ورتالىق كوميتەت كەڭسەسى، مەملەكەتتىك كەڭەس كەڭسەسى پىكىر باسىپ تاراتتى

جاڭا داۋىردەگى جوعارى دەڭگەيلى شەبەر دارىندىلار قوسىنى قۇرىلىسىن كۇشەيتۋ كەرەك

شينحۋا اگەنتتىگىنىڭ 10 - ايدىڭ 7 - كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «جاڭا داۋىردەگى جوعارى دەڭگەيلى شەبەر دارىندىلار قوسىنى قۇرىلىسىن كۇشەيتۋ جونىندە پىكىردى» باسىپ تاراتتى ءارى حابارلاندىرۋ شىعارىپ، جەر - جەردەن، تاراۋلاردان ءىس جۇزىندىك جاعدايمەن بىرلەستىرىپ مۇقيات دايەكتىلەندىرۋدى، تياناقتاندىرۋدى تالاپ ەتتى.

«پىكىردە» بىلاي دەپ اتاپ كورسەتىلدى: جاڭا داۋىردە دارىندىلار ارقىلى قۋاتتى ەل قۇرۋ ستراتەگياسىن ىشكەرىلەي اتقارىپ، دامۋعا قىزمەت وتەۋدى، جۇمىستاندىرۋدى ورنىقتىرۋدى باعدار ەتىپ، ەڭبەك ەرلەرى رۋحىن، ەڭبەك رۋحىن، ۇستا رۋحىن بارىنشا اسقاقتاتىپ، ”شەبەرلىك جۇڭگو ساپارىن“ جاپپاي اتقارىپ، شەبەر دارىندىلاردى باۋلۋ، ىستەتۋ، باعالاۋ، شابىتتاندىرۋ ءتۇزىمىن اقاۋسىزداندىرىپ، پارتكوم باسشىلىق ەتەتىن، ۇكىمەت جەتەكشى بولاتىن، ساياسات قولدايتىن، كاسىپورىن نەگىزگى تۇلعا بولعان، قوعام ات سالىساتىن جوعارى دەڭگەيلى شەبەر دارىندىلار قىزمەت جۇيەسىن ورناتىپ، پارتيانى سۇيەتىن، وتاننىڭ ءۇمىتىن اقتايتىن، كاسىبىن قادىرلەيتىن، ۇلەس قوساتىن، شەبەرلىككە ىسىلعان، ساپاسى جاقسى، كولەمى كەڭ، قۇرىلىمى ۇيلەسىمدى جوعارى دەڭگەيلى شەبەر دارىندىلار قوسىنىن قۇرۋ كەرەك.

«پىكىردە» العا قويىلعان نىسانا - مىندەت: ”14 - بەسجىلدىقتىڭ“ سوڭىنا دەيىن، جوعارى دەڭگەيلى شەبەر دارىندىلار ءتۇزىمى ساياساتىن اناعۇرلىم اقاۋسىزداندىرىپ، باۋلۋ جۇيەسىن اناعۇرلىم كەمەلدەندىرىپ، جۇمىس ورنىن پايدالانۋدى اناعۇرلىم ۇيلەسىمدى ەتىپ، باعالاۋ مەحانيزمىن اناعۇرلىم عىلميلاندىرىپ، شابىتتاندىرۋدى، قامتاماسىز ەتۋدى اناعۇرلىم پارمەندى ەتىپ، شەبەرلىككە قۇرمەت ەتەتىن، ەڭبەككە قۇرمەت ەتەتىن قوعامدىق رايدى اناعۇرلىم قويۋلاستىرۋ، شەبەر دارىندىلار كولەمىن ۇزدىكسىز زورايتىپ، ساپاسىن ورنىقتى قاداممەن جوعارىلاتىپ، قۇرىلىمىن ۇزدىكسىز ساپالىلاندىرىپ، كىرىسىن ورنىقتى ارتتىرىپ، شەبەر دارىندىلاردىڭ جۇمىستانعاندار بويىنشا يەلەيتىن سالىستىرماسىن ％30تەن اسىرۋ، جوعارى دەڭگەيلى شەبەر دارىندىلاردىڭ شەبەر دارىندىلاردا يەلەيتىن سالىستىرماسىن ۇشتەن بىرىنە جەتكىزۋ، شىعىس بولىكتەگى ولكەلەردەگى جوعارى دەڭگەيلى شەبەر دارىندىلاردىڭ شەبەر دارىندىلاردا يەلەيتىن سالىستىرماسىن ％35كە جەتكىزۋ. 2035 - جىلعا بارعاندا، شەبەر دارىندىلاردىڭ كولەمىن ۇزدىكسىز زورايتىپ، ساپاسىن زور مولشەردە جوعارىلاتىپ، جوعارى دەڭگەيلى شەبەر دارىندىلار سانىن، قۇرىلىمىن سوتسياليستىك وسىزامانداندىرۋدى، نەگىزىنەن، جۇزەگە اسىرۋ تالابىمەن ۇيلەستىرۋگە كۇش سالۋ.

«پىكىر» جالپى 6 جاققا بولىنەدى، ولار: جالپى تالاپ؛ جوعارى دەڭگەيلى شەبەر دارىندىلاردى باۋلۋ سەرپىنىن ارتتىرۋ؛ شەبەرلىكتى جەتەكشى ەتەتىن ىستەتۋ ءتۇزىمىن كەمەلدەندىرۋ؛ شەبەر دارىندىلاردىڭ كاسىپتىك شەبەرلىك دارەجەسى ءتۇزىمىن جانە كوپ نەگىزدى باعالاۋ مەحانيزمىن ورناتۋ؛ جوعارى دەڭگەيلى شەبەر دارىندىلاردى ماداقتاۋ - سيلاۋ، ىنتالاندىرۋ مەحانيزمىن ورناتۋ؛ قامتاماسىز ەتۋ شارالارى.