13 - كەزەكتى مەملەكەتتىك حالىق قۇرىلتايى تۇراقتى كوميتەتى 136 - رەتكى كوميتەت باستىقتارى ءماجىلىسىن وتكىزدى

　　لي جانشۋ باسقاردى

شينحۋا اگەنتتىگىنىڭ 3 - ايدىڭ 4 - كۇنى بەيجيڭنەن بەرگەن حابارى. 13 - كەزەكتى مەملەكەتتىك حالىق قۇرىلتايى تۇراقتى كوميتەتى 3 - ايدىڭ 4 - كۇنى تۇستەن بۇرىن بەيجيڭ حالىق سارايىندا 136 - رەتكى كوميتەت باستىقتارى ءماجىلىسىن وتكىزدى. كوميتەت باستىعى لي جانشۋ ءماجىلىستى باسقاردى.

ءماجىلىس 13 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ باس حاتشىسى ياڭ جىن - ۋدىڭ 14 - كەزەكتى مەملەكەتتىك حالىق قۇرىلتايى 1 - ءماجىلىسى ءتوراعالار القاسىنداعىلاردىڭ جانە باس حاتشىسىنىڭ ەسىمدىگى جوباسىن، كەڭەستىك ءتارتىپ جوباسىن قاراۋ جاعدايى جونىندە جاساعان مالىمەتىن تىڭداپ، ەكى جوبانى جەكە - جەكە 14 - كەزەكتى مەملەكەتتىك حالىق قۇرىلتايى 1 - ءماجىلىسىنىڭ دايىندىق جيىنىندا جەكە - جەكە سايلاۋعا جانە داۋىسقا سالۋعا ۇسىنۋدى ۇيعاردى.

نەگىزگى زاڭ جانە مەملەكەتتىك حالىق قۇرىلتايىنىڭ ۇيىمدىق زاڭىنىڭ بەلگىلەمەسى بويىنشا، كوميتەت باستىقتارى ءماجىلىسى مەملەكەتتىك حالىق قۇرىلتايى تۇراقتى كوميتەتىنىڭ ماڭىزدى كۇندەلىكتى قىزمەتتەرىن ءبىر جاقتى ەتۋگە جاۋاپتى بولادى.

2018 - جىلى 3 - ايدان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا 13 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ باستىقتارى ءماجىلىسى شي جينپيڭ جاڭا ءداۋىر جۇڭگوشا سوتسياليزم يدەياسىن ، اسىرەسە، باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن جاپپاي دايەكتىلەندىرىپ، جالپى بارىستىق حالىق دەموكراتياسى كەلەلى ۇستانىمىن امالياتتا ايگىلەپ، جاڭا داۋىردەگى جاڭا جورىقتا پارتيا مەن مەملەكەتتىڭ وزەكتى مىندەتىن تىعىز ارقاۋ ەتىپ، مىندەت وتەپ، جاۋاپكەرشىلىكتى ادا ەتىپ، جاڭا داۋىردەگى حالىق قۇرىلتايى قىزمەتىنىڭ جوعارى ساپالى دامۋىنا ماڭىزدى ۇلەس قوستى.

مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىقتارى ۋاڭ چىن، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ىشياڭ، چىن جۋ، ۋاڭ دۇڭميڭ، بايماچىلين، ديڭ جۇڭلي، حاۋ ميڭجين، ساي دافىڭ، ۋ ۋيحۋا ماجىلىسكە قاتىناستى.

3 - ايدىڭ 3 - كۇنى تۇستەن كەيىن، 14 - كەزەكتى مەملەكەتتىك حالىق قۇرىلتايىنىڭ 1 - ماجىلىسىنە قاتىناساتىن ءارقايسى ۋاكىلدەر ۇيىرمەلەرى ءماجىلىس اشىپ، 14 - كەزەكتى مەملەكەتتىك حالىق قۇرىلتايى 1 - ءماجىلىسى ءتوراعالار القاسىنداعىلاردىڭ جانە باس حاتشىسىنىڭ ەسىمدىگى جوباسىن، كەڭەستىك ءتارتىپ جوباسىن قارادى.