− پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ تۋرالى

حالىق گازەتىنىڭ شولۋشىسى

«جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ تەتىگى پارتيادا». باس شۋجي شي جينپيڭ پارتيا 20 - قۇرىلتايىنىڭ بايانداماسىندا بىلاي دەپ باسا دارىپتەدى: «بۇكىل پارتيا پارتيانى جاپپاي قاتاڭ باسقارۋدىڭ ماڭگى توقتالمايتىندىعىن، پارتيانىڭ وزىنە - ٴوزى توڭكەرىس جاساۋى ماڭگى توقتالمايتىندىعىن، بوساڭسۋ، دامىلداۋ، قالجىراۋ، جالىعۋ پيعىلىنىڭ بولۋىنا استە بولمايتىندىعىن، ٴسوز جوق، ەستە بەرىك ساقتاپ، پارتيانى جاپپاي قاتاڭ باسقارۋدى، ٴسوز جوق، تاباندىلىقپەن ىلگەرىلەتىپ، جاڭا داۋىردەگى پارتيا قۇرىلىسىنىڭ تىڭ دا ۇلى ينجەنەرياسىن ىشكەرىلەي ىلگەرىلەتىپ، پارتيانىڭ وزىنە - ٴوزى توڭكەرىس جاساۋى ارقىلى قوعامدىق توڭكەرىسكە جەتەكشىلىك ەتۋى كەرەك».

پارتيانى جاپپاي قاتاڭ باسقارۋ − جاڭا داۋىردەگى پارتيانىڭ وزىنە - ٴوزى توڭكەرىس جاساۋداعى ۇلى امالياتى، 100 جىلدىق ۇلى پارتيانىڭ وزىنە - ٴوزى توڭكەرىس جاساۋداعى تىڭ ٴورىسىن اشتى. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانى جاپپاي قاتاڭ باسقارۋدى بۇرىن بولماعان باتىلدىقپەن جانە تاباندىلىقپەن ىشكەرىلەي ىلگەرىلەتىپ، «مىڭداعان ادامعا جەك كورىنىشتى بولىپ، ٴبىر ميلليارد 400 ميلليون حالىقتىڭ ٴۇمىتىن اقتاۋ» بورىشىن ارقالاپ، شىرىكتەسۋگە قارسى تۇرۋدىڭ تاريحتا بولىپ كورمەگەن كۇرەسىن ىلگەرىلەتىپ، وزىنە - ٴوزى توڭكەرىس جاساۋدىڭ «كەشەندى شارالارىن» جولعا قويدى. «10 جىل قاجىرلىلىقپەن شىڭدالدى»، پارتيانى جاپپاي قاتاڭ باسقارۋدا تاريحي سيپاتتى، جاسامپازدىق سيپاتتى تابىسقا قول جەتتى، جان - جاقتى، تەرەڭ قاتپارلى ىقپال تۋىلدى، تالاي جىل تەجەلمەگەن ٴىشىنارا بۇرىس ستيل مەن تەرىس پيعىلداردى تەجەدى، ۇزاق ۋاقىت شەشىلمەگەن كوپتەگەن قاساڭ دەرتتەر مەن ٴسىڭىستى كىناراتتاردى شەشتى، پارتيانىڭ، مەملەكەتتىڭ، ارميانىڭ ىشكى بولىگىندە ورىن تەپكەن اۋىر كومەسكى كىناراتتاردى الاستادى، ٴوزىن - ٴوزى كىرشىكسىزدەندىرۋ، ٴوزىن - ٴوزى كەمەلدەندىرۋ، ٴوزىن - ٴوزى جاڭارتۋ، ٴوز دەڭگەيىن جوعارىلاتۋ قابىلەتىن كورنەكتى كۇشەيتىپ، پارتيانى باسقارۋدا، پارتيانى جونگە سالۋدا كەڭ، بوس، دارمەنسىز بولۋ جاعدايىندا ٴتۇبىرلى بۇرىلىس تۋدىرىپ، پارتيا ىشىندەگى ستيلى پاك، سالتى دۇرىس ساياسي ەكولوگيانى ۇزدىكسىز قالىپتاستىردى جانە دامىتتى. قاجىماي - تالماي قۇلشىنۋ ارقىلى پارتيا تىنىشتىق، بىلىقپالىق، كوركەيۋ، قۇلدىراۋ سىندى تاريح پەريودىنان قالاي اتتاپ ٴوتۋدىڭ وزىنە - ٴوزى توڭكەرىس جاساۋ سىندى ەكىنشى جاۋابىن تاۋىپ شىقتى، حالىق بۇقاراسىمەن ەتەنە بايلانىستى ساقتاۋدىڭ، حالىقتىڭ شىن جۇرەكتەن قولداۋىنىڭ تاريحي ىرىقتىلىعىنا يە بولدى، بۇكىل پارتيانىڭ ايرىقشا ىنتىماقتى، ٴبىر اۋىزدى بولۋىنىڭ، ٴداۋىردىڭ الدىڭعى لەگىندە ٴجۇرۋىنىڭ، حالىقتى باستاپ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋىنىڭ تاريحي ىرىقتىلىعىنا قول جەتكىزدى. 100 جىلدىق كۇرەس تاريحىنا قايىرىلا قاراساق، پارتيا سىرتىندا حالىق دەموكراتياسىن دامىتۋعا، حالىقتىڭ باقىلاۋىن قابىلداۋعا سۇيەنىپ، پارتيا ىشىندە پارتيانى جاپپاي قاتاڭ باسقارۋعا، وزىنە - ٴوزى توڭكەرىس جاساۋدى ىلگەرىلەتۋگە سۇيەنىپ، جۇرەكتىلىكپەن اقيقاتقا تاباندى بولىپ، قاتەلىكتەردى تۇزەتىپ، جۇرەكتىلىكپەن پىشاق ٴدۇزىن ىشكە قاراتىپ، سۇيەكتى قىرا وتىرىپ ۋىتتى ايداپ، پارتيانىڭ باياندى كوركەيۋىنە، ۇزدىكسىز دامۋىنا، زورايۋىنا كەپىلدىك ەتتى.

سان - ساناقسىز وزگەرىستى باستان كەشسە دە، اۋەلگى ماقساتىنان اينىماعان پارتيا عانا، نەگىزى مىعىم بولىپ، مىزعىماي تۇرا الادى؛ شۇعىلالى ناتيجە جاراتسا دا، جۇرەكتىلىكپەن وزىنە - ٴوزى توڭكەرىس جاساعان پارتيا عانا، الماس قامالى بولمايتىن جەڭىمپاز بولادى. جۇرەكتىلىكپەن وزىنە - ٴوزى توڭكەرىس جاساۋ پارتيانىڭ 100 جىلدىق كۇرەستە جەتىلدىرگەن ايقىن قاسيەتى، سونداي - اق پارتيانىڭ ەڭ ۇلكەن ارتىقشىلىعى. 100 جىلدىق ىستىق - سۋىقتى، بوران - شاشىندى باستان وتكەرىپ، 100 جىلدىق تولقىندا قۇمنان التىن شايقادى، پارتيامىزدىڭ قيىندىقتاردى بىرىنەن سوڭ ٴبىرىن جەڭىپ، جەڭىستەن - جەڭىسكە قول جەتكىزۋىنىڭ تەتىگى قاشاندا پارتيانىڭ پارتيانى باسقارۋىندا، پارتيانى جاپپاي قاتاڭ باسقارۋدان اۋىتقىماۋعا تاباندى بولۋىندا، قوعامدىق توڭكەرىستى ىلگەرىلەتۋمەن بىرگە، وزىنە - ٴوزى تۇبەگەيلى توڭكەرىس جاساۋىندا. پارتيا 20 - قۇرىلتايىنىڭ بايانداماسىندا: «پارتيامىز دۇنيە جۇزىندەگى ەڭ ٴىرى ماركسيزمدىك بيلىك باسىنداعى پارتيا رەتىندە، باستان - اياق حالىقتىڭ قولداۋىنا يە بولۋ، ۇزاق ۋاقىت بيلىك جۇرگىزۋ ورنىن بەكەمدەۋ ٴۇشىن، ٴسوز جوق، قاي - قاشان دا ٴىرى پارتياعا عانا ٴتان قيىن ماسەلەلەردى شەشەتىن سەرگەكتىك پەن تاباندىلىقتى ساقتاۋ كەرەك» دەپ اتاپ كورسەتىلدى. 18 - قۇرىلتايدان بەرى، پارتيانى جاپپاي قاتاڭ باسقارۋ ارقىلى ٴبىز پارتيا ىشىندەگى كوپتەگەن كورنەكتى ماسەلەلەردى شەشتىك، ايتسە دە پارتيا ٴدوپ كەلگەن «ٴتورت ۇلكەن سىناق» ۇزاق ۋاقىت ٴومىر سۇرەدى، «ٴتورت ٴتۇرلى حاۋىپ» ۇزاق ۋاقىت ٴومىر سۇرەدى. جاڭا تاريحي شارت - جاعدايدا پارتيانىڭ ماركسيزمدىك ساياسي پارتيا قاسيەتىن ماڭگى ساقتاۋىنىڭ تەتىگى تاعى دا پارتيامىزدىڭ وزىنە سۇيەنۋىندە. جۇڭگو كوممۋنيستىك پارتياسى 20 - كەزەكتى ورتالىق كوميتەت ساياسي بيۋروسىنىڭ تۇراقتى مۇشەلەرى جۇڭگولىق، شەتەلدىك تىلشىلەرمەن كەزدەسكەندە، باس شۋجي شي جينپيڭ: «جاڭا جورىقتا پارتيانىڭ وزىنە - ٴوزى توڭكەرىس جاساۋىن قاشاندا ىلگەرىلەتۋىمىز كەرەك» دەپ بايىپتىلىقپەن جاريالاپ، «جاڭا جورىقتاعى جاڭا سىن - سايىس، جاڭا سىناقتار الدىندا، ٴبىز، ٴسوز جوق، اسا قىراعى بولىپ، ەمتيحان تاپسىراتىن سەرگەكتىك پەن بايسالدىلىقتى ماڭگى ساقتاپ، پارتيانى جاپپاي قاتاڭ باسقارۋدى قاجىماي - تالماي ىلگەرىلەتىپ، 100 جىلدىق ٴىرى پارتيانى وزىنە - ٴوزى توڭكەرىس جاساۋ بارىسىندا جالىندى ومىرشەڭدىگىن ۇزدىكسىز تاسقىنداتىپ، باستان - اياق جۇڭگو حالقىنىڭ ەڭ سەنىمدى، ەڭ بەرىك تىرەگىنە اينالدىرۋىمىز كەرەك» دەپ باسا دارىپتەدى.

«تەمىر سوقساڭ قۇرىش بول». جۇڭگونىڭ ٴىسىن ويداعىداي تىندىرۋدىڭ تەتىگى پارتيادا، تەتىگى پارتيانى جاپپاي قاتاڭ باسقارۋدا. پارتيانى جاپپاي قاتاڭ باسقارۋ − پارتيانىڭ جاندى، ومىرشەڭدىك كۇشىن ماڭگى ساقتاپ، جاڭا ەمتيحان تاپسىرۋ جولىن ويداعىداي باسۋداعى ٴسوزسىز باسىپ وتەتىن جول. پارتيا 20 - قۇرىلتايى پارتيانى جاپپاي قاتاڭ باسقارۋدان اۋىتقىماي، جاڭا داۋىردەگى پارتيا قۇرىلىسىنىڭ تىڭ دا ۇلى ينجەنەرياسىن ىشكەرىلەي ىلگەرىلەتۋ كەلەلى ورنالاستىرۋىن جاسادى. ٴبىز يدەيا مەن ارەكەتتى پارتيا 20 - قۇرىلتايىنىڭ رۋحىمەن بىرلىككە كەلتىرىپ، جاڭا داۋىردەگى پارتيا قۇرىلىسىنىڭ باستى تالابىن مۇقيات دايەكتىلەندىرىپ، تياناقتاندىرىپ، پارتيانى جاپپاي قاتاڭ باسقارۋ جۇيەسىن اقاۋسىزداندىرىپ، پارتيانىڭ ٴوزىن - ٴوزى كىرشىكسىزدەندىرۋىن، ٴوزىن - ٴوزى كەمەلدەندىرۋىن، ٴوزىن - ٴوزى جاڭارتۋىن، ٴوز دەڭگەيىن جوعارىلاتۋىن جاپپاي ىلگەرىلەتىپ، پارتيا ورتالىق كوميتەتىنىڭ ورتالىقتانعان ٴبىر تۇتاس باسشىلىعىنا تاباندى بولىپ جانە ونى كۇشەيتىپ، شي جينپيڭ جاڭا ٴداۋىر جۇڭگوشا سوتسياليزم يدەياسىمەن جۇرت تىلەگىن ۇيىستىرىپ، رۋحتى سومداۋعا تاباندى بولىپ، پارتيانىڭ وزىنە - ٴوزى توڭكەرىس جاساۋ ٴتۇزىمىن ارناعا ٴتۇسىرۋ جۇيەسىن كەمەلدەندىرىپ، ۇلتتىڭ گۇلدەنۋى سىندى اۋىر مىندەتتى ارقالاي الاتىن جوعارى ساپالى كادرلار قوسىنىن قۇرىپ، پارتيا ۇيىمىنىڭ ساياسي فۋنكتسياسى مەن ۇيىمدىق فۋنكتسياسىن كۇشەيتىپ، ستيلدى دۇرىستاپ، ٴتارتىپتى قاتايتۋدى قاتاڭ ارنامەن كۇشەيتۋگە تاباندى بولىپ، شىرىكتەسۋگە قارسى تۇرۋ كۇرەسىنىڭ قامال الۋ شايقاسىندا، ۇزاققا سوزىلاتىن شايقاسىندا باتىل جەڭىسكە جەتۋىمىز كەرەك. العا باسۋ جولىندا پارتيا قۇرۋ ۇلى رۋحىن كۇش سالا اسقاقتاتىپ، اۋەلگى ماقساتتى، بورىشتى ۇمىتپاي، جۇرەكتىلىكپەن وزىنە - ٴوزى توڭكەرىس جاساپ، پارتيانىڭ العاباسارلىعى مەن كىرشىكسىزدىگىنە نۇقسان كەلتىرەتىن بارلىق زياندى فاكتورلاردى ۇزدىكسىز الاستاپ، پارتيانىڭ سالامات تۇلعاسىن جەمىرەتىن بارلىق اۋرۋ قوزدىرعىش ۆيرۋستى ۇزدىكسىز جويىپ وتىرساق بولعانى، ٴسوزسىز، پارتيانىڭ قاسيەتىن ماڭگى ساقتاۋعا، ٴتۇسىن ماڭگى وزگەرتپەۋگە، سيپاتىن ماڭگى ساقتاۋعا شىنايى كەپىلدىك ەتە الامىز، پارتيانىڭ جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋ تاريحي ۇردىسىندە باستان - اياق قۋاتتى باسشىلىق ۇيتقى بولۋىنا شىنايى كەپىلدىك ەتە الامىز.

100 جىلدىق بوران - شاشىندى باستان كەشىرىپ، بولاتتاي بەرىك سومدالۋ، اسىرەسە، جاڭا داۋىردەگى 10 جىلدىق توڭكەرىستىك شىڭدالۋ ارقىلى جۇڭگو كوممۋنيستىك پارتياسى اناعۇرلىم باتىل دا پارمەندى، اناعۇرلىم ومىرشەڭدىك كۇشكە تولى بولدى، پارتيانىڭ ساياسي باسشىلىق قابىلەتى، يدەيالىق جەتەكشىلىك قابىلەتى، بۇقارانى ۇيىمداستىرۋ قابىلەتى، قوعامدىق ۇندەۋ قابىلەتى كورنەكتى كۇشەيدى، جۇڭگو حالقىنا باسشىلىق ەتىپ جۇڭگوشا سوتسياليزم جولىندا بوگەۋ بەرمەس ارىنمەن جۇڭحۋا ۇلتىنىڭ ۇلى گۇلدەنۋىن بەتكە الۋدا. جاڭا دا ۇلى جورىقتا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، «ەكىنى تۇراقتاندىرۋدىڭ» شەشۋشى ٴمانىن تەرەڭ ٴتۇسىنىپ، «ٴتورت تانىمدى» كۇشەيتىپ، «ٴتورت سەنىمدى» بەكەمدەپ، «ەكىنى قورعاۋدى» ورىنداپ، پارتيانىڭ وزىنە - ٴوزى توڭكەرىس جاساۋى ارقىلى قوعامدىق توڭكەرىسكە جەتەكشىلىك ەتىپ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جەڭىسىنە قۇلشىنا قول جەتكىزىپ، جاڭا داۋىردەگى جۇڭگوشا سوتسياليزمنىڭ اناعۇرلىم اسەم تاراۋىن جازايىق.

شينحۋا اگەنتتىگىنىڭ 11 - ايدىڭ 1 - كۇنى بەيجيڭنەن بەرگەن حابارى