شينحۋا اگەنتتىگى كولەمدى ادەبي حابار تاراتتى

　　«حالىقتى كوكەيدە ساقتاۋ، جۇڭگونى كوكتەم مەيىرىنە بولەۋ − باس شۋجي شي جينپيڭ كوكتەم مەرەكەسىندە بۇقارامەن بىرگە بولدى»

شينحۋا اگەنتتىگىنىڭ 1 - ايدىڭ 20 - كۇنى بەيجيڭنەن بەرگەن حابارى. شينحۋا اگەنتتىگى 1 - ايدىڭ 20 - كۇنى «حالىقتى كوكەيدە ساقتاۋ، جۇڭگونى كوكتەم مەيىرىنە بولەۋ − باس شۋجي شي جينپيڭ كوكتەم مەرەكەسىندە بۇقارامەن بىرگە بولدى» اتىنداعى كولەمدى ادەبي حابار تاراتتى.

”مەنىڭ جۇرەگىم كوپشىلىكتىڭ، بۇكىل ەلدەگى ءار ۇلت حالقىنىڭ جۇرەگىمەن قاي - قاشان دا بىرگە بايلانىسقان“! گۇيماۋ كوكتەم مەرەكەسى قارساڭىندا، باس شۋجي شي جينپيڭ بەينە ەكران بايلانىس تاسىلىمەن بۇكىل ەلدىڭ 6 جەرىندەگى نەگىزگى ساتى كادر - بۇقاراسىنا امانداستى، ولاردان حال سۇرادى. ىقىلاستى قامقورلىق، تەرەڭ سۇيىسپەنشىلىككە تولى زور ءۇمىت جان - جاققا جەتىپ، ءار ۇلت پەرزەنتتەرىن مەيىرگە بولەدى.

ماقالادا بىلاي دەلىندى: پارتيا 18 - قۇرىلتايىنان بەرى، ءار جىلدىڭ ەگىنشىلىك كالەندارى بويىنشا جاڭا جىل قارساڭىندا، باس شۋجي شي جينپيڭ دايىم حالىق بۇقاراسىمەن بىرگە بولىپ، اڭگىمە دۇكەنىن قۇردى، حال - جاعداي ۇعىستى، تىلەك جەتكىزدى.

نولدەن تومەن 30 نەشە سەلتسي گرادۋس قاقاعان ايازعا قاراماي، تەڭىز دەڭگەيىنەن 3000 نەشە مەتر بيىكتەگى جوتالاردى باسىپ ءوتىپ، ۇقساماعان ولكە، رايون، قالالاردى ارالاپ، 20 مىڭ كيلومەتردەن استام جول باستى. كوڭىلگە تۇيگەن ىستەردى ارەكەتىندە ايگىلەدى. ”مەنىڭ ەڭ قام جەيتىنىم ءالى دە قيىنشىلىعى بار بۇقارا، ولاردىڭ تاماعى قالاي، تۇراعى قالاي، جاڭا جىلدى، كوكتەم مەرەكەسىن جاقسى وتكىزە الا ما، جوق پا“.

ماقالادا بىلاي دەلىندى: حالىقتى كوكەيدە ساقتادى، جۇڭگونى كوكتەم مەيىرىنە بولەدى. ءبىز باس شۋجيدىڭ ىقىلاستى جانارىنان ”حالىقتى بارىنەن جوعارى قويۋ“ اۋەلگى ماقساتى مەن مەيىرىن اڭعارامىز، قالىڭ بۇقارانىڭ حالىق كوسەمىنە دەگەن شىنايى سۇيىسپەنشىلىگىن سەزىنەمىز.

ماقالا 11 كورىنىس ارقىلى پارتيا 18 - قۇرىلتايىنان بەرى ءار جىلى ەگىنشىلىك كالەندارى بويىنشا جاڭا جىل قارساڭىندا، باس شۋجي شي جينپيڭنىڭ نەگىزگى ساتىعا بارىپ قىزمەت تەكسەرگەندە، تەكسەرۋ - زەرتتەۋ جۇرگىزگەندە بۇقارامەن بىرگە بولعان اسەرلى كورىنىستەرىن تاعى كورسەتتى ءارى قاتىستى ادامدارمەن قايتا سۇحبات وتكىزدى.

ماقالادا بىلاي دەلىندى: ”اق تىلەك تارالدى جەلمەن الىستى بەتتەي، ءار ۇيگە كوكتەمنىڭ جىلۋى جەتكەي“. چاڭجياڭ وزەنىنىڭ وڭتۇستىگى مەن سولتۇستىگى، گۋانشاننىڭ ءىشى مەن سىرتى، قايىرىلا قاراساق، جۇرت كوڭىلى مەيىرىم شۋاعىنا بولەندى، بار الاپ ۇلىقسان وزگەرىستى بارىنشا ايگىلەدى. بايتاق دالا كوكتەم شۋاعىنا شومدى، بۇل الۋان تۇسكە بولەنگەن جۇڭگونىڭ قۇنارلى توپىراعىنداعى ايتىپ تاۋىسقىسىز دوڭگەلەك داۋلەتتىلىك حيكاياسى، تاۋسىلمايتىن باقىتتى جىل كورىنىسى.