شينحۋا اگەنتتىگىنىڭ 10 - ايدىڭ 11 - كۇنى رەيكياۆيكتەن بەرگەن حابارى (ءتىلشى چىن جيڭ). «شي جينپيڭ ەل باسقارۋ جونىندە» 1 - تومىنىڭ يسلانديا تىلىندەگى باسىلىمىنىڭ تۇڭعىش تاراتىلۋ سالتى 10 - ايدىڭ 11 - كۇنى يسلانديانىڭ استاناسى رەيكياۆيكتەگى حارپا ءماجىلىس ورتالىعىندا وتكىزىلدى.

وسى رەتكى قيمىلدى جۇڭگو شەتەل تىلىندە باسىلىمدار شىعارۋ جانە تاراتۋ مەكەمەسى، جۇڭگونىڭ يسلانديادا تۇراتىن باس ەلشىحاناسى ۇيىمداستىرىپ، شەتەل ءتىلى باسپاسى، يسلانديا بوكا - فەررادجيد باسپا سەرىكتەستىگى ۇستىنە الىپ وتكىزدى. يسلانديانىڭ بۇرىنعى زۇڭتۇڭى ولاۆەل راگنار گريمسسون قيمىلعا قاتىناستى ءارى ارناۋ ءسوز سويلەدى، جۇڭگو شەتەل تىلىندە باسىلىمدار شىعارۋ جانە تاراتۋ مەكەمەسىنىڭ باستىعى دۋ جانيۋان بەينەبايلانىس ارقىلى ارناۋ ءسوز سويلەدى. جۇڭگونىڭ يسلانديادا تۇراتىن باس ەلشىسى حى رۋلۇڭ، يسلانديا سىرتقى ىستەر مينيسترلىگىنىڭ ۇنەمىلىك ىستەرگە جاۋاپتى حاتشىسى مارتين ەيولفسسون، زۇڭتۇڭ كەڭسەسىنىڭ مەڭگەرۋشىسى ولني زيگرونسۋن، بوكا - فەررادجيد باسپا سەرىكتەستىگىنىڭ ۋاكىلدەرى قاتارلى ءار سالا قايراتكەرلەرىنەن 60تاي ادام قيمىلعا قاتىناستى.

گريمسسون ارناۋ سوزىندە ءوزىنىڭ ءتوراعا شي جينپيڭمەن ارالاسقان اڭگىمەسىن ەسكە ءتۇسىرىپ، ەكەۋىنىڭ تىكەلەي بايلانىس جاساۋ ارقىلى ءوزىنىڭ ءتوراعا شي جينپيڭنىڭ ەل باسقارۋ ۇستانىمدارىنان تەرەڭ اسەر العاندىعىن ايتتى. گريمسسون «شي جينپيڭ ەل باسقارۋ جونىندە» 1 - تومىنىڭ يسلانديا تىلىندەگى باسىلىمىنىڭ جارىق كورگەندىگىن قارسى الاتىندىعىن ءبىلدىردى. ول بىلاي دەدى: «شي جينپيڭ ەل باسقارۋ جونىندە» كىتابىنىڭ تۇرلىشە تىلدەگى باسىلىمدارىنىڭ باسپادان شىعارىلىپ تاراتىلۋى جۇڭگونىڭ دۇنيە جۇزىمەن كەڭەسى ىسپەتتى، وسى كىتاپتىڭ يسلانديا تىلىندەگى باسىلىمى جۇڭگو - يسلانديا ەكى ەل مەن ەكى ەل حالقى اراسىنداعى ءوزارا ءتۇسىنىسۋدى جانە دوستىق بارىس - كەلىستى ونان ارى جەبەيدى، ال جۇڭگونى ءتۇسىنۋ قازىرگى كەزدەگى، ءتىپتى، بولاشاقتاعى دۇنيە ءجۇزىنىڭ دامۋى جونىنەن ايرىقشا ماڭىزدى بولىپ تابىلادى.

دۋ جانيۋان بەينەبايلانىس ارقىلى ارناۋ ءسوز سويلەگەندە مىنانى ءبىلدىردى: «شي جينپيڭ ەل باسقارۋ جونىندە» ءتوراعا شي جينپيڭنىڭ جۇڭگونىڭ مەملەكەتتى باسقارۋ جانە الەمدىك جونگە سالۋ ماسەلەلەرى جونىندەگى تەرەڭ تولعانىستارىن ايگىلەپ، ادامزاتتىڭ تاعدىرلاس ورتاق تۇلعاسىن قۇرۋدى، تاماشا دۇنيە ءجۇزىن بىرگە قۇرۋدى ىلگەرىلەتۋدەگى جۇڭگو جوباسىن بەينەلەيدى. وسى تۋىندىنىڭ يسلانديا تىلىندەگى باسىلىمىنىڭ باسپادان شىعۋى اناعۇرلىم كوپ يسلانديا وقىرماندارىنىڭ شي جينپيڭ جاڭا ءداۋىر جۇڭگوشا سوتسياليزم يدەياسىن وقىپ تۇسىنۋىنە تىڭ تەرەزە اشىپ، جۇڭگو مەن يسلانديا ەكى ەلدىڭ وركەنيەتتە ءوزارا ۇلگى الۋىن ىلگەرىلەتۋگە تۇسىنىستىك كوپىرىن سالادى. وسى تۋىندىنى وقۋ ارقىلى جۇڭگو كوممۋنيستىك پارتياسىنىڭ حالىقتى وزەك ەتكەن دامۋ يدەياسىن، جۇڭگو ۇلگىسىندەگى وسىزاماندانۋدىڭ دامۋ امالياتىن، سونداي - اق جۇڭگو باستان - اياق دارىپتەپ كەلە جاتقان بەيبىتشىلىك، دامۋ، ادىلدىك، تۋراشىلدىق، دەموكراتيا، ەركىندىك سىندى كۇللى ادامزاتتىڭ ورتاق قۇندىلىعىن اناعۇرلىم ىشكەرىلەي تۇسىنۋگە جانە سەزىنۋگە مۇمكىندىك بەرەدى.

حى رۋلۇڭ ارناۋ سوزىندە مىنانى ءبىلدىردى: جۇڭگو - يسلانديا ەكى ەل ءداستۇرلى دوستار، «شي جينپيڭ ەل باسقارۋ جونىندە» 1 - تومىنىڭ يسلانديا تىلىندەگى باسىلىمى وسى تۋىندىنىڭ سولتۇستىك ەۆروپا تىلدەرىندەگى تۇڭعىش اۋدارما نۇسقاسى بولىپ، جۇڭگو - يسلانديا ەكى ەل اراسىنداعى دوستىق سۇيىسپەنشىلىكتى تولىق دالەلدەيدى، يسلانديا وقىرماندارىنىڭ ءتوراعا شي جينپيڭنىڭ ەل باسقارۋ، مەملەكەتتىڭ گۇلدەنىپ دامۋىن جۇزەگە اسىرۋ جاعىنداعى ۇستانىمدارى مەن تولعانىستارىن اناعۇرلىم تىكە تۇسىنۋىنە، شي جينپيڭ جاڭا ءداۋىر جۇڭگوشا سوتسياليزم يدەياسىن اناعۇرلىم تىكە تۇسىنۋىنە، جۇڭگو مەن يسلانديانىڭ ءوزارا پايدا جەتكىزىپ سەلبەسۋ ارقىلى ونان ارى دامىپ، اناعۇرلىم كوركەم بولاشاق اشۋىنا پايدالى.

تۇڭعىش تاراتىلۋ سالتىندا حى رۋلۇڭ مەن يسلانديالىق سيلى قوناقتار بىرگە «شي جينپيڭ ەل باسقارۋ جونىندە» 1 - تومىنىڭ يسلانديا تىلىندەگى باسىلىمى جاڭا كىتابىنىڭ شىمىلدىعىن اشتى. حى رۋلۇڭ يسلانديالىق سيلى قوناقتارعا جاڭا كىتاپتى ۇسىندى.

«شي جينپيڭ ەل باسقارۋ جونىندە» 1 - تومىنىڭ يسلانديا تىلىندەگى باسىلىمىن شەتەل ءتىلى باسپاسى مەن بوكا - فەررادجيد باسپا سەرىكتەستىگى بىرگە اۋدارىپ، باسپادان شىعاردى، قازىرگە دەيىن «شي جينپيڭ ەل باسقارۋ جونىندە» 1 - تومى 37 تىلگە اۋدارىلىپ باسپادان شىقتى.