汉文 ىلە اقپارات تورابىنا حوش كەلدىڭىزدەر!
مادەنيەت پەن ساياحاتتىڭ جوعارى ساپالى دامۋىن ىلگەرىلەتەيىك
2022-06-10 19:23:57     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

حۋ حىپيڭ


 پارتيا 19 - كەزەكتى ورتالىق كوميتەتىنىڭ التىنشى جالپى ماجىلىسىندە ماقۇلدانعان «جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارى» (تومەندە قىسقارتىلىپ «قارار» دەلىنەدى) − ماركسيزمدىك باعدارنامالىق سيپاتتى قۇجات. باس شۋجي شي جينپيڭنىڭ ولكە، مينيسترلىك دارەجەلى نەگىزگى باسشى كادرلاردىڭ پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ۇيرەنۋ، دايەكتىلەندىرۋ ارناۋلى تاقىرىپتىق زەرتتەۋ - تالقىلاۋ كۋرسىنىڭ ساباق باستاۋ سالتىندا سويلەگەن ماڭىزدى ٴسوزى اسا كۇشتى ساياسي سيپاتقا، نازاريالىق سيپاتقا، جەتەكشىلىك سيپاتقا يە، ٴبىزدىڭ پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ويداعىداي ۇيرەنۋىمىزدە، دايەكتىلەندىرۋىمىزدە توتەنشە ماڭىزدى مانگە يە. مادەنيەت جانە ساياحات جۇيەسى باس شۋجي شي جينپيڭنىڭ ماڭىزدى ٴسوزىنىڭ رۋحىن جانە پارتيا 19 ـ كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردە مادەنيەت پەن ساياحاتتىڭ جوعارى ساپالى دامۋىن ىلگەرىلەتۋى كەرەك.

ۇمتىلا ۇيرەنىپ، شىنايى سەنىپ، بەرىلە اتقاراتىن يدەيالىق سانالىلىقتى، ساياسي سانالىلىقتى، ارەكەت سانالىلىعىن كۇشەيتۋ كەرەك

پارتيا 19 ـ كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ىشكەرىلەي ۇيرەنۋ، دايەكتىلەندىرۋ − كەزەكتەگى جانە بۇدان بىلايعى ٴبىر مەزگىلدەگى كەلەلى ساياسي مىندەت. ٴبىز ساياسي جاۋاپكەرشىلىك سەزىم مەن تاريحي بورىشتىلىق سەزىمدى شىنايى كۇشەيتىپ، پارتيا 19 ـ كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ۇيرەنۋدى، دايەكتىلەندىرۋدى ٴتۇيىن ەتىپ، پارتيا تاريحىن ۇيرەنۋ تاربيەسىن ىشكەرىلەي ىلگەرىلەتىپ، تاريحتى ۇيرەنۋ ارقىلى قاعيدانى ٴتۇسىنىپ، تاريحتى ۇيرەنۋ ارقىلى سەنىمدى ارتتىرىپ، تاريحتى ۇيرەنۋ ارقىلى ٴمورالدى اسقاقتاتىپ، تاريحتى ۇيرەنۋ ارقىلى ۇمتىلا ىستەپ، پارتيانىڭ كۇرەس بارىسىنان ۇزدىكسىز اقىل ـ پاراسات جانە كۇش ـ قۋات قابىلداۋىمىز كەرەك. 

«ەكىنى تۇراقتاندىرۋدىڭ» شەشۋشى ٴمانىن تەرەڭ ٴتۇسىنىپ، تاريحي تۇراقتىلىقتى كۇشەيتۋ كەرەك. «قاراردا» بىلاي دەپ اتاپ كورسەتىلدى: «پارتيا شي جينپيڭ جولداستىڭ پارتيا ورتالىق كوميتەتىندەگى ۇيتقىلىق، بۇكىل پارتياداعى ۇيتقىلىق ورنىن تۇراقتاندىرىپ، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ جەتەكشىلىك ورنىن تۇراقتاندىرىپ، بۇكىل پارتيانىڭ، بۇكىل ارميانىڭ، بۇكىل ەلدەگى ٴار ۇلت حالقىنىڭ ورتاق تىلەگىن بەينەلەدى، بۇل جاڭا داۋىردەگى پارتيا مەن مەملەكەت ىستەرىنىڭ دامۋى، جۇڭحۋا ۇلتىنىڭ ۇلى گۇلدەنۋى سىندى تاريحي ٴۇردىستى ىلگەرىلەتۋ جونىنەن شەشۋشى ماڭىزعا يە». اماليات مىنانى تولىق دالەلدەدى: باس شۋجي شي جينپيڭنىڭ پارتيا ورتالىق كوميتەتىنىڭ، بۇكىل پارتيانىڭ ۇيتقىسى رەتىندە كوشباسشى بولىپ، جول نۇسقاۋىندا، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ عىلمي جەتەكشىلىگىندە، ٴبىز، ٴسوز جوق، العا باسۋ جولىنداعى ٴتۇرلى قيىنشىلىقتار مەن كەدەرگىلەردى جەڭىپ، جۇڭگوشا سوتسياليزم ىستەرىن ۇزدىكسىز العا ىلگەرىلەتە الامىز.

پارتيانىڭ 100 جىلدىق كۇرەسىنىڭ كەلەلى تابىستارىن جەتە تانىپ، تاريحي سەنىمدى ارتتىرۋ كەرەك. جۇڭگو كوممۋنيستەرىنىڭ تاريحي سەنىمى كۇرەس تابىستارىنا بولعان سەنىم. باس شۋجي شي جينپيڭ بىلاي دەپ اتاپ كورسەتتى: «100 جىلدان بەرى پارتيامىز جۇڭگو حالقىن باقىتقا كەنەلتۋگە، جۇڭحۋا ۇلتىن گۇلدەندىرۋگە كۇش سالدى، ادامزاتتىڭ العا باسۋىنا، دۇنيەنىڭ ۇلى بىرلىگىنە كۇش سالدى، دۇنيە كوپكە ورتاق بولۋ، دۇنيەنىڭ دۇرىس جولىمەن ٴجۇرۋ − پارتيامىزدىڭ تاريحي سەنىمگە يە بولۋىنىڭ ەڭ زور نەگىزى، پارتيامىزدىڭ جۇڭگودا بيلىك جۇرگىزۋىنىڭ ٴارى ۇزاق ۋاقىت بيلىك جۇرگىزۋىنىڭ تاريحي سەنىمى، سونداي - اق پارتيامىزدىڭ حالىقتى ىنتىماقتاستىرىپ، باستاپ ۇزدىكسىز العا ىلگەرىلەۋىنىڭ تاريحي سەنىمى». پارتيامىزدىڭ حالىقتى ىنتىماقتاستىرىپ جانە باستاپ جۇرگىزگەن 100 جىلدىق كۇرەسى، تاياۋ زاماننان كەيىنگى جۇڭحۋا ۇلتىنىڭ دامۋ بەتالىسى مەن اياق الىسىن، جۇڭگو حالقى مەن جۇڭحۋا ۇلتىنىڭ بولاشاعى مەن تاعدىرىن، دۇنيە ٴجۇزىنىڭ دامۋ بەتالىسى مەن جاعدايىن ىشكەرىلەي وزگەرتتى. پارتيانىڭ 100 جىلدىق كۇرەسىنىڭ كەلەلى جەتىستىكتەرىن جەتە تانىعاندا عانا، تاريحي سەنىمدى ۇزدىكسىز ارتتىرىپ، جول سەنىمىن، نازاريا سەنىمىن، ٴتۇزىم سەنىمىن، مادەنيەت سەنىمىن بەكەمدەپ، العان بەتتەن قايتپاي، ٴتۇرلى بوگەتتەردەن تايسالماي العا باسۋعا بولادى.

جاڭا داۋىردەگى تاريحي تابىستار مەن تاريحي وزگەرىستەردى ٴتۇيىندى مەڭگەرۋ، تاريحي ورايدى مىقتى يگەرۋ كەرەك. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى ۇلى تاريحي ىرىقتىلىق رۋحىمەن، وراسان زور ساياسي باتىلدىقپەن، كۇشتى جاۋاپكەرشىلىكپەن ەل ٴىشى جانە حالىقارا سىندى ەكى كەلەلى جاعدايدى ٴبىر تۇتاس جوسپارلاپ، پارتيانىڭ نەگىزگى نازارياسىن، نەگىزگى لۋشيانىن، نەگىزگى جالپى جوباسىن دايەكتىلەندىرىپ، ۇلى كۇرەستى، ۇلى ينجەنەريانى، ۇلى ٴىستى، ۇلى ارماندى ٴبىر تۇتاس مەڭگەرىپ، ورنىقتىلىق بارىسىندا ىلگەرىلەۋ قىزمەت جالپى ارناسىندا تاباندى بولىپ، ٴبىر قىدىرۋ كەلەلى باعىت ـ ساياساتتاردى شىعارىپ، ٴبىر قىدىرۋ كەلەلى شارالاردى ورتاعا قويىپ، ٴبىر قىدىرۋ كەلەلى قىزمەتتەردى ىلگەرىلەتىپ، ٴبىر قىدىرۋ اۋىر حاۋىپ ـ قاتەرلەر مەن سىن ـ سايىستاردى جەڭىپ، ۇزاق ۋاقىتتان بەرى شەشۋگە ٴتيىس بولسادا شەشىلمەگەن كوپتەگەن قيىن ماسەلەنى شەشىپ، بۇرىن ىستەي الماعان كوپتەگەن ٴىرى ىستەردى ىستەدى. «قارار» جاڭا داۋىردەگى پارتيا مەن مەملەكەت ىستەرىندە قول جەتكەن تاريحي جەتىستىكتەردى، تۋىلعان تاريحي وزگەرىستەردى 13 جاقتان سالاعا ٴبولىپ قورىتىندىلاپ، ٴبىزدى سەنىمدى ونان ارى بەكەمدەپ، تاريحي ورايدى مىقتى يگەرىپ جانە ودان ويداعىداي پايدالانىپ، نازاردى ىستەلىپ جاتقان ىستەرگە شوعىرلاندىرىپ، اناعۇرلىم اسقاق بەينەمەن جاڭا ساپارعا اتتانىپ، جاڭا داۋىرگە ۇلەس قوسۋعا جەتەكتەدى. 

پارتيانىڭ 100 جىلدىق كۇرەسىنىڭ تاريحي ٴمانى مەن تاريحي تاجىريبەلەرىن ىشكەرىلەي يگەرىپ، تاريحي ىرىقتىلىقتى يەلەۋ كەرەك. «قاراردا» پارتيانىڭ 100 جىلدىق كۇرەسىنىڭ تاريحي ٴمانى قورىتىندىلانىپ، پارتيانىڭ جۇڭگو حالقىنا، جۇڭحۋا ۇلتىنا، ماركسيزمگە، ادامزاتتىڭ العا باسۋ ىستەرىنە، ماركسيزمدىك ساياسي پارتيا قۇرىلىسىنا قوسقان تاريحي ۇلەسى جان - جاقتى، تەرەڭ بايىمدالعان. «قاراردا» باياندالعان 10 تاريحي تاجىريبە − ۇزاق ۋاقىتتىق اماليات بارىسىندا جيناقتالعان قۇندى تاجىريبە، پارتيا مەن حالىق بىرگە جاراتقان رۋحاني بايلىق، ونى، ٴسوز جوق، بارىنشا قاستەرلەپ، وعان ۇزاق ۋاقىت تاباندى بولۋىمىز ٴارى جاڭا ٴداۋىر امالياتىندا ۇزدىكسىز بايىتۋىمىز جانە دامىتۋىمىز كەرەك. پارتيانىڭ 100 جىلدىق كۇرەسىنىڭ تاريحي ٴمانى مەن تاريحي تاجىريبەلەرىن جەتە تانۋ − ٴبىزدىڭ جاعدايعا دۇرىس تۇجىرىم جاساپ، بولاشاقتى عىلمي بولجاپ، تاريحي ىرىقتىلىقتى مىقتى يگەرىپ، تىڭ ەمتيحان تاپسىرۋ جولىمەن قۇلشىنا جۇرۋىمىزگە ٴتيىمدى. 

جاڭا داۋىردەگى مادەنيەت قىزمەتىنىڭ العا باسۋ بەتالىسىن يگەرۋ كەرەك

 باس شۋجي شي جينپيڭ بىلاي دەپ اتاپ كورسەتتى: «جۇڭگو كوممۋنيستىك پارتياسى وسكەلەڭ مادەنيەت سانالىلىعىنا يە پارتيا، پارتيانىڭ 100 جىلدىق كۇرەسىنە ەلىمىز مادەنيەتىنىڭ ەكپىندەي ىلگەرىلەگەن تاريحى توپتالعان». «قاراردا» پارتيانىڭ 100 جىلدان بەرگى مادەنيەت قۇرىلىسىنا باسشىلىق ەتۋدەگى كۇرەس بارىسى تەرەڭ پايىمدالعان، اسىرەسە، جاڭا داۋىردەگى پارتيانىڭ مادەنيەت قۇرىلىسىنا باسشىلىق ەتۋدەگى كەلەلى تابىستارى جۇيەلى قورىتىندىلانىپ، ٴبىزدىڭ جاڭا داۋىردەگى مادەنيەت قىزمەتىن ويداعىداي ىستەۋىمىزگە العا باسۋ بەتالىسىن كورسەتىپ، ٴتۇبىرلى بويسۇنۋ ولشەمىن ازىرلەدى. 

«ەكىنى ۇشتاستىرۋعا» تاباندى بولىپ، ماركسيزمنىڭ جۇڭگوشالانۋىن، زامانالانۋىن ۇزدىكسىز ىلگەرىلەتۋ كەرەك. «قاراردا» بىلاي دەپ اتاپ كورسەتىلدى: «شي جينپيڭ جاڭا ٴداۋىر جۇڭگوشا سوتسياليزم يدەياسى زامانىمىزداعى جۇڭگو ماركسيزمى، 21 - عاسىر ماركسيزمى، جۇڭحۋا مادەنيەتى مەن جۇڭگو رۋحىنىڭ داۋىرلىك جاۋھارى بولىپ، ماركسيزمنىڭ جۇڭگوشالانۋىنىڭ تىڭ سەكىرۋىن جۇزەگە اسىردى». جۇڭگو كوممۋنيستەرى ماركسيزمنىڭ باتىل سەنۋشىلەرى جانە امالياتتا ايگىلەۋشىلەرى، سونداي ـ اق جۇڭحۋانىڭ تاڭداۋلى ٴداستۇرلى مادەنيەتىنىڭ ادال مۇراگەرلەرى جانە ساۋلەلەندىرۋشىلەرى. شي جينپيڭ جاڭا ٴداۋىر جۇڭگوشا سوتسياليزم يدەياسى ماركسيزمگە بەرىك بەكىممەن، سانالىلىقپەن تاباندى بولۋدىڭ، ونى دامىتۋدىڭ تيپتىك ۇلگىسى، «ەكىنى ۇشتاستىرۋعا» تاباندى بولۋدىڭ، نازاريادا جاڭالىق اشۋدى باتىلدىقپەن ىلگەرىلەتۋدىڭ تۋىندىسى، ماركسيزمگە ايقىن امالياتتىق ەرەكشەلىك، ۇلتتىق ەرەكشەلىك، داۋىرلىك ەرەكشەلىك ۇستەپ، ماركسيزمنىڭ نەگىزگى قاعيدالارىن جۇڭگونىڭ ناقتى امالياتىمەن، جۇڭحۋانىڭ تاڭداۋلى ٴداستۇرلى مادەنيەتىمەن ۇشتاستىرۋدىڭ تىڭ ٴورىسىن اشتى. جاڭا داۋىردە، ٴبىز باستان ـ اياق «ەكىنى ۇشتاستىرۋعا» تاباندى بولىپ، ماركسيزمنىڭ جۇڭگوشالانۋىنىڭ، زامانالانۋىنىڭ جاڭا تاراۋىن ۇزدىكسىز جازۋىمىز كەرەك.

پارتيانىڭ مادەنيەت قۇرىلىسىنا باسشىلىق ەتۋى بارىسىندا قالىپتاسقان زاڭدىلىق تانىمى جاڭا داۋىردەگى مادەنيەت قىزمەتىن ويداعىداي ىستەۋگە ارەكەت باعدارناماسىن ازىرلەدى. «قاراردا»: يدەولوگيالىق قىزمەتتىڭ مەملەكەتكە سەنىم، ۇلتقا رۋح بىتىرەتىن قىزمەت ەكەندىگىن، مادەنيەت سەنىمىنىڭ اناعۇرلىم نەگىزدىك، اناعۇرلىم كەڭ، اناعۇرلىم تەرەڭ سەنىم ەكەندىگىن، ٴبىر مەملەكەتتىڭ، ٴبىر ۇلتتىڭ دامۋىنداعى ەڭ نەگىزگى، ەڭ بايىپتى، ەڭ باياندى كۇش - قۋات ەكەندىگىن، وسكەلەڭ مادەنيەت سەنىمى بولماسا، مادەنيەتتىڭ گۇلدەنىپ - كوركەيۋى بولماسا، جۇڭحۋا ۇلتىنىڭ ۇلى گۇلدەنۋىنىڭ بولمايتىندىعىن اتاپ كورسەتتى. «قاراردا» مىنالار باسا دارىپتەلدى:  حالىقتى وزەك ەتكەن قىزمەت باعدارىنا، ٴسوز جوق، تاباندى بولىپ، تۋدى بيىك ۇستاپ، حالىق تىلەگىن توعىستىرىپ، جاڭا ادام تاربيەلەپ، مادەنيەتتى وركەندەتىپ، وبرازدى ايگىلەپ، يدەولوگيالىق قىزمەتكە بولعان باسشىلىق ۇقىقتى مىقتى يگەرىپ، قۇدىرەتتى ۇيىستىرۋ قۋاتىنا جانە جەتەكشىلىك قۋاتقا يە سوتسياليستىك يدەولوگيانى ورناتۋ كەرەك. پارتيا مادەنيەت قۇرىلىسىنا سوتسياليستىك وزەكتى قۇن كوزقاراسى ارقىلى جەتەكشىلىك ەتۋگە تاباندى بولىپ، سوتسياليستىك وزىق مادەنيەتپەن، توڭكەرىستىك مادەنيەتپەن، جۇڭحۋانىڭ تاڭداۋلى ٴداستۇرلى مادەنيەتىمەن نەگىزدى بەكەمدەپ، رۋحتى سومداۋعا باسا ٴمان بەرۋ باسا دارىپتەلدى. پارتيا قوعامدىق ونىمدىلىكتى ماڭداي الدى ورىنعا قويۋعا، قوعامدىق ونىمدىلىك پەن ەكونوميكالىق ونىمدىلىكتىڭ بىرلىگىنە تاباندى بولىپ، مادەنيەت ىستەرى مەن مادەنيەت شارۋاشىلىعىنىڭ جاپپاي دامۋىن ىلگەرىلەتىپ، ادەبيەت - كوركەمونەر جاسامپازدىعىن كوركەيتىپ، الەۋمەتتىك مادەنيەتتىك قىزمەت وتەۋ جۇيەسىن كەمەلدەندىرۋ باسا دارىپتەلدى، وسى ماڭىزدى بايىمداۋلار مادەنيەت قۇرىلىسىنىڭ جۇڭحۋا ۇلتىنىڭ ۇلى گۇلدەنۋى سىندى تاريحي جەتىستىكتەردىڭ ماڭىزدى رولىن جەتە تانۋىمىزدى، مادەنيەت جانە ساياحات قىزمەتكەرلەرى ارقالاعان بورىشى مەن مىندەتىن جەتە تانۋىمىزدى، وسكەلەڭ ساياسي جاۋاپكەرشىلىك سەزىممەن جانە تاريحي بورىشتىلىق سەزىممەن جاڭا داۋىردەگى مادەنيەت قىزمەتىن ويداعىداي ىستەۋىمىزدى ارەكەت باعدارناماسىمەن قامدادى. 

پارتيانىڭ مادەنيەت قۇرىلىسىن ىلگەرىلەتۋدە قول جەتكىزگەن تابىسى جاڭا داۋىردەگى مادەنيەتتىڭ دامۋىن ىلگەرىلەتۋگە بەرىك نەگىز قالادى. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى مادەنيەت قۇرىلىسىن «بەستى ٴبىر تۇلعالاندىرۋ» جالپى تۇلعالىق ورنالاستىرۋىنا ەنگىزىپ، مادەنيەت سەنىمىن جول سەنىمىمەن، نازاريا سەنىمىمەن، ٴتۇزىم سەنىمىمەن بىرگە جۇڭگوشا سوتسياليزمنىڭ «ٴتورت سەنىمىنىڭ» ٴبىرى رەتىندە قاراپ، ماركسيزمنىڭ يدەولوگيا سالاسىنداعى جەتەكشىلىك ورنىنا تاباندى بولۋ ٴتۇزىمىن جۇڭگوشا سوتسياليستىك ٴتۇزىم جۇيەسىنىڭ ٴتۇبىرلى ٴتۇزىمى ەتىپ تۇراقتاندىردى. مادەنيەت قۇرىلىسىندا تۋراشىلدىقتان تايماي، جاڭالىق اشۋدان جازباي، سوتسياليستىك وزەكتى قۇن كوزقاراسى مەن جۇڭحۋانىڭ تاڭداۋلى ٴداستۇرلى مادەنيەتى كەڭىنەن ساۋلەلەندىرىلىپ، حالىقتىڭ ٴمورال ورەسى مەن وركەنيەت ساپاسى ۇزدىكسىز جوعارىلادى؛ مادەنيەت ىستەرى مەن مادەنيەت شارۋاشىلىعى قارىشتاپ دامىپ، ادەبيەت - كوركەمونەر جاسامپازدىعى ۇزدىكسىز گۇلدەنىپ، وسى زامانعى الەۋمەتتىك مادەنيەتكە قىزمەت وتەۋ جۇيەسى كۇن سايىن كەمەلدەنىپ، مادەنيەت ٴتۇزىلىسى رەفورماسى ىشكەرىلەي ىلگەرىلەتىلىپ، تۇتاس قوعامنىڭ مادەنيەتتە جاڭالىق اشۋ، جاسامپازدىق جاراتۋ ومىرشەڭدىك كۇشى ۇزدىكسىز تاسقىندادى؛ جۇڭگو مەن شەتەلدىڭ گۋمانيتارلىق اۋىس - كۇيىس، سەلبەستىك ورەسى ۇزدىكسىز جوعارىلاپ، مەملەكەتتىڭ مادەنيەت جۇمساق كۇشى مەن جۇڭحۋا مادەنيەتىنىڭ ىقپالى زور دارەجەدە جوعارىلادى. قول جەتكىزىلگەن بۇل تابىستار جاڭا داۋىردە جۇڭگوشا سوتسياليزمگە تاباندى بولۋعا جانە ونى دامىتۋعا، پارتيا مەن مەملەكەت ىستەرىنىڭ شىت جاڭا جاعدايىن اشۋعا قۇدىرەتتى وڭ ەنەرگيا ازىرلەپ، مادەنيەتتە قۋاتتى سوتسياليستىك ەل قۇرۋدى جەدەلدەتۋگە، جۇڭحۋا مادەنيەتىنىڭ تىڭ شۇعىلاسىن جاراتۋعا بەرىك نەگىز قالادى.

مادەنيەت جانە ساياحات قىزمەتىنىڭ تاعى دا تىڭ ساتىعا كوتەرىلۋىن ىلگەرىلەتۋ كەرەك

جۇڭگوشا سوتسياليزم ‐ جاپپاي داميتىن، جاپپاي العا باساتىن ۇلى ٴىس، سوتسياليستىك مادەنيەتتىڭ گۇلدەنىپ - كوركەيۋى بولماسا، سوتسياليستىك وسىزامانداندىرۋ دا بولمايدى. جاڭا جورىقتا ٴبىز شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 ـ كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، مادەنيەتتە قۋاتتى سوتسياليستىك ەل قۇرۋدى تىڭعىلىقتى ىلگەرىلەتىپ، ساياحات كاسىبىنىڭ جوعارى ساپالى دامۋىن ىلگەرىلەتۋىمىز كەرەك.

 پارتيا تاريحىن ۇيرەنۋ تاربيەسىن ۇدايىلاندىرۋدى، باياندى ەتۋدى ىلگەرىلەتۋ كەرەك. «ەكىنى تۇراقتاندىرۋدىڭ» شەشۋشى ٴمانىن تەرەڭ ٴتۇسىنىپ، «ٴتورت تانىمدى» كۇشەيتىپ، «ٴتورت سەنىمدى» بەكەمدەپ، «ەكىنى قورعاۋدى» ورىنداۋ كەرەك. نازاريامەن قارۋلانۋدى كۇشەيتىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن قاز ـ قالپىندا ۇيرەنىپ، پارتيا 19 ـ كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيانىڭ 3 ـ تاريحي قارارىن ىشكەرىلەي زەرتتەپ وقۋ جانە ٴتۇسىنۋ كەرەك. مادەنيەت جانە ساياحات قىزمەتىنىڭ ەرەكشەلىگىن تياناق ەتىپ، اناعۇرلىم كوپ توڭكەرىستىك تاريحي تاقىرىپتاعى تاڭداۋلى تۋىندىلاردى شىعارىپ، توڭكەرىستىك مادەني مۇرالاردان، توڭكەرىستىك بايلىقتاردان ويداعىداي پايدالانىپ، كورمەلىك قويىلىمدى، كورمەلەۋدى، كورسەتۋدى ويداعىداي جۇرگىزىپ، قىزىل ساياحاتتى دامىتۋ كەرەك. «بۇقارا ٴۇشىن ناقتى ٴىس ىستەيمىن» باياندى مەحانيزمىن ورناتىپ، بۇقارا ٴۇشىن ناقتى ٴىس ىستەپ، قيىنشىلىقتارىن شەشىپ، جاڭا ٴداۋىردەگى پارتيانىڭ بۇقارالىق لۋشيانىمەن ويداعىداي ٴجۇرۋ كەرەك.

 مادەنيەتتىڭ ۇرپاق تاربيەلەۋ، رۋحتى سومداۋ رولىن تولىق ساۋلەلەندىرۋ كەرەك. مادەنيەت سەنىمىن بەكەمدەپ، جۇڭگوشا سوتسياليستىك مادەنيەتتى دامىتۋ جولىمەن جۇرۋگە تاباندى بولۋ كەرەك. پارتيا قۇرۋ ۇلى رۋحىن ساۋلەلەندىرىپ، سوتسياليستىك وزەكتى قۇن كوزقاراسى ارقىلى مادەنيەت قىزمەتىنە جەتەكشىلىك ەتۋ كەرەك. مادەنيەتتىڭ رۋحتى سومداۋىن ىلگەرىلەتىپ، مادەنيەتتىڭ ەنەرگيا تاراتۋ رولىن ساۋلەلەندىرىپ، جۇڭحۋانىڭ تاڭداۋلى ٴداستۇرلى مادەنيەتىن ويداعىداي قورعاۋ، ويداعىداي جالعاستىرۋ، ويداعىداي ساۋلەلەندىرۋ، توڭكەرىستىك مادەنيەتكە مۇراگەرلىك ەتۋ، سوتسياليستىك وزىق مادەنيەتتى دامىتۋ كەرەك. 2022 - جىلى پارتيا 20 - قۇرىلتايىن قارسى الۋ، ۇگىتتەۋ، دايەكتىلەندىرۋ سىندى نەگىزگى جەلىنى تىعىز ارقاۋ ەتىپ، ادەبيەت - كوركەمونەر جاسامپازدىعى، كونسەرت قويۋ، سىرتپەن اۋىس - كۇيىس، سەلبەستىك جاساۋ سياقتى ٴتۇرلى قىزمەتتەردى ٴبىر تۇتاس جوسپارلاپ ىلگەرىلەتۋ كەرەك. اسىرەسە، پارتيا 20 - قۇرىلتايىن قارسى الۋ تاقىرىبىنداعى ادەبيەت - كوركەمونەر جاسامپازدىعىن مۇقيات ۇيىمداستىرىپ، پارتيانىڭ 100 جىلدان بەرگى حالىقتى باستاپ باسىپ وتكەن شۇعىلالى تاريحىن، قول جەتكىزگەن تولاعاي تابىستارىن قىزۋ مەرەيمەن جىرلاۋ كەرەك. شەتەلدەرمەن اۋىس - كۇيىس جاساۋ بارىسىندا «عاسىرلىق سالتانات» جەلىلەس قيمىلدارىن تۇتقا ەتىپ، پارتيانىڭ 100 جىلدىق، اسىرەسە، جاڭا داۋىردەگى تاريحي جەتىستىكتەرىن ٴتۇيىندى ۇگىتتەپ، تانىستىرىپ، سەنىمدى، سۇيىكتى، قادىرلى جۇڭگو وبرازىن اناعۇرلىم ويداعىداي سومداۋ كەرەك.

 حالىقتىڭ مادەنيەت جانە ساياحات قاجەتىن ويداعىداي قاناعاتتاندىرۋ كەرەك. حالىقتى وزەك ەتۋ قىزمەت بەتالىسىنان جازباي، حالىقتىڭ كۇن سايىن ارتىپ وتىرعان تاماشا تۇرمىس قاجەتىن قاناعاتتاندىرۋدى كوزدە ۇستاپ، مادەنيەت ىستەرى مەن مادەنيەت شارۋاشىلىعىن كۇش سالا دامىتىپ، اناعۇرلىم كوپ تاڭداۋلى ادەبيەت - كوركەمونەر تۋىندىلارىن جاراتىپ، اناعۇرلىم كوپ تاڭداۋلى مادەنيەت ونىمدەرىن شىعارىپ، حالىقتىڭ مادەنيەت قاجەتىن اناعۇرلىم ويداعىداي قاناعاتتاندىرىپ، حالىقتىڭ رۋحاني قۋاتىن ارتتىرۋ كەرەك. ساياحاتتى حالىق ٴۇشىن جۇرگىزۋدى ىلگەرىلەتىپ، ساياحاتتىڭ جەتەكشىلىك رولىن ساۋلەلەندىرىپ، ساياحات كاسىبىنىڭ قامداۋ جاعىنداعى قۇرىلىمدىق رەفورماسىن مىقتى يگەرۋمەن بىرگە، سۇرانىسقا باسقارۋعا باسا ٴمان بەرىپ، بۇقارالىق ساياحاتتى، زەردەلى ساياحاتتى، جاسىل ساياحاتتى دامىتىپ، قىزىل ساياحاتتىڭ، اۋىل ـ قىستاق ساياحاتىنىڭ ساپاسىن ٴوسىرىپ، دارەجەسىن جوعارىلاتۋدى ىلگەرىلەتىپ، حالىقتىڭ ساياحات قاجەتىن اناعۇرلىم ويداعىداي قاناعاتتاندىرىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك. مادەنيەت ارقىلى ساياحاتتى سومداۋعا، ساياحات ارقىلى مادەنيەتتى ايگىلەۋگە تاباندى بولىپ، مادەنيەت پەن ساياحاتتىڭ اناعۇرلىم كەڭ كولەمدە، اناعۇرلىم تەرەڭ كۇيدە، اناعۇرلىم جوعارى دەڭگەيدە توعىسپالى دامۋىن ىلگەرىلەتۋ كەرەك.

پارتيا مەن مەملەكەتتىڭ وزەكتى قىزمەتىنە ويداعىداي قىزمەت ەتۋ كەرەك. ٴتۇزىلىس، قۇرىلىم رەفورماسىن تەرەڭدەتىپ، جاڭالىق اشۋعا، جاسامپازدىق جاراتۋعا دەم بەرىپ، ەل ٴىشى مادەنيەت - ساياحات بازارىنىڭ قالىپتاسۋى مەن قۇدىرەتتەنۋىن جەبەپ، مادەنيەت - ساياحات سالاسىنداعى ەل ٴىشى مەن حالىقارالىق قوس اينالىمنىڭ ٴبىرىن - ٴبىرى جەبەۋىن ىلگەرىلەتىپ، مادەنيەت پەن ساياحاتتىڭ جوعارى ساپالى دامۋىن جەبەۋ كەرەك. مادەنيەت جانە ساياحات قىزمەتى «ٴبىر بەلدەۋ، ٴبىر جولدى» بىرگە قۇرۋ جانە اۋىل - قىستاقتى گۇلدەندىرۋ، بەيجيڭ - تيانجين - حىبەيدى سايكەستى دامىتۋ، چاڭجياڭ ەكونوميكالىق بەلدەۋىنىڭ دامۋى، حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامۋ سياقتى كەلەلى ستراتەگيالاردى ىلگەرىلەتۋگە ويداعىداي قىزمەت وتەۋى كەرەك. ورنىقتىلىق بارىسىندا ىلگەرىلەۋ سىندى قىزمەت نەگىزگى ارناسىنان جازباي، ىندەتتەن ساقتانۋ ـ تىزگىندەۋ مەن مادەنيەتتى جانە ساياحاتتى دامىتۋدى ٴبىر تۇتاس جوسپارلاپ ىلگەرىلەتىپ، ىندەتتىڭ ىقپالىن كۇش سالا جەڭىپ، كاسىپ سالاسىنىڭ قالپىنا كەلۋىن، دامۋىن ىلگەرىلەتىپ، بازار تۇلعالارى مەن كاسىپپەن شۇعىلدانۋشىلاردىڭ قيىنشىلىعىن شەشۋ، سونىمەن بىرگە ىندەتتەن ساقتانۋ ـ تىزگىندەۋ تالابىن تيتتەي دە بوساڭسىماي تياناقتاندىرىپ، ٴوندىرىس حاۋىپسىزدىگى قىزمەتىن ويداعىداي ىستەۋ كەرەك.

 (اۆتور مادەنيەت جانە ساياحات مينيسترلىگى پارتيا باسشىلىق گرۋپپاسىنىڭ شۋجيى، مينيسترى) 

«حالىق گازەتىنىڭ» (2022 ـ جىلى 4- ايدىڭ 6 - كۇنگى 9  - بەتىنەن اۋدارعان: گۇلناز مەدەلقان قىزى