«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى

ادام مەن تابيعات جاراسىمدى قاتار ءومىر سۇرەتىن وسىزاماندانۋدى قۇلشىنا قۇرۋ كەرەك

شينحۋا اگەنتتىگىنىڭ 5 - ايدىڭ 31 - كۇنى بەيجيڭنەن بەرگەن حابارى. 6 - ايدىڭ 1 - كۇنى باسپادان شىعاتىن «ىزدەنۋ» جۋرنالىنىڭ 11 - سانى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «ادام مەن تابيعات جاراسىمدى قاتار ءومىر سۇرەتىن وسىزاماندانۋدى قۇلشىنا قۇرۋ كەرەك» اتتى ماڭىزدى ماقالاسىن جاريالايدى.

ماقالادا مىنالار باسا دارىپتەلدى: پارتيا 18 - قۇرىلتايىنان بەرى ءبىز پارتيانىڭ ەكولوگيالىق وركەنيەت قۇرىلىسىنا جاپپاي باسشىلىعىن كۇشەيتىپ، ەكولوگيالىق وركەنيەت قۇرىلىسىن جالپى جاعداي قىزمەتىندەگى كورنەكتى ورىنعا قويىپ، ءبىر قىدىرۋ كەلەلى ستراتەگيالىق ورنالاستىرۋلار جاساپ، ءبىر قىدىرۋ ءتۇبىرلى، جاسامپاز، ۇزاق بولاشاقتىق قىزمەتتەردى ورىستەتتىك، بەكىمىمىزدىڭ زور، سەرپىنىمىزدىڭ كۇشتى، ونىمدىلىگىمىزدىڭ مول بولۋى بۇرىن بولماعان دەڭگەيگە كوتەرىلدى. ەكولوگيالىق وركەنيەت قۇرىلىسىندا تانىمنان امالياتقا دەيىن تاريحي وزگەرىستەر، بۇرىلىستىق وزگەرىستەر، جالپى جاعدايلىق وزگەرىستەر تۋىلدى.

ماقالادا مىنالار اتاپ كورسەتىلدى: ەكولوگيالىق ورتانى قورعاۋ مەن ەكونوميكالىق دامۋ ديالەكتيكالىق بىرلىك، ەكەۋى ءبىرىن - ءبىرى تولىقتايدى، ەكولوگيالىق وركەنيەت قۇرىپ، جاسىل، تومەن كومىر قىشقىل گازدى، اينالمالى دامۋدى ىلگەرىلەتۋ حالىقتىڭ كۇن سايىن ارتىپ وتىرعان تاماشا ەكولوگيالىق ورتا قاجەتىن قاناعاتتاندىرۋمەن بىرگە، اناعۇرلىم جوعارى ساپالى، اناعۇرلىم ءونىمدى، اناعۇرلىم ءادىل، اناعۇرلىم باياندى، اناعۇرلىم حاۋىپسىز دامۋدى جۇزەگە اسىرۋدى ىلگەرىلەتتىپ، ءوندىرىسى دامىعان، تۇرمىسى باي، ەكولوگياسى تاماشا وركەنيەتتى دامۋ جولىنا قادام تاستاۋعا بولادى.

ماقالادا مىنالار اتاپ كورسەتىلدى: ەلىمىزدىڭ سوتسياليستىك وسىزامانداندىرۋ قۇرىلىسى كوپتەگەن ماڭىزدى ەرەكشەلىكتەرگە يە، وسىلاردىڭ ىشىندە ەلىمىزدىڭ وسىزاماندانۋى ادام مەن تابيعات جاراسىمدى قاتار ءومىر سۇرەتىن وسىزاماندانۋ، زاتتىق وركەنيەت قۇرىلىسى مەن ەكولوگيالىق وركەنيەت قۇرىلىسىن قاتار ىلگەرىلەتۋگە باسا ءمان بەرۋ بولىپ تابىلادى. جاڭا دامۋ ۇستانىمىن تولىق، ءدال، جاپپاي دايەكتىلەندىرىپ، ستراتەگيالىق تۇراقتىلىقتى ساقتاپ، ادام مەن تابيعاتتىڭ جاراسىمدى قاتار ءومىر ءسۇرۋى سىندى بيىك تۇرعىدا تۇرىپ ەكونوميكالىق، قوعامدىق دامۋدى جوبالاپ، بايلىقتى ۇنەمدەۋ جانە قورشاعان ورتانى قورعاۋ سىندى نەگىزگى مەملەكەت ساياساتىنا تاباندى بولىپ، ۇنەمدەۋدى الدىڭعى ورىنعا قويۋ، قورعاۋدى الدىڭعى ورىنعا قويۋ، تابيعاتتى قالپىنا كەلتىرۋدى نەگىز ەتكەن باعىتقا تاباندى بولىپ، بايلىقتى ۇنەمدەيتىن جانە قورشاعان ورتانى قورعايتىن كەڭىستىك جۇيەسىن، كاسىپ قۇرىلىمىن، ءوندىرىس ءتاسىلىن، تۇرمىس ءتاسىلىن قالىپتاستىرىپ، لاستانۋدى جونگە سالۋدى، ەكولوگيانى قورعاۋدى، كليمات وزگەرىسىنە توتەپ بەرۋدى ءبىر تۇتاس جوسپارلاپ، ەكولوگيالىق ورتانىڭ ۇزدىكسىز جاقسارۋىن جەبەپ، ادام مەن تابيعات جاراسىمدى قاتار ءومىر سۇرەتىن وسىزاماندانۋدى قۇلشىنا قۇرۋ كەرەك.

ماقالادا مىنالار اتاپ كورسەتىلدى: ءبىرىنشى، جاسىل، تومەن كومىر قىشقىل گازدى دامۋدى تاباندىلىقپەن ىلگەرىلەتۋ. ەكولوگيالىق ورتا ماسەلەسى، سايىپ كەلگەندە، دامۋ ءتاسىلى مەن تۇرمىس ءتاسىلى ماسەلەسى. جاسىل، تومەن كومىر قىشقىل گازدى، اينالمالى دامۋدىڭ ەكونوميكالىق جۇيەسىن ورناتىپ جانە كەمەلدەندىرىپ، ەكونوميكالىق، قوعامدىق دامۋدىڭ جاپپاي جاسىل تيپكە بۇرىلىس جاساۋىن جەبەۋ ەلىمىزدىڭ ەكولوگيالىق ورتا ماسەلەسىن شەشۋدىڭ نەگىزگى شاراسى. ەكىنشى، لاستانۋدان ساقتانۋ جانە ونى جونگە سالۋدان قامال الۋ شايقاسىن ىشكەرىلەي ويداعىداي جۇرگىزۋ. بۇقارانىڭ ماڭايىنداعى كورنەكتى ەكولوگيالىق ورتا ماسەلەسىن شوعىرلى شەشىپ، بۇقاراعا ەكولوگيالىق ورتا ساپاسىنىڭ جاقسارعانىن شىنايى سەزىندىرۋ كەرەك. ءۇشىنشى، ەكولوگيالىق جۇيەنىڭ ساپاسى مەن ورنىقتىلىعىن جوعارىلاتۋ. بۇل ساپالى ەكولوگيالىق ونىمدەرمەن قامداۋدى ارتتىرۋدىڭ تابيعي تالابى ءارى كليمات وزگەرىسىنىڭ ءتيىمسىز ىقپالىن باسەڭدەتۋدىڭ جانە وعان ۇيلەسۋدىڭ ماڭىزدى ءتاسىلى. ءتورتىنشى، دۇنيە ءجۇزىنىڭ باياندى دامۋىن بەلسەنە ىلگەرىلەتۋ. ءبىز ادامزاتتىڭ تاعدىرلاس ورتاق تۇلعاسى ۇستانىمىن ۇستانىپ، الەمدىك قورشاعان ورتانى جونگە سالۋعا بەلسەنە ات سالىسىپ، كليمات وزگەرىسىنە توتەپ بەرۋ، تەڭىز - مۇحيتتىڭ لاستانۋىن جونگە سالۋ، ورگانيزمدەردىڭ الۋان تۇرلىلىگىن قورعاۋ سياقتى سالالارداعى حالىقارالىق سەلبەستىكتى كۇشەيتىپ، ەلىمىزدىڭ جاۋاپكەرشىلىك ارقالايتىن ءىرى ەلدىك وبرازىن ايگىلەۋىمىز كەرەك. بەسىنشى، ەكولوگيالىق ورتا سالاسىنداعى مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋ دەڭگەيىن جوعارىلاتۋ. پارتكوم باسشىلىق ەتەتىن، ۇكىمەت جەتەكشىلىك ەتەتىن، كاسىپورىن نەگىزگى تۇلعاسى، قوعامدىق ۇيىمدار مەن بۇقارا بىرگە ات سالىساتىن وسى زامانعى قورشاعان ورتانى جونگە سالۋ جۇيەسىن كەمەلدەندىرىپ، جوبالاۋ، ورنالاستىرۋ، ىلگەرىلەتۋ، باعالاۋ ءبىر تۇلعالانعان ءتۇزىم مەحانيزمىن ورناتۋ كەرەك.

ماقالادا مىنالار باسا دارىپتەلدى: ءار دارەجەلى پارتكومدار مەن ۇكىمەتتەر ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن جوعارىلاتىپ، ”مەملەكەتتىڭ زور ءىسىن“ كوكەيدە ساقتاپ، ەكولوگيالىق وركەنيەت قۇرىلىسىنىڭ ساياسي جاۋاپكەرشىلىگىن ارقالاپ، بۇيرىقتى بۇلجىتپاي اتقارىپ، پارتيا ورتالىق كوميتەتىنىڭ ەكولوگيالىق وركەنيەت قۇرىلىسى جونىندەگى شەشىمدەرىنىڭ، ورنالاستىرۋلارىنىڭ تياناقتانىپ، ونىمدىلىك كورسەتۋىنە شىنايى كەپىلدىك ەتۋى كەرەك.