汉文 ىلە اقپارات تورابىنا حوش كەلدىڭىزدەر!
«”جۇڭگو ەكونوميكاسىنىڭ دامۋ بولاشاعى، ءسوز جوق، اناعۇرلىم جارقىن بولادى“ − باس شۋجي شي جينپيڭنىڭ جوعارى ساپالى دامۋ مەن جوعارى دەڭگەيلى حاۋىپسىزدىكتى ءبىر تۇتاس جوسپارلاپ ىلگەرىلەتۋگە جەتەكشىلىك ەتكەندىگى جونىندە شولۋ»
2022-05-26 21:22:27     كورىلىم:رەت كەلۋ قاينارى:تيانشان تورى  جاۋاپتى رەداكتور:بەرىك وقاباي ۇلى

شينحۋا اگەنتتىگى كولەمدى شولۋ جاريالادى

«”جۇڭگو ەكونوميكاسىنىڭ دامۋ بولاشاعى، ءسوز جوق، اناعۇرلىم جارقىن بولادى“ − باس شۋجي شي جينپيڭنىڭ جوعارى ساپالى دامۋ مەن جوعارى دەڭگەيلى حاۋىپسىزدىكتى ءبىر تۇتاس جوسپارلاپ ىلگەرىلەتۋگە جەتەكشىلىك ەتكەندىگى جونىندە شولۋ»


شينحۋا اگەنتتىگىنىڭ 5 - ايدىڭ 24 - كۇنى بەيجيڭنەن بەرگەن حابارى. شينحۋا اگەنتتىگى 5 - ايدىڭ 24 - كۇنى «”جۇڭگو ەكونوميكاسىنىڭ دامۋ بولاشاعى، ءسوز جوق، اناعۇرلىم جارقىن بولادى“ − باس شۋجي شي جينپيڭنىڭ جوعارى ساپالى دامۋ مەن جوعارى دەڭگەيلى حاۋىپسىزدىكتى ءبىر تۇتاس جوسپارلاپ ىلگەرىلەتۋگە جەتەكشىلىك ەتكەندىگى جونىندە شولۋ» اتتى كولەمدى شولۋ جاريالادى.

ماقالادا بىلاي دەلىندى: 100 جىلدىق وزگەرىس جاعدايى مەن عاسىرلىق ىندەت ءوزارا قاباتتاسىپ، حالىقارالىق جاعدايدا تەرەڭ دە كۇردەلى وزگەرىس ۇزدىكسىز تۋىلىپ، دۇنيە ءجۇزى جاڭا اۋمالى - توكپەلى وزگەرىس مەزگىلىنە ءوتتى. جاپپاي سوتسياليستىك وسىزاماندانعان مەملەكەت قۇرۋ جاڭا ساپارىنا قادام تاستاعان جۇڭگونىڭ رەفورما، دامۋ، ورنىقتىلىق مىندەتى جاپالى دا اۋىر.

باس شۋجي شي جينپيڭ ءداۋىردىڭ دامۋ ۇلكەن اۋقىمىن تەرەڭ باعامداپ، تاريحتىڭ دامۋ بەتالىسىن دالمە - ءدال يگەرىپ: ”دامۋ مەن حاۋىپسىزدىكتى ءبىر تۇتاس جوسپارلاۋعا تاباندى بولىپ، دامۋ مەن حاۋىپسىزدىككە تەڭ ءمان بەرۋگە تاباندى بولىپ، جوعارى ساپالى دامۋ مەن جوعارى دەڭگەيلى حاۋىپسىزدىكتىڭ ءتيىمدى ىقپالداستىعىن جۇزەگە اسىرۋ“ كەرەكتىگىن باسا دارىپتەدى.

ماقالادا مىنالار اتاپ كورسەتىلدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، سان ميلليونداعان حالىق ىنتىماقتاسا كۇرەس جاساپ، قامال الىپ، قيىندىقتى جەڭىپ، جوعارى ساپالى دامۋ مەن جوعارى دەڭگەيلى حاۋىپسىزدىكتىڭ يكەمدى تەپە - تەڭدىگىن ىلگەرىلەتىپ، ۇلى گۇلدەنۋگە بەت العان نىق قادام ارقىلى دۇنيە جۇزىنە: ”جۇڭگو ەكونوميكاسىنىڭ دامۋ بولاشاعىنىڭ، ءسوز جوق، اناعۇرلىم جارقىن بولاتىندىعىن“ جاريالادى.

ماقالا مىناداي 5 بولىككە ءبولىندى: (1) جوعارى ءونىمدى ءبىر تۇتاس جوسپارلاۋعا تاباندى بولۋ − ”حالىقتىڭ ءومىر حاۋىپسىزدىگى مەن سالاماتتىعىن ەڭ جوعارى دەڭگەيدە قورعاپ، ىندەتتىڭ ەكونوميكالىق، قوعامدىق دامۋعا بولعان ىقپالىن ەڭ جوعارى شەكتە ازايتۋ“؛ (2) ىرىقتىلىقتى مىقتاپ يگەرۋ − ”ەڭ ماڭىزدىسى، ءسوز جوق، كۇش - قۋاتتى شوعىرلاندىرىپ ءوز ءىسىمىزدى ويداعىداي ىستەپ، داۋىلدى تولقىنداردا مىزعىماستان قاسقايىپ تۇرۋ“؛ (3) ءىرى ەل نەگىزىن بەكەمدەۋ − ”وسىزاماندانعان نەگىزدىك قۇرىلعى جۇيەسىن ورناتىپ، جاپپاي سوتسياليستىك وسىزاماندانعان مەملەكەت قۇرۋعا مىعىم نەگىز قالاۋ“؛ (4) دامۋ ابزالدىلىعىن قايتا تۇلعالاۋ − ”جاڭا دامۋ ارناسىن قالىپتاستىرۋ جالپى جاعدايعا قاتىستى جۇيەلى، تەرەڭ قاتپارلى وزگەرىس، قازىرگىنى تياناق ەتىپ، ۇزاق بولاشاققا كوز جىبەرەتىن ستراتەگيالىق جوسپار جاساۋ“؛ (5) جاڭا جاعدايدى قايراتتانا اشۋ − ”قيىنشىلىققا دۇرىس قاراپ ءارى سەنىمدى بەكەمدەپ، تاريحي ىرىقتىلىق رۋحتى اسقاقتاتىپ، قيىندىقتان تايسالماي، باتىلدىقپەن كۇرەس جاساپ، قايراتتانا العا ىلگەرىلەپ، قايراتتى دا تالاپتى بولۋ“.

”قازىر دۇنيە ءجۇزى 100 جىلدا بولماعان زور وزگەرىس جاعدايىن باستان كەشىرۋدە، الايدا ۋاقىت پەن اۋقىم ءبىز جاقتا، بۇل ءبىزدىڭ تاباندىلىعىمىز بەن تىنىسىمىزدىڭ تياناعى ءارى ءبىزدىڭ بەكىمىمىز بەن سەنىمىزدىڭ تياناعى“.

ماقالادا مىنالار اتاپ كورسەتىلدى: جاڭا ءداۋىردىڭ جاڭا ساپارىندا، ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعى، ءبىر ميلليارد 400 ميلليوننان استام جۇڭگو حالقىنىڭ ىنتىماقتاسا كۇرەس جاساۋى تۇرعاندا جوعارى ساپالى دامۋ مەن جوعارى دەڭگەيلى حاۋىپسىزدىكتى ويداعىداي ءبىر تۇتاس جوسپارلاساق، ”جۇڭگو ءنومىرلى“ الىپ كەمە، ءسوز جوق، اساۋ اعىستاردى ەڭسەرىپ، قاتەرلى قايراڭداردان ءوتىپ، اناعۇرلىم ايبىندى بولاشاققا بەت الاتىن بولادى!