شينحۋا اگەنتتىگىنىڭ 10 - ايدىڭ 15 - كۇنى بەيجيڭنەن بەرگەن حابارى. پارتيا 20 - قۇرىلتايىنىڭ اقپارات مالىمدەمەشىسى سۇن يەلي 10 - ايدىڭ 15 - كۇنى تۇستەن كەيىن حالىق سارايىندا اقپار جاريالاۋ ءماجىلىسىن وتكىزىپ، جۇڭگولىق، شەتەلدىك تىلشىلەرگە 20 - قۇرىلتايدىڭ كۇن تارتىپتەرىن جانە قاتىستى جاعدايلاردى تانىستىردى. ول بىلاي دەدى: جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايى 10 - ايدىڭ 16 - كۇنى تۇستەن بۇرىن ساعات 10دا بەيجيڭ حالىق سارايىندا اشىلادى، ءماجىلىس 10 - ايدىڭ 16 - كۇنىنەن 22 - كۇنىنە دەيىن اشىلادى. 10 - ايدىڭ 15 - كۇنى تۇستەن كەيىن اشىلعان دايىندىق جيىنىندا قۇرىلتايدىڭ كۇن ءتارتىبى تۇراقتاندىرىلدى، قۇرىلتايدىڭ ءتوراعالار القاسىنداعىلار ماقۇلداندى، قۇرىلتاي ءتوراعالار القاسىنىڭ باسشىلىعىندا وتكىزىلەدى.

سۇن يەلي بىلاي دەدى: قازىر پارتيا 20 - قۇرىلتايىنىڭ دايىندىق قىزمەتتەرى تولىق اياقتادى، وسى جولعى قۇرىلتايعا تىلشىلىك بابىمەن كەلگەن جۇڭگولىق، شەتەلدىك تىلشىلەردى قىزۋ قارسى الامىز.

قۇرىلتايدىڭ تاپسىرۋىمەن، سۇن يەلي جۇڭگولىق، شەتەلدىك تىلشىلەرگە پارتيا 20 - قۇرىلتايىنىڭ قاتىستى جاعدايلارىن تانىستىردى. ول بىلاي دەدى: جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايى بۇكىل پارتيا، بۇكىل ەلدەگى ءار ۇلت حالقى جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاعان، ەكىنشى 100 جىلدىق كۇرەس نىساناسىنا قاراي شەرۋ تارتقان شەشۋشى ساتتە اشىلعان ءبىر رەتكى توتەنشە ماڭىزدى قۇرىلتاي. قۇرىلتاي جۇڭگوشا سوتسياليزم ۇلى تۋىن بيىك ۇستاپ، ماركسيزم - لەنينيزمگە، ماۋ زىدۇڭ يدەياسىنا، دىڭ شياۋپيڭ نازارياسىنا، ”ۇشكە ۋاكىلدىك ەتۋ“ ماڭىزدى يدەياسىنا، عىلىمي دامۋ كوزقاراسىنا تاباندى بولىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جالپى بەتتىك دايەكتىلەندىرىپ، وتكەن 5 جىلداعى قىزمەتتەردى مۇقيات قورىتىندىلاپ، جاڭا داۋىردەن بەرگى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جۇڭگوشا سوتسياليزمگە تاباندى بولۋدا جانە ونى دامىتۋدا قول جەتكىزگەن كەلەلى تابىستارى مەن قىمباتتى تاجىريبەلەرىن جالپى بەتتىك قورىتىندىلاپ، حالىقارا جانە ەل ءىشى جاعدايىنا ىشكەرىلەي تالداۋ جاساپ، جاڭا داۋىردەگى جاڭا جورىقتا پارتيا مەن مەملەكەت ىستەرى دامۋىنىڭ جاڭا تالاپتارىن، حالىق بۇقاراسىنىڭ جاڭا ءۇمىتىن جالپى بەتتىك يگەرىپ، ارەكەت تۇعىرناماسى مەن كەلەلى باعىت - ساياساتتاردى جاسايدى، ستراتەگيالىق جالپى جاعداي تۇرعىسىنان پارتيا مەن مەملەكەت ىستەرى جونىندە جوبا جانە ورنالاستىرۋ جاسايدى.

سۇن يەلي بىلاي دەدى: بىلتىر 11 - ايدا پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسى «پارتيانىڭ مەملەكەتتىك 20 - قۇرىلتايىن اشۋ جونىندەگى قاراردى» شىعارعاننان كەيىن، پارتيا ورتالىق كوميتەتى 20 - قۇرىلتايدىڭ حۇجاتتارىن دايىنداۋ گرۋپپاسىن قۇردى، باس شۋجي شي جينپيڭ گرۋپپا باستىعى بولدى، ورتالىقتاعى قاتىستى باسشى جولداستار، قاتىستى تاراۋلار مەن جەرگىلىكتى ورىندارداعى جاۋاپتى جولداستار، مامان - وقىمىستىلار بۇعان قاتىناستى، قىزمەت ورتالىق كوميتەت ساياسي بيۋروسىنىڭ، ورتالىق كوميتەت ساياسي بيۋروسى تۇراقتى كوميتەتىنىڭ تىكەلەي باسشىلىعىندا ورىستەتىلدى. پارتيا 20 - قۇرىلتايىنىڭ بايانداماسىن ويداعىداي دايىنداۋ ءۇشىن، پارتيا ورتالىق كوميتەتى ىشكەرىلەي تەكسەرۋ - زەرتتەۋ ۇيىمداستىرىپ، ورىستەتىپ، 26 ءتۇيىندى تاقىرىپ ورنالاستىردى، ورتالىق جانە مەملەكەت ورگاندارىنان 54 ورىن ارناۋلى تاقىرىپتا تەكسەرۋ - زەرتتەۋ جۇرگىزىپ، 80 تەكسەرۋ - زەرتتەۋ بايانداماسىن قالىپتاستىردى. ورتالىقتىڭ قاتىستى تاراۋلارى تاعى پارتيا 20 - قۇرىلتايىنا قاتىستى قىزمەتتەرگە ينتەرنەتتە پىكىر قابىلداۋ قيمىلىن ورىستەتىپ، 8 ميلليون 542 مىڭنان استام لەبىز قابىلدادى. وسى تەكسەرۋ - زەرتتەۋ جەتىستىكتەرى باياندامانى دايىنداۋعا بەرىك نەگىز قالادى. 7 - ايدىڭ 26 - كۇنى باس شۋجي شي جينپيڭ ولكە - مينيسترلىك دارەجەلى نەگىزگى باسشى كادرلاردىڭ ارناۋلى تاقىرىپتىق زەرتتەۋ - تالقى كۋرسىندا ماڭىزدى ءسوز سويلەپ، پارتيا 20 - قۇرىلتايى بايانداماسىنا ساياتىن كەلەلى ماسەلەلەردى ىشكەرىلەي ءتۇسىندىرىپ: الداعى 5 جىلداعى، ءتىپتى، ونان دا ۇزاق مەزگىلدەگى پارتيا مەن مەملەكەت ىستەرى دامۋىنىڭ نىسانا - مىندەتتەرى مەن كەلەلى باعىت - ساياساتتارىن عىلمي جوسپارلايدى، پارتيا مەن مەملەكەت ىستەرىنىڭ الدىڭعىلاردىڭ ءىزىن باسىپ، بولاشاققا جول اشۋىنا سايادى، جۇڭگوشا سوتسياليزمنىڭ بولاشاعى مەن تاعدىرىنا سايادى، جۇڭحۋا ۇلتىنىڭ ۇلى گۇلدەنۋىنە سايادى دەپ باسا دارىپتەدى. جاڭا داۋىردەگى جاڭا جورىقتا پارتيانىڭ وزەكتى مىندەتىن مىقتاپ يگەرىپ، جاڭا وي جەلىلەرىن، جاڭا ستراتەگيالاردى، جاڭا شارالاردى العا قويىپ، ۇزدىكسىز تۇردە ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، اسقاق جىگەرمەن قايراتتانا ۇمتىلىپ، مويىماس تاباندىلىقپەن العا باسىپ، ىنتىماقتاسا كۇرەس جۇرگىزىپ، جاپپاي سوتسياليستىك وسىزاماندانعان مەملەكەت قۇرۋدىڭ شىت جاڭا تاراۋىن جازۋعا قۇلشىنۋ كەرەك دەپ باسا دارىپتەدى. باياندامانىڭ پىكىر الۋ نۇسقاسى دايىندالعاننان كەيىن، ءارقايسى جاقتاردان كەڭ كولەمدى پىكىر الىندى، مۇندا جيىنى 4700دەن استام ادامنان پىكىر الىندى. باس شۋجي شي جينپيڭ 5 رەت اڭگىمە ءماجىلىستى ءوزى باسقارىپ اشىپ، ءارقايسى جاقتىڭ پىكىرلەرى مەن ۇسىنىستارىن تىڭدادى. باياندامانى دايىنداۋ گرۋپپاسى پارتيا ىشىندەگى ءبىر ءبولىم ساقا جولداستاردىڭ پىكىرىن دە تىڭدادى. 8 - ايدىڭ 31 - كۇنى باس شۋجي شي جينپيڭ اڭگىمە ءماجىلىسىن تاعى باسقارىپ اشىپ، ءارقايسى دەموكراتيالىق پارتيا - توپتار ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارىنىڭ جانە پارتيادا، توپتا جوق قايراتكەرلەر ۋاكىلدەرىنىڭ پىكىرلەرىن بەتپە - بەت تىڭدادى. پارتيا ءىشى - سىرتىنداعى ءارقايسى جاقتىڭ كوپتەگەن پىكىرلەرىن قابىلدادى. 10 - ايدىڭ 12 - كۇنى پارتيا 19 - كەزەكتى ورتالىق كوميتەتىنىڭ جەتىنشى جالپى ءماجىلىسى پارتيا 20 - قۇرىلتايىنىڭ بايانداما نۇسقاسىن تالقىلادى جانە ماقۇلدادى، پارتيا 20 - قۇرىلتايىنىڭ تەكسەرۋىنە رەسمي ۇسىنۋدى ۇيعاردى.

سۇن يەلي بىلاي دەدى: پارتيا 20 - قۇرىلتايىنىڭ تاعى ءبىر ماڭىزدى مىندەتى پارتيا ۋستاۆىنا وزگەرىس ەنگىزۋ. جاڭا جاعداي، جاڭا مىندەتتەرگە سايكەس، پارتيا ۋستاۆىنا ۇيلەسىمدى وزگەرىس جاساۋ بۇكىل پارتيانىڭ پارتيا ۋستاۆىن اناعۇرلىم ويداعىداي ۇيرەنۋىنە، پارتيا ۋستاۆىنا بويسۇنۋىنا، پارتيا ۋستاۆىن دايەكتىلەندىرۋىنە، پارتيا ۋستاۆىن قورعاۋىنا ءتيىمدى بولىپ، پارتيا ۋستاۆىنىڭ پارتيانىڭ قىزمەتى مەن پارتيانىڭ قۇرىلىسىنا جەتەكشىلىك ەتۋ، ارناعا ءتۇسىرۋ رولىن ءتىپتى دە جاقسى ساۋلەلەندىرە الادى. بيىل 1 - ايدا پارتيا ورتالىق كوميتەتى پارتيا 20 - قۇرىلتايى بايانداماسىنىڭ تالقى تاقىرىپتارى جونىندە پىكىر الۋ بارىسىندا، جەر - جەر، تاراۋلار پارتيا 20 - قۇرىلتايىنىڭ پارتيانىڭ نازاريالىق جاسامپازدىعى مەن امالياتتىق دامۋىنا، جاعدايدىڭ، مىندەتتىڭ دامۋىنا، وزگەرىسىنە ساي، پارتيا ۋستاۆىنا لايىقتى وزگەرىس ەنگىزۋدى جاپپاي ۇسىنىس ەتتى. بيىل 5 - ايدا پارتيا ورتالىق كوميتەتى حابارلاندىرۋ شىعارىپ، پارتيا ۋستاۆىنا وزگەرىس ەنگىزۋ قىزمەتى جونىندە جەر - جەردەن، تاراۋلاردان پىكىر الدى. ءارقايسى جاقتىڭ پىكىرىن جيناقتاۋ نەگىزىندە، ورتالىق كوميتەت ساياسي بيۋروسىنىڭ ءماجىلىسى اقىلداسا كەلە پارتيا ۋستاۆىنا لايىقتى وزگەرىس ەنگىزۋدى ۇيعارىپ، پارتيا ۋستاۆىنا وزگەرىس ەنگىزۋ گرۋپپاسىن قۇرىپ، وسى رەت پارتيا ۋستاۆىنا وزگەرىس ەنگىزۋ قىزمەتىندە پارتيا 20 - قۇرىلتايىنىڭ بايانداماسىندا تۇراقتاندىرىلعان كەلەلى نازاريالىق كوزقاراس پەن كەلەلى ستراتەگيالىق يدەيانى پارتيا ۋستاۆىنا ەنگىزىپ، وزگەرىس ەنگىزىلگەننەن كەيىنگى پارتيا ۋستاۆىنىڭ ماركسيزمنىڭ جۇڭگوشالانۋىنىڭ، زامانالانۋىنىڭ ەڭ جاڭا جەتىستىكتەرىن تولىق ايگىلەۋىنە، پارتيا 19 - قۇرىلتايىنان بەرى، پارتيا ورتالىق كوميتەتى ورتاعا قويعان ەل باسقارۋداعى جاڭا ۇستانىمداردى، جاڭا يدەيالاردى، جاڭا ستراتەگيالاردى تولىق ايگىلەۋىنە، پارتيا قىزمەتى مەن پارتيا قۇرىلىسىنىڭ جاڭا تاجىريبەلەرىن تولىق ايگىلەۋىنە قۇلشىنىس جاساپ، جاڭا جاعداي، جاڭا مىندەتتىڭ پارتيا قىزمەتىنە جانە پارتيا قۇرىلىسىنا قويعان تىڭ تالاپتارىنا سايكەسۋ كەرەك دەپ باسا دارىپتەدى. بۇكىل پارتيانىڭ اقىل - پاراساتىن شوعىرلاندىرۋ نەگىزىندە، پارتيا 19 - كەزەكتى ورتالىق كوميتەتىنىڭ جەتىنشى جالپى ماجىلىسىندە تالقىلاۋ ءارى ماقۇلداۋ ارقىلى پارتيا 20 - قۇرىلتايىنىڭ قاراۋىنا ۇسىنىلاتىن پارتيا ۋستاۆىنا وزگەرىس ەنگىزۋ جوباسى دايىندالدى.

سۇن يەلي بىلاي دەدى: شي جينپيڭ جولداستى ۇيتقى ەتكەن پارتيا ورتالىق كوميتەتى پارتيا 20 - قۇرىلتايىنىڭ ۋاكىلدەرىن سايلاۋ قىزمەتىنە ايرىقشا ءمان بەرىپ، باس شۋجي شي جينپيڭ ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسىن جانە ورتالىق كوميتەت ساياسي بيۋروسى ءماجىلىسىن باسقارىپ اشىپ، ارنايى زەرتتەۋ جۇرگىزدى، «جۇڭگو كوممۋنيستىك پارتياسى ورتالىق كوميتەتىنىڭ پارتيا 20 - قۇرىلتايىنىڭ ۋاكىلدەرىن سايلاۋ قىزمەتى جونىندەگى حابارلاندىرۋىن» قاراپ ماقۇلداپ، ۋاكىلدەردى سايلاۋ قىزمەتىنىڭ جالپى تالابى مەن ساياسات بەلگىلەمەلەرىن ايقىندادى. ءارقايسى سايلاۋ ورىندارى پارتيا ورتالىق كوميتەتىنىڭ ورنالاستىرۋى جانە تالاپتارى بويىنشا، پارتيا ۋستاۆىن ءتۇبىرلى بويسۇنۋ ولشەمى ەتۋگە تاباندى بولىپ، پارتيانىڭ سيپاتىنا، باستى ماقساتىنا تاباندى بولىپ، پارتيانىڭ باسشىلىعىن كۇشەيتۋدى ۋاكىل سايلاۋ قىزمەتىنىڭ جالپى بارىسىمەن ساباقتاستىرىپ، پارتيا ىشىندەگى دەموكراتيانى تولىق ساۋلەلەندىرىپ، تولىمدىلىق شارتىن قاتايتىپ، سايلاپ شىعۋ ءتارتىبىن قاتاڭداستىرىپ، سايلاۋ ءتارتىبىن قاتايتىپ، ءىس جۇزىندىك جاعدايمەن بىرلەستىرە وتىرىپ اتقارۋ جوباسىن جاساپ، ۋاكىلدەردى سايلاۋ قىزمەتتەرىن تىڭعىلىقتى، ويداعىداي ىستەدى. ءارقايسى سايلاۋ ورىندارى نەگىزگى ساتى پارتيا ۇيىمدارىنىڭ تولىق قاتىناسۋىن جۇزەگە اسىرىپ، پارتيا مۇشەلەرىنىڭ قاتىناسۋ مولشەرى ％5. 99كە جەتتى. بۇكىل ەلدەگى 38 سايلاۋ ورنى جەكە - جەكە پارتيا قۇرىلتايى نەمەسە پارتيا ۋاكىلدەرى ءماجىلىسىن اشىپ، پارتيا 20 - قۇرىلتايىنا قاتىناساتىن ۋاكىلدەردى سايلاپ شىقتى. 20 - قۇرىلتاي ۋاكىلدەرىنىڭ تولىمدىلىعىن تەكسەرۋ كوميسسياسىنىڭ تەكسەرۋى ارقىلى 2296 ۋاكىلدىڭ تولىمدىلىعى كۇشكە يە ەكەندىگى تۇراقتاندىرىلدى. ولار 4 ميلليون 900 مىڭنان استام نەگىزگى ساتى پارتيا ۇيىمى جانە 96 ميلليوننان استام پارتيا مۇشەلەرى اتىنان پارتيا 20 - قۇرىلتايىنا قاتىناسادى. سايلانعان ۋاكىلدەر پارتيا ورتالىق كوميتەتىنىڭ بەلگىلەگەن شارتتارىنا ۇيلەسەدى، ۋاكىلدەردىڭ قۇرىلىمى مەن ورنالاسۋى ءبىرشاما ۇيلەسىمدى، قۇرىلىم سالىستىرماسى تۇگەلدەي پارتيا ورتالىق كوميتەتىنىڭ تالابىنا ۇيلەسەدى، كەڭ ۋاكىلدىك سيپاتقا يە. داعدى بويىنشا پارتيا ورتالىق كوميتەتى باسشىلىق ورنىنان شەگىنگەن ءبىر ءبولىم ساقا پارتيا مۇشەلەرىنىڭ ۇسىنىس ەتىلگەن ۋاكىلدەر قاتارىندا قۇرىلتايعا قاتىناسۋىن تۇراقتاندىردى.

سۇن يەلي بىلاي دەدى: پارتيا ۋستاۆىنىڭ بەلگىلەمەسىنە ساي، 20 - قۇرىلتاي جاڭا كەزەكتى ورتالىق كوميتەتىن جانە ورتالىق ءتارتىپ تەكسەرۋ كوميتەتىن سايلايدى. سايلاۋ قىزمەتىن ويداعىداي ىستەۋ ءۇشىن، پارتيا ورتالىق كوميتەتى ارناۋلى قىزمەت القاسىن قۇردى، باس شۋجي شي جينپيڭ باسشىلىق گرۋپپاسىنىڭ باستىعى مىندەتىن ۇستىنە الدى، ورتالىق كوميتەت ساياسي بيۋروسى تۇراقتى كوميتەتىنىڭ باسشىلىعىندا، جاڭا كەزەكتى ورتالىق كوميتەت پەن ورتالىق ءتارتىپ تەكسەرۋ كوميتەتىنىڭ مۇشە كانديداتتارىن كورسەتۋ، تەكسەرۋ، ۇسىنۋ قىزمەتىنە جاۋاپتى بولادى. وسى نەگىزدە ورتالىق كوميتەت ساياسي بيۋروسى تۇراقتى كوميتەتى ءماجىلىسى مەن ورتالىق كوميتەت ساياسي بيۋروسى ءماجىلىسىنىڭ تالقىلاۋى ارقىلى جاڭا كەزەكتى ورتالىق كوميتەتتىڭ جانە ورتالىق ءتارتىپ تەكسەرۋ كوميتەتىنىڭ مۇشە كانديداتتىعىنا كورسەتۋگە دايىندالعان كانديداتتاردىڭ ۇسىنىس ەسىمدىگىن العا قويىپ، پارتيا 20 - قۇرىلتايى ءتوراعالار القاسىنىڭ قاراۋىنا ۇسىنادى.

سۇن يەلي بىلاي دەدى: پارتيا 20 - قۇرىلتايى جابىلعاننان كەيىن، پارتيا 20 - كەزەكتى ورتالىق كوميتەتىنىڭ ءبىرىنشى جالپى ءماجىلىسى جانە 20 - كەزەكتى ورتالىق ءتارتىپ تەكسەرۋ كوميتەتىنىڭ ءبىرىنشى جالپى ءماجىلىسى اشىلادى، جاڭا كەزەكتى ورتالىق كوميتەتتىڭ باسشىلىق قۇرىلىمى جانە ورتالىق ءتارتىپ تەكسەرۋ كوميتەتىنىڭ باسشىلىق قۇرىلىمى سايلانادى. پارتيا 20 - كەزەكتى ورتالىق كوميتەتىنىڭ ءبىرىنشى جالپى ءماجىلىسى اياقتاعاننان كەيىن، جاڭا كەزەكتى ورتالىق كوميتەت ساياسي بيۋروسىنىڭ تۇراقتى مۇشەلەرى جۇڭگولىق، شەتەلدىك تىلشىلەرمەن كەزدەسەدى.

سۇن يەلي بىلاي دەدى: پارتيا 20 - قۇرىلتايى اقپارات ورتالىعىن قۇرىپ، تىلشىلەردى قابىلداۋ ءماجىلىسىن جانە توپتىق تىلشىلىك ىستەۋ قيمىلىن ءبىرقانشا رەت ۇيىمداستىرىپ وتكىزىپ، ينتەرنەت سياقتى تەحنيكالاردان تولىق پايدالانىپ، تىلشىلەردىڭ قۇرىلتايعا تىلشىلىك ىستەپ، حابارلاۋىنا قىزمەت وتەيدى جانە قامتاماسىز ەتەدى.

سۇن يەلي جۇڭگولىق، شەتەلدىك تىلشىلەردىڭ سۇراۋىنا دا جاۋاپ بەردى.

وسى رەتكى اقپار جاريالاۋ ءماجىلىسىن قۇرىلتاي اقپارات ورتالىعىنىڭ ورىنباسار مەڭگەرۋشىسى ليۋ سىياڭ باسقاردى. 300دەي جۇڭگولىق، شەتەلدىك ءتىلشى اقپار جاريالاۋ ماجىلىسىنە قاتىناستى.