汉文 ىلە اقپارات تورابىنا حوش كەلدىڭىزدەر!
پارتيا 20 - قۇرىلتايى اقپارات ورتالىعى سىرتقا باعىتتالعان قابىلداۋ قىزمەتىن رەسمي باستادى
2022-10-14 13:52:06     كورىلىم:رەت كەلۋ قاينارى:تيانشان تورى  جاۋاپتى رەداكتور:گۇلدەن ماقسات قىزى

شينحۋا اگەنتتىگىنىڭ 10 - ايدىڭ 12 - كۇنى بەيجيڭنەن بەرگەن حابارى (ءتىلشى پان جيە). 10 - ايدىڭ 12 - كۇنى جۇڭگو كوممۋنيستىك پارتياسى مەملەكەتتىك 20 - قۇرىلتايىنىڭ اقپارات ورتالىعى شەكارا ءىشى - سىرتىنداعى تىلشىلەردىڭ 20 - قۇرىلتايعا تىلشىلىك ىستەۋىنە قىزمەت وتەپ، قامتاماسىز ەتۋ ءۇشىن، سىرتقا باعىتتالعان قابىلداۋ قىزمەتىن رەسمي باستادى.

اقپارات ورتالىعىنىڭ نەگىزگى فۋنكتسيالىق اۋماعى بەيجيڭ مەيدييا ورتالىعىنا جانە بەيجيڭ شينشىجي رىحاڭ قوناق ۇيىنە ورنالاسقان، بۇل جەردە تىلشىلەردى قابىلداۋ اۋماعى، اقپار جاريالاۋ اۋماعى، تىلشىلەردىڭ قىزمەت اۋماعى، مەديالاردىڭ قىزمەت اۋماعى، ماتەريالدىق قىزمەت وتەۋ اۋماعى، بەينەلىك سۇحبات ءۇيى، راديو - تەلەۆيزيا سيگنالى قىزمەت وتەۋ ءۇيى، ينتەرنەتتىك قىزمەت وتەۋ ءۇيى، سۋرەت قىزمەت وتەۋ ءۇيى سياقتىلار قۇرىلعان، اقپاراتتىق تىلشىلىك ىستەۋ، ماتەريال ىزدەۋ، الەۋمەتتىك راديو - تەلەۆيزيا سيگنالى سياقتى جاقتاردا تىلشىلەرگە قىزمەت وتەيدى جانە قامتاماسىز ەتەدى.

20 - قۇرىلتاي اقپارات ورتالىعىنىڭ جاۋاپتىسى بىلاي دەپ تانىستىردى: ىندەتتەن ساقتانۋ - تىزگىندەۋدى ويداعىداي ىستەۋمەن قاتار، اقپارات ورتالىعى ۇستىندە تىلشىلىك جاساۋ، ينتەرنەتتەگى بەينەلىك تىلشىلىك جاساۋ، جازباشا تىلشىلىك جاساۋ سياقتى كوپ ءتۇرلى ءتاسىل ارقىلى شەكارا ءىشى - سىرتىنداعى تىلشىلەرگە باي مازمۇندى، ىستىق ىقىلاستى، كەمەلدى قىزمەت وتەيدى. قۇرىلتاي كەزىندە اقپارات ورتالىعى شەكارا ءىشى - سىرتىنداعى تىلشىلەردى قۇرىلتايدىڭ كەيبىر ماڭىزدى كەڭەستىك تارتىپتەرىنە ۇستىندە تىلشىلىك جاساۋعا ۇيىمداستىرادى، پارتيا قۇرىلتايى ۋاكىلدەرى ارناسى تىلشىلىك جاساۋ قيمىلىن ۇيىمداستىرادى، كوپ رەت اقپار جاريالاۋ ءماجىلىسىن، تىلشىلەردى قابىلداۋ ءماجىلىسىن جانە توپتىق تىلشىلىك جاساۋ ۇيىمداستىرادى، شەكارا ءىشى - سىرتىنداعى تىلشىلەردى بەيجيڭ قالاسىن ەكسكۋرسيالاۋعا، تىلشىلىك جاساۋعا ۇيىمداستىرادى، شەكارا سىرتىنداعى تىلشىلەردى قۇرىلتاي ۋاكىلدەرىنە ءىشىنارالاپ تىلشىلىك جاساۋعا سايكەستىرىپ ورنالاستىرادى، ت.ب. اقپارات ورتالىعى ينتەرنەتتەگى بەينەلىك تىلشىلىك جاساۋ جۇيەسىن ارنايى ورناتىپ، شەكارا ءىشى - سىرتىنداعى تىلشىلەر شينشىجي رىحاڭ قوناق ۇيىندە ينتەرنەتتەگى بەينەلىك ارناۋلى جەلى ارقىلى حالىق سارايىنىڭ اقپار جاريالاۋ زالى، مەيدييا ورتالىعىنىڭ اقپار جاريالاۋ زالى جانە ءارقايسى ۋاكىلدەر ۇيىرمەسى تۇرعان جەردەگى بەينەلىك تىلشىلىك جاساۋ ۇيىمەن بايلانىسقا شىعىپ، تىلشىلىك جاساي الادى. اقپارات ورتالىعى تاعى شەكارا ءىشى - سىرتىنداعى تىلشىلەرگە جاتىن ورىن جانە قاتىناس جاقتارىنان قىزمەت وتەپ، تىلشىلەردىڭ اقپارات ورتالىعى ۇيىمداستىرعان ماڭىزدى تىلشىلىك قيمىلدارىنا قاتىناسۋىنا قولايلىلىق جاسايدى.

20 - قۇرىلتاي اقپارات ورتالىعى اقپارات ورتالىعىنىڭ رەسمي سايتىن جانە قاتىستى تۇعىرلاردىڭ ءنومىرىن اشتى. شەكارا ءىشى - سىرتىنداعى تىلشىلەر اقپارات ورتالىعىنىڭ قىزمەت وتەۋ مازمۇنى مەن شارالارىن دەر كەزىندە ۇعىسا الادى ءارى رەسمي سايتتىڭ ”تىلشىلەر ارناۋلى اۋماعى“ ارقىلى ءتىپتى دە كوپ تىلشىلىك جاساۋ ماتەريالدارىن الا الادى. اقپارات ورتالىعى تاعى شەكارا سىرتىنداعى تىلشىلەردىڭ تىزىمدەلۋ، تىركەلۋ جۇيەسىن جانە ۋاكىلدەرگە تىلشىلىك جاساۋعا ءوتىنىش بەرۋ جۇيەسىن اشىپ، شەكارا سىرتىنداعى تىلشىلەردىڭ تىزىمدەلىپ، قۇرىلتايعا تىلشىلىك جاساۋىنا، سونداي - اق قۇرىلتاي ۋاكىلدەرىنە تىلشىلىك جاساۋ ءوتىنىشىن تاپسىرۋىنا قولايلىلىق جاسايدى.