− پارتيا 18 - قۇرىلتايىنان بەرگى ەلىمىزدىڭ مادەنيەت قۇرىلىسى جونىندە شولۋ
شينحۋا اگەنتتىگىنىڭ ءتىلشىسى شى جيڭنان
”مادەنيەت ءبىر مەملەكەتتىڭ، ءبىر ۇلتتىڭ جانى. مادەنيەت كوركەيسە مەملەكەت كوركەيەدى، مادەنيەت كۇشەيسە ۇلت قۇدىرەتتەنەدى“.
پارتيا 18 - قۇرىلتايىنان بەرى باس شۋجي شي جينپيڭ مادەنيەت قۇرىلىسىنا ايرىقشا ءمان بەرىپ، حالىقتى وزەك ەتكەن قىزمەت بەتالىسىنا تاباندى بولىپ، تۋ ۇستاپ، جۇرت تىلەگىن توعىستىرىپ، جاڭا ادام تاربيەلەپ، مادەنيەتتى گۇلدەندىرىپ، وبرازدى ايگىلەپ، يدەولوگيا قىزمەتىنە بولعان باسشىلىق ۇقىقتى بەرىك يگەرىپ، قۋاتتى ۇيىستىرۋ كۇشى مەن جەتەكشىلىك كۇشىنە يە سوتسياليستىك يدەولوگيا ورناتتى، سوتسياليستىك مادەنيەتتە قۋاتتى ەل قۇردى، تۇتاس ۇلتتىڭ مادەنيەتتە جاڭالىق اشۋ، جاسامپازدىق اشۋ ومىرشەڭدىگىن قاۋلاتىپ، جۇڭگو رۋحىن، جۇڭگو قۇنىن، جۇڭگو كۇشىن اناعۇرلىم ويداعىداي تۇلعالادى.
”جۇڭحۋا پەرزەنتتەرىنىڭ ىنتىماقتاسا ەكپىندەي ىلگەرىلەپ، العان بەتىنەن قايتپايتىن يدەيالىق نەگىزىن بەكەمدەدى“
بۇكىل پارتيا، بۇكىل قوعام پارتيا 20 - قۇرىلتايىنىڭ جەڭىسپەن اشىلۋىن شاتتىقپەن قارسى العان ساتتە، «شي جينپيڭ ەل باسقارۋ جونىندە» 4 - تومىنىڭ حانزۋشا - اعىلشىنشا باسىلىمدارى باسپادان شىعىپ، ەل ىشىندە جانە شەتەلدەردە تاراتىلدى.
”جۇرت تىلەگى ەڭ ۇلكەن ساياسي“، ”پارتيامىز بۇكىل ىنتا - پەيىلىمەن حالىق ءۇشىن قىزمەت ىستەيتىن پارتيا“، ”حالىقتىڭ تاماشا تۇرمىسقا دەگەن تالپىنىسىن باستان - اياق اينىماس كۇرەس نىسانامىز ەتەمىز“... سانشي تاييۋان قالاسى يىڭزى رايوندىق پارتكوم پارتيا مەكتەبى يىڭزى ءمالىسى بولىمشە مەكتەبىنىڭ كلاسىندا نەشە ونداعان ءمالى، الەۋمەتتىك اۋماق كادرى باسپادان ەندى عانا شىققان «شي جينپيڭ ەل باسقارۋ جونىندە» 4 - تومىن ارقاۋ ەتە وتىرىپ ۇيرەنۋ ورىستەتتى ءارى پىكىر اۋىستىرىپ، وي ورتاقتاستى.
1 - تومنان 4 - تومعا دەيىن وسى شىعارمادا ماركسيزمنىڭ جۇڭگوشالانۋىنىڭ، زامانالانۋىنىڭ ەڭ جاڭا جەتىستىكتەرى شوعىرلى بەينەلەندى.
جۇڭگوشا سوتسياليزم جاڭا داۋىرگە وتكەندە، سىرتقا قاراساق، دۇنيە ءجۇزى كولەمىندە يدەيا، مادەنيەت ءوزارا ىقپال جاساۋدا؛ ىشكە قاراساق، ەلىمىز قوعامىنىڭ يدەيالىق كوزقاراسىندا تەرەڭ وزگەرىس تۋىلۋدا. جۇڭحۋا ۇلتىنىڭ ماڭگىلىك ۇلى ءىسىن مۇرات تۇتقان شي جينپيڭ جولداستى ۇيتقى ەتكەن پارتيا ورتالىق كوميتەتى تۋ ۇستاپ، بەتالىس بەلگىلەپ، تۋراشىلدىقتى ساقتاپ، جاڭالىق اشىپ، ماركسيزمنىڭ نەگىزگى قاعيدالارىن جۇڭگونىڭ ناقتى امالياتىمەن ۇشتاستىرۋعا، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋعا تاباندى بولىپ، مەملەكەت ءۇشىن مۇرات ورناتىپ، ۇلت ءۇشىن رۋح سومداپ، اقيقات نۇرىمەن گۇلدەنۋ جولىن نۇرلاندىردى.
10 جىلدان بەرى يدەولوگيا سالاسىنىڭ جاعدايىندا جالپى جاعداي سيپاتتى، ءتۇبىرلى سيپاتتى بۇرىلىس تۋىلدى −
ماركسيزمنىڭ يدەولوگيا سالاسىنداعى جەتەكشىلىك ورنى سىندى ءتۇبىرلى ءتۇزىمدى بەرىك ورناتىپ جانە وعان تاباندى بولىپ، يدەولوگيا قىزمەتى جاۋاپكەرشىلىك ءتۇزىمىن اقاۋسىزداندىرىپ، بۇكىل پارتيانىڭ اتتانىسقا كەلىپ ۇگىت - يدەيا قىزمەتىن يگەرۋىن، اركىم ءوز جاۋاپكەرشىلىگىن ءبىلۋدى، اركىم ءوز جاۋاپكەرشىلىگىن ارقالاۋدى، اركىم ءوز جاۋاپكەرشىلىگىن ادا ەتۋدى ىلگەرىلەتتى؛
مەملەكەتتىك ۇگىت - يدەيا قىزمەتى ءماجىلىسىن اشىپ، ادەبيەت - كوركەمونەر قىزمەتى، پارتيانىڭ اقپاراتتىق قوعامدىق پىكىر قىزمەتى، ينتەرنەت حاۋىپسىزدىگى جانە ينفورماتسيالاندىرۋ قىزمەتى، فيلوسوفيا - قوعامدىق عىلىمدار قىزمەتى اڭگىمە ءماجىلىسىن جانە مەملەكەتتىك جوعارى مەكتەپتەردىڭ يدەيالىق - ساياسي قىزمەتى ءماجىلىسىن جەكە - جەكە اشىپ، پرينسيپتىك تۇرعىنى ەگجەي - تەگجەيلى ءتۇسىندىردى، نازاريالىق دۇرىس - بۇرىستى ايقىندادى، قىزمەت بەتالىسىن دۇرىستادى؛
پارتيانىڭ جاسامپاز نازارياسىمەن بۇكىل پارتيانى قارۋلاندىرىپ، حالىقتى تاربيەلەپ، امالياتقا جەتەكشىلىك ەتىپ، ماركسيزم نازارياسى زەرتتەۋىن جانە قۇرىلىسىن تەرەڭدەتىپ، جۇڭگوشا فيلوسوفيا - قوعامدىق عىلىمدار ءپان جۇيەسى، ءىلمي جۇيەسى، ءسوز جۇيەسى قۇرىلىسىن ىلگەرىلەتتى؛
مەديالاردىڭ توعىسپالى دامۋىن ىلگەرىلەتىپ، ينتەرنەتكە باسشىلىق ەتۋ جانە باسقارۋ ءتۇزىلىسىن اقاۋسىزداندىرىپ، ينتەرنەتتى زاڭمەن باسقارۋعا، جونگە سالۋعا تاباندى بولىپ، تازا ينتەرنەت كەڭىستىگىن ورناتتى...
ءبىر قىدىرۋ ماڭىزدى سوزدەر، ءبىر - بىرلەگەن كەلەلى ورنالاستىرۋلار، تالايلاعان پارمەندى شارالار يدەولوگيا سالاسىنىڭ العا باسقان، جاقسارعان جاعدايىنىڭ ۇزدىكسىز بەكەمدەلۋىن ىلگەرىلەتتى.
10 جىلدان بەرى، بۇكىل قوعامنىڭ ۇيىسۋ قۋاتى مەن سەنترگە تارتۋ قۋاتى بارىنشا ارتتى −
2021 - جىلى جاز ورتاسى كەزىندە، جۇڭگو كوممۋنيستىك پارتياسى تاريحى كورمە سارايى اشىلدى. ءبىر جىلدان استام ۋاقىتتان بەرى، قوعامنىڭ ءار سالاسىنان كەلىپ ەكسكۋرسيالاعان قايراتكەرلەردىڭ اياعى ۇزىلمەدى، ادامدار بۇل ارادان جۇڭگو كوممۋنيستەرىنىڭ رۋحاني شەجىرەسىن وقىپ ءتۇسىنىپ، ءبىر ۇلى ساياسي پارتيانىڭ اۋەلگى ماقساتىن، بورىشىن ۇعىندى.
ادامدا رۋح بولماسا ەڭسەسىن كوتەرىپ تۇرا المايدى، مەملەكەتتە رۋح بولماسا قۇدىرەتتەنە المايدى.
پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى سوتسياليستىك وزەكتى قۇن كوزقاراسى ارقىلى مادەنيەت قۇرىلىسىنا جەتەكشىلىك ەتۋگە تاباندى بولىپ، سوتسياليستىك وزىق مادەنيەتپەن، توڭكەرىستىك مادەنيەتپەن، جۇڭحۋانىڭ تاڭداۋلى ءداستۇرلى مادەنيەتىمەن نەگىز قالاپ، رۋحتى سومداۋعا باسا ءمان بەردى.
”قانداي ەرلىك! چىن شۋشياڭ قۇربان بولعان قاھارمانداردىڭ ىشىندەگى ەڭ تيپتىك بىرەۋى“.
2021 - جىلى 4 - ايدىڭ 25 - كۇنى، گۋاڭشيدەگى قىزىل ارميانىڭ ۇزاق جورىعىنداعى شياڭجياڭ شايقاسى ەسكەرتكىش سارايىندا ماي بوياۋلى سۋرەت «چىن شۋشياڭنىڭ» الدىندا، باس شۋجي شي جينپيڭ شىن جۇرەكتەن ءسۇيىنىش ءبىلدىردى.
باس شۋجي شي جينپيڭنىڭ ىزىنە زەر سالساق، ەسكەرتكىش الدىنداعى ءاربىر سالماقتى ىززەت ءبىلدىرۋدىڭ، ەسكەرتكىش سارايىنداعى ءار رەتكى تەرەڭ سۇيىسپەنشىلىكپەن كوز الماي قاراۋدىڭ، باتىرلاردىڭ حيكايالارىن ءار رەت اسەرلى بايانداۋدىڭ بارلىعى دا جۇڭگو رۋحىنا دەگەن قۇرمەت پەن اسقاقتاتۋدى ايگىلەدى.
”ءبىز قۇراتىن سوتسياليستىك وسىزاماندانعان قۇدىرەتتى مەملەكەت زاتتىق جاقتان قۇدىرەتتى بولىپ قانا قالماستان، ماڭىزدىسى، رۋحاني جاقتان دا قۇدىرەتتى بولۋ كەرەك“.
جۇڭگوشا سوتسياليزم مەن جۇڭگو ارمانى ۇگىت تاربيەسىن كەڭىنەن ورىستەتىپ، مۇرات - سەنىم تاربيەسىن ۇدايىلاندىرۋدى، تۇزىمدەندىرۋدى ىلگەرىلەتىپ، يدەيالىق - ساياسي قىزمەت جۇيەسىن كەمەلدەندىرۋدەن پارتيا مەن مەملەكەتتىڭ ەلەۋلى ەڭبەك سىڭىرگەن ۇزدىكتەرگە وردەن، داڭقتى اتاق بەرۋ جانە ماراپاتتاۋ ءتۇزىمىن ورناتىپ، كەمەلدەندىرىپ، قۇربانداردى ەسكە الۋ كۇنىن بەلگىلەۋگە دەيىن، ونان بۇقارالىق رۋحاني وركەنيەتتى ورىن قۇرۋدى تەرەڭدەتىپ، جاڭا داۋىردەگى وركەنيەت امالياتى ورتالىعىن قۇرىپ، ۇيرەنۋگە قۇلىقتى ءىرى ەل قۇرىلىسىن ىلگەرىلەتۋگە دەيىن... مۇرات - سەنىمنىڭ نەگىزى ءتىپتى دە بەكەمدەلىپ، رۋحاني وركەنيەتتىڭ گۇلى بارعان سايىن جايقالا ءتۇستى.
جاڭا داۋىرگە كوز جىبەرسەك، وڭ ەنەرگيا اناعۇرلىم قۋاتتى، نەگىزگى اۋەن اناعۇرلىم اسقاق بولىپ، جۇڭحۋا ۇلتىنىڭ رۋحاني شۋاعى شار تاراپقا نۇرىن توكتى.
”جۇڭحۋا مادەنيەتىنىڭ جاسامپازدىقپەن كادەگە جاراۋىن جانە جاسامپازدىقپەن دامۋىن جۇزەگە اسىردى“
جۇڭچيۋ مەرەكەسى كەزى، حاڭجوۋدىڭ لياڭجۋىندا، جۇڭگو مەملەكەتتىك باسىلىم سارايى حاڭجوۋ بولىمشە سارايىنىڭ ”ۋىنرۇنگىسى“ اي ساۋلەسى اياسىنداعى ولەڭ تارتىمدىلىعىن، سۇڭ ءداۋىرىنىڭ اسەم اۋەنىن اپپارات كوزىمەن ەستەلىككە الدى. اي ساۋلەسى مىڭ جىلدار بويى وزگەرمەگەنىمەن، ءداۋىر تىڭ تىنىسقا اۋىستى.
2022 - جىلى 7 - ايدىڭ سوڭىندا، جۇڭگو مەملەكەتتىك باسىلىم سارايى رەسمي اشىلدى. جاڭا داۋىردەگى وسى مەملەكەتتىك مادەنيەت سارايى وركەنيەتتىڭ ۇشقىنىن قورعاپ، مادەنيەت تامىرىن ماڭگى جالعاستىرىپ، پارتيامىزدىڭ جۇڭحۋا مادەنيەتىن جالعاستىرۋداعى، دامىتۋداعى وسكەلەڭ سانالىلىعىن، تاريحتان اقىل - پاراسات قابىلداپ، بولاشاققا اناعۇرلىم جاقسى بەت الۋدىڭ تاريحي ىرىقتىلىعىن تولىق ايگىلەدى.
وسكەلەڭ مادەنيەت سەنىمى بولماسا، مادەنيەتتىڭ گۇلدەنىپ - كوركەيۋى بولماسا، جۇڭحۋا ۇلتىنىڭ ۇلى گۇلدەنۋى بولمايدى.
”جۇڭحۋانىڭ تاڭداۋلى ءداستۇرلى مادەنيەتى − جۇڭحۋا ۇلتىنىڭ كورنەكتى ابزالدىلىعى، ءبىزدىڭ دۇنيە ءجۇزى مادەنيەتىنىڭ اساۋ تولقىنىندا تابان تىرەپ تۇرا الۋىمىزدىڭ نەگىزى، ونى، ءسوز جوق، جاڭا داۋىرلىك شارت - جاعدايمەن ۇشتاستىرىپ، ويداعىداي جالعاستىرۋ جانە اسقاقتاتۋ كەرەك“.
باس شۋجي شي جينپيڭ جۇڭحۋانىڭ تاڭداۋلى ءداستۇرلى مادەنيەتىن جالعاستىرۋعا، اسقاقتاتۋعا ەرەكشە باسا ءمان بەرىپ، مادەنيەت سەنىمىن بەكەمدەۋدى جانە ونى جۇڭگوشا سوتسياليزمنىڭ ”ءتورت سەنىمىنە“ قامتۋدى ايقىن العا قويىپ، ”ماركسيزمنىڭ نەگىزگى قاعيدالارىن جۇڭگونىڭ ناقتى امالياتىمەن ۇشتاستىرۋعا، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋعا تاباندى بولۋدى“ ايقىن العا قويىپ، جۇڭحۋانىڭ تاڭداۋلى ءداستۇرلى مادەنيەتىنىڭ جاسامپازدىقپەن كادەگە جاراۋىن، جاسامپازدىقپەن دامۋىن ىلگەرىلەتتى.
باس شۋجي شي جينپيڭنىڭ تىكەلەي كوڭىل ءبولىپ ىلگەرىلەتۋىندە، جۇڭحۋا مادەنيەتىنىڭ تامىرى ۇزدىكسىز جالعاسۋ بارىسىندا اسقاقتاپ، وركەندەپ، قۋاتتى تىرشىلىك كۇشىن، ۇيىستىرۋ كۇشىن، ىقپال كۇشىن ايگىلەدى −
«مادەني ەسكەرتكىشتەردى قورعاۋ جانە ونان پايدالانۋ رەفورماسىن كۇشەيتۋ جونىندەگى ءبىرقانشا پىكىر»، «ۇلى قورعان، ۇلى كانال، ۇزاق جورىق مەملەكەت مادەنيەت باقشاسى قۇرىلىسى جوباسى»، «قالا، اۋىل قۇرىلىسىندا تاريحي مادەنيەتتەردى قورعاۋدى، جالعاستىرۋدى كۇشەيتۋ جونىندەگى پىكىر» سياقتىلاردى شىعارىپ، جۇڭحۋانىڭ تاڭداۋلى ءداستۇرلى مادەنيەتىن جالعاستىرۋ، دامىتۋ ينجەنەرياسىن ىشكەرىلەي اتقارىپ، مەملەكەتتىڭ مادەنيەت جۇمساق قۋاتىنىڭ نەگىزى ءتىپتى دە بەكەمدەلدى؛
مادەنيەت بايلىعىن جاپپاي تەكسەرىپ سالالاۋدى ىشكەرىلەي ورىستەتىپ، مادەنيەت بايلىعىنىڭ ءمان - جايىن انىقتاپ، مادەنيەت مۇرالارىن قورعاۋ تىڭ ساتىعا كوتەرىلدى، ەلىمىزدەگى 42 بەيزاتتىق مادەنيەت مۇرالارى نىسانى بىرلەسكەن مەملەكەتتەر ۇيىمى وقۋ - اعارتۋ، عىلىم جانە مادەنيەت ۇيىمىنىڭ تىزىمىنە ەنگىزىلىپ، دۇنيە ءجۇزى بويىنشا ءبىرىنشى ورىنعا شىقتى؛
«اۋىل ساعىنىشىن ۇمىتپا»، «كلاسسيك كىتاپتارداعى جۇڭگو»، «مەملەكەت اسىلى»، «تاڭ ورداسىنداعى كەشكى قوناعاسى» سياقتى تەلەۆيزيا باعدارلامالارىنىڭ جان كۇيەرلەرى شەكسىز كوپ بولىپ، ءداستۇرلى مەرەكە مادەنيەتى جۇرت جۇرەگىنە تەرەڭ ۇيالاپ، مادەني ەسكەرتكىشتەر ورلەۋى، بەيزاتتىق مادەنيەت مۇرالارى ورلەۋى سياقتىلار تۇس - تۇستان كوتەرىلدى... جۇڭحۋانىڭ تاڭداۋلى ءداستۇرلى مادەنيەتى ەكونوميكالىق، قوعامدىق دامۋ مەن ادامداردىڭ كۇندەلىكتى تۇرمىسىنا توعىسىپ، وسى زامانعى قۇنى مەن ماڭگىلىك تارتىمدىلىعىن قاۋلاتتى؛
ءبىرسىپىرا كەلەلى ديپلوماتيالىق قيمىلدار دۇنيە جۇزىنە جۇڭگو تاجىريبەسىن جان - جاقتى، كوپ تۇرعىدان تانىستىرىپ، جۇڭگو ءۇنىن جەتكىزدى؛ كوپ ساتىلى مادەنيەت اۋىس - كۇيىسى كەڭ كولەمدە ورىستەتىلىپ، ”جۇڭگونى سەزىنۋ“، ”شاتتىققا تولى كوكتەم مەرەكەسى“، ”كۇللى دۇنيە كوكتەم مەرەكەسىن بىرگە تويلاۋ“ سياقتى سىرتقا باعىتتالعان مادەنيەت اۋىس - كۇيىس قيمىلدارى بۇكىل الەمدە جۇڭگو ورلەۋىن كوتەردى... دۇنيە جۇزىنە جۇڭگو حيكاياسىن ويداعىداي بايانداپ، جۇڭگو ءۇنىن ويداعىداي تاراتىپ، مەملەكەتتىڭ مادەنيەت جۇمساق قۋاتى، جۇڭحۋا مادەنيەتىنىڭ ىقپال كۇشى كورنەكتى جوعارىلادى.
”مۇراجايدا ساقتالعان مادەني مۇرالارعا، بايتاق دالادا ساقتالعان مۇراعاتتارعا، بايىرعى كىتاپتاردا جازىلعان جازۋلارعا جان ءبىتىرىپ، جۇڭحۋا وركەنيەتىنىڭ دۇنيە جۇزىندەگى ءار ەل حالقى جاراتقان باي دا الۋان ءتۇرلى وركەنيەتپەن بىرگە ادامزاتقا دۇرىس رۋحاني جەتەكشىلىك جانە قۋاتتى رۋحاني قوزعاۋشى كۇش ازىرلەۋىنە مۇمكىندىك جاساۋ كەرەك“.
مادەنيەت سەنىمىن بەكەمدەپ، مادەنيەتتە قۇدىرەتتى ەل قۇرىپ، داۋىرمەن تەڭ ىلگەرىلەۋ، تۋراشىلدىقتى ساقتاپ، جاڭالىق اشۋ بارىسىندا جۇڭحۋا مادەنيەتى جاڭا داۋىرلىك شۇعىلا شاشىپ، جۇڭحۋا وركەنيەتىنىڭ ءار ەل وركەنيەتىمەن بىرگە كوركەمدىكتەن ورتاقتاسۋىن، جاراسىمدى بىرگە ءومىر ءسۇرۋىن ىلگەرىلەتتى.
”بۇكىل ۇلتتىڭ مادەنيەتتە جاڭالىق اشۋ، جاسامپازدىق جاراتۋ ومىرشەڭدىك كۇشىن جالىنداتتى“
AR كوزىلدىرىگىن تاعىپ، ”دۇنيەدە سيرەك كەزدەسەتىن اسىل زات“ بوجۇيليدىڭ ارعى جاعىنداعى حيكايالارعا ءۇڭىلدى؛ ۆيرتۋالدىق پەن رەالدىق توعىسقان سيفرلى كەڭىستىكتە، دۇنحۋاڭ موگاۋ ۇڭگىرىن ”بۇلتتا“ ەلىتە ارالادى... 2022 - جىلعى جۇڭگو حالىقارالىق قىزمەت وتەۋ ساۋدا جارمەڭكەسىندە، عىلىم - تەحنيكا مەن مادەنيەتتىڭ ءوزارا توعىسۋى ەكسكۋرسيالاۋشىلاردىڭ ”مىڭ شاقىرىمنان اسىپ وتۋىنە، مىڭ جىلدان كوكتەي وتۋىنە“ مۇمكىندىك جاسادى.
”الەۋمەتتىك مادەنيەتتى سيفرلاندىرۋ قۇرىلىسىن ىلگەرىلەتىپ، نەگىزگى ساتى مادەنيەت قۇرىلعىلارىنىڭ ورنالاسۋىن ساپالىلاندىرۋدى جانە بايلىقتان تەڭ يگىلىكتەنۋدى جەبەپ، ساپالى مادەنيەت ونىمدەرىمەن جانە قىزمەت وتەۋمەن قامداۋدى كەڭەيتىپ، مادەنيەت كاسىپ سالاسىنىڭ دامۋىنا قولداۋ كورسەتىلدى“... 2022 - جىلعى ۇكىمەت قىزمەتىنەن باياندامادا مادەنيەت ارقىلى حالىققا تيىمدىلىك جەتكىزۋدىڭ ”قوماقتى سيى“ ايقىندالىپ، حالىق بۇقاراسىنا ”مادەنيەتتە دوڭگەلەك داۋلەتتىلىككە جەتۋ“ الا كەلگەن باقىت سەزىمىن شىنايى سەزىندىردى.
10 جىلدان بەرى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، ەلىمىزدىڭ مادەنيەت قۇرىلىسىندا قاۋىرت دامىعان، اناعۇرلىم گۇلدەنگەن جاندى جاعداي جارىققا شىعىپ، بۇكىل پارتيانىڭ، بۇكىل ەلدەگى ءار ۇلت حالقىنىڭ مادەنيەت سەنىمى كورنەكتى كۇشەيىپ، بۇكىل ۇلتتىڭ مادەنيەتتە جاڭالىق اشۋ، جاڭالىق جاراتۋ ومىرشەڭدىگى جاپپاي قاۋلادى.
2019 - جىلعى مەملەكەتتىك ەكى ءماجىلىس كەزىندە، باس شۋجي شي جينپيڭ مادەنيەت، كوركەمونەر سالاسىنىڭ، قوعامدىق عىلىمدار سالاسىنىڭ مەملەكەتتىك ساياسي كەڭەس مۇشەلەرىنە امانداسا بارعاندا بىلاي دەپ باسا دارىپتەدى: ”مادەنيەت سەنىمىن بەكەمدەپ، ءداۋىر تىنىسىن يگەرىپ، ءداۋىر ۇنىنە قۇلاق ءتۇرىپ، داۋىرمەن تەڭ قادام باسۋعا، حالىقتى وزەك ەتۋگە، حالىققا سارا تۋىندىلار ۇسىنۋعا، تاماشا مورالمەن سالتقا جەتەكشىلىك ەتۋگە تاباندى بولۋ كەرەك“.
قوعامدىق ونىمدىلىكتى ماڭداي الدى ورىنعا قويۋعا، قوعامدىق ونىمدىلىك پەن ەكونوميكالىق ونىمدىلىكتىڭ ءوزارا بىرلىگىنە تاباندى بولىپ، مادەنيەت ىستەرى مەن مادەنيەت كاسىپ سالاسىنىڭ جاپپاي دامۋىن ىلگەرىلەتىپ، حالىققا اناعۇرلىم كوپ، اناعۇرلىم جاقسى رۋحاني ازىق ازىرلەدى.
جاڭا داۋىردەگى ادەبيەت - كوركەمونەر باعىندا بارلىق گۇل شەشەك اتىپ، كەسەك تابىستارعا قول جەتتى −
«مەن جانە مەنىڭ وتانىم»، «چاڭجينحۋ» كينولارىندا، «ويانعان جىلدار»، «شانحايچيڭ» سياقتى تەلەفيلمدەردە تاريحي ۇلتاندىلىق سەزىم مەن رەال قامقورلىق بار؛ «اۋىل - قىستاقتاعى مەملەكەت زور ىستەرى»، «شىبادۇڭ قىستاعىنداعى 18 حيكايا» سياقتى دەرەكتى ادەبيەتتەر كەدەيلىكتەن ارىلتۋ حيكايالارىن جاندى باياندايدى؛ «ءومىر»، «باس كەيىپكەر» سياقتى رەال تاقىرىپتاعى تاڭداۋلى روماندار ”ماۋدۇن ادەبيەت سيلىعىن“ ەنشىلەدى؛ «سۇيىسپەنشىلىكتىڭ جەڭەتىندىگىنە كامىل سەنەمىن» اتتى ءان، «سەسترا كۇندەلىكتەرى» اتتى تەاتر ىندەت كەزىندەگى قاراپايىم قاھارمانداردى جىرلايدى؛ قايتا دايىندالعان ۇلتتىق وپەرا «پارتيانىڭ قىزى»، ءبي تەاتر «ماڭگى ۇزىلمەس ەلەكتر تولقىنى» سياقتىلار قاھارماندار وبرازىن جاسامپاز تاسىلمەن قايتا كورسەتەدى؛ «كۇرەس جۇرگىزەيىك، جۇڭحۋا ۇلاندارى»، «ۇلى جورىق» سياقتى كەلەلى نەگىزگى تاقىرىپتىق ادەبيەت - كوركەمونەر قيمىلدارى قوعامدا قىزۋ اڭىس قوزعادى...
بۇقارانىڭ مادەنيەت تۇرمىسى كۇن سايىن مول دا الۋان ءتۇرلى بولدى −
حالىق بۇقاراسىنىڭ جاڭا قاجەتىنە، جاڭا ۇمىتىنە جاۋاپ قايتارىپ، 10 جىلدان بەرى، ەلىمىز مادەنيەت رەفورماسىن، دامۋىن تەرەڭدەتىپ، مادەنيەت سالاسىنىڭ قامداۋ جاعىنداعى قۇرىلىمدىق رەفورماسىن ىشكەرىلەي ىلگەرىلەتىپ، الەۋمەتتىك مادەنيەت قىزمەت وتەۋ جۇيەسى اناعۇرلىم اقاۋسىزداندى. 2021 - جىلدىڭ سوڭىنا دەيىن، بۇكىل ەلدە جيىنى 2542 راديو، تەلەۆيزيا قويۋ قۇرىلىمى، 3215 الەۋمەتتىك كىتاپحانا، 3316 مادەنيەت سارايى، 6183 مۇراجاي بار بولدى. قازىرگە دەيىن، بارلىق الەۋمەتتىك كىتاپحانانى، مادەنيەت سارايىن، اسەمونەر سارايىن، جالپىلىق مادەنيەت پۋنكتىن جانە كوپ ساندى مۇراجايدى تەگىن اشۋ جۇزەگە اسىرىلدى.
ادامزاتتىڭ ەڭ وزىق جاعىنا قاراي نازار اۋدارىپ، ادامزاتتىڭ رۋحاني دۇنيەسىنىڭ ەڭ تەرەڭ تۇكپىرىنە قاراي ىزدەنىس جاساپ، مادەنيەتتە قۇدىرەتتى ەل قۇرۋعا نىق قادام تاستادى.
حالىقتا سەنىم بولسا، مەملەكەتتە كۇش بولادى، ۇلتتا ءۇمىت بولادى!
شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جاڭا داۋىردەگى جۇڭگو اناعۇرلىم بەرىك مادەنيەت سەنىمىمەن سوتسياليستىك مادەنيەتتە قۇدىرەتتى ەل قۇرۋدىڭ اسەم جاڭا تاراۋىن جازۋدا.
(شينحۋا اگەنتتىگىنىڭ 9 - ايدىڭ 20 - كۇنى بەيجيڭنەن بەرگەن حابارى)