汉文 ىلە اقپارات تورابىنا حوش كەلدىڭىزدەر!
ول قاشاندا قيىنشىلىعى بار بۇقارانى ەسىنەن شىعارمادى
2022-05-17 15:40:19     كورىلىم:رەت كەلۋ قاينارى:تيانشان تورى  جاۋاپتى رەداكتور:جازيرا بولاتباي قىزى

 ول قاشاندا قيىنشىلىعى بار بۇقارانى ەسىنەن شىعارمادى

 شينحۋا اگەنتتىگىنىڭ تىلشىلەرى ۋاڭ ۋي، يۇي يەتۇڭ


  باس شۋجي شي جينپيڭ 2018 - جىلى 9 - ايدىڭ 28 - كۇنى لياۋنيڭدە قىزمەت تەكسەرگەن كەزدە فۋشۇن قالاسى دۇڭحۋايۋان الەۋمەتتىك اۋماعىنا كەلىپ، جەرگىلىكتى ورىننىڭ كومىر قازعاننان كەيىن شوگىپ كەتكەن وڭىردەگى حاۋىپتەن اراشالاۋ، كوشىرۋ، ورنالاستىرۋ جاعدايىن ۇعىستى، سونداي - اق تۇرعىن چىن يۇيفاڭنىڭ ۇيىنە باردى. تاياۋدا شينحۋا اگەنتتىگىنىڭ ءتىلشىسى چىن يۇيفاڭعا قايتالاي تىلشىلىك ىستەدى.

  【سول كەزگە قايىرىلا قاراۋ】

  سول كۇنى تۇسكە تاياعاندا باس شۋجي اۆتوكولىكپەن دۇڭحۋايۋان الەۋمەتتىك اۋماعىنا كەلدى. چىن يۇيفاڭنىڭ ۇيىندە شي جينپيڭ تۇرعىندارمەن بىرگە قورالانا وتىرىپ اڭگىمەلەستى. باس شۋجي تۇرعىن ءۇيدى جاقسارتۋ جاعدايىنىڭ قانداي ەكەندىگىن، زەينەتاقى مەن قوعامدىق قامسىزداندىرۋ قاراجاتىن ۋاعىندا الا الاتىن - الا المايتىندىعىن، اۋرۋ كورسەتۋدىڭ قولايلى - قولايسىزدىعىن ىقىلاسپەن ۇعىستى.

  كوپشىلىك باس شۋجيگە بىلاي دەدى: جاڭا الەۋمەتتىك اۋماققا كوشىپ كىرگەننەن بەرى قورشاعان ورتا تازالىعى كورنەكتى جاقساردى، سۋ، ەلەكتر، گازبەن قامداۋ قامتاماسىز ەتىلدى، الەۋمەتتىك قىزمەت وتەۋ الەۋمەتتىك اۋماققا كىردى، تۇرمىس ساپامىز نەداۋىر جوعارىلادى. شي جينپيڭ مۇنى ەستىپ قاباعات قۋاندى.

  الەۋمەتتىك اۋماقتان اتتاناردا تۇرعىندار قاۋمالاي كەلىپ باس شۋجيمەن جاپا - تارماعاي سالەمدەستى، شي جينپيڭ كوپشىلىكپەن ىقىلاسپەن قول الىسىپ، تەرەڭ سۇيىسپەنشىلىكپەن كوپشىلىككە بىلاي دەدى: مەن بايلىعى سارقىلعان قالالاردى ەجەلدەن ەستەن شىعارعان ەمەسپىن، وسى قالالاردىڭ ەكونوميكاسىنىڭ قانداي ەكەندىگىن، حالىقتىڭ تۇرمىسىنىڭ قانداي ەكەندىگىن ويلاپ جۇرەمىن، وسى جولى ارنايى كورۋگە كەلدىم. پارتيا ورتالىق كوميتەتى لاشىقتى ءوڭىر مەن كومىر قازعاننان كەيىن شوگىپ كەتكەن ءوڭىردى جان - جاقتى جونگە سالۋ ماسەلەسىن شەشۋگە قىرۋار قارجى ءبولدى، بۇل وتە قاجەتتى ءارى وسىلاي ىستەۋگە تاتيدى. بايلىعى سارقىلعان قالالار تيبىن وزگەرتىپ دامۋ بارىسىندا الدىمەن حالىق تۇرمىسى ماسەلەسىن ويداعىداي شەشىپ، قيىنشىلىعى بار بۇقارانىڭ تۇرمىسىن تىڭعىلىقتى قامتاماسىز ەتۋى كەرەك.

 

 【چىن يۇيفاڭنىڭ جۇرەك ءسوزى】

  سول كۇنى باس شۋجي ۇيگە كىرە سالا مەنىمەن ىقىلاستى تۇردە امانداستى، سودان كەيىن ۇيىمىزدە بىزبەن بىرگە وتىرىپ اڭگىمەلەستى. ”قونىس جاڭالاۋعا قانشا اقشا جۇمسادىڭىز“؟ ”زەينەتاقى مەن قوعامدىق قامسىزداندىرۋ قاراجاتىن ۋاعىندا الا الاسىزدار ما“؟ ”اۋرۋ كورسەتۋ قولايلى ما، جوق پا“؟ ”الەۋمەتتىك اۋماقتىڭ قىزمەت وتەۋى جاقسى ما، جوق پا“؟ باس شۋجيدىڭ تاپتەشتەي سۇراعانىن كورىپ، كوڭىلىم جىلى شۋاققا شومدى.

  ەرتەرەكتە فۋشۇندە كومىر كوپ قازىلاتىن. كەيىن كەلە كومىر قازۋدان بۇكىل اۋماق شوگىپ كەتتى، ءبىزدىڭ كونە تۇراعىمىز شوگىپ كەتكەن اۋماقتا بولاتىن. تامنىڭ قابىرعالارى جارىلىپ، ءۇيدىڭ ءپىشىنى وزگەرىپ كەتكەندىگىن كورىپ، جۇبايىم ەكەۋىمىز كۇنى بويى الاڭداپ، ”كوشىپ شىعۋدى“ كوكسەدىك.

  2017 - جىلى پارتيا مەن ۇكىمەتتىڭ ابزال ساياساتىنىڭ ارقاسىندا، ءبىز 40 مىڭ يۋاننان استام اقشا تولىقتاپ، بۇرىنعى 60 نەشە شارشى مەترلىك قاتەرلى ۇيدەن قازىرگى 90 نەشە شارشى مەترلىك جاڭا ۇيگە كوشىپ كىردىك.

  سول كۇنى باس شۋجي جەرگىلىكتى ورىنداعى كادرلارعا بايلىعى سارقىلعان قالانىڭ دامۋ تاسىلىنە بۇرىلىس جاساۋ بارىسىندا الدىمەن حالىق تۇرمىسىن ويداعىداي قامتاماسىز ەتۋدى، قيىنشىلىعى بار بۇقارانىڭ تۇرمىسىن ويداعىداي قامتاماسىز ەتۋدى، بۇقارانىڭ تۇرمىسىن بارعان سايىن جاقسارتۋدى تاپسىردى.

  قازىر جۇبايىم ەكەۋىمىز 70 جاستان استىق، ەكەۋىمىز كەڭ دە جارىق ۇيدە الاڭسىز تۇرامىز، تۇرمىسىمىز ءماندى دە ءساندى.

  بۇل عانا ەمەس، سوڭعى بىرنەشە جىلدا ءبىزدىڭ وسى كوشىرىلگەن شاعىن رايونىمىزدا تاعى دا زور وزگەرىستەر تۋىلدى. الەۋمەتتىك قاتىناس جولدارى كوبەيدى، الەۋمەتتىك اۋماقتا قارتتاردى ۇيدە كۇتىمدەۋگە قىزمەت وتەۋ ورتالىعى قۇرىلدى؛ شاعىن اۋماقتىڭ توڭىرەگىندە بالاباقشا مەن مەكتەپ سالىنىپ، ىزدەگەننىڭ ءبارى تابىلاتىن بولدى.

  جۇبايىم ەكەۋىمىز باس شۋجيدىڭ جاڭا جىلدى قۇتتىقتاۋ سوزىندە ايتقان ”قيىنشىلىعى بار بۇقارانى قاي - قاشان دا ەستەن شىعارمايمىن“ دەگەن ءسوزىن ەستىپ، تەبىرەنگەنىمىزدەن كوزىمىزگە جاس الدىق. باس شۋجي ءبىزدى ەستەن شىعارمايدى، ول ءبىزدىڭ جان اشىرىمىز.

  (شينحۋا اگەنتتىگىنىڭ 5 - ايدىڭ 15 - كۇنى شىنياڭنان بەرگەن حابارى)