14 - كەزەكتى مەملەكەتتىك حالىق قۇرىلتايى 1 - ءماجىلىسى ءتوراعالار القاسى تۇراقتى ءتوراعالارىنىڭ 1 - جيىنى وتكىزىلدى
جاۋ لىجي باسقاردى
شينحۋا اگەنتتىگىنىڭ 3 - ايدىڭ 4 - كۇنى بەيجيڭنەن بەرگەن حابارى. 14 - كەزەكتى مەملەكەتتىك حالىق قۇرىلتايى 1 - ءماجىلىسى ءتوراعالار القاسى تۇراقتى ءتوراعالارىنىڭ 1 - جيىنى 3 - ايدىڭ 4 - كۇنى تۇستەن كەيىن بەيجيڭ حالىق سارايىندا وتكىزىلدى. ءماجىلىس ءتوراعالار القاسىنىڭ تۇراقتى ءتوراعاسى جاۋ لىجي جيىندى باسقاردى.
ءتوراعالار القاسى تۇراقتى ءتوراعالارىنىڭ 1 - جيىنى اشىلۋدان ىلگەرى، 14 - كەزەكتى مەملەكەتتىك حالىق قۇرىلتايىنىڭ 1 - ماجىلىسىنە قاتىناساتىن ۋاكىلدەر ۇيىرمەلەرى جيىن اشىپ، ءماجىلىستىڭ 14 - كەزەكتى مەملەكەتتىك حالىق قۇرىلتايى ارناۋلى كوميتەتتەرىن قۇرۋ جونىندەگى قاۋلى جوباسىن، 14 - كەزەكتى مەملەكەتتىك حالىق قۇرىلتايى ارناۋلى كوميتەتتەرىنىڭ مەڭگەرۋشى مۇشە، ورىنباسار مەڭگەرۋشى مۇشە، مۇشە كانديداتتارىن داۋىسقا سالۋ ءادىسى جوباسىن قارادى؛ 14 - كەزەكتى مەملەكەتتىك حالىق قۇرىلتايى نەگىزگى زاڭ جانە زاڭدار كوميتەتىنىڭ، قازىنا - ەكونوميكا كوميتەتىنىڭ مەڭگەرۋشى مۇشەسى، ورىنباسار مەڭگەرۋشى مۇشەلەرى، مۇشەلەرى كانديداتتارىن اقىلداستى.
وسى رەتكى ءتوراعالار القاسى تۇراقتى ءتوراعالارىنىڭ جيىنى ءماجىلىستىڭ ورىنباسار باس حاتشىسى ليۋ جۇنچىن بەرگەن ءماجىلىس حاتشىلار باسقارماسىنىڭ 14 - كەزەكتى مەملەكەتتىك حالىق قۇرىلتايى ارناۋلى كوميتەتتەرىن قۇرۋ جونىندەگى قاۋلى جوبانى، 14 - كەزەكتى مەملەكەتتىك حالىق قۇرىلتايى ارناۋلى كوميتەتتەرىنىڭ مەڭگەرۋشى مۇشە، ورىنباسار مەڭگەرۋشى مۇشە، مۇشە كانديداتتارىن داۋىسقا سالۋ ءادىسى جوباسىن قاراۋ جاعدايى تۋرالى مالىمەتتى تىڭدادى.
جيىن ءماجىلىستىڭ ورىنباسار باس حاتشىسى جياڭ شينجى بەرگەن ءماجىلىس حاتشىلار باسقارماسىنىڭ 14 - كەزەكتى مەملەكەتتىك حالىق قۇرىلتايى نەگىزگى زاڭ جانە زاڭدار كوميتەتىنىڭ، قازىنا - ەكونوميكا كوميتەتىنىڭ مەڭگەرۋشى مۇشەسى، ورىنباسار مەڭگەرۋشى مۇشەلەرى، مۇشەلەرى كانديداتتارىن اقىلداسۋ جاعدايى جونىندەگى مالىمەتتى تىڭدادى.
جوعارىداعى قاۋلى جوبا، داۋىسقا سالۋ ءادىسى جوباسى جانە كانديداتتار ەسىمدىگى جوباسى ءماجىلىس ءتوراعالار القاسىنىڭ ماقۇلداۋىنان وتكەننەن كەيىن ءماجىلىستىڭ اشىلۋ جيىنىندا داۋىسقا سالۋعا ۇسىنىلادى.
ءماجىلىس ءتوراعالار القاسىنىڭ تۇراقتى ءتوراعالارى لي گانجيە، لي حۇڭجۇڭ، ۋاڭ دۇڭميڭ، شياۋ جيە، جىڭ جيانباڭ، ديڭ جۇڭلي، حاۋ ميڭجين، ساي دافىڭ، حى ۋي، ۋ ۋيحۋا جيىنعا قاتىناستى.