汉文 ىلە اقپارات تورابىنا حوش كەلدىڭىزدەر!
پارتيانىڭ باستان - اياق جۇڭگوشا سوتسياليزم ىستەرىنىڭ پارمەندى باسشىلىق ۇيتقىسى بولۋىنا شىنايى كەپىلدىك ەتتى
2022-10-23 11:52:56     كورىلىم:رەت كەلۋ قاينارى:تيانشان تورى  جاۋاپتى رەداكتور:جازيرا بولاتباي قىزى

− پارتيانىڭ 20 - قۇرىلتايىنان پارتيا قۇرىلىسىنىڭ جاڭا ۇلى ينجەنەرياسىن ىلگەرىلەتۋگە نازار

 شينحۋا اگەنتتىگىنىڭ تىلشىلەرى

باس شۋجي شي جينپيڭ پارتيا 20 - قۇرىلتايىنىڭ بايانداماسىندا بىلاي دەپ اتاپ كورسەتتى: ”بۇكىل پارتياداعى جولداستار، ءسوز جوق، اۋەلگى ماقساتتى ۇمىتپاي، بورىشتى ەستە بەرىك ساقتاۋ، ءسوز جوق، كىشى پەيىل، بايسالدى بولىپ، قاجىرلىلىقپەن كۇرەس جۇرگىزۋ، ءسوز جوق، كۇرەس جۇرگىزۋگە باتىل، كۇرەس جۇرگىزۋگە شەبەر بولۋ، تاريح سەنىمىن بەكەمدەپ، تاريحي ىرىقتىلىقتى كۇشەيتىپ، جاڭا داۋىردەگى جۇڭگوشا سوتسياليزمنىڭ اناعۇرلىم اسەم تاراۋىن جازۋ كەرەك“.

جاڭا داۋىردەگى جاڭا جورىققا قادام تاستاعاندا، قاي - قاشان دا ءىرى پارتياعا عانا ءتان قيىن ماسەلەلەردى شەشەتىن سەرگەكتىك پەن تاباندىلىقتى ساقتاپ، پارتيا قۇرىلىسىنىڭ تىڭ دا ۇلى ينجەنەرياسىن جالعاستى تۇردە ىشكەرىلەي ىلگەرىلەتىپ، تاباندى تۇردە وزىنە - ءوزى ۇلى توڭكەرىس جاساۋ ارقىلى ۇلى قوعامدىق توڭكەرىسكە جەتەكشىلىك ەتسە، جۇڭگو كوممۋنيستىك پارتياسى، ءسوز جوق، ميللياردتاعان حالىقتى باستاپ تىڭ دا ۇلى كۇرەس ارقىلى تىڭ دا ۇلى ىستەردى جاراتا الادى.

جۇڭگو كوممۋنيستىك پارتياسى توڭكەرىستىك سومدالۋ بارىسىندا اناعۇرلىم پارمەندى دە قۋاتتى بولا ءتۇستى

پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ۇلى كۇرەستى، ۇلى ينجەنەريانى، ۇلى ءىستى، ۇلى ارماندى جاپپاي مەڭگەرىپ، پارتيانى جاپپاي قاتاڭ باسقارۋدى ”ءتورتتى جاپپاي ورىنداۋ“ ستراتەگيالىق ورنالاستىرۋىنا كىرگىزىپ، جاڭا داۋىردەگى پارتيا قۇرىلىسىنىڭ تىڭ دا ۇلى ينجەنەرياسىن جاڭا كەزەڭگە ەنگىزدى. 100 جىلدىق كۇرەس بەلەسىن باسىپ وتكەن جۇڭگو كوممۋنيستىك پارتياسى توڭكەرىستىك سومدالۋ بارىسىندا اناعۇرلىم پارمەندى دە قۋاتتى بولا ءتۇستى.

پارتيا 20 - قۇرىلتايىنىڭ بايانداماسى جاڭا ءداۋىردىڭ 10 جىلىنداعى ۇلى وزگەرىستەردى جاپپاي قورىتىندىلاپ، جاڭا داۋىردە پارتيا قۇرىلىسىنىڭ تىڭ دا ۇلى ينجەنەرياسىن جاپپاي ىلگەرىلەتۋدىڭ كەلەلى تابىستارىن تەرەڭ قورىتىندىلادى.

پارتيانىڭ باسشىلىعىن جاپپاي كۇشەيتتى − ”پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىنا شىنايى كەپىلدىك ەتىپ، پارتيانىڭ جالپى جاعدايدى جاپپاي مەڭگەرەتىن، ءار جاقتى سايكەستىرەتىن باسشىلىق ۇيتقى رولىن ساۋلەلەندىرۋىنە شىنايى كەپىلدىك ەتىپ، ءبىزدىڭ 96 ميلليوننان استام پارتيا مۇشەسى بار ماركسيزمدىك ساياسي پارتيامىز اناعۇرلىم ىنتىماقتى، ءبىر اۋىزدى بولدى“.

ماجىلىسكە قاتىناسىپ، باس شۋجي شي جينپيڭ جاساعان 20 - قۇرىلتاي بايانداماسىن تىڭداعان گۇيجوۋ ولكەسى پانجوۋ قالاسى يۇيني اۋىلى يانبو بىرلەسكەن قىستاعى پارتكومىنىڭ شۋجيى، ۋاكىل يۇي ليۋفىننىڭ كوڭىلى جەلپىنىپ، تەرەڭ تەبىرەندى.

بۇل يۇي ليۋفىننىڭ 4 - رەت پارتيا ۋاكىلى بولىپ، پارتيانىڭ مەملەكەتتىك قۇرىلتايىنا قاتىناسۋى. يانبو بىرلەسكەن قىستاعى دامۋىنىڭ وسى ”تىرەگى“ تالاي جىلداردان بەرى بۇكىل قىستاقتاعى پارتيا مۇشەلەرىن باستاپ، قامال الىپ قيىندىقتاردى جەڭىپ، قاجىرلىلىقپەن ناقتى ىستەپ، كەزىندەگى كەدەي قىستاقتا كوركەم ”تۇلەۋدى“ جارىققا شىعاردى.

”قىستاق پارتيا ۇيىمى كەدەيلىكتەن ارىلتۋدان قامال الۋدىڭ ەڭ الدىڭعى شەبىندە تۇردى، ءاربىر كەدەي قىستاقتىڭ كەدەيلىكتەن ارىلىپ، بايۋ بەلەستەرىنىڭ بارلىعىندا قىستاق پارتيا ۇيىمىنىڭ اۋىلداستاردى باستاپ تابيعاتپەن كۇرەسكەن اسەرلى حيكايالارى بار“. يۇي ليۋفىن بىلاي دەدى: نەگىزگى ساتى پارتيا ۇيىمىنىڭ جاۋىنگەر قامالدىق رولى مەن پارتيا مۇشەلەرىنىڭ اۆانگارد ۇلگىلىك رولىن تولىق ساۋلەلەندىرۋ − اۋىل - قىستاقتاردىڭ كەدەيلىكتەن ارىلىپ، بايۋىنىڭ ءارى اۋىل - قىستاقتى گۇلدەندىرۋدى ۇزدىكسىز جاپپاي ىلگەرىلەتۋدىڭ پارمەندى كەپىلى.

شىڭدالىپ قۇرىش بولدى، پارتيا تۋى اسقاق جەلبىرەدى.

ەكونوميكانى ورنىقتىردى، دامۋدى جەبەدى، كەدەيلىكپەن شايقاستى، دوڭگەلەك داۋلەت ورناتتى، ىندەتتى تىزگىندەدى، اپاتقا قارسى اتتاندى، وزگەرىسكە توتەپ بەردى، داعدارىستى جويدى... پارتيا 18 - قۇرىلتايىنان بەرى، پارتيانىڭ جالپى بەتتىك باسشىلىعىنا تاباندى بولىپ جانە ونى كۇشەيتىپ، پارتيانى جاپپاي قاتاڭ باسقارۋدىڭ ساياسي جەتەكشىلىگى مەن ساياسي قامتاماسىزدىق رولىن تولىق ساۋلەلەندىرگەندىكتەن، پارتيامىز حالىقتى باستاپ ادامدار جاڭاشا كوزبەن قاراعان تالاي - تالاي دۇنيە كەرەمەتتەرىن جاراتا الدى.

پارتيانى جاپپاي قاتاڭ باسقارۋدى ىشكەرىلەي ىلگەرىلەتتى − ”ءوزىن - ءوزى كىرشىكسىزدەندىرۋ، ءوزىن - ءوزى كەمەلدەندىرۋ، ءوزىن - ءوزى جاڭارتۋ، ءوز دەڭگەيىن جوعارىلاتۋ قابىلەتى كورنەكتى كۇشەيىپ، پارتيانى باسقارۋداعى، پارتيانى جونگە سالۋداعى كەڭ بولۋ، بوس بولۋ، ءالسىز بولۋ جاعدايىندا ءتۇبىرلى بۇرىلىس جاساپ، پارتيا ىشىندە ستيلى پاك، سالتى دۇرىس ساياسي ەكولوگيا ۇزدىكسىز قالىپتاستى جانە دامىدى“.

20 - قۇرىلتايدىڭ اشىلۋ ءماجىلىسىن تەلەۆيزوردان تىكە تاراتۋدان كورگەن جياڭسۋ ولكەسى جىنجياڭ قالاسى دانتۋ رايونى شىيە قالاشىعىنداعى ساقا پارتيا مۇشەسى سۇي رۇڭحاي ەرىكسىز قول شاپالاق سوقتى.

2014 - جىلى 12 - ايدا باس شۋجي شي جينپيڭ شىيە قالاشىعىندا قىزمەت تەكسەرگەندە، سۇي رۇڭحاي ادامداردىڭ اراسىنان الدىعا شىعىپ، باس شۋجيدىڭ قولىن قىسا ۇستاپ تۇرىپ: ”ءسىز شىرىكتەسكەن ەلەمەنتتەردىڭ سازايىن بەرۋشىسىز، بۇكىل ەل حالقىنىڭ باقىت جۇلدىزىسىز“! دەگەن بولاتىن.

”ساقا پارتيا مۇشەسى رەتىندە، مەن پارتيا 18 - قۇرىلتايىنان بەرى، پارتيا ورتالىق كوميتەتىنىڭ شىرىكتەسۋدى جازالاۋ بەكىمىنە جانە مەملەكەتىمىزدە تۋىلعان وراسان زور وزگەرىستەرگە كۋا بولدىم. مەن پارتيانىڭ شىرىكتەسۋگە قارسى تۇرۋ قىزمەتىن ۇزدىكسىز ىلگەرىلەتەتىندىگىنە، توقتاتپايتىندىعىنا كامىل سەنەمىن“! - دەدى سۇي رۇڭحاي.

”10 جىلدان بەرى پارتيا قۇرىلىسىندا تىڭ شارىقتاۋ جۇزەگە اسىپ، پارتيانىڭ بيلىك جۇرگىزۋ قابىلەتى جاپپاي جوعارىلادى“. چيڭحۋا داشۋەسى پاكتىك جانە باسقارۋدى زەرتتەۋ ورتالىعىنىڭ مەڭگەرۋشىسى گو يۇڭ مىنالاردى ءبىلدىردى: توڭكەرىستىك سومدالۋ ارقىلى جۇڭگو كوممۋنيستىك پارتياسى حالىق بۇقاراسىمەن ەتەنە بايلانىستى ساقتاۋدىڭ، حالىقتىڭ شىن جۇرەكتەن قولداۋىنىڭ تاريحي ىرىقتىلىعىنا يە بولىپ، بۇكىل پارتيانىڭ ايرىقشا ىنتىماقتى، ءبىر اۋىزدى بولۋىنىڭ، ءداۋىردىڭ الدىڭعى لەگىندە ءجۇرۋىنىڭ، حالىقتى باستاپ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋىنىڭ تاريحي ىرىقتىلىعىنا قول جەتكىزدى.

جاڭا ءداۋىردىڭ 10 جىلىندا جاراتىلعان ۇلى تابىستاردىڭ، جۇزەگە اسقان ۇلى وزگەرىستەردىڭ ەڭ ءتۇبىرلى سەبەبى باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى رەتىندە، رول ۇستاپ، جول باستاۋى بولعاندىعىنان، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگى بولعاندىعىنان.

20 - قۇرىلتاي ۋاكىلى، ورتالىق ساياسات زەرتتەۋ كەڭسەسىنىڭ ورىنباسار مەڭگەرۋشىسى تيان پەييان مىنالاردى ءبىلدىردى: ”ەكىنى تۇراقتاندىرۋدىڭ“ شەشۋشى ءمانى جاڭا ءداۋىردىڭ 10 جىلىنداعى ۇلى وزگەرىستەردەن ايگىلەنىپ، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ جۇرەگىنە ۇيالادى، ءسوز جوق، جاڭا ءداۋىردىڭ جاڭا جورىعىنداعى پارتيا مەن مەملەكەت ىستەرى دامۋىنىڭ تىڭ دا ايبىندى تاراۋلارىندا دا تولىق ايگىلەنەتىن بولادى.

تىنىشتىق، بىلىقپالىق، كوركەيۋ، قۇلدىراۋ سىندى تاريحتىڭ قايتالانۋىنان قۇتىلۋدىڭ ەكىنشى جاۋابىن تاۋىپ شىقتى

”قاجىماي - تالماي قۇلشىنۋ ارقىلى پارتيا تىنىشتىق، بىلىقپالىق، كوركەيۋ، قۇلدىراۋ سىندى تاريحتىڭ قايتالانۋىنان قۇتىلۋدىڭ وزىنە - ءوزى توڭكەرىس جاساۋ سىندى ەكىنشى جاۋابىن تاۋىپ شىقتى، پارتيانىڭ قاسيەتىن ماڭگى ساقتاۋعا، ءتۇسىن ماڭگى وزگەرتپەۋگە، سيپاتىن ماڭگى ساقتاۋعا شىنايى كەپىلدىك ەتتىك“. باس شۋجي شي جينپيڭنىڭ 20 - قۇرىلتايدا بايانداما جاساعانداعى ەكپىندى سوزدەرىنە حالىق سارايىندا دۋ قول شاپالاق ءۇنى كوتەرىلدى.

10 جىل قاجىرلىلىقپەن شىڭدالدى. شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانى جاپپاي قاتاڭ باسقارۋدى بۇرىن بولماعان باتىلدىقپەن جانە تاباندىلىقپەن ىلگەرىلەتىپ، وزىنە - ءوزى توڭكەرىس جاساۋدىڭ ”كەشەندى شارالارىن“ جولعا قويىپ، بۇكىل پارتيانى باستاپ، ۇزاق ۋاقىت بيلىك جۇرگىزۋ شارت - جاعدايىندا ءوز ماسەلەسىن شەشۋدىڭ، تاريحتىڭ قايتالانۋىنان قۇتىلۋدىڭ ءساتتى جولىن تاۋىپ، ۇزاق ۋاقىت بيلىك جۇرگىزەتىن قانداي ماركسيزمدىك ساياسي پارتيا قۇرۋ، ۇزاق ۋاقىت بيلىك جۇرگىزەتىن ماركسيزمدىك ساياسي پارتيانى قالاي قۇرۋ سىندى كەلەلى ءداۋىر تاقىرىبىنا ىشكەرىلەي تەرەڭ جاۋاپ بەرىپ، ماركسيزمدىك پارتيا قۇرۋ ءىلىمىن بايىتتى جانە دامىتتى.

پارتيا 19 - قۇرىلتايىنىڭ بايانداماسىندا ”پارتيانىڭ ساياسي قۇرىلىسىن ماڭداي الدى ورىنعا قويۋدى“ ورتاعا قويۋدان كەيىن، پارتيا 20 - قۇرىلتايىنىڭ بايانداماسىندا ”پارتيانىڭ ساياسي قۇرىلىسى ارقىلى پارتيا قۇرىلىسىنىڭ ءتۇرلى قىزمەتىنە ءبىر تۇتاس جەتەكشىلىك ەتۋ“ ىشكەرىلەي ايقىندالىپ، ءبىر قىدىرۋ ايقىن تالاپتار ورتاعا قويىلدى:

ساياسي ءتارتىپ پەن ساياسي قاعيدانى قاتايتۋ؛ ءار دارەجەلى پارتيا ۇيىمدارى مەن پارتيالى كادرلاردىڭ ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن جوعارىلاتۋ؛ ساياسي باقىلاۋدى ناقتىلاندىرۋدى، دالمە - دالدەندىرۋدى، ۇدايىلاندىرۋدى ىلگەرىلەتۋ؛ ساياسي شارلاۋ وتكىر قارۋىنىڭ رولىن ساۋلەلەندىرۋ...

”جاڭا داۋىرگە وتكەندە، ساياسي قۇرىلىس اناعۇرلىم ايقىندالىپ، وزىنە - ءوزى توڭكەرىس جاساۋعا ءتۇبىرلى ساياسي بەتالىس تۇراقتاندىردى“. 20 - قۇرىلتاي ۋاكىلى، گۇيجوۋ ولكەسى تۇڭرىن قالالىق پارتكومنىڭ شۋجيى لي زوشۇن مىنالاردى ءبىلدىردى: ساياسيدى دارىپتەۋ ناقتى بولۋدى، امالياتتا ايگىلەۋدى تالاپ ەتەدى، پارتيالى باسشى كادرلاردى ايقىن تۋ ۇستاي وتىرىپ ساياسيدى دارىپتەپ، سانالى تۇردە ۇلگىگە، ولشەمگە تۋرالانۋعا، مىندەت اتقارىپ، جاۋاپكەرشىلىكتى ادا ەتۋگە قۋزاعاندا عانا، پارتيا ورتالىق كوميتەتىنىڭ رۋحىن قاز - قالپىندا دايەكتىلەندىرۋگە، تياناقتاندىرۋعا بولادى.

10 جىلدان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى ورتالىقتىڭ 8 ءتۇرلى بەلگىلەمەسىن جاساۋدان جانە تياناقتاندىرۋدان باستاپ ماسەلەنى شەشىپ، جوعارى تومەنگە باستاماشى بولىپ ستيل قۇرىلىسىن يگەردى.

”اس - سۋداعى ىسىراپشىلدىقتى“ تەجەۋدەن، ”اۆتوكولىك ىستەتۋدەگى بەيبەرەكەتتىكتى“ تيۋدان، ”مەيرامحاناداعى بۇرىس ستيلدەردى“ رەتتەپ جونگە سالۋدان، فورماشىلدىقتاعى كورنەكتى ماسەلەلەردى ۇزدىكسىز شەشۋگە، نەگىزگى ساتىنىڭ اۋىرتپالىعىن جەڭىلدەتۋ قىزمەتىن تەرەڭدەتۋگە، كەڭەيتۋگە دەيىن، ونان ۇنەمشىلدىكتى قاتاڭ جۇرگىزىپ، ىسىراپشىلدىققا قارسى تۇرۋعا دەيىن...

”’ءتورت ءتۇرلى بۇرىس ستيلدى‘ شەگە قاعۋ رۋحىمەن تۇزەتىپ، جونگە سالىپ، ەرەكشە ۇقىق يدەياسىنا جانە ەرەكشە ۇقىق قۇبىلىسىنا قارسى تۇرىپ، بۇقارانىڭ جانىنداعى بۇرىس سالت پەن شىرىكتەسۋ ماسەلەسىن باتىل رەتتەپ - جونگە سالىپ، ۇزاق ۋاقىت تەجەلمەي كەلگەن كەيبىر تەرىس ستيلدەردى تەجەپ، كوپ جىلدان بەرى ارىلماعان ەسكىلىكتى دەرتتەردى جويدىق“ دەپ اتاپ كورسەتىلدى 20 - قۇرىلتاي بايانداماسىندا.

شىرىكتەسۋ − پارتيانىڭ ومىرشەڭدىك كۇشى مەن جاۋىنگەرلىك قۋاتىنا زالال سالاتىن ەڭ ۇلكەن ۋلى وسپە، شىرىكتەسۋگە قارسى تۇرۋ − ەڭ تۇبەگەيلى وزىنە - ءوزى توڭكەرىس جاساۋ.

پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ”مىڭداعان ادامعا جەك كورىنىشتى بولىپ، ءبىر ميلليارد 400 ميلليون حالىقتىڭ ءۇمىتىن اقتاۋ“ بورىشىن ارقالاپ، شىرىكتەسۋگە قارسى تۇرۋدىڭ تاريحتا بولىپ كورمەگەن كۇرەسىن ىلگەرىلەتىپ، شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بولماۋدى، شىرىكتەسۋدى ويىنا الماۋدى ءبىر تۇلعالاندىرىپ ىلگەرىلەتىپ، ”جولبارىس سوعۋعا“، ”شىبىن قاعۋعا“، ”تۇلكى اۋلاۋعا“ كوپ جاقتان كۇش سالىپ، شىرىكتەسۋگە قارسى تۇرۋ كۇرەسىنىڭ ۇستەم جەڭىسىنە قول جەتكىزدى ءارى ونى جاپپاي بەكەمدەدى.

20 - قۇرىلتاي اقپارات ورتالىعىنىڭ تىلشىلەردى قابىلداۋ ماجىلىسىندە ورتالىق ءتارتىپ تەكسەرۋ كوميتەتىندەگى، مەملەكەتتىك باقىلاۋ - تەكسەرۋ كوميتەتىندەگى جاۋاپتى جولداستار حابارلاندىرعان ساندى مالىمەتتەر شىرىكتەسۋگە قارسى تۇرۋ كۇرەسىنىڭ كەلەلى ستراتەگيالىق جەتىستىكتەرىن تىكە ءتۇسىندىردى.

پارتيا 18 - قۇرىلتايىنان بەرى، بۇكىل ەلدەگى ءتارتىپ تەكسەرۋ، باقىلاۋ - تەكسەرۋ ورگاندارى جيىنى 4 ميلليون 648 مىڭنان استام دەلو تۇرعىزدى، مۇنىڭ ىشىندە ورتالىق كوميتەت ۇيىمداستىرۋ ءبولىمى ەستەلىككە العان 553 كادرعا دەلو تۇرعىزىپ، تەكسەرىپ، تەكتەپ، 25 مىڭنان استام مەڭگەرمە، مەكەمە دارەجەلى كادرعا، 182 مىڭنان استام اۋدان، باسقارما دارەجەلى كادرعا جازا بەردى.

”شي جينپيڭ جولداستى ۇيتقى ەتكەن پارتيا ورتالىق كوميتەتى شىرىكتەسۋگە باتىلدىق ەتپەۋدىڭ سەسىن كۇش سالا كۇشەيتىپ، شىرىكتەسۋگە مۇمكىندىك بولماۋ تورىن مىقتاپ توقىپ، شىرىكتەسۋدى ويىنا الماۋدىڭ توسپاسىن سالىپ، ۇشەۋىنىڭ ىشكى بايلانىسىن اشىپ، ءبىر ۋاقىتتا كۇش شىعارىپ، ءبىر باعىتتا كۇش سالىپ، جان - جاقتى كۇش ءتۇسىرىپ، جۇيەلى شارا قولدانۋدىڭ، ۇستىنەن وڭاۋ مەن تۇبىرىنەن وڭاۋدى بىردەي جۇرگىزۋدىڭ جالپىلىق ونىمدىلىگىن كۇن سايىن كورنەكتىلەندىردى“، - دەدى گۋاڭشي جۋاڭزۋ اۆتونوميالى رايوندىق ءتارتىپ تەكسەرۋ كوميتەتىنىڭ شۋجيى، اۆتونوميالى رايوندىق باقىلاۋ - تەكسەرۋ كوميتەتىنىڭ مەڭگەرۋشىسى، ۋاكىل فاڭ ليڭمين.

پارتيانى باسقارۋ، ءسوز جوق، قاتاڭ بولۋ، قاتاڭ بولۋ، ءسوز جوق، زاڭ شەگىندە بولۋ كەرەك. پارتيانى ءتۇزىم ارقىلى باسقارۋ، پارتيانى ەرەجە ارقىلى باسقارۋ پارتيانى جاپپاي قاتاڭ باسقارۋداعى تۇبىرىنەن وڭاۋ شاراسى.

20 - قۇرىلتايدىڭ بايانداماسىندا ”پارتيانىڭ وزىنە - ءوزى توڭكەرىس جاساۋ ءتۇزىمىن ارناعا ءتۇسىرۋ جۇيەسىن كەمەلدەندىرۋ كەرەك“ دەپ ايقىن ورتاعا قويىلىپ، پارتيانى ءتۇزىم ارقىلى باسقارۋعا، پارتيانى ەرەجە ارقىلى باسقارۋعا تاباندى بولىپ، پارتيا ۋستاۆىن ءتۇبىر، دەموكراتيالىق ورتالىقتاندىرۋ ءتۇزىمىن وزەك ەتىپ، پارتيا ىشىندەگى زاڭ - ەرەجە، ءتۇزىم جۇيەسىن كەمەلدەندىرىپ، پارتيا ىشىندەگى زاڭ - ەرەجەنىڭ بەدەلى مەن اتقارۋ قابىلەتىن كۇشەيتىپ، اقيقاتقا تاباندى بولۋ، قاتەلىكتى تۇزەتۋ، ماسەلەنى بايقاۋ، اۋىتقۋدى وڭاۋ مەحانيزمىن قالىپتاستىرۋ باسا دارىپتەلدى.

پارتيا 18 - قۇرىلتايىنان بەرى، پارتيامىز پارتيا ىشىندەگى زاڭ - ەرەجە ءتۇزىم قۇرىلىسىنا ايرىقشا ءمان بەردى، قازىر اتقارىلىپ وتىرعان 4000عا جۋىق كۇشكە يە پارتيا ىشىندەگى زاڭ - ەرەجەنىڭ ىشىندە جاقىنعى 10 جىلدا جاڭادان جاسالعانى، وزگەرىس ەنگىزىلگەنى %70تەن استامىن يەلەيدى.

تارتىپتىك باقىلاۋ، باقىلاۋ - تەكسەرۋ بويىنشا باقىلاۋ، وكىلەتتى باقىلاۋ، شارلاپ باقىلاۋ سىندى ”ءتورت باقىلاۋدى“ ءبىر تۇتاس جوسپارلاپ ۇشتاستىرۋدى، جاپپاي قامتۋدى ىلگەرىلەتتى؛ پارتيا ىشىندەگى باقىلاۋدى جەتەكشى ەتىپ، ءتۇرلى باقىلاۋلاردىڭ ورگانيكالى ۇلاسۋىن، ءوزارا سايكەسۋىن ىلگەرىلەتتى... شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، پارتيا ءبىر تۇتاس باسشىلىق ەتەتىن، جاپپاي قامتىعان، بەدەلدى، جوعارى ءونىمدى باقىلاۋ جۇيەسى ۇزدىكسىز كەمەلدەنىپ، پارتيانىڭ ءوزىن - ءوزى كىرشىكسىزدەندىرۋ، ءوزىن - ءوزى كەمەلدەندىرۋ، ءوزىن - ءوزى جاڭارتۋ، ءوز دەڭگەيىن جوعارىلاتۋ قابىلەتى كورنەكتى نىعايدى.

پارتيانى جاپپاي قاتاڭ باسقارۋ ماڭگى توقتامايدى، پارتيانىڭ وزىنە - ءوزى توڭكەرىس جاساۋى ماڭگى توقتامايدى

جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ تەتىگى پارتيادا.

20 - قۇرىلتاي بايانداماسىندا باس شۋجي شي جينپيڭ بىلاي دەپ اتاپ كورسەتتى: ”پارتيامىز دۇنيە جۇزىندەگى ەڭ ءىرى ماركسيزمدىك بيلىك باسىنداعى پارتيا رەتىندە، باستان - اياق حالىقتىڭ قولداۋىنا يە بولۋ، ۇزاق ۋاقىت بيلىك جۇرگىزۋ ورنىن بەكەمدەۋ ءۇشىن، ءسوز جوق، قاي - قاشان دا ءىرى پارتياعا عانا ءتان قيىن ماسەلەلەردى شەشەتىن سەرگەكتىك پەن تاباندىلىقتى ساقتاۋ كەرەك“.

ەمتيحان تاپسىرۋ ماڭگى توقتامايدى، ءداۋىر جاڭا ەمتيحان سۇراۋىن ۇزدىكسىز شىعارادى.

بۇكىل الەمگە كوز جىبەرسەك، 100 جىلدا بولماعان زور وزگەرىس جاعدايى جىلدام قۇبىلىپ، دۇنيە ءجۇزى جاڭا اۋمالى - توكپەلى وزگەرىس مەزگىلىنە ءوتتى؛ ەل ىشىنە كوز سالساق، ەلىمىزدىڭ دامۋى ستراتەگيالىق وراي مەن حاۋىپ - قاتەر، سىن - سايىستار قاتار ءومىر سۇرگەن، تۇراقسىز، مەجەلەۋ قيىن فاكتورلار كوبەيگەن داۋىرگە قادام تاستادى؛ ءوز بويىمىزعا ۇڭىلە قاراساق، پارتيا ءدوپ كەلگەن ”ءتورت ۇلكەن سىناق“، ”ءتورت ءتۇرلى حاۋىپ - قاتەر“ ۇزاق ۋاقىت ءومىر سۇرەدى.

باس شۋجي شي جينپيڭ بىلاي دەپ اتاپ كورسەتتى: ”بۇكىل پارتيا پارتيانى جاپپاي قاتاڭ باسقارۋدىڭ ماڭگى توقتامايتىندىعىن، پارتيانىڭ وزىنە - ءوزى توڭكەرىس جاساۋى ماڭگى توقتامايتىندىعىن، بوساڭسۋ، دامىلداۋ، قالجىراۋ، جالىعۋ پيعىلىنىڭ بولۋىنا استە بولمايتىندىعىن، ءسوز جوق، ەستە بەرىك ساقتاپ، پارتيانى جاپپاي قاتاڭ باسقارۋدى، ءسوز جوق، تاباندىلىقپەن ىلگەرىلەتىپ، جاڭا داۋىردەگى پارتيا قۇرىلىسىنىڭ تىڭ دا ۇلى ينجەنەرياسىن ىشكەرىلەي ىلگەرىلەتىپ، پارتيانىڭ وزىنە - ءوزى توڭكەرىس جاساۋى ارقىلى قوعامدىق توڭكەرىسكە جەتەكشىلىك ەتۋى كەرەك“.

20 - قۇرىلتاي بايانداماسى جاڭا ءداۋىردىڭ جاڭا جورىعىن تياناق ەتىپ، جاڭا داۋىردەگى پارتيا قۇرىلىسىنىڭ تىڭ دا ۇلى ينجەنەرياسىن ىشكەرىلەي ىلگەرىلەتۋ جونىندە 7 جاقتان كەلەلى مىندەت ورنالاستىردى:

پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولۋ جانە ونى كۇشەيتۋ؛ شي جينپيڭ جاڭا ءداۋىر جۇڭگوشا سوتسياليزم يدەياسى ارقىلى جۇرت تىلەگىن ۇيىستىرىپ، رۋحتى سومداۋعا قاجىماي - تالماي تاباندى بولۋ؛ پارتيانىڭ وزىنە - ءوزى توڭكەرىس جاساۋ ءتۇزىمىن ارناعا ءتۇسىرۋ جۇيەسىن كەمەلدەندىرۋ؛ ۇلتتىڭ گۇلدەنۋى سىندى اۋىر مىندەتتى ارقالاي الاتىن جوعارى ساپالى كادرلار قوسىنىن قۇرۋ؛ پارتيا ۇيىمىنىڭ ساياسي فۋنكتسياسى مەن ۇيىمدىق فۋنكتسياسىن كۇشەيتۋ؛ ستيلدى دۇرىستاپ، ءتارتىپتى قاتايتۋدى قاتاڭ ارنامەن كۇشەيتۋگە تاباندى بولۋ؛ شىرىكتەسۋگە قارسى تۇرۋ كۇرەسىنىڭ قامال الۋ شايقاسىندا، ۇزاققا سوزىلاتىن شايقاسىندا باتىل جەڭىسكە جەتۋ.

ۇلى قوعامدىق توڭكەرىستە جاڭا جاعداي اشىپ، وزىنە - ءوزى ۇلى توڭكەرىس جاساۋدا دەنە قۋاتتى كۇشەيتىپ، جىگەردى قاۋلاتتى.

”تۋى ايقىن تۇردە ساياسيدى دارىپتەپ، بۇكىل پارتيانىڭ ’ەكىنى تۇراقتاندىرۋدىڭ‘ شەشۋشى ءمانىن اناعۇرلىم تەرەڭ ءتۇسىنۋىن ىلگەرىلەتىپ، اناعۇرلىم ’ءتورت تانىمدى‘ كۇشەيتىپ، ’ءتورت سەنىمدى‘ بەكەمدەپ، ’ەكىنى قورعاۋدى‘ ورىنداپ، بۇكىل پارتيانىڭ يدەياسىنىڭ بىرلىككە كەلۋىنە، ارەكەتىنىڭ بىرلىككە كەلۋىنە، اياق الىسىنىڭ بىردەي بولۋىنا شىنايى كەپىلدىك ەتىپ، بۇكىل پارتيانىڭ، بۇكىل ەلدەگى ءار ۇلت حالقىنىڭ پارتيا تۋى استىندا بەرىك قۇرىشتاي بولىپ ىنتىماقتاسىپ، جاڭا جورىقتا قايراتتانا ەكپىندەي ىلگەرىلەپ، ارشىندى قاداممەن العا باسۋ كەرەك“، - دەدى ورتالىق پارتيا تاريحى جانە حۇجات - ماتەريالدار زەرتتەۋ مەكەمەسى 3 - زەرتتەۋ ءبولىمىنىڭ ورىنباسار مەڭگەرۋشىسى مۋ جاۋيۇڭ.

20 - قۇرىلتاي بايانداماسىندا ”شىرىكتەسۋگە قارسى كۇرەستى تيتتەي دە توقتاتۋعا بولمايدى، اتوي دابىلىن، ءسوز جوق، ماڭگى قاعۋ كەرەك“، ”پارتيانى جاپپاي قاتاڭ باسقارۋ − پارتيانىڭ ومىرشەڭدىگىن ماڭگى ساقتاۋدا، جاڭا ەمتيحان تاپسىرۋ جولىمەن ويداعىداي جۇرۋدە، ءسوزسىز، باسىپ وتەتىن جول“ دەگەندى اتاپ كورسەتۋدەن گۋاڭشي ۋاكىلدەر ۇيىرمەسىنىڭ تالقىسىنا قاتىناسقاندا ”وزىنە - ءوزى ۇلى توڭكەرىس جاساۋ ارقىلى ۇلى قوعامدىق توڭكەرىسكە جەتەكشىلىك ەتۋدىڭ ماڭىزدى تالابىن مىقتاپ يگەرۋ كەرەك“ دەگەندى باسا دارىپتەگەنگە دەيىن... باس شۋجي شي جينپيڭ پارتيانىڭ وزىنە - ءوزى توڭكەرىس جاساۋىن تاباندىلىقپەن ىلگەرىلەتۋدەگى، پارتيانى جاپپاي قاتاڭ باسقارۋدى بۇلجىتپاي ىلگەرىلەتۋدەگى بەرىك بەكىمى مەن باتىل ەرىك - جىگەرىن ايقىن جاريالادى.

جاڭا ەمتيحان تاپسىرۋ جولىمەن ويداعىداي جۇرۋدە، ءسوز جوق، پارتيانىڭ ءتۇبىرلى باس ماقساتىن باستان - اياق ەستە بەرىك ساقتاپ، ميلليارد حالىقتى ىنتىماقتاستىرىپ جاڭا تاريحي ۇلى ىستەردى جاراتۋ كەرەك.

”مەملەكەت دەگەنىمىز حالىق، حالىق دەگەنىمىز مەملەكەت. جۇڭگو كوممۋنيستىك پارتياسى حالىققا باسشىلىق ەتىپ مەملەكەتتى قۇرۋدا، مەملەكەتتى قورعاۋدا حالىقتىڭ تىلەگىنە قۇرمەت ەتتى“. 10 - ايدىڭ 16 - كۇنى تۇستەن بۇرىن باس شۋجي شي جينپيڭنىڭ باتىل دا تەرەڭ سۇيىسپەنشىلىككە تولى سوزىنە بۇكىل الاڭداعىلار ۇزاق ۋاقىت قىزۋ قول شاپالاق سوقتى.

ءداۋىر ەمتيحان الۋشى، ءبىز ەمتيحان بەرۋشىمىز، حالىق ەمتيحان تەكسەرۋشى.

باس شۋجي شي جينپيڭ 20 - قۇرىلتاي بايانداماسىندا بۇكىل پارتياعا مىنانى تاعى ءبىر رەت ەسكەرتتى: ”قاشاندا حالىق بۇقاراسىمەن ەتەنە بايلانىستا بولىپ، حالىقتىڭ سىنى مەن باقىلاۋىن قاشاندا قابىلداپ، حالىقپەن قاشاندا تىنىستاس، تاعدىرلاس، تىلەكتەس بولۋ كەرەك“.

يۇننان ولكەسىنىڭ شيچوۋ اۋدانى ەلىمىزدەگى قۇمايتتانعان وزەكتى وڭىرگە ورنالاسقان، %4. 75 جەرى قۇمايتتانعان ءارى شيچوۋدا تاۋ اراسىنداعى يرەلەڭدەگەن اينالمالى سەمەنت جول يەن دالادا كوركەم كورىنىسىمەن ەرەكشە كوز تارتادى، بۇل جول بىڭگۋ اۋىلى حايزىبا قىستاعىنىڭ 8 كيلومەترلىك قىستاققا تۇتاساتىن تاس جولىن قامتيدى.

بىڭگۋ اۋىلى حايزىبا قىستاعى تۇرعىندار گرۋپپاسىنىڭ بۇرىنعى باستىعى، ۋاكىل شيە چىڭفىن وسى جىلدارى باس الماي قۇلشىنا ىستەپ، بۇقارانى باستاپ ”جەر شارىنىڭ راگى“ اتانعان قۇمايتتانۋدى وڭاپ، قىستاققا جول تۇتاستىردى، ەلەكتر جەتكىزدى، جاڭعاقتان مول ءونىم الدى. ”ءبىزدىڭ كۇرەسىمىز توقتامايدى، اۋىل - قىستاقتارىمىز اناعۇرلىم گۇلدەنىپ، بۇقارانىڭ تۇرمىسى اناعۇرلىم تاماشا بولادى“! - دەدى شيە چىڭفىن.

كوزدەگەن ماقساتىمىزدان اينىماي، جىگەرلى دە جالىندى بولىپ، ءداۋىردىڭ ءۇمىتىن اقتايمىز، حالىقتىڭ ءۇمىتىن اقتايمىز.

شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ماڭگى توقتامايتىن باتىلدىقتان جازباي جاڭا داۋىردەگى پارتيا قۇرىلىسىنىڭ تىڭ دا ۇلى ينجەنەرياسىن ۇزدىكسىز ىشكەرىلەي ىلگەرىلەتەتىن بولسا، جۇڭگو كوممۋنيستىك پارتياسى، ءسوز جوق، جاڭا ەمتيحان تاپسىرۋ جولىندا تاريح پەن حالىققا جاڭا دا ۇزدىك جاۋاپناما بەرەتىن بولادى.

(تىلشىلەر جۋ جيچاي، جي جىپىڭ، ديڭ شياۋشي، سۇن شاۋلۇڭ، جاڭ يان)

(شينحۋا اگەنتتىگىنىڭ 10 - ايدىڭ 21 - كۇنى بەيجيڭنەن بەرگەن حابارى)