كوكتەم سامالى ەسكەن ساتتە زەيىن - زەردە مەن كۇش - قۋاتتى ۇيىستىرىپ، جاڭا جاعداي اشتى

　　− مەملەكەتتىك ساياسي كەڭەس 14 - كەزەكتى كوميتەتى 1 - ءماجىلىسىنىڭ اشىلۋىنان ەستەلىك

　　□ شينحۋا اگەنتتىگىنىڭ تىلشىلەرى

3 - ايداعى بەيجيڭ قالاسى، كوكتەم سامالى ەسىپ، تەرەك - تالدار بۇرلەي باستادى؛ جۇڭگونىڭ بايتاق دالاسىنا كوز سالعاندا، كوكتەم رايى ءبىلىنىپ، تىرشىلىك تىنىسى قاۋلادى.

3 - ايدىڭ 4 - كۇنى تۇستەن كەيىن مەملەكەتتىك ساياسي كەڭەس 14 - كەزەكتى كوميتەتىنىڭ 1 - ءماجىلىسى اشىلاردان بۇرىن جۇڭگو قوعامدىق عىلىم اكادەمياسى ونەركاسىپ ەكونوميكاسىن زەرتتەۋ ورنىنىڭ ورىنباسار باستىعى، مۇشە چۇي يۇڭ - ي قاتىناسۋ كۋالىگىن سالتاناتتى تۇردە ساندەپ تاعىپ، ءوزى تۇرعان ورىننان حالىق سارايىنا باراتىن اۆتوكولىككە شىقتى.

جاساۋ كاسىبىنىڭ ساتىپ الۋ مەنەدجەرى كورسەتكىشى 1 - ايدا ۇلعايتۋ اۋماعىنا قايتا ورالعاننان كەيىن، 2 - ايدا ءۇرتىس كوتەرىلدى؛ ورتا، شاعىن كاسىپورىنداردىڭ دامۋ كورسەتكىشىنىڭ قۇلديلاۋى توقتاپ، قايتا كوتەرىلدى... تاياۋدا جاريالانعان ءبىر قىدىرۋ ەكونوميكالىق ساندى مالىمەتتەردى اۋىزعا العاندا، جۇڭگونىڭ ەكونوميكالىق دامۋ جاعدايىنا ۇزاق ۋاقىت ءمان بەرىپ كەلە جاتقان چۇي يۇڭ - ي ەرەكشە تەبىرەندى: ”جىل باسىنداعى ەكونوميكالىق اينالىم اۋقىمىنان قاراعاندا، 2023 - جىلى جۇڭگونىڭ ەكونوميكالىق دامۋدا تۇتاس تۇلعالىق جاقسارۋدى جۇزەگە اسىرۋعا سەنىمى بار، قۋاتى قاپتال جەتەدى، دامۋ ساپاسى اناعۇرلىم جوعارىلايتىن بولادى“.

ۋاقىت زىمىراپ جاڭا تۇيىنگە، تاريح شكالاسىنا جەتكەن ءسات وسى رەتكى ءماجىلىستىڭ ايرىقشا وزگەشە ەكەندىگىن ايگىلەدى −

پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ باستاما جىلى، ”14 - بەسجىلدىق“ جوبانى اتقارۋدا بۇرىنعىعا مۇراگەر، كەيىنگىگە بۇيداگەر بولۋداعى شەشۋشى ءبىر جىل، جاپپاي سوتسياليستىك وسىزاماندانعان مەملەكەت قۇرۋعا نەگىز قالايتىن ماڭىزدى ءبىر جىل... ميلليارد جۇڭگو حالقى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ باسشىلىعىندا تاسقىنداعان جىگەرمەن داڭق جانە ارمانعا قانات قاققان ۇزاق جورىققا اتتاندى.

سەنىمدى كۇشەيتتى، جۇرت تىلەگىن توعىستىردى، تىلەكتەس بولدى. قوعامدىق جاعدايدى، جۇرت تىلەگىن، تەرەڭ تۇسىنىكتەرىن الا كەلگەن مەملەكەتتىك ساياسي كەڭەستىڭ 2100 دەن استام مۇشەسى تۇس - تۇستان بەيجيڭگە جينالىپ، كوكتەمگى سالتاناتتى ماجىلىسكە بىرگە قاتىناستى.

ەڭ ۇلكەن ورتاق بولگىش تاۋىپ، ەڭ ۇلكەن سەنترلەس شەڭبەر سىزدى. تيانجين قالالىق ساياسي كەڭەستىڭ ورىنباسار ءتوراعاسى، مۇشە جاڭ جينيىڭ بىلاي دەدى: ءبىز جاڭا داۋىردەگى ساياسي كەڭەس قىزمەتىنىڭ مىندەتىن، تالابىن جانە ەرەكشەلىگىن، زاڭدىلىعىن تەرەڭ يگەرىپ، ورتاق تانىم ۇيىستىرۋ قىزمەتىن تەرەڭدەتىپ، ناقتىلاندىرىپ، نازاردى ”مەملەكەتتىڭ ءىرى ءىسى“ مەن بۇقارا ءجىتى قاداعالاپ وتىرعان ىستەرگە شوعىرلاندىرىپ، كوپتىڭ اقىل - پاراساتىن كەڭىنەن توپتاپ، تەرەڭدەي كەڭەسۋ بارىسىندا عىلمي، دەموكراتيالى شەشىم جاساۋعا قىزمەت وتەپ، نيەتتەس، باعىتتاس بولىپ، شىنايى كەڭەسۋ بارىسىندا ءار جاقتىڭ ورتاق تانىمىن ۇتىمدى ارتتىرىپ، جۇڭگو ارمانىن ءبىر نيەتپەن بىرگە جۇزەگە اسىراتىن قۋاتتى بىرىككەن كۇشتى كەڭ كولەمدە توپتاۋىمىز كەرەك.

سىندارلى اقىل - كەڭەس بەردى، ناقتى ىستەۋ شاراسىن كورسەتتى، ۇزاق بولاشاقتىق شارالاردى كوزدەدى.

ساعات 14 تەن 05 مينۋتتا تۇڭعىش ”مۇشەلەر ارناسى“ حالىق سارايىندا اشىلدى. 8 مۇشە 3 گرۋپپاعا ءبولىنىپ، رەتىمەن ميكروفوننىڭ الدىنا بارىپ، تىلشىلەردىڭ سۇراۋىنا جاۋاپ بەردى.

”سالتاناتتى دا قاسيەتتى سارايدا بالالارعا كوممۋنيستەردىڭ جاساعان كۇرەسى مەن ۇلەسىن ءتۇسىندىرىپ، جاڭا داۋىردە ماقتانىش جانە داڭق سەزىمىنە بولەدىك“. جۇڭگو كوممۋنيستىك پارتياسى تاريحى كورمە سارايىنىڭ باستىعى، مۇشە ۋ شياڭدۇڭ تىلشىلەردىڭ سۇراۋىنا ءبىرىنشى بولىپ جاۋاپ بەردى.

”تىڭداۋعا كومەكتەسەتىن اسپاپتار مەن ينفورماتسيا كەدەرگىسىز ورتا اسا زور دامىدى، مەملەكەت جولعا قويعان ساۋىقتىرۋ جانە توعىستىرۋ تاربيەسى كەسەك تابىسقا قول جەتكىزدى“... جۇڭگو مۇگەدەكتەر بىرلەستىگىنىڭ القا مۇشەسى، مۇشە ياڭ ياڭ تاياۋ جىلداردان بەرى قۇلاعى اۋىر ادامداردىڭ تۇرمىسىنداعى ءتۇرلى وزگەرىستەردى ايتتى.

ساياسي كەڭەس مۇشەلەرىنىڭ تاماشا لەبىزدەرى جۇرت جۇرەگىنە جەتىپ، سەنىمدى ۇيىستىردى، كۇش - قۋات تاراتتى.

حالىق سارايىنىڭ 10 مىڭ ادامدىق ۇلكەن زالىندا ءتوراعالار مىنبەسىندەگى شىمىلدىقتىڭ قاق ورتاسىنداعى جۇڭگو حالىق ساياسي ءماسليحات كەڭەسى گەربى شۇعىلا شاشىپ، ونىڭ ەكى جاعىنا بەستەن قويىلعان نارت قىزىل تۋلار ەرەكشە كوز تارتتى.

شي جينپيڭ قاتارلى پارتيا مەن مەملەكەت باسشىلارى كەلىپ ءماجىلىستىڭ اشىلعاندىعىن قۇتتىقتادى. باس شۋجي شي جينپيڭ نىق قادام باسىپ ءماجىلىس الاڭىنا كىرگەندە، تۇتاس الاڭدا شاتىرلاعان شاپالاق ءۇنى كوتەرىلدى.

ساعات 15 تە مەملەكەتتىك ساياسي كەڭەس 14 - كەزەكتى كوميتەتى 1 - ءماجىلىسى ءتوراعالار القاسى جيىنىنىڭ باسقارۋشىسى ۋاڭ حۋنيڭ ءماجىلىستىڭ اشىلعاندىعىن جاريالادى. بارلىق ادام ورىندارىنان تۇرىپ، مەملەكەت ءانىن اسقاقتاتا شىرقادى.

13 - كەزەكتى مەملەكەتتىك ساياسي كەڭەستىڭ ءتوراعاسى ۋاڭ ياڭ ساياسي كەڭەس 13 - كەزەكتى مەملەكەتتىك كوميتەتى تۇراقتى كوميتەتى اتىنان قىزمەتتەن بايانداما جاسادى.

وتكەن 5 جىلدا حالىق ساياسي كەڭەس ىستەرى جاڭا رايدى، جاڭا بەينەنى ايگىلەدى −

شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، جۇڭگو كوممۋنيستىك پارتياسىنىڭ ساياسي كەڭەس قىزمەتىنە جالپى بەتتىك باسشىلىعىن تياناقتاندىردى؛

نازاردى پارتيا مەن مەملەكەتتىڭ وزەكتى مىندەتىنە شوعىرلاندىرىپ، مىندەت وتەپ، جاۋاپكەرشىلىكتى ادا ەتىپ، ”ەكىنشى 100 جىلدىق“كۇرەس نىساناسىن جۇزەگە اسىرۋعا اقىل - پاراسات جانە كۇش - قۋات قوستى؛

ساياسي كەڭەستىڭ كەڭەسۋ ساپاسىن جوعارىلاتىپ، حالىق ساياسي كەڭەسىنىڭ ارناۋلى كەڭەستىك قۇرىلىم رەتىندەگى رولىن اناعۇرلىم ويداعىداي ساۋلەلەندىردى؛

ورتاق تانىم ۇيىستىرۋ قىزمەتىن كەڭ كولەمدە ورىستەتىپ، پارتيانىڭ حالىققا باسشىلىق ەتىپ، ەل باسقارۋىنىڭ ساياسي نەگىزىن، قوعامدىق نەگىزىن نىعايتتى...

بولاشاققا كوز جىبەرسەك، الداعى قىزمەتتەردە بەتالىس اناعۇرلىم بەكەمدەلدى −

جۇڭگو كوممۋنيستىك پارتياسى 20 - قۇرىلتايىنىڭ رۋحىن ىشكەرىلەي ۇيرەنۋ، دايەكتىلەندىرۋ؛

پارتيا مەن مەملەكەت قىزمەتىنە قىزمەت وتەۋ كەلەلى جاعدايىن ارقاۋ ەتىپ، كەڭەس جۇرگىزۋ، ۇكىمەت ءىسىن كەڭەسۋ؛

ورتاق تانىم ۇيىستىرۋ، ىنتىماقتى نىعايتۋ قىزمەتىن مۇقيات ويداعىداي ىستەۋ...

ناقتى، ورىندى ۇسىنىستار مۇشەلەردىڭ كۇشتى ۇندەستىگىن تۋدىردى.

مەملەكەت ءۇشىن مىندەت وتەدى، حالىق ءۇشىن جاۋاپكەرشىلىكتى ادا ەتتى. بيىل وسى كەزەكتى ساياسي كەڭەس مۇشەلەرىنىڭ مىندەت وتەيتىن العاشقى جىلى.

14 - كەزەكتى مەملەكەتتىك ساياسي كەڭەس ”ورتا بايلىعى سالاسىن“ جاڭادان قۇردى، جۇڭگو اۋا رايى مەكەمەسىنەن كەلگەن، اتموسفەرا ورتاسىن قاداعالاۋ جانە كىليمات وزگەرىسى سالاسىن زەرتتەۋمەن ۇزاق ۋاقىت شۇعىلدانعان، مۇشە جاڭ شيڭيىڭ مىنە سولاردىڭ اراسىنداعى بىرەۋى. ول بىلاي دەدى: ”جۇڭگو ۇلگىسىندەگى وسىزامانداندىرۋ − ادام مەن تابيعاتتىڭ جاراسىمدى بىرگە ءومىر سۇرۋىندەگى وسىزامانداندىرۋ، ورتا بايلىعى سالاسىنىڭ قۇرىلۋى داۋىرگە ۇيلەسىمدى شارا. مەن مىندەتىمدى اناعۇرلىم جوعارى ساپامەن وتەپ، كورىكتى جۇڭگو قۇرىلىسىنا كۇش قوسامىن“.

جۇڭگو اۋرۋدان ساقتانۋ - تىزگىندەۋ ورتالىعى ەپيدەميولوگيا باس مامانى، مۇشە ۋ زۇنيوۋ الەۋمەتتىك دەنساۋلىق ساقتاۋ دارىندىلارىن تاربيەلەۋ جونىندە ۇسىنىس جوبا الا كەلدى: ”ءبىر جاڭا مۇشە جانە ەپيدەميولوگيا زەرتتەۋ كاسىپتىك تەحنيك قىزمەتكەرى رەتىندە، مەن الداعى جەردە ىندەتكە قارسى اتتانۋ، ىندەتتەن ساقتانۋ جونىندەگى تاجىريبە، ادىستەردى تەرەڭدەي قورىتىندىلاۋعا ات سالىسىپ، دەنساۋلىق ساقتاۋ، سالاماتتىق قىزمەت وتەۋ جۇيەسىن قۇرۋ - كۇشەيتۋ جونىندە بەلسەندى، سىندارلى اقىل - كەڭەس بەرەمىن“.

اشىلۋ ءماجىلىسى اياقتادى، شۋاقتى كوكتەم سامالىمەن قاۋىشقان مۇشەلەر حالىق سارايىنان شىقتى.

تيان - انمىن الاڭىندا قىزىل تۋلار جەلبىرەپ، كوكتەم شۋاعىن شاشتى.

بولاشاققا وي جۇگىرتكەندە، گۋگۇڭ مۇراجايى مەكەمەسى پارتكومىنىڭ شۋجيى، مۇشە دۋ حايجياڭنىڭ كوڭىلى كولدەي تولقىدى: ”جاڭا جورىققا اتتانعاندا، وزىنە سەنۋ، ءوزىن الۋەتتەندىرۋ رۋحاني كۇشى ۇلتتىڭ العا باسۋىنىڭ سارقىلماس قوزعاۋشى كۇشى. وسى رەتكى سالتاناتتى ماجىلىستە مەن حالىقتىڭ كۇن سايىن ارتىپ وتىرعان رۋحاني مادەنيەت سۇرانىسىن اناعۇرلىم ويداعىداي قاناعاتتاندىرۋ ءۇشىن بەلسەنە ءۇن قاتىپ، جاڭا داۋىردەگى مادەنيەت سەنىمى نەگىزىن بەكەمدەۋگە كۇش قوسامىن“!

(تىلشىلەر شى يۇيسىن، دۇڭ رۇيفىڭ، گاۋ جيڭ، ۋي يۇيكۇن)

(شينحۋا اگەنتتىگىنىڭ 3 - ايدىڭ 4 - كۇنى بەيجيڭنەن بەرگەن حابارى)