ورتالىق كوميتەت كەڭسەسى، مەملەكەتتىك كەڭەس كەڭسەسى «اۋىل - قىستاق قۇرىلىسى ارەكەتىن اتقارۋ جوباسىن» باسىپ تاراتتى
شينحۋا اگەنتتىگىنىڭ 5 - ايدىڭ 23 - كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «اۋىل - قىستاق قۇرىلىسى ارەكەتىن اتقارۋ جوباسىن» باسىپ تاراتتى ٴارى حابارلاندىرۋ شىعارىپ، جەر - جەردەن، تاراۋلاردان ٴىس جۇزىندىك جاعدايمەن ۇشتاستىرا وتىرىپ مۇقيات دايەكتىلەندىرۋدى، تياناقتاندىرۋدى تالاپ ەتتى.
«جوبادا» مىنالار اتاپ كورسەتىلدى: شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، اۋىل شارۋاشىلىعىن، اۋىل - قىستاقتى الدىمەن دامىتۋعا تاباندى بولىپ، اۋىل - قىستاق قۇرىلىسىن سوتسياليستىك وسىزامانداندىرۋ قۇرىلىسىندا ماڭىزدى ورىنعا قويىپ، شارۋالار بۇقاراسىنىڭ تاماشا تۇرمىسقا تالپىنىسىنا سايكەسىپ، جالپىعا ٴتيىمدى، نەگىزدىك، ەڭ تومەنگى شەكتەن تۇسىرمەۋ سيپاتتى حالىق تۇرمىسى قۇرىلىسىن ٴتۇيىن ەتىپ، جوبا ارقىلى جەتەكتەۋدى كۇشەيتىپ، بايلىق فاكتورلارىن ٴبىر تۇتاس جوسپارلاپ، ٴار جاقتاعى كۇشتەردى جۇمىلدىرۋ، اۋىل - قىستاق نەگىزدىك قۇرىلعىلارى مەن الەۋمەتتىك قىزمەت وتەۋ جۇيەسى قۇرىلىسىن كۇشەيتىپ، تومەننەن جوعارىعا قاراي، قىستاق تۇرعىندارىنىڭ ٴوزىن - ٴوزى باسقارۋ، شارۋالار ات سالىسۋ سىندى اتقارۋ مەحانيزمىن ورناتىپ، شاما - شارقىنا قاراي ىستەپ تەزدىككە ەمەس، ساپاعا تالپىنىپ، ٴبىر ٴىستى قولعا العاندا ٴبىر ٴىستى تىندىرىپ، اۋىل - قىستاقتىڭ اناعۇرلىم ويداعىداي تۇرمىس شارت - جاعدايىن ازىرلەۋىنە قۇلشىنا مۇمكىندىك جاساپ، قونىستانۋعا، كاسىپكە قولايلى كورىكتى اۋىل - قىستاق قۇرۋ كەرەك.
«جوبادا» تۇراقتاندىرىلعان قىزمەت پرينسيبى: زاڭدىلىققا قۇرمەت ەتۋ، جۇمىستى بايىپتىلىقپەن جۇرگىزۋ؛ جەرگىلىكتى جاعدايعا قاراي ىستەۋ، تۇرگە ٴبولىپ جەتەكشىلىك ەتۋ؛ قورعاۋعا ٴمان بەرۋ، ەرەكشەلىكتى ايگىلەۋ؛ ۇكىمەت جەتەكشىلىك ەتۋ، شارۋالار ات سالىسۋ؛ قۇرۋ مەن باسقارۋعا تەڭ ٴمان بەرۋ، باياندى اينالىم جاساۋ؛ بايلىقتى ۇنەمدەۋ، جاسىل قۇرىلىس جۇرگىزۋ.
«جوبانىڭ» ارەكەت نىساناسى − 2025 - جىلعا بارعاندا اۋىل - قىستاق قۇرىلىسىندا ماندىك ىلگەرىلەۋشىلىككە قول جەتكىزىپ، اۋىل - قىستاقتىڭ قونىس ورتاسىن ۇزدىكسىز جاقسارتىپ، اۋىل - قىستاقتىڭ الەۋمەتتىك نەگىزدىك قۇرىلعىلارىن قىستاقتارعا دەيىن قامتۋدا، وتباسىلارىنا دەيىن كەڭەيتۋدە بەلسەندى ىلگەرىلەۋشىلىككە قول جەتكىزىپ، اۋىل - قىستاقتىڭ نەگىزگى الەۋمەتتىك قىزمەت وتەۋ دەڭگەيىن ورنىقتى جوعارىلاتىپ، اۋىل - قىستاق رۋحاني وركەنيەت قۇرىلىسىن كورنەكتى كۇشەيتىپ، شارۋالاردىڭ تابىس سەزىمىن، باقىت سەزىمىن، حاۋىپسىزدىك سەزىمىن اناعۇرلىم كۇشەيتۋ.
«جوبادا» «اۋىل - قىستاق جوباسى قۇرىلىسىن باسقارۋدى كۇشەيتۋ» سياقتى 12 ٴتۇرلى ٴتۇيىندى مىندەت ايقىندالدى ٴارى «اۋىل - قىستاق قۇرىلىسىن ىلگەرىلەتۋ مەحانيزمىندە جاڭالىق اشۋ»، «ساياساتتىق قولداۋ مەن فاكتورلىق قامتاماسىز ەتۋدى كۇشەيتۋ»، «ۇيىمدىق باسشىلىقتى كۇشەيتۋ» سياقتىلار جونىندە ەگجەي - تەگجەيلى ورنالاستىرۋ جاسالدى.
«جوبا» جالپى 5 ٴبولىم، 29 تارماققا بولىنگەن.