− باس شۋجي شي جينپيڭنىڭ پارتيا 20 - قۇرىلتايىنداعى گۋاڭشي ۋاكىلدەر ۇيىرمەسىنىڭ تالقىسىنا قاتىناسقاندىعى جونىندەگى ەستەلىك

 شينحۋا اگەنتتىگىنىڭ تىلشىلەرى جاڭ شياۋسۇڭ، جۋ جيچاي

10 - ايدىڭ 16 - كۇنى تۇستەن بۇرىن، دۇنيە ءجۇزى كوز تىككەن پارتيا 20 - قۇرىلتايى سالتاناتپەن اشىلدى. باس شۋجي شي جينپيڭ 19 - كەزەكتى ورتالىق كوميتەت اتىنان قۇرىلتايعا بايانداما جاساپ، جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ ۇلى جوسپارىن جاساپ بەردى.

10 - ايدىڭ 17 - كۇنى تۇستەن بۇرىن، باس شۋجي شي جينپيڭ ءوزى تۇرعان گۋاڭشي ۋاكىلدەر ۇيىرمەسىنە كەلىپ، كوپشىلىكپەن بىرگە 20 - قۇرىلتايدىڭ بايانداماسىن تالقىلادى.

تالقى بارىسىندا، كوپشىلىك تابىستاردى اڭگىمەلەدى، اسەرلەرىن سويلەدى، ۇسىنىستار قويدى، مۇندا سەنىمدەرى قامتىلدى، بەكىمدەرى نىعايدى، كۇش ۇيىستىردى.

گۋاڭشيدىڭ ساڭ - ۋ اۋدانى شانپيڭ قىستاعىنان كەلگەن ۋاكىل جۋ شۋەلان سويلەگەن سوزىندە قيىر شەتتەگى ياۋجايدىڭ شاي كاسىپ سالاسىن دامىتۋى وراسان زور وزگەرىس الا كەلگەندىگىن اڭگىمەلەگەندە، تەبىرەنىسى ءسوز الپەتىنەن ايگىلەنىپ تۇردى.

شانپيڭ قىستاعى بۇرىن كەدەي قىستاق بولاتىن، جۋ شۋەلاننىڭ جەتەكشىلىگىندە، بۇكىل قىستاقتاعىلار قوعامداسىپ شاي كاسىپ سالاسىن دامىتتى، بۇگىنگى كۇندە قىستاق تۇرعىندارىنىڭ جىلدىق جان باسىندىق ورتاشا كىرىسى 20 مىڭ يۋاننان اسىپ، تال - تال شاي جاپىراقتارى ”بىرگە بايۋ ارمانىن“ نۇرلاندىرىپ، شاي ەگىلگەن جوتا - جوندار ”باقىت تاۋىنا“ اينالدى.

جۋ شۋەلان قۋانا: ”ون نەشە جىلدىڭ الدىندا، كەلىنىم ءبىزدىڭ ۇيگە كەلەردە، تاۋ جولىمەن 4 ساعاتتان استام ۋاقىت ءجۇرىپ، ۇيىمىزگە كىرمەي جاتىپ توركىنىنە قايتىپ كەتكىسى كەلگەن بولاتىن. بۇگىنگى شانپيڭ قىستاعىندا، جەرگىلىكتەگى بويجەتكەندەر سىرتقا كەتكىسى كەلمەيدى، ءتىپتى، سىرت جەرلەردەگى بويجەتكەندەر ۇزاتىلىپ كەلگىسى كەلەتىن بولدى، كوپتەگەن باسقا قىستاقتىڭ جىگىتتەرى دە قىستاعىمىزعا كۇيەۋ بولىپ كىرۋدى قالايتىن بولدى ەمەس پە“! - دەدى.

باس شۋجي شي جينپيڭ كوڭىلدەنە باسىن يزەپ: ”شاي كاسىپ سالاسىنىڭ بولاشاعى زور. ەندىگى قادامدا، ءوز ماركالارىڭىزدى تۇلعالاپ، شاي كاسىپ سالاسىن كەڭەيتىڭىزدەر، كۇشەيتىڭىزدەر“، - دەدى.

ياۋجايداعى وراسان زور وزگەرىس، جاڭا داۋىردەگى ۇلى وزگەرىستەردىڭ اراسىنداعى ءبىر ۇزىك تولقىن.

10 جىلدان بەرى، گۋاڭشيدەگى ارحيۆ تۇرعىزىلىپ، كارتچكالاندىرىلعان 6 ميلليون 340 مىڭ كەدەي جان سانى تۇگەلدەي كەدەيلىكتەن ارىلىپ، گۋاڭشيدىڭ بايتاق دالاسىنىڭ بەت - بەينەسى شىت جاڭا وزگەردى.

10 جىلدان بەرى، جۇڭگو اۋىل - قىستاقتارىنداعى 100 ميلليونعا جۋىق كەدەي حالىق كەدەيلىكتەن ارىلۋدى جۇزەگە اسىرىپ، مۇلدەم كەدەيلىك ماسەلەسىن تاريحي سيپاتتى شەشىپ، جاپپاي دوڭگەلەك داۋلەتتى قوعام ورناتتى.

ءدال وسى ساتتە، ۋاكىلدەر ەرىكسىزدەن باس شۋجي شي جينپيڭنىڭ گۋاڭشيدە قىزمەت تەكسەرگەن كەزدە ايتقان: ”جۇڭگولىقتار سوزىندە تۇرادى، جۇڭگو كوممۋنيستىك پارتياسى سوزىندە تۇرادى، جۇڭگو كوممۋنيستىك پارتياسىنىڭ باسشىسى سوزىندە تۇرادى“! - دەگەن ءبىر اۋىز ءسوزىن ەستەرىنە الدى.

”باس شۋجي، سىزگە راقىمەت، پارتيانىڭ تاماشا ساياساتى ءبىزدىڭ ’شاي ءيىسى اڭقىعان اسپەن‘ تاماقتانۋىمىزعا، ’باقىت جولىمەن‘ جۇرۋىمىزگە مۇمكىندىك بەردى. پارتيانىڭ پارمەندى باسشىلىعى بولعاندىقتان، ءبىزدىڭ بىرگە بايۋدى جۇزەگە اسىرۋىمىزعا مول ءۇمىت سيلاپ، قايراتىمىزدى تاسقىنداتتى“. جۋ شۋەلاننىڭ قاراپايىم سوزدەرى كوپشىلىكتىڭ جۇرەك ءۇنىن جەتكىزدى.

جاڭا ءداۋىردىڭ شۇعىلالى تابىستارى حالىق بۇقاراسىنىڭ سەنىمىنە يە بولدى.

بۇل سەنىم شي جينپيڭ جولداستى ۇيتقى ەتكەن پارتيا ورتالىق كوميتەتىنە دەگەن سەنىم، شي جينپيڭ جاڭا ءداۋىر جۇڭگوشا سوتسياليزم يدەياسىنا دەگەن سەنىم، جۇڭگوشا سوتسياليزمنىڭ جاڭا داۋىرىنە دەگەن سەنىم!

جاڭا جورىقتىڭ تاماشا كەلەشەگى قايراتتانا ۇمتىلۋ سەنىمىن شىڭداۋعا جىگەرلەندىردى.

پارتيا 20 - قۇرىلتايىنىڭ بايانداماسىندا، باس شۋجي شي جينپيڭ جۇڭگو ۇلگىسىندەگى وسىزامانداندىرۋدىڭ تاماشا بولاشاعىن بەينەلەدى، وندا ”كورىكتى جۇڭگونىڭ“ ايقىن قاسيەتى قامتىلعان.

گۇيلين قالالىق پارتكومنىڭ شۋجيى، ۋاكىل جوۋ جيابين بىلاي دەدى: وسىناۋ جىلدارى گۇيلين ليجياڭ ەكولوگياسىنىڭ اۋەلگى تابيعاتىن، كەمەلدىلىگىن جانە باياندىلىعىن ساقتاۋعا كۇش سالىپ، ەكولوگيانى قورعاۋدا جانە حالىقتى بايىتۋ - حالىققا پايدا جەتكىزۋدە تەڭ يگىلىككە كەنەلدى.

جوۋ جيابين وزدەرىنىڭ كوز قاراشىعىن قورعاعانداي، ليجياڭدى جاقسى قورعايتىندىقتارىن، گۇيليننىڭ تاۋى مەن سۋىن ويداعىداي قورعايتىندىقتارىن ءبىلدىردى. ”ءبىز بولاشاقتاعى ليجياڭنىڭ، ءسوزسىز، سۋى مولدىرەپ، جاعاسى جاساڭدانىپ، بالىعى تۋلاپ، اق قۇتاندارى شۋلاپ جاتاتىندىعىنا، ادام مەن تابيعات جاراسىمدى قاتار ءومىر سۇرەتىن گۇيليننىڭ تاۋ - سۋلارىنىڭ كورىنىسىن ايگىلەيتىندىگىنە كامىل سەنەمىز“.

باس شۋجي شي جينپيڭنىڭ ”ليجياڭعا سۇيىسپەنشىلىگى“ تەرەڭ ەدى: جاس ءوسپىرىم كەزىندە، ول ”الەمدەگى تاۋ - سۋى ەڭ ادەمى جەر“ گۇيلينگە كەلگەن، سوندا، كوركەم سۋرەتتەي ادەمى تابيعات كورىنىسى وعان تەرەڭ اسەر قالدىرعان بولاتىن.

بىلتىر 4 - ايدا، باس شۋجي شي جينپيڭ گۋاڭشيگە بارىپ قىزمەت تەكسەرگەندە تاعى دا ليجياڭعا باردى، تاۋ - سۋلارىنىڭ باياعىسىنداي ەكەندىگىن كورگەندە، توتەنشە قۋاندى، سونداي - اق قايتا - قايتا قاداعالاپ: ”گۋاڭشيدىڭ تاۋلارى مەن سۋلارىن ويداعىداي قورعاۋ ءبىزدىڭ ارقالاۋعا ءتيىستى تاريحي جاۋاپكەرشىلىگىمىز“، - دەدى.

جوۋ جيابين باس شۋجيگە، ءبىر جىلدان استام ۋاقىتتان بەرى، وزدەرىنىڭ گۇيليننىڭ تاۋى مەن سۋىن ويداعىداي قورعاۋمەن بىرگە، دۇنيە ءجۇزى دارەجەلى ساياحات قالاسىن قۇرۋعا قۇلشىنىپ جاتقاندىقتارىن ايتتى.

جوۋ جيابين باس شۋجيگە: ”شياڭبيشان باقشاسى تەگىن اشىلدى“، - دەدى.

باس شۋجي: ”بۇل ءبىر مەزەتتىك ساياسات پا، الدە ۇزاق ۋاقىتتىق ساياسات پا“؟ - دەپ سۇرادى.

جوۋ جيابين: ”ماڭگى تەگىن بولادى“، - دەپ جاۋاپ بەردى.

باس شۋجي باسىن يزەپ قۇپتادى.

تابيعاتتى حالىققا قايتارۋدا ۇلكەن ەسەپ جاسالادى؛ ەكولوگيانى قورعاۋدا ۇزاق بولاشاق كوزدەلەدى.

باس شۋجي شي جينپيڭ بىلاي دەپ اتاپ كورسەتتى: ”’گۇيلين الەمدەگى تاۋ - سۋى ەڭ ادەمى جەر‘ دەگەن ءبىر اۋىز ءسوز گۇيليننىڭ ورنىن تۇراقتاندىرىپ بولعان. ەگەر گۇيليننىڭ تاۋى مەن سۋى ’دۇنيە ءجۇزى بويىنشا ەكىنشى‘ نەمەسە دۇنيە جۇزىنە اتى بەيمالىم بولىپ وزگەرەتىن بولسا، وندا ول گۇيلين بولۋدان قالادى. گۇيلين ’تاۋى مەن سۋىنا سۇيەنۋى‘ كەرەك“.

باس شۋجي قاداعالاي تاپسىرىپ بىلاي دەدى: ”تەك ەكونوميكانى عانا دامىتۋدى ويلاماۋ كەرەك، گۇيليننىڭ تاۋى مەن سۋىن ويداعىداي قورعاۋدىڭ ءوزى مەملەكەتكە، ۇلتقا قوسقان ەڭ زور ۇلەس، مىنە بۇل، سىزدەر جونىنەن ’مەملەكەتتىڭ ءىرى ءىسى‘ سانالادى“.

ۇستىنە كوك ءتۇستى جۇمىس كيىمىن كيگەن، ءسوزى جۇيەلى دە شيراقى، گۋاڭشي اۆتوموبيل توبىنان كەلگەن ۋاكىل جىڭ جىميڭ ءبىر تەمىرشىدەن ءوسىپ - جەتىلگەن مەملەكەت دارەجەلى شەبەر ۇستا.

سويلەگەن سوزىندە، ول ۋليڭ اۆتوموبيلى باستابىندا جاپونيادان ۇيرەنگەندىگىن ايتا كەلىپ: بۇگىنگى كۇندە، جاپونيا ءبىزدىڭ اۆتوموبيلدەرىمىزدى زەرتتەي باستادى، - دەدى.

باس شۋجي كۇلىپ: ”مىنە بۇل، جۇڭگونىڭ دامۋ وزگەرىسى“، - دەدى.

سوڭعى جىلدارى، جىڭ جىميڭ مەملەكەت دارەجەلى شەبەر ۇستا قىزمەت كەڭسەسى ۇجىمىنا جەتەكشىلىك ەتىپ، تەحنولوگيا جابدىعىنان 515 ءتۇرىن دەربەس زەرتتەپ جاساۋمەن بىرگە، تاعى ۇيرەتۋ، كومەكتەسۋ جانە جەتەكتەۋ ارقىلى جوعارى دارەجەلى تەحنيك جۇمىسشى، جوعارى دارەجەلى اعا تەحنيك، سەرىكتەستىك ەرەكشە ۇسىنىس ەتكەن مامان سياقتىلاردان 20عا جۋىق ادامدى باۋلىدى.

باس شۋجي كوڭىل ءبولىپ: ”ءسىزدىڭ قىزمەت اتاعىڭىز قايسى ءتارتىپ بويىنشا بەرىلەدى“؟ - دەپ سۇرادى.

جىڭ جىميڭ: ”ەكى ءتۇرلى ءتارتىپ بويىنشا ەسەپتەلەدى، ەرەكشە دارەجەلى تەحنيك پەن اعا ينجەنەر. مەملەكەتتىڭ ساياساتى جاقسى بولماسا، مەن سياقتى كاسىپتىك ورتا مەكتەپ بىتىرگەن تەمىرشىنىڭ جوعارى دارەجەلى قىزمەت اتاعىن الۋى ويلاۋعا دا ءداتىڭ بارمايتىن ءىس عوي“، - دەدى.

باس شۋجي تاعى دا: ”قازىرگى كىرىسىڭىز قانداي“؟ - دەپ سۇرادى.

جىڭ جىميڭ: ”وتە جاقسى“! - دەدى ويلانباستان.

ءماجىلىس الاڭىندا وتىرعاندار اڭعارا قويىپ دۋ كۇلدى.

باس شۋجي شي جينپيڭ بىلاي دەپ اتاپ كورسەتتى: ”ءوندىرىس جۇمىسشىلارىن قوراشسىنۋعا بولمايدى. ءبىز وسىزامانداندىرۋدى قۇرىپ شىعۋدا، جاساۋ كاسىبىن مىقتى يگەرۋىمىز، ناقتى تۇلعالىق ەكونوميكانى جۇرگىزۋىمىز كەرەك. ءسوزسىز، كوزقاراستا بۇرىلىس جاساپ، ءوندىرىس جۇمىسشىلارىن زور كۇشپەن باۋلۋىمىز كەرەك“.

ءبىر جارىم ساعات ۋاقىت بىلىنبەي وتە شىقتى. ءماجىلىس الاڭى قىزۋ مەرەيگە شومىپ، ورتاق تانىم ۇيىسىپ، ۇمىتتەر الاۋلادى.

كوپشىلىكتىڭ سويلەگەن سوزدەرىن تىڭداعاننان كەيىن، باس شۋجي بىلاي دەپ باسا دارىپتەدى: ”بۇكىل پارتيا، بۇكىل ەلدەگى ءار ۇلت حالقى پارتيا تۋى استىندا ىنتىماقتاسا وتىرىپ ’قۇرىشتاي بەرىك‘ بولىپ، ويدى ءبىر اراعا شوعىرلاندىرىپ، كۇشتى ءبىر اراعا جۇمساپ، جۇڭحۋا ۇلتىنىڭ ۇلى گۇلدەنۋى اتتى الىپ كەمەنىڭ تولقىن جارا العا ىلگەرىلەپ، جەلكەن جايا الىس ساپار شەگۋىن ىلگەرىلەتۋ كەرەك“.

سەنىم بەكىممەن نىعايادى، بەكىم كۇش ۇيىستىرادى.

پارتيا ۇلى كۇرەس ارقىلى 100 جىلدىق ۇلى ىستەردى جاراتتى ءارى، ءسوز جوق، سان ميلليونداعان حالىقتى باستاپ، جاڭا ۇلى كۇرەس ارقىلى جاڭا ۇلى ىستەردى جاراتادى!

(شينحۋا اگەنتتىگىنىڭ 10 - ايدىڭ 18 - كۇنى بەيجيڭنەن بەرگەن حابارى)