汉文 ىلە اقپارات تورابىنا حوش كەلدىڭىزدەر!
«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
2022-09-18 12:05:35     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى


«جۇڭگوشا سوتسياليزمگە تاباندى بولۋدى جانە ونى دامىتۋدى باستان - اياق دايەكتىلەندىرۋ كەرەك»


شينحۋا اگەنتتىگىنىڭ 9 - ايدىڭ 15 - كۇنى بەيجيڭنەن بەرگەن حابارى. 9 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 18 - سانى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭنىڭ «جۇڭگوشا سوتسياليزمگە تاباندى بولۋدى جانە ونى دامىتۋدى باستان - اياق دايەكتىلەندىرۋ كەرەك» اتتى ماڭىزدى ماقالاسىن جاريالايدى.

ماقالادا مىنالار باسا دارىپتەلدى: جاڭا داۋىردەگى جۇڭگوشا سوتسياليزم − پارتيامىزدىڭ حالىققا باسشىلىق ەتىپ جۇرگىزگەن ۇلى قوعامدىق توڭكەرىسىنىڭ جەمىسى ٴارى پارتيامىزدىڭ حالىققا باسشىلىق ەتىپ جۇرگىزگەن ۇلى قوعامدىق توڭكەرىسىنىڭ جالعاسى، ٴسوز جوق، باستان - اياق دايەكتىلەندىرە بەرۋ قاجەت. تاريح پەن رەالدىق بىزگە قوعامدىق توڭكەرىستىڭ سوڭعى جەڭىسىنە قول جەتكىزۋ قاشان دا ۇزاققا جالعاسقان تاريحي ۇدەرىستى قاجەت ەتەتىندىگىن ۇعىندىردى. باسىپ وتكەن جولعا قايىرىلا قاراپ، باسقالار جۇرگەن جولمەن سالىستىرىپ، الداعى جولعا الىستان كوز تاستاعاندا عانا ٴبىزدىڭ قايدان كەلىپ، قايدا باراتىندىعىمىزدى انىق اجىراتۋعا بولادى، كوپتەگەن ماسەلەلەردى سوندا عانا تەرەڭنەن تانىپ، ٴدال يگەرۋگە بولادى.

ماقالادا مىنالار اتاپ كورسەتىلدى: جۇڭگوشا سوتسياليزم اسپاننان تۇسكەن جوق، قايتا پارتيا مەن حالىقتىڭ مىڭ ٴبىر ماشاقاتتى باستان كەشىپ، سان الۋان بوداۋ بەرىپ قولعا كەلتىرگەن قىمباتتى ناتيجەسى. بۇل ناتيجەگە قول جەتكىزۋ وڭايعا تۇسكەن جوق.

ماقالادا مىنالار اتاپ كورسەتىلدى: رەفورما جاساپ، ەسىك اشقاننان بۇگىنگە دەيىن، ٴبىز ۇزبەي امالياتتان وتكىزىپ جانە ىزدەنىس جاساپ، جۇڭگو كوممۋنيستىك پارتياسىنىڭ باسشىلىعى مەن ەلىمىزدىڭ سوتسياليستىك تۇزىمىنە تاباندى بولۋ العى شارتىندا، سوتسياليزم جولى، نازارياسى، ٴتۇزىمى، مادەنيەتى جاقتارىندا ٴبىر قىدىرۋ توڭكەرىس سيپاتتى وزگەرىستەردى جۇرگىزىپ، جۇڭگوشا سوتسياليزم جولىن اشىپ، ەلىمىز دامۋىنىڭ ارشىندى قاداممەن ٴداۋىردى قۋىپ جەتۋىنە مۇمكىندىك جاسادىق. جۇڭگوشا سوتسياليزمنىڭ جۇڭگودا قول جەتكىزگەن وراسان زور تابىسى سوتسياليزمنىڭ قۇرىپ - جوعالماعاندىعىن، قۇرىپ - جوعالمايتىندىعىن، ونىڭ ۇستىنە قارىشتاعان جالىندى ومىرشەڭدىك كۇش قاۋلاتقاندىعىن كورسەتتى. عىلمي سوتسياليزمنىڭ جۇڭگودا تابىسقا قول جەتكىزۋى ماركسيزم، عىلمي سوتسياليزم جونىنەن، دۇنيە جۇزىندەگى سوتسياليزم جونىنەن توتەنشە كەلەلى ٴمان الادى.

ماقالادا مىنالار اتاپ كورسەتىلدى: تۋ باعداردى بەلگىلەيدى، جول تاعدىردى بەلگىلەيدى. پارتيانىڭ 19 - قۇرىلتايىندا جۇڭگوشا سوتسياليزمنىڭ جاڭا داۋىرگە وتكەنى تۋرالى كەلەلى ساياسي تۇجىرىم جاسالدى، ٴبىز وسى جاڭا ٴداۋىردىڭ الدەبىر باسقاشا جاڭا ٴداۋىر ەمەس، جۇڭگوشا سوتسياليزمنىڭ جاڭا ٴداۋىرى ەكەندىگىن، ٴسوز جوق، جىعا تانۋىمىز كەرەك. پارتيا جاڭا تاريحي ورىندا جاڭا داۋىردەگى پارتيانىڭ تاريحي بورىشىن وتەۋى ٴۇشىن، ەڭ ٴتۇبىرلىسى، جۇڭگوشا سوتسياليزم ۇلى تۋىن بيىك ۇستاۋى كەرەك. جۇڭگوشا سوتسياليزم 21 - عاسىرداعى عىلمي سوتسياليزمنىڭ دامۋىنىڭ تۋىنا اينالۋدا، دۇنيە ٴجۇزى سوتسياليزمىن گۇلدەندىرۋدىڭ مىزعىماس تىرەگىنە اينالۋدا، پارتيامىزدا عىلمي سوتسياليزمنىڭ جاڭا دامۋىنا اناعۇرلىم زور تاريحي ۇلەس قوساتىن جاۋاپكەرشىلىك بار، سەنىم بار، قابىلەت بار.

ماقالادا مىنالار اتاپ كورسەتىلدى: اۋەلگى ماقساتتى ۇمىتپاي، بورىشتى ەستە بەرىك ساقتاۋ ٴۇشىن، ٴوزىمىزدىڭ كوممۋنيست، توڭكەرىسشى ەكەنىمىزدى استە ۇمىتپاۋىمىز، توڭكەرىستىك رۋحتى جوعالتپاۋىمىز كەرەك. پارتيامىز توڭكەرىستى، قۇرىلىستى، رەفورمانى باستان كەشىرىپ، حالىققا باسشىلىق ەتىپ بۇكىل ەلدىڭ بيلىگىن قولعا كەلتىرۋ ٴۇشىن كۇرەس جۇرگىزگەن پارتيادان حالىققا باسشىلىق ەتىپ بۇكىل ەلدىڭ بيلىگىن مەڭگەرگەن ٴارى ۇزاق ۋاقىت بيلىك جۇرگىزگەن پارتياعا اينالدى؛ سىرتقى جاقتىڭ قۇرساۋلاۋىنا ۇشىراعان جانە جوسپارلى شارۋاشىلىق جۇرگىزگەن شارت - جاعدايدا مەملەكەت قۇرىلىسىنا باسشىلىق ەتكەن پارتيادان سىرتقا ەسىك اشقان جانە سوتسياليستىك بازار شارۋاشىلىعىن دامىتقان شارت - جاعدايدا مەملەكەت قۇرىلىسىنا باسشىلىق ەتكەن پارتياعا اينالدى. پارتيامىز ماركسيزمدىك بيلىك باسىنداعى پارتيا، سونىمەن بىرگە ماركسيزمدىك توڭكەرىستىك پارتيا، وتكەندەگى توڭكەرىستىك سوعىس مەزگىلىندەگى قۋاتتى ارىندى، توڭكەرىستىك قىزۋ ىنتانى، جان قيارلىق رۋحتى ساقتاپ، توڭكەرىستىك قىزمەتتى سوڭىنا دەيىن جالعاستىرۋ كەرەك.

ماقالادا مىنالار باسا دارىپتەلدى: كەشەگى تابىستار بۇدان كەيىن دە ماڭگى تابىستى بولاتىنىمىزدىڭ نىشانى ەمەس، وتكەندەگى سالتاناتتار بۇدان كەيىن دە ماڭگى سالتانات قۇشاتىنىمىزدان دەرەك بەرمەيدى. ٴداۋىر − ەمتيحان الۋشى، ٴبىز − ەمتيحان بەرۋشىمىز، حالىق − ەمتيحان تەكسەرۋشى. پارتيا مەن مەملەكەتتىڭ گۇلدەنىپ - كوركەيۋىن، باياندى تىنىشتىعىن جۇزەگە اسىرۋ ٴۇشىن، بۇكىل پارتياداعى جولداستار، ٴسوز جوق، توڭكەرىستىك رۋحتى، توڭكەرىستىك جىگەردى ساقتاپ، پارتيامىز حالىققا باسشىلىق ەتىپ جۇرگىزگەن ۇلى قوعامدىق توڭكەرىستى ۇزدىكسىز باتىلدىقپەن ىلگەرىلەتە بەرۋى، جەڭىسكە جەتكەندە استە ماساتتانباي، تابىسقا جەتكەندە استە سالعىرتسىماي، قيىندىققا ۇشىراعاندا استە توقىراماي، جۇڭگوشا سوتسياليزمنىڭ ونان سايىن قۋاتتى، ونان سايىن يلانىمدى اقيقات كۇشىن تانىتۋىنا مۇمكىندىك جاساۋ جولىندا قۇلشىنا ٴتۇسۋى كەرەك.