىتىرگەن تۇلەكتەردىڭ ۇزدىك ۋاكىلى. ولاردىڭ كەيبىرەۋى كەدەيلىكتەن ارىلتۋدان قامال الۋدىڭ جانە اۋىل - قىستاقتى گۇلدەندىرۋدىڭ ٴبىرىنشى شەبىندە بۇقارانى كەدەيلىكتەن ارىلتىپ، اۋقاتتاندىرۋعا باستاسا، كەيبىرەۋى ىندەتتەن ساقتانۋ - تىزگىندەۋ جانە دەنساۋلىق ساقتاۋ، سالاماتتىق ىستەرىنە ات سالىسىپ، حالىقتىڭ ٴومىرىنىڭ حاۋىپسىزدىگىن قورعادى، كەيبىرەۋى ساباق مىنبەرىندە تاپجىلماي بۇكىل ىنتا - پەيىلىن اۋىل - قىستاق وقۋ - اعارتۋىنا ارناسا، كەيبىرەۋى عىلىم - تەحنيكا ارقىلى وتان ٴۇمىتىن اقتاۋ ارمانىن ارقالاپ، جاڭالىق اشىپ، تەحنيكاداعى قيىن تۇيىندەردەن قامال الدى، ال كەيبىرەۋى ٴادىليا جاعىنان كومەك بەرۋ، جۇمىستانۋعا كومەكتەسۋ، سۇيەمەلدەۋ، اۋىل شارۋاشىلىعى ٴوندىرىسى، ەرىكتى قىزمەت وتەۋ سياقتى نەگىزگى ساتىنىڭ ٴبىرىنشى شەبىنە تامىر تارتىپ، بۇقارانىڭ شۇعىل، قيىن، ۋايىمداعان، ٴزارۋ ماسەلەلەرىن شەشۋ، حالىق تۇرمىسى ىستەرىنىڭ دامۋىن ىلگەرىلەتۋ بارىسىندا كورنەكتى ۇلەس قوسىپ، ٴىس جۇزىندىك ارەكەتتەرى ارقىلى «كىشكەنتاي مەندى ۇلكەن مەنگە توعىستىرىپ، جاستىق كوكتەمىمدى وتانعا ارنايمىن» دەيتىن جاۋاپكەرشىلىك ارقالاۋدى ٴتۇسىندىرىپ، «نەگىزگى ساتىعا بارۋدىڭ، وتان ەڭ قاجەت ەتكەن جەرگە بارۋدىڭ» ۇزدىك ۇلگىسىنە اينالدى.

  تاراتۋ سالتى «جاستىق كوكتەمنىڭ گۇلىن وتان ەڭ قاجەت ەتكەن جەردە جايقالتۋدى» نەگىزگى تاقىرىپ ەتىپ، «جوعارى مەكتەپ بىتىرگەن نەگىزگى ساتىداعى ەڭ ارداقتى تۇلەكتەر» بولىپ باعالانعان 20 وقۋشى «اسقاق ارمان ۇستانىپ، قۇنتتى دا ۇقىپتى بولىپ، جاپادان، قيىندىقتان، قاتەردەن، بوگەتتەن تايسالماي، ٴداۋىر بورىشىن جۇرەكتىلىكپەن ارقالاۋ» تالابىن ۇيرەنۋدى، دايەكتىلەندىرۋدى ارقاۋ ەتە وتىرىپ، ٴتول كەشىرمەلەرى ارقىلى نەگىزگى ساتىعا ۇلەس قوسقان، ەسەيىپ - ەرجەتكەن، ادالدىقپەن وتان ٴۇمىتىن اقتاعان اسەرلى حيكايالارىن باياندادى. ورتالىق كوميتەت ۇگىت ٴبولىمى، ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ جاۋاپتى جولداستارى ولارعا «جوعارى مەكتەپ بىتىرگەن نەگىزگى ساتىداعى ەڭ ارداقتى تۇلەكتەر» كۋالىگىن تاراتتى.