− پارتيانىڭ 20 - قۇرىلتايىنان ماركسيزمنىڭ جۇڭگوشالانۋىنىڭ، زامانالانۋىنىڭ تىڭ سەكىرۋىن جۇزەگە اسىرۋعا قاراعاندا

 شينحۋا اگەنتتىگىنىڭ تىلشىلەرى

ءبىر ۇلت ءداۋىردىڭ الدىڭعى لەگىندە ءجۇرۋ ءۇشىن، نازاريالىق وي جەلىسىنەن ءبىر ساتكە دە قول ۇزۋىنە، دۇرىس يدەيالىق جەتەكشىلىكتەن ءبىر ساتكە دە قول ۇزۋىنە بولمايدى.

”جاڭا ءداۋىر جۇڭگوشا سوتسياليزم يدەياسىن جاراتىپ، جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ نەگىزگى جالپى جوباسىن ايقىنداپ، ەل باسقارۋدىڭ ءبىر قىدىرۋ جاڭا ۇستانىمىن، جاڭا يدەياسىن، جاڭا ستراتەگياسىن العا قويىپ، ماركسيزمنىڭ جۇڭگوشالانۋىنىڭ، زامانالانۋىنىڭ تىڭ سەكىرۋىن جۇزەگە اسىردىق“.

باس شۋجي شي جينپيڭنىڭ 20 - قۇرىلتاي بايانداماسىنداعى ايقىن جاريالاۋى جاڭا داۋىردەگى جۇڭگو كوممۋنيستەرىنىڭ تەرەڭ تاريحي سەنىمى مەن تاريحي سانالىلىعىن كورسەتتى.

اقيقات الاۋىن بيىك ۇستاعاندا عانا، الداعى جولدى انىق كورۋگە بولادى.

شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، بۇكىل پارتيا، بۇكىل ەلدەگى ءار ۇلت حالقى اناعۇرلىم تۇبەگەيلى رۋحاني ىرىقتىلىق، تاريحي ىرىقتىلىق، دامۋ ىرىقتىلىعى ارقىلى جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا كوكىرەك كەرە، جىگەرلەنە اتتانىپ، ەكىنشى 100 جىلدىق كۇرەس نىساناسىنا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنا قاراي ەرلىكپەن العا باستى.

　　ماركسيزمنىڭ جۇڭگوشالانۋىنىڭ، زامانالانۋىنىڭ جاڭا ءورىسىن اشتى −

　　شي جينپيڭ جاڭا ءداۋىر جۇڭگوشا سوتسياليزم يدەياسى زامانىمىزداعى جۇڭگونىڭ ماركسيزمى، 21 - عاسىرداعى ماركسيزم، جۇڭحۋا مادەنيەتى مەن جۇڭگو رۋحىنىڭ داۋىرلىك جاۋھارى

2022 - جىلى 10 - ايدىڭ 16 - كۇنى تۇستەن بۇرىن تالاي - تالاي كەلەلى تاريحي ساتتەرگە كۋا بولعان حالىق سارايىندا ءداۋىردىڭ قۋاتتى ءۇنى تاعى ءبىر مارتە اسقاقتادى:

”جاڭا داۋىردەگى 10 جىلدىق ۇلى وزگەرىس پارتيا تاريحىندا، جاڭا جۇڭگو تاريحىندا، رەفورمالاۋ، ەسىك اشۋ تاريحىندا، سوتسياليزمنىڭ دامۋ تاريحىندا، جۇڭحۋا ۇلتىنىڭ دامۋ تاريحىندا بەلەستىك مانگە يە“.

باس شۋجي شي جينپيڭنىڭ قۇرىلتايعا بايانداما جاساعانداعى ايبىندى جاريالاۋى پارتيانىڭ 20 - قۇرىلتايىنا قاتىناسقان بارلىق ادامنىڭ قۇلاعىندا، جاڭا داۋىردەگى جۇڭگونىڭ بايتاق دالاسىندا جاڭعىردى.

”جۇڭحۋا ۇلتىنىڭ دوڭگەلەك داۋلەتتىلىككە جەتۋ سىندى مىڭ جىلدىق ارمانىن جۇزەگە اسىردىق“، ”مۇلدەم كەدەيلىك ماسەلەسىن تاريحي سيپاتتى شەشتىك“، ”ەلىمىزدىڭ ەكونوميكالىق قۋاتى تاريحي ارتۋدى جۇزەگە اسىردى“، ”حالىق تۇرمىسىن جان - جاقتى جاقسارتتىق“...

بايانداماداعى تۇجىرىمدى ءارى سالماقتى جيناقتاۋلار جاڭا داۋىردەگى جۇڭگوشا سوتسياليزمنىڭ ۇلى تابىستارىن كورسەتتى.

باياندامادا مىنالار اتاپ كورسەتىلدى: جۇڭگو كوممۋنيستىك پارتياسىنىڭ نەلىكتەن ىسكەر بولۋى، جۇڭگوشا سوتسياليزمنىڭ نەلىكتەن جاقسى بولۋى، سايىپ كەلگەندە، ماركسيزمنىڭ جارامدى بولۋىندا، جۇڭگوشالانعان، زامانالانعان ماركسيزمنىڭ جارامدى بولۋىندا.

”پارتيا 18 - قۇرىلتايىنان بەرگى پارتيا مەن مەملەكەت ىستەرىندە تاريحي تابىستارعا قول جەتۋدىڭ، تاريحي وزگەرىستەر تۋىلۋدىڭ ەڭ ءتۇبىرلى تەتىگى باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى رەتىندە رول ۇستاپ، جول باستاۋىندا، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىندە“، - دەدى 20 - قۇرىلتاي ۋاكىلى، ورتالىق كوميتەت پارتيا تاريحى جانە حۇجات - ماتەريالدار زەرتتەۋ مەكەمەسىنىڭ ورىنباسار باستىعى حۋاڭ يبيڭ.

جاڭا داۋىرگە قادام تاستاعاندا، ىشكى - سىرتقى جاعدايداعى جاڭا وزگەرىستەر مەن امالياتتىق تىڭ تالاپتار جۇڭگو كوممۋنيستەرىنىڭ نازاريا مەن امالياتتى ۇشتاستىرۋ جاعىنان پارتيا مەن مەملەكەت ىستەرىنىڭ دامۋىنا، پارتيانىڭ ەل باسقارۋىنا ساياتىن ءبىر قىدىرۋ كەلەلى داۋىرلىك تاقىرىپتارعا ىشكەرىلەي جاۋاپ بەرۋىن شۇعىل قاجەت ەتتى.

شي جينپيڭ جولداس باستى ۋاكىل بولعان جاڭا داۋىردەگى جۇڭگو كوممۋنيستەرى جۇرەكتىلىكپەن نازاريادا ىزدەنىس جاساپ جانە جاڭالىق اشىپ، كوممۋنيستىك پارتيانىڭ بيلىك جۇرگىزۋ زاڭدىلىعى، سوتسياليستىك قۇرىلىس زاڭدىلىعى، ادامزات قوعامىنىڭ دامۋ زاڭدىلىعى جونىندەگى تانىمدى شىت جاڭا كوز ايامەن تەرەڭدەتىپ، كەلەلى نازاريالىق جاسامپازدىق جەتىستىكتەرگە قول جەتكىزىپ، ونى شي جينپيڭ جاڭا ءداۋىر جۇڭگوشا سوتسياليزم يدەياسى رەتىندە شوعىرلى بەينەلەدى.

”شىبادۇڭ قىستاعىنداعى كەدەيلىكتەن ارىلتۋ حيكايالارىنان ’كەدەيلەردى دالمە - ءدال سۇيەمەلدەۋدىڭ‘ يدەيالىق كۇشىن تەرەڭ سەزىنۋگە بولادى“، - دەدى 20 - قۇرىلتاي ۋاكىلى، حۋنان ولكەسى حۋايۋان اۋدانى شىبادۇڭ قىستاعى پارتيا ياچەيكاسىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى شى جينتۇڭ شىن جۇرەكتەن.

بۇگىنگى شىبادۇڭ قىستاعى كەدەي مياۋزۋ قىستاعىنان كەدەيلەردى دالمە - ءدال سۇيەمەلدەۋ ۇلگىسى بولۋعا دەيىنگى تۇلەۋدى جۇزەگە اسىردى.

2013 - جىلى 11 - ايدا ءدال وسى شىبادۇڭ قىستاعىندا باس شۋجي شي جينپيڭ ”كەدەيلەردى دالمە - ءدال سۇيەمەلدەۋدى“ العاش رەت العا قويىپ، ميلليارد حالىقتى كەدەيلىككە قارسى ۇلى كۇرەس جۇرگىزۋگە باستاعان ەدى.

يدەيانىڭ ءمانى تاريحتىڭ وزگەرىسىنە ۇيلەسىپ، ءداۋىردىڭ سۇراۋىن شەشۋدە.

ماركسيزمنىڭ ”جەبەسىمەن“ جاڭا داۋىردەگى جۇڭگونىڭ ”نىساناسىن“ كوزدەگەن شي جينپيڭ جاڭا ءداۋىر جۇڭگوشا سوتسياليزم يدەياسى ەل باسقارۋداعى ءبىر قىدىرۋ جاسامپازدىق سيپاتتى جاڭا ۇستانىم، جاڭا يدەيا، جاڭا ستراتەگيا ارقىلى پارتيا مەن مەملەكەت ىستەرىنىڭ دامۋىنا عىلمي جەتەكشىلىك ۇسىندى:

پارتيانىڭ جاپپاي باسشىلىعىنا تاباندى بولىپ جانە ونى كۇشەيتىپ، پارتيانىڭ وزىنە - ءوزى توڭكەرىس جاساۋىن ىلگەرىلەتۋدى العا قويدى؛

سوتسياليستىك نەگىزگى ەكونوميكالىق تۇزىمگە تاباندى بولىپ جانە ونى كەمەلدەندىرىپ، بازاردىڭ بايلىقتى جايعاستىرۋداعى شەشۋشى رولىن تولىق ساۋلەلەندىرۋدى، ۇكىمەتتىڭ رولىن اناعۇرلىم ويداعىداي ساۋلەلەندىرۋدى العا قويدى؛

جۇڭگوشا سوتسياليستىك تۇزىمگە تاباندى بولىپ جانە ونى كەمەلدەندىرىپ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋدى العا قويدى؛

...

”شي جينپيڭ جاڭا ءداۋىر جۇڭگوشا سوتسياليزم يدەياسى جاڭا داۋىردەگى جۇڭگوشا سوتسياليزمنىڭ بۇكىل امالياتى بارىسىندا جارىققا شىققان نازاريالىق جاۋھار، ماركسيزمنىڭ نەگىزگى قاعيدالارىن جۇڭگونىڭ ناقتى امالياتىمەن ۇشتاستىرۋدىڭ، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋدىڭ ەڭ جاڭا جەتىستىگى“، - دەدى پارتيا تاريحى مامانى وۋياڭ سۇڭ.

”عىلمي سوتسياليزم 21 - عاسىرداعى جۇڭگودا قاۋلاعان تىڭ تىرشىلىك تىنىسىن تاسقىنداتتى“، باس شۋجي شي جينپيڭ باياندامادا ايبىندى ۇنمەن وسىلاي دەپ كەلەلى تۇجىرىم جاسادى.

ءماجىلىس زالىندا، 20 - قۇرىلتاي ۋاكىلى، لي داجاۋدىڭ نەمەرەسى لي حۇڭتا ايرىقشا تولقىپ بىلاي دەدى: ”ءار بۋىن جۇڭگو كوممۋنيستەرى ماركسيزمنىڭ جۇڭگوشالانۋىن، زامانالانۋىن ۇزدىكسىز ىلگەرىلەتىپ، دۇنيە جۇزىندە جۇڭگوشا سوتسياليزم ۇلى تۋىن بيىك كوتەردى“.

سوتسياليزم قاشاندا ءورىس اشۋ بارىسىندا العا باسىپ كەلەدى.

دۇنيە ءجۇزى سوتسياليزمىنىڭ 500 جىلدا قيالدان عىلىمعا، نازاريادان امالياتقا اينالىپ، ءبىر ەلدەن كوپ ەلگە قانات جايۋىندا جەڭىس جىرىمەن جورىق جاساعان جوعارى ورلەۋ دە، بۇراڭدىق بارىسىندا ىزدەنىس جاساعان ماشاقات تا بولدى.

ۋاقىت پويەزى 21 - عاسىرعا جەتىپ، جۇڭگوشا سوتسياليزم جاڭا داۋىرگە وتكەن كەزدە، جۇڭگو كوممۋنيستىك پارتياسى حالىقتى باستاپ، ءبىرىنشى 100 جىلدىق كۇرەس نىساناسىن جۇزەگە اسىرىپ، جاپپاي سوتسياليستىك وسىزاماندانعان قۋاتتى ەل قۇرۋ سىندى ەكىنشى 100 جىلدىق كۇرەس نىساناسىنا قاراي قادام تاستادى... شي جينپيڭ جاڭا ءداۋىر جۇڭگوشا سوتسياليزم يدەياسىنىڭ امالياتى جۇڭگوعا تەرەڭ وزگەرىس اكەلدى، سونداي - اق ماركسيزمدى بارىنشا بايىتتى.

”جۇڭگوشا سوتسياليزم وراسان زور تابىسقا قول جەتكىزىپ، دۇنيە ءجۇزى سوتسياليزمىنىڭ 500 جىلدان بەرگى ەڭ تاڭداۋلى تاماشا داستانىن جازدى“. مەملەكەتتىك حالىق قۇرىلتايى قوعامدىق قۇرىلىس كوميتەتىنىڭ مەڭگەرۋشى مۇشەسى حى يتيڭ جاڭا داۋىردەگى جۇڭگوشا سوتسياليزم دۇنيە ءجۇزى سوتسياليزمىنىڭ گۇلدەنۋگە بەت الۋىنداعى مىزعىماس تىرەككە اينالعانىن ايتتى.

سىچۋاننىڭ مەيشان تاۋىندا، سانسۋسى مىڭ جىلدىق مادەنيەت ساباقتاستىعىن جالعاپ، جاڭا داۋىردە ونان ارى جارقىراي ءتۇستى.

بيىل 6 - ايدا باس شۋجي شي جينپيڭ وسى ارادا قىزمەت تەكسەرگەندە بىلاي دەپ اتاپ كورسەتتى: ”ءبىر تامشى سۋدان كۇننىڭ كوزىن كورۋگە بولادى، ءبىر سانسۋسىدان ءبىزدىڭ جۇڭحۋا مادەنيەتىنىڭ شۇرايلى كەنىشىن بايقاۋعا بولادى“.

”باس شۋجي مادەنيەت سەنىمىنەن وربىتە وتىرىپ جول سەنىمىنە توقتالىپ، ’جۇڭحۋا ۇلتىندا 5000 جىلدان اساتىن ۇزاق وركەنيەت تاريحىنىڭ ۇلتاندى نەگىزى بار، ءبىز حالىقتى باستاپ، جۇڭگوشا سوتسياليزم جولىمەن جۇرەمىز‘ دەپ باسا دارىپتەدى“، - دەدى 20 - قۇرىلتاي ۋاكىلى، مەيشان قالالىق پارتكومنىڭ شۋجيى حۋ يۋانكۇن سول ءساتتى ەسكە العاندا تەرەڭ اسەرمەن.

تەك ءوز وتانىنىڭ، ءوز ۇلتىنىڭ تاريحي مادەنيەتىنىڭ قۇنارلى القابىنا تەرەڭ تامىر تارتقاندا عانا، ماركسيزمدىك اقيقاتتىڭ الىپ بايتەرەگى تەرەڭگە تامىر تارتىپ، بۇتاق - جاپىراعى ماۋەلى بولادى.

باس شۋجي شي جينپيڭ جاساعان باياندامانى زەردەلەي وقىپ وتىرساڭىز، جۇڭحۋا مادەنيەتىنىڭ ۇلتاندى نەگىزى الدىڭىزدا جايىلىپ سالا بەرەدى: ”حالىقتى وزەك ەتكەن دامۋ يدەياسىنا تاباندى بولۋعا“ ”مەملەكەتتى باسقارۋدىڭ وزگەرمەس زاڭ - قاعيداسى بولادى، حالىققا پايدا جەتكىزۋ سونىڭ نەگىزى سانالادى“ دەيتىن تەرەڭ ءمان - ماڭىز قامتىلعان؛ ”ادام مەن تابيعاتتىڭ جاراسىمدى، قاتار ءومىر ءسۇرۋىن جەبەۋگە“ ”تابيعات پەن ادامنىڭ بىرلىگىن ساقتاۋ“ پاراساتى سىڭىرىلگەن؛ ”دۇنيە ءجۇزى وركەنيەتىنىڭ الۋان تۇرلىلىگىنە قۇرمەت ەتۋ“ ”بارلىق ەلدىڭ بەرەكەلى بولۋى“ سىندى كەڭ دارقاندىقتى كورسەتتى...

باياندامادا مىنالار باسا دارىپتەلدى: ”ماركسيزم يدەياسىنىڭ جاۋھارىن جۇڭحۋانىڭ تاڭداۋلى ءداستۇرلى مادەنيەتىنىڭ جاۋھارىمەن ۇشتاستىرىپ، حالىق بۇقاراسىنىڭ كۇندەلىكتى تۇرمىستا قولدانعانىمەن سەزىنە بەرمەيتىن ورتاق قۇن كوزقاراسىمەن توعىستىرىپ، عىلمي نازارياعا ۇزدىكسىز ايقىن جۇڭگوشا ەرەكشەلىك ۇستەۋىمىز كەرەك“.

”شي جينپيڭ جاڭا ءداۋىر جۇڭگوشا سوتسياليزم يدەياسى كۇشتى جۇڭگو ەرەكشەلىگىنە، تەرەڭ جۇڭحۋا سەزىمىنە، اسقاق ۇلتتىق رۋحقا تولى، قۇدىرەتتى تاريحي ساباقتاستىق قۋاتقا، مادەنيەتتىك باۋراۋ قۋاتىنا جانە رۋحاني ۇيىرىمدىلىك قۋاتقا يە، ول جۇڭحۋا مادەنيەتى مەن جۇڭگو رۋحىنىڭ ايتسا ايتقانداي داۋىرلىك جاۋھارى“، - دەدى 20 - قۇرىلتاي ۋاكىلى، شاندۇڭ قوعامدىق عىلىمدار اكادەمياسى مادەنيەت زەرتتەۋ ورنىنىڭ باستىعى جاڭ ۋي.

يدەيانىڭ كۇشى شەكسىز، ول جەتپەيتىن قيان، اسپايتىن اسۋ بولمايدى.

ماركسيزم تاسقىنداعان ومىرشەڭدىكپەن جانە شىت جاڭا وبرازىمەن دۇنيە جۇزىنە ايگىلەنىپ، دۇنيە جۇزىندەگى ءار ەل شىعىسقا اناعۇرلىم كوپ نازار اۋداردى −

”ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدى“ العا قويىپ، ”جۇڭگونىڭ تىڭ دامۋى ارقىلى دۇنيە جۇزىنە تىڭ ورايلاردى ۇزدىكسىز ازىرلەپ، اشىق دۇنيە ءجۇزى ەكونوميكاسىن قۇرۋدى ىلگەرىلەتىپ، ءار ەل حالقىنا اناعۇرلىم ويداعىداي تيىمدىلىك جاساۋدى“ ايگىلەپ، ”بەيبىتشىلىك، دامۋ، ادىلدىك، تۋراشىلدىق، دەموكراتيا، ەركىندىك سىندى بۇكىل ادامزاتقا ورتاق قۇندىلىقتى ساۋلەلەندىرۋدى“ باسا دارىپتەگەن بايانداما دۇنيە ءجۇزىنىڭ بەيبىتشىلىگى مەن دامۋىن جەبەۋگە جۇڭگو جوباسىن ارنادى.

”شي جينپيڭ جاڭا ءداۋىر جۇڭگوشا سوتسياليزم يدەياسىنىڭ مازمۇنى باي، ويى شۇلەن، ءمانى تەرەڭ“. «شي جينپيڭ ەل باسقارۋ جونىندەنىڭ» اعىلشىنشاسىن رەداكسيالاۋ جانە بەكىتۋ قىزمەتىنە قاتىناسقان شەتەل ءتىلى باسپاسىنىڭ شەتەلدىك مامانى داۆيد فەرگۋسون شي جينپيڭ جاڭا ءداۋىر جۇڭگوشا سوتسياليزم يدەياسى جۇڭگونىڭ بولاشاق دامۋىنا باعىت - باعدار كورسەتىپ قانا قويماي، دۇنيە ءجۇزى دە ودان شابىت الىپ، وي تۇيەتىندىگىن ءبىلدىردى.

　　ەل باسقارۋدىڭ جاڭا جاعدايىن اشتى −

　　ماركسيزمدىك تۇرعى، كوزقاراس، ءادىس ارقىلى ءداۋىردى باعامداپ، يگەرىپ، داۋىرگە جەتەكشىلىك ەتكەن شي جينپيڭ جاڭا ءداۋىر جۇڭگوشا سوتسياليزم يدەياسى جاڭا داۋىردەگى جۇڭگو امالياتىنا جەتەكشىلىك ەتۋ بارىسىندا بايىدى جانە دامىدى

اماليات نەگىزىندەگى نازاريالىق جاسامپازدىقتى ۇزدىكسىز ىلگەرىلەتۋدە، ەڭ اۋەلى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ دۇنيەگە كوزقاراسى مەن ادىستەمەسىن ويداعىداي يگەرىپ، وعان سىڭىرىلگەن تۇرعىعا، كوزقاراسقا، ادىسكە ويداعىداي تاباندى بولۋ جانە ودان ويداعىداي پايدالانۋ كەرەك.

باياندامادا باياندالعان حالىقتى بارىنەن جوعارى قويۋعا، ءسوز جوق، تاباندى بولۋ، سەنىمدى، دەربەس بولۋعا، ءسوز جوق، تاباندى بولۋ، ءتۇبىرلى پرينسيپتەن اينىماي، جاڭالىق اشۋعا، ءسوز جوق، تاباندى بولۋ، ماسەلەنى باعدار ەتۋگە، ءسوز جوق، تاباندى بولۋ، جۇيە كوزقاراسىنا، ءسوز جوق، تاباندى بولۋ، دۇنيەگە كەڭ پەيىل بولۋعا، ءسوز جوق، تاباندى بولۋ سىندى ”التىعا، ءسوز جوق، تاباندى بولۋ“ شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ۇلى كۇشىن ومىرگە اكەلگەن، جۇڭگو سۇراۋىنا، دۇنيە ءجۇزى سۇراۋىنا، حالىق سۇراۋىنا، ءداۋىر سۇراۋىنا جاۋاپ بەرگەن ”التىن كىلت“ بولىپ تابىلادى.

شاڭحاي، شيڭيە جولى لاۋشىكۋمىن. پارتيانىڭ 20 - قۇرىلتايى اشىلۋ قارساڭىندا، جۇڭگو كوممۋنيستىك پارتياسى 1 - قۇرىلتايىنىڭ ەسكەرتكىش سارايى توپ - توپ ەكسكۋرسيالاۋشىلاردى قارسى الدى.

ايالسىز ۋاقىت كوشىندە ءبارى كۇنى كەشەگىدەي جاڭعىرىپ تۇر. 5 جىلدىڭ الدىندا، 2017 - جىلى 10 - ايدىڭ 31 - كۇنى باس شۋجي شي جينپيڭ جۇڭگو كوممۋنيستىك پارتياسى 19 - كەزەكتى ورتالىق كوميتەتى ساياسي بيۋروسىنىڭ تۇراقتى مۇشەلەرىن باستاپ وسى اراعا كەلىپ، 1 - قۇرىلتاي اشىلعان جەردى قۇرمەتپەن كورىپ، پارتياعا كىرۋ سەرتىن قايتا پىسىقتاپ، الاعاي دا بۇلاعاي اۋناعان تاريح كوشىنەن اۋەلگى ماقساتتى ىزدەپ، ساياسي سەنىمدى بەكەمدەيتىندىگىن جاريالادى.

”1920 - جىلى 9 - ايدا باسپادان شىققان «كوممۋنيستىك پارتيا جارناماسىنىڭ» حانزۋ تىلىندەگى تۇڭعىش تولىق اۋدارما نۇسقاسى قويىلعان كورمە سورەسىنىڭ الدىندا باس شۋجي ۇڭىلە قاراپ، ۇزاق تۇردى“. 20 - قۇرىلتاي ۋاكىلى، جۇڭگو كوممۋنيستىك پارتياسى 1 - قۇرىلتايى ەسكەرتكىش سارايى ۇگىت - تاربيە ءبولىمىنىڭ مەڭگەرۋشىسى ياڭ يۇي سول كەزدە تۇسىنىك جاساۋعا قاتىناسقان، سونداعى ساتتەر ءالى كۇنى كەشەگىدەي انىق ەسىندە. ”باس شۋجي ايتقانداي، پارتيامىزدىڭ تۇتاس تاريحى جۇڭگو كوممۋنيستىك پارتياسىنىڭ 1 - قۇرىلتايىنان باستالعان، ءبىز قانشا الىستارعا بارساق تا كەلگەن جولىمىزدى ۇمىتپاۋىمىز كەرەك“.

ءبىر ساياسي پارتيادا ۇلى مۇرات پەن اسقاق تالپىنىس بولعاندا عانا، وزىنە سەنىپ، ءوز كۇشىنە سۇيەنىپ، تاباندى دا پارمەندى بولىپ، نەبىر ساتسىزدىكتەرگە توتەپ بەرىپ، تولاسسىز سەرپىلە الادى.

جيڭگاڭشانداعى توڭكەرىستىك قۇرباندار قابىرى، قىزىل ارميا ۇزاق جورىق قوسىندارى توعىسۋىنىڭ ەسكەرتكىشى، سىپيڭ شايقاسى ەسكەرتكىش سارايى... پارتيا 18 - قۇرىلتايىنان بەرى، باس شۋجي شي جينپيڭنىڭ قىزىل نىشاندار ارقىلى سەنىمدى شىڭداعان ساتتەرى جۇرت جۇرەگىن تەبىرەنتتى.

”مۇرات - سەنىمدى بەكەمدەۋ ومىرلىك تاقىرىپ“ ەكەندىگىن باسا دارىپتەدى؛ ”بەرىك مۇرات - سەنىم، ءسوز جوق، ماركسيزمگە دەگەن تەرەڭ تۇسىنىك نەگىزىندە ورناۋى، تاريحي زاڭدىلىقتى تەرەڭ يگەرۋ نەگىزىندە ورناۋى“ كەرەكتىگىن اتاپ كورسەتتى... باس شۋجي شي جينپيڭ مۇرات - سەنىمدى بەكەمدەۋدى كورنەكتى ورىنعا قويىپ، بۇكىل پارتيانى، بۇكىل ەل حالقىن باستاپ، جاڭا جورىققا اتتاندى.

”شي جينپيڭ جاڭا ءداۋىر جۇڭگوشا سوتسياليزم يدەياسى ماركسيزمگە دەگەن بەرىك سەنىمگە تولى، سوتسياليزم، كوممۋنيزم جونىندەگى بەرىك تانىمعا تولى، ’توڭكەرىستىك مۇرات اسپاننان دا بيىك‘ دەيتىن دارقان سۇيىسپەنشىلىككە تولى. بەرىك مۇرات - سەنىم وسى ءبىر يدەيانىڭ ماركسيزم نازارياسىنىڭ ارقاۋىن ايگىلەدى، كوممۋنيستەردىڭ ساياسي قاسيەتىن ايگىلەدى“، - دەدى ۋاكىل حۋاڭ يبيڭ.

”بيلىك دەگەنىمىز حالىق، حالىق دەگەنىمىز بيلىك“. قۇرىلتايدا باياندامانى تىڭداعان 20 - قۇرىلتاي ۋاكىلى، حىبەي ولكەسى فۋپيڭ اۋدانى لوتو - ۋان قىستاعى پارتيا ياچەيكاسىنىڭ شۋجيى گۋ رۇيلي تەرەڭ اسەر الدى.

ازىقتىق ساڭىراۋقۇلاق، تاۋ جەمىس ورمانى سياقتى كاسىپ سالالارىن دامىتتى، حالىقتىق تۇسەلحانا ساياحاتىن اشتى... بۇگىنگى لوتو - ۋان قىستاعىندا بۇقارانىڭ قالتاسى قامپايدى، ۇيلەرى جاڭاردى، تاۋ ونان ارى جاسىلدانىپ، سۋ ونان ارى تۇنىق بولا ءتۇستى، كەدەيلىكتەن ارىلعاننان كەيىن، اۋىل - قىستاقتى گۇلدەندىرۋ جولى اناعۇرلىم داڭعىل بولا ءتۇستى.

”وسى رەت قۇرىلتايعا اۋىلداستاردىڭ سالماقتى تاپسىرماسىن الا كەلدىم، تاماشا تۇرمىسىمىزدان ەسەپ بەرەمىن“، - دەدى ۋاكىل گۋ رۇيلي.

ۋاقىت كورسەتكىش ءتىلىن 2012 - جىلدىڭ 11 - ايىنىڭ 15 - كۇنىنە شەگەرەيىك. جۇڭگولىق، شەتەلدىك تىلشىلەردىڭ الدىندا، جۇڭگو كوممۋنيستىك پارتياسى ورتالىق كوميتەتىنىڭ باس شۋجيلىگىنە جاڭادان سايلانعان شي جينپيڭ ايبىندى تۇردە بىلاي دەپ جاريالادى: ”حالىقتىڭ تاماشا تۇرمىسقا تالپىنىسى ءبىزدىڭ كۇرەس نىسانامىز“.

كۇنى - ءتۇنى كوپتىڭ قامىن ويلاعان 10 جىلدا، شي جينپيڭ جولداستى ۇيتقى ەتكەن پارتيا ورتالىق كوميتەتى حالىقتىڭ ۇنىنە قۇلاق ءتۇرىپ، حالىق جاعدايىن كورىپ، حالىقتىڭ اقىل - پاراساتىن توپتاپ، حالىقتى ۋايىمنان ارىلتىپ، حالىققا بەرگەن سەرتىن ءىس جۇزىندىك ارەكەتىمەن امالياتتا ايگىلەدى.

كەدەيلىكتەن ارىلتۋدا ”بىردە - بىرەۋىن قاعىس قالدىرماي“، دوڭگەلەك داۋلەتتىلىك جولىندا ”بىردە - ءبىرىن قاتاردان قالدىرماي“، دامۋ بارىسىندا حالىق تۇرمىسىن قامتاماسىز ەتىپ جانە جاقسارتىپ، حالىقتىڭ تۇرمىسىن جان - جاقتى جاقسارتتى؛

حالىقتىڭ وزىنە - ءوزى قوجايىن بولۋ ءتۇزىمى جۇيەسىن كەمەلدەندىرىپ، حالىق ءۇشىن بيلىك جۇرگىزۋدىڭ، حالىققا سۇيەنىپ بيلىك جۇرگىزۋدىڭ ءتۇرلى تۇزىمدەرىن اقاۋسىزداندىرىپ، حالىقتى شىن مانىندە مەملەكەتتىڭ قوجايىنىنا اينالدىردى؛

حالىق تىلەگى ارقىلى ”ەڭ ۇلكەن ساياسيعا“ انىقتاما بەرىپ، شىرىكتەسۋدى تەگەۋرىنمەن جازالاپ، ”جولبارىستى“، ”شىبىندى“ بىرگە سوعۋعا تاباندى بولىپ، بۇقارانىڭ مۇددەسىن ەلەپ - ەسكەرمەۋ جانە وعان زيان جەتكىزۋ ماسەلەسىن كۇش سالا رەتتەپ، جونگە سالدى...

”حالىققا باقىت جاراتۋ − جالپى ءۇشىن پارتيا قۇرۋدىڭ، حالىق ءۇشىن بيلىك جۇرگىزۋدىڭ ماندىك تالابى“، باياندامادا جاريالانعانى ءدال جۇڭگو كوممۋنيستەرىنىڭ باس ماقساتىنىڭ، قاسيەتىنىڭ شوعىرلى ايعاعى بولىپ تابىلادى.

”حالىقتان قول ۇزگەن نازاريا اتاۋلىنىڭ ءبارى قاۋقارسىز، حالىققا باقىت جاراتپاعان نازاريا اتاۋلىنىڭ بارىندە ومىرشەڭدىك بولمايدى“.

20 - قۇرىلتايدىڭ ۋاكىلى، شاڭحاي جياۋتۇڭ داشۋەسىنىڭ مەديتسينا شۋەيۋانىنا قاراستى رىنجي شيپاحاناسى تىنىس جولى اۋرۋلارى ءبولىمىنىڭ تەتە اعا شيپاگەرى جا چيۇڭفاڭ بايانداماداعى وسى سويلەممەن ەرەكشە ۇندەستىك تاپتى. كەزىندە ۋحاندا ونداعان تاۋلىك ىندەتپەن شايقاسقان ول، ”جاڭا تۋعان نارەستەدەن 100 جاستاعى قارياعا دەيىن، ءاربىر جان يەسىنىڭ بار كۇشپەن قورعالعاندىعىن“ ءوز كوزىمەن كورگەن ەدى.

”باس شۋجي شي جينپيڭ حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن ءبىرىنشى ورىنعا قويۋدى باسا دارىپتەدى. ءبىز مۇنان شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ءجۇز ميلليونداعان حالىقتىڭ كوكەيىنە جازىلعان نازاريا، حالىق ۇناتقان، شىنايى مويىنداعان، يە بولعان نازاريا ەكەندىگىن تەرەڭ سەزىندىك“، - دەدى ۋاكىل جا چيۇڭفاڭ.

”ماسەلە − ءداۋىردىڭ ءۇنى، ماسەلەگە جاۋاپ قايتارۋ ءارى ونى شەشۋگە جەتەكشىلىك ەتۋ − نازاريانىڭ ءتۇبىرلى مىندەتى“. باس شۋجي شي جينپيڭنىڭ بايانداماداعى ماڭىزدى بايىمداۋى ادامعا تەرەڭ وي سالادى.

پارتيا ىشىندە ءبىر مەزگىل ورىن تەپكەن پارتيانىڭ باسشىلىعىنا تاباندى بولۋ تانىمىنىڭ كۇڭگىرتتىگى، ارەكەتتىڭ دارمەنسىزدىگى، پارتيانىڭ باسشىلىعىن تياناقتاندىرۋدىڭ السىرەۋى، وتىرىككە اينالۋى، سولعىنداۋى سياقتى ماسەلەلەرگە سايكەس، پارتيانىڭ جاپپاي باسشىلىعىنا تاباندى بولۋ جانە ونى كۇشەيتۋدى العا قويىپ، نازاريالىق جانە امالياتتىق جاقتان ايقىن جاۋاپ بەردى؛

ەلىمىز ەكونوميكاسىنداعى ”ءۇش مەزگىلدىڭ قاباتتاسۋىنا“ عىلمي تالداۋ جاساۋ جانە ءدال تۇجىرىمداۋ نەگىزىندە، جاڭا دامۋ كەزەڭىن تياناق ەتۋدى، جاڭا دامۋ ۇستانىمىن دايەكتىلەندىرۋدى، جاڭا دامۋ ارناسىن قالىپتاستىرۋدى، جوعارى ساپالى دامۋدى ىلگەرىلەتۋدى العا قويدى؛ ەكونوميكانىڭ دامۋى مەن ەكولوگيالىق ورتانى قورعاۋدىڭ جاعدايىن باعامداپ، ”تۇنىق سۋ، جاسىل تاۋ − باعالى بايلىق“ ۇستانىمى ارقىلى كورىكتى جۇڭگو قۇرۋعا، ەكونوميكانىڭ دامۋ تاسىلىنە بۇرىلىس جاساۋعا، جاپپاي سوتسياليستىك وسىزاماندانعان مەملەكەت قۇرۋعا پارمەندى يدەيالىق جەتەكشىلىك ازىرلەدى...

جاڭا داۋىردەگى جۇڭگو جولىنىڭ ءاربىر قادام العا ىلگەرىلەۋىنىڭ، جۇڭگونىڭ بايتاق دالاسىنىڭ ءاربىر جەرىندەگى وزگەرىستىڭ ءبارى باياندامادا العا قويىلعان ”جۇڭگونىڭ ماسەلەسىن، ءسوز جوق، جۇڭگونىڭ نەگىزگى مەملەكەت جاعدايىن نەگىز ەتە وتىرىپ، جۇڭگولىقتاردىڭ ءوزى شەشۋى كەرەك“ دەگەندى ىشكەرىلەي ءتۇسىندىردى.

”10دى ايقىنداۋ“، ”14كە تاباندى بولۋ“، ”13 جاقتاعى تابىس“، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ قالىڭ تاراۋلارىن اقتارساق، ءبارىنىڭ ماركسيزمدىك تۇرعىنى، كوزقاراستى، ءادىستى قولدانىپ جاڭا ءداۋىر جۇڭگوشا سوتسياليزمىنە تالداۋ جاساعان اقىل - پاراسات جاۋھارى ەكەنى انىق، ءبارى دە پارتيانىڭ نەگىزگى نازارياسى مەن جەتەكشى يدەياسىنىڭ داۋىرمەن بىرگە ىلگەرىلەگەندىگىن ايگىلەيدى.

ءار سەكۋندتا ءبىر كونتەينەر پوردتان كىرىپ - شىعادى، جىلدىق جۇك قابىلداۋ - جونەلتۋ مولشەرى ءبىر ميلليارد 200 ميلليون توننادان اسادى، ءۇرتىس 13 جىل بويى دۇنيە ءجۇزى بويىنشا ءبىرىنشى ورىندى بەرمەدى... 20 - قۇرىلتايدىڭ ۋاكىلى، نيڭبو جوۋشان پورتى توبىنىڭ باسالقاسى ماۋ جيانحۇڭ وسى ناتيجە قاعازىن الا كەلدى.

”ىندەت تۋىلعان 2 جىلدان استام ۋاقىتتان بەرى، نيڭبو جوۋشان پورتى چاڭجياڭ ەكونوميكالىق بەلدەۋىنە ىشكەرىلەي ەنىپ، ەۆروپا - ازيا قۇرلىق كوپىرىن تۇتاستىرىپ، جاڭا دامۋ ارناسىن قالىپتاستىرۋ بارىسىندا جاڭا ىسكەرلىكتى ايگىلەۋدە“، - دەدى ۋاكىل ماۋ جيانحۇڭ.

2 جىلدان استام ۋاقىتتىڭ الدىندا، نيڭبو جوۋشان پورتىندا تەكسەرۋ - زەرتتەۋ جۇرگىزگەننەن كەيىن كوپ وتپەي، باس شۋجي شي جينپيڭ جاڭا جاعدايعا وي جۇگىرتىپ تولعانۋ نەگىزىندە، ”ەل ءىشى ۇلكەن اينالىمىن قۇرۋدى نەگىزگى تۇلعا، ەل ءىشى مەن حالىقارا قوس اينالىم ءبىرىن - ءبىرى جەبەيتىن جاڭا دامۋ ارناسىن قالىپتاستىرۋدى“ العا قويدى. جالپى جاعدايدى كوزدەگەن وسى ستراتەگيالىق جوسپار دامۋدىڭ ىرىقتىلىق ۇقىعىن يگەرۋدىڭ العاشقى قادامىنا اينالدى.

”جاڭالىق اشقاندا عانا ءداۋىردى يگەرۋگە، ءداۋىردى باستاۋعا بولادى“. جاڭالىق اشۋ وي جەلىسى − باس شۋجي شي جينپيڭ باسا دارىپتەگەن ماڭىزدى قابىلەتتەردىڭ ءبىرى.

ەنگەلس اتاپ كورسەتكەندەي، ماركستىڭ دۇنيە تۋرالى بارلىق كوزقاراسى − تاعىلىم ەمەس، قايتا ادىستەمە. شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي تۇسىنۋدە ءبىر قىدىرۋ عىلمي ادىستەردىڭ ماعىناسى تەرەڭ:

ستراتەگيالىق وي جەلىسىنە تاباندى بولىپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتۋ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋ؛

ديالەكتيكالىق وي جەلىسىنە تاباندى بولىپ، رەفورما، دامۋ، ورنىقتىلىقتىڭ قاتىناسىن دۇرىس ءبىر جاقتى ەتىپ، ورنىقتىلىق بارىسىندا ىلگەرىلەۋ قىزمەت جالپى ارناسىن تۇراقتاندىرىپ، دامۋ مەن حاۋىپسىزدىكتى ءبىر تۇتاس جوسپارلاۋ؛

تومەنگى شەكتە ويلاۋدى قولدانىپ، ”بارلىق ىستە جامان جاعىنا دايىندىق جاساپ، جاقسى جاعىنا قاراي قۇلشىنىپ، دايىندىقتى، سەنىمدى شايقاس جاساپ“، ەلەۋلى حاۋىپ - قاتەر تۋىلماۋىنىڭ تومەنگى شەگىن باتىل ساقتاۋ؛

...

عىلمي يدەيا، ۋاقىتتىڭ سىنى مەن امالياتتىڭ سىناعىنان ءوتىپ، ونان ارى شۇعىلا شاشادى.

　　ۇلى گۇلدەنۋدىڭ جاڭا جورىعىنا جەتەكشىلىك ەتتى

　　− شي جينپيڭ جاڭا ءداۋىر جۇڭگوشا سوتسياليزم يدەياسىن ءتۇبىرلى بويسۇنۋ ولشەمى جانە ارەكەت باعدارناماسى ەتىپ، ماركسيزمنىڭ جۇڭگوشالانۋىنىڭ، زامانالانۋىنىڭ جاڭا تاراۋىن ۇزدىكسىز جازدى

ماركس: بارلىعى ونىڭ تۇرعان تاريحي ورتاسىنا بايلانىستى بولادى، - دەيدى.

”ماركسيزمنىڭ جۇڭگوشالانۋىنىڭ، زامانالانۋىنىڭ جاڭا تاراۋىن ۇزدىكسىز جازۋ − زامانىمىزداعى جۇڭگو كوممۋنيستەرىنىڭ ايبىندى تاريحي جاۋاپكەرشىلىگى“. 20 - قۇرىلتاي بايانداماسى جاڭا ۇندەۋ تاستادى.

نازاريانىڭ وزىقتىعى ەڭ تۇبەگەيلى وزىقتىق؛ يدەيانىڭ ىرىقتىلىعى ەڭ زور ىرىقتىلىق.

”ءدال باس شۋجي شي جينپيڭ باياندامادا باسا دارىپتەگەندەي، ماركسيزمدىك عىلمي نازاريانىڭ جەتەكشىلىگىنە يە بولۋ − پارتيامىزدىڭ سەنىمدى، ۇستانىمدى بەكەمدەۋىنىڭ، تاريحي ىرىقتىلىقتى يگەرۋىنىڭ ءتۇبىرلى تياناعى“. ۋاكىل ياڭ يۇي بىلاي دەدى: جاڭا جورىقتا جاعداي قانشا كۇردەلى، مىندەت قانشا جاپالى دا اۋىر بولعان سايىن، شي جينپيڭ جاڭا ءداۋىر جۇڭگوشا سوتسياليزم يدەياسىن باعدارناما ەتۋگە سولعۇرلىم تاباندى بولىپ، باسىمدىققا، ىرىقتىلىققا، بولاشاققا قول جەتكىزۋ كەرەك.

”جۇڭگوشا سوتسياليزم − جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا، ءسوزسىز، باسىپ وتەتىن جول“ دەپ باياندامادا ايقىن اتاپ كورسەتىلدى.

گۋاڭدۇڭنىڭ شىنجىنى قازىر جۇڭگوشا سوتسياليزمنەن الدىمەن ۇلگى كورسەتۋ رايونى نىساناسىن بەتكە الىپ، رەفورما جاساۋدى، ەسىك اشۋدى اناعۇرلىم زور تەبىنمەن، اناعۇرلىم جوعارى باستامامەن ىلگەرىلەتۋدە.

20 - قۇرىلتايدىڭ ۋاكىلى، حۋادا توبى پارتكومىنىڭ شۋجيى دۋ يۇيتاۋ بىلاي دەدى: جۇڭگوشا سوتسياليزمنەن الدىمەن ۇلگى كورسەتۋ رايونىن قۇرۋ ءۇشىن، ءسوز جوق، اناعۇرلىم جوعارى دەڭگەيدەگى ءوز كۇشىنە سۇيەنىپ ءومىر ءسۇرۋ، دەربەس جاڭالىق جاراتۋ جولىمەن ءجۇرۋ كەرەك. ”ءبىز قىمباتتى دامۋ ورايىن يگەرىپ، نازاريالىق جانە امالياتتىق جاقتان جاڭالىق اشۋعا ۇزدىكسىز تاباندى بولىپ، اناعۇرلىم جاقسى دامۋ ناتيجەلەرى ارقىلى جۇڭگوشا سوتسياليستىك ءتۇزىمنىڭ ارتىقشىلىعىن ۇزدىكسىز ايگىلەۋىمىز كەرەك“.

باياندامادا بىلاي دەپ باسا دارىپتەلدى: جۇڭگوشا سوتسياليزم جولىنا تاباندى بولۋ. تۇيىققا تىرەيتىن كونە سۇردەكپەن دە جۇرمەي، باعداردان اداستىراتىن تەرىس جولعا دا تۇسپەي، مەملەكەت پەن ۇلتتى دامىتۋدا ءوز كۇشىمىزدى تياناق ەتۋگە تاباندى بولىپ، جۇڭگونىڭ دامۋ، العا باسۋ تاعدىرىن ءوز قولىمىزدا مىقتاپ ۇستاۋعا تاباندى بولۋىمىز كەرەك.

”ەڭ ءتۇبىرلىسى ءبىز ءوزىمىزدىڭ ءىسىمىزدى ويداعىداي ىستەۋىمىز كەرەك، بۇل بۇلجىماستان ءوز جولىمىزبەن ءجۇرىپ، حاۋىپ - قاتەرلەرگە، سىن - سايىستارعا توتەپ بەرۋدىڭ تەتىگى“. 20 - قۇرىلتايدىڭ ۋاكىلى، گۋاڭشي عىلىم اكادەمياسى گۋاڭشي بيولوگيا عىلىمى جانە تەحنيكاسى زەرتتەۋ ورتالىعىنىڭ ورىنباسار مەڭگەرۋشىسى ۋاڭ چيڭيان بىلاي دەدى: شي جينپيڭ جاڭا ءداۋىر جۇڭگوشا سوتسياليزم يدەياسى نۇسقاعان بەتالىسپەن جۇڭگوشا سوتسياليزمگە تاباندى بولۋ مەن ونى دامىتۋدىڭ جاڭا جاعدايىن ۇزدىكسىز اشۋعا ۇلەس قوسۋىمىز كەرەك.

باياندامادا بىلاي دەپ باسا دارىپتەلدى: قازىردەن باستاپ، جۇڭگو كوممۋنيستىك پارتياسىنىڭ وزەكتى مىندەتى − بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعىپ، ەكىنشى 100 جىلدىق كۇرەس نىساناسىن جۇزەگە اسىرىپ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋ.

”بايانداماداعى جۇڭگو ۇلگىسىندەگى وسىزاماندانۋ جونىندەگى ايقىن تۇجىرىم مەن ستراتەگيالىق ورنالاستىرۋ بۇكىل پارتيانىڭ سوتسياليستىك وسىزامانداندىرۋ قۇرىلىسىنىڭ زاڭدىلىعىنا بولعان تانىمىن ايرىقشا تەرەڭدەتتى، بۇل شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ەڭ جاڭا دامۋى، جاڭا داۋىردە جاپپاي سوتسياليستىك وسىزاماندانعان مەملەكەت قۇرۋعا ايقىن بەتالىس كورسەتتى“، - دەدى ۋاكىل حۋاڭ يبيڭ.

جۇڭگو كوممۋنيستىك پارتياسىنىڭ باسشىلىعىنداعى سوتسياليستىك وسىزامانداندىرۋدا ءار ەلدىڭ وسىزامانداندىرۋداعى ورتاق ەرەكشەلىگى بولۋمەن قاتار، ونان دا ماڭىزدىسى، ءوز مەملەكەتىمىزدىڭ جاعدايىن نەگىز ەتكەن جۇڭگوشا ەرەكشەلىك بار.

”بىرگە بايۋ ۇزاق ۋاقىتتىق بارىس، ءارى قاجىماي - تالماي ەڭبەك ەتۋ، ءارى ۋاقىت ۇتا ىستەۋ كەرەك“. 20 - قۇرىلتايدىڭ ۋاكىلى، جىجياڭ ولكەسى نيڭبو قالاسى فىڭحۋا رايونى سۋۋاڭمياۋ ءمالىسى تىڭتوۋ قىستاعى پارتكومىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى فۋ پيڭجۇن بىلاي دەدى: ءار ءتۇرلى دامۋ ءتاسىلىن قاراستىرىپ، بىرگە بايۋدان ۇلگى كورسەتەتىن رايون قالىبىن تۇلعالاپ، اناعۇرلىم كوپ ادامدى بايۋعا باستاۋ كەرەك، ”بۇل ءبىز تالپىناتىن نىسانا“.

ەكولوگيالىق ورتانى باقىلاۋ - ولشەۋ سالاسىنىڭ ۋاكىلى رەتىندە، پارتيانىڭ 20 - قۇرىلتايىنا قاتىناسقان بەيجيڭ قالالىق ەكولوگيالىق ورتانى باقىلاۋ - ولشەۋ ورتالىعى پارتكومىنىڭ شۋجيى، مەڭگەرۋشىسى ليۋ باۋشيان قاتتى تەبىرەنىپ بىلاي دەدى: ”ەلىمىزدىڭ ەكولوگيالىق وركەنيەت قۇرىلىسى كورنەكتى ناتيجەگە قول جەتكىزدى، ادام مەن تابيعاتتىڭ جاراسىمدى قاتار ءومىر ءسۇرۋى ۇستانىمى جۇرت جۇرەگىنەن تەرەڭ ورىن الىپ، جۇڭگو ۇلگىسىندەگى وسىزاماندانۋ جولىنىڭ جۇڭحۋا ۇلتىنىڭ ماڭگى ۇزدىكسىز دامۋىنداعى تەرەڭ ءمانىن تولىق ايگىلەدى“.

جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ تەتىگى پارتيادا.

20 - قۇرىلتايدىڭ ۋاكىلى، گۋاڭدۇڭ ولكەسى فوشان قالاسى چانچىڭ رايونى گۋزاۋ قىستاعى پارتكومىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى لۋ شيۋشيڭنىڭ بۇل جونىندەگى اسەرى تەرەڭ:

سوڭعى جىلدارى گۋزاۋ قىستاعى ”پارتيا قۇرىلىسىن باسشىلىققا الىپ، ەكونوميكا مەن حالىق تۇرمىسىن قوس قانات ەتۋ“ وي جەلىسىن تۇراقتاندىرىپ، ءبىر مەزگىل ۇيىمدىق جاقتان شاشىراپ، قات - قابات قايشىلىققا تاپ بولعان ”ماسەلەلى قىستاقتى“ كوللەكتيۆ كىرىسى 100 ميلليون يۋاننان اساتىن، بۇكىل ولكە بويىنشا اۋىل - قىستاقتى باسقارۋداعى ۇلگىلى قىستاققا اينالدىردى.

”جاڭا داۋىردەگى پارتيا قۇرىلىسىنىڭ باس تالابىن تياناقتاندىرىپ، پارتيانى جاپپاي قاتاڭ باسقارۋدى بۇلجىماستان ىلگەرىلەتىپ، پارتيانىڭ حالىق بۇقاراسىمەن ەتەنە بايلانىسىن باستان - اياق ساقتاپ، حالىقتى ىنتىماقتاستىرىپ جانە باستاپ، دامۋ جولىنداعى ’ماشاقاتتى ماسەلەلەردى‘ ءبىر - بىردەن شەشۋىمىز كەرەك“، - دەدى ۋاكىل لۋ شيۋشيڭ.

پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولۋ جانە ونى كۇشەيتۋ، قاجىماي - تالماي شي جينپيڭ جاڭا ءداۋىر جۇڭگوشا سوتسياليزم يدەياسىمەن تىلەك توعىستىرۋ، رۋح سومداۋ، پارتيانىڭ وزىنە ءوزى توڭكەرىس جاساۋ ءتۇزىم ولشەمى جۇيەسىن كەمەلدەندىرۋ... بايانداما جاڭا داۋىردەگى پارتيا قۇرىلىسىنا جاپپاي ورنالاستىرۋ جاسادى.

”پارتيانىڭ باسشىلىعىن جاپپاي كۇشەيتۋ ءۇشىن، ءسوز جوق، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىنا شىنايى كەپىلدىك ەتۋ، پارتيانىڭ جالپى جاعدايدى مەڭگەرۋدەگى، ءار جاقتى سايكەستىرۋدەگى باسشىلىق، ۇيتقىلىق رولىن ساۋلەلەندىرۋگە شىنايى كەپىلدىك ەتۋ كەرەك“. 20 - قۇرىلتايدىڭ ۋاكىلى، نانجيڭ اۆياتسيا، عارىش داشۋەسى ماركسيزم شۋەيۋانى پارتكومىنىڭ شۋجيى شۇي چۋان بىلاي دەدى: سانالى تۇردە شي جينپيڭ جاڭا ءداۋىر جۇڭگوشا سوتسياليزم يدەياسىمەن وي - سانانى قارۋلاندىرىپ، امالياتقا جەتەكشىلىك ەتىپ، ”ەكىنى تۇراقتاندىرۋدى“ باتىل قورعاپ، ”ەكىنى قورعاۋدى“ ادالدىقپەن امالياتتا ايگىلەپ، پارتيامىزدىڭ جالىندى ومىرشەڭدىكتى ماڭگى ساقتاۋىنا، جاڭا ەمتيحان تاپسىرۋ جولىمەن ويداعىداي جۇرۋىنە مۇمكىندىك جاسايىق.

(تىلشىلەر زوۋ ۋي، ان بەي، جاڭ شينشين، گاۋ لەي، پان جيە، يە چيان)

(شينحۋا اگەنتتىگىنىڭ 10 - ايدىڭ 18 - كۇنى بەيجيڭنەن بەرگەن حابارى)