汉文 ىلە اقپارات تورابىنا حوش كەلدىڭىزدەر!
ۇلتتى گۇلدەندىرۋ اۋىر مىندەتىن ارقالاي الاتىن بيلىك جۇرگىزۋ تىرەكتى قوسىنىن تاربيەلەۋ، جەتىلدىرۋ جاعىندا بەلسەنە ىسكەرلىك كورسەتەيىك
2023-03-06 11:43:45     كورىلىم:رەت كەلۋ قاينارى:ىلە گازەتى  جاۋاپتى رەداكتور:جاڭىلقان قوجا قىزى

ۇلتتى گۇلدەندىرۋ اۋىر مىندەتىن ارقالاي الاتىن بيلىك جۇرگىزۋ تىرەكتى قوسىنىن تاربيەلەۋ، جەتىلدىرۋ جاعىندا بەلسەنە ىسكەرلىك كورسەتەيىك

− باس شۋجي شي جينپيڭنىڭ ورتالىق كوميتەت پارتيا مەكتەبى قۇرىلعاندىعىنىڭ 90 جىلدىعىن قۇتتىقتاۋ ماجىلىسىندە جانە

2023 - جىلعى كوكتەمگى وقۋ ماۋسىمىنداعى وقۋ باستاۋ سالتىندا سويلەگەن ماڭىزدى ٴسوزىن ۇيرەنۋ، دايەكتىلەندىرۋ جونىندە

حالىق گازەتىنىڭ شولۋشىسى

”پارتيا ٴۇشىن دارىندى تاربيەلەۋ − پارتيا مەكتەبىنىڭ وزگەشە قۇندىلىعى“. ورتالىق كوميتەت پارتيا مەكتەبى قۇرىلعاندىعىنىڭ 90 جىلدىعىن قۇتتىقتاۋ ماجىلىسىندە جانە 2023 - جىلعى كوكتەمگى وقۋ ماۋسىمىنداعى وقۋ باستاۋ سالتىندا باس شۋجي شي جينپيڭ بىلاي دەپ باسا دارىپتەدى: ”پارتيا مەكتەبى − كادرلاردى تاربيەلەۋدىڭ، باۋلۋدىڭ نەگىزگى شەبى، ٴسوز جوق، ۇلتتى گۇلدەندىرۋ اۋىر مىندەتىن ارقالاي الاتىن بيلىك جۇرگىزۋ تىرەكتى قوسىنىن تاربيەلەۋ، جەتىلدىرۋ جاعىندا بەلسەنە ىسكەرلىك كورسەتىپ، جاڭا داۋىردەگى جول - جوسىن كورسەتۋ، وقۋ - ٴبىلىم ۇيرەتۋ، كۇدىك - كۇماندى شەشۋ قىزمەتىن ويداعىداي ىستەپ، ماركسيزمنىڭ اقيقات جولىن ويداعىداي كورسەتىپ، رەفورما، دامۋ، ورنىقتىلىق ىستەرىن ىلگەرىلەتۋدى جاقسى ۇيرەتىپ، سۋبيەكتيۆتىك دۇنيە مەن وبيەكتيۆتىك دۇنيەنى وزگەرتۋدە كەزدەسكەن كۇدىك - كۇماندى ويداعىداي شەشۋ كەرەك“.

پارتيا مەكتەبى باسشى كادرلاردىڭ كالتسيىن تولىقتاپ، الۋەتتەندىرەتىن، ارقاۋىن بەكەمدەپ، نەگىزىن جەتىلدىرەتىن ماڭىزدى مىندەتتى ارقالاپ وتىر، كادرلار قوسىنى ساپاسىن جوعارىلاتۋ جاعىندا بورىشى داڭقتى، جاۋاپكەرشىلىگى اۋىر. پارتيا 20 - قۇرىلتايى جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋدىڭ ايبىندى جوباسىن كەسكىندەدى، جاڭا جورىقتا ەكپىندەي ىلگەرىلەۋدىڭ ٴداۋىر دابىلىن قاقتى. پارتيامىز حالىقتى ىنتىماقتاستىرىپ، باستاپ، ىستەرىمىز دامۋىنىڭ جاڭا جاعدايىن اشۋدا، ٴسوز جوق، ۇلتتى گۇلدەندىرۋ اۋىر مىندەتىن ارقالاي الاتىن جوعارى ساپالى كادرلار قوسىنىن تاربيەلەۋ، جەتىلدىرۋ كەرەك. بۇل جاعىندا پارتيا مەكتەبى بۇلتارۋعا كەلمەيتىن جاۋاپكەرشىلىك ارقالايدى.

نازاريالىق جەتىلىم − باسشى كادرلاردىڭ جالپىلىق ساپاسىنىڭ وزەگى، نازاريالىق جاقتاعى تولىسۋ ساياسي جاقتا تولىسۋدىڭ نەگىزى، ساياسي جاقتاعى تاباندىلىق نازاريالىق جاقتاعى سەرگەكتىكتەن كەلەدى. بەلگىلى ماننەن العاندا، ماركسيزم نازارياسىنىڭ تەرەڭدىگىن يگەرۋ ساياسي سەزگىرلىكتىڭ دەڭگەيىن، وي ايانىڭ كەڭدىگىن، يدەيالىق ٴورىستىڭ بيىكتىگىن بەلگىلەيدى. باس شۋجي شي جينپيڭ بىلاي دەپ تەرەڭ اتاپ كورسەتتى: ”باسشى كادرلار جونىنەن ايتقاندا، ماركسيزم سىندى ەرەكشە قابىلەت قانشالىق بەرىك يگەرىلسە، ساياسي دەڭگەي سونشالىق جوعارى بولادى، ساياسي تۇجىرىمداۋ قابىلەتى، ساياسي ٴتۇسىنۋ قابىلەتى، ساياسي اتقارۋ قابىلەتى سونشالىق كۇشتى بولادى، اۋقىمدى باقىلاۋدا، دامۋدى جوسپارلاۋدا، حاۋىپ - قاتەردەن ساقتانۋدا جانە ونى جويۋدا سونشالىق ىرىقتى بولۋعا بولادى“. پارتيا مەكتەبى − پارتيامىزدىڭ باسشى كادرلارعا ماركسيزمدىك نازاريا تاربيەسىن جۇرگىزەتىن نەگىزگى شەبى، ماركسيزم نازارياسى بويىنشا تاربيەلەۋدى، باۋلۋدى ونان ارى كۇشەيتىپ، ماركسيزمنىڭ جۇڭگوشالانۋىنىڭ، زامانالانۋىنىڭ ەڭ جاڭا جەتىستىگىمەن يدەيانى بىرلىككە كەلتىرۋدى، ەرىك - جىگەردى بىرلىككە كەلتىرۋدى، ارەكەتتى بىرلىككە كەلتىرۋدى ٴتۇيىندى تۇردە ويداعىداي يگەرىپ، شي جينپيڭ جاڭا ٴداۋىر جۇڭگوشا سوتسياليزم يدەياسىمەن قاجىماي - تالماي زەيىن - زەردەنى ۇيىستىرىپ، رۋحتى سومداۋ كەرەك.

پارتيالىلىق تاربيە − كوممۋنيستەردىڭ ٴوزىن باۋلۋىنداعى، جەتىلۋىندەگى مىندەتتى ساباعى. پارتيا مەكتەبى − باسشى كادرلاردىڭ پارتيالىلىقتى شىڭدايتىن ”دومنا پەشى“. ٴار دارەجەلى پارتيا مەكتەپتەرى پارتيالىلىق تاربيەسىن وقىتۋدىڭ نەگىزگى مازمۇنى ەتىپ، مۇرات - سەنىم، پارتيانىڭ باس ماقساتى، ”ٴتورت تاريح“، توڭكەرىستىك ٴداستۇر، جۇڭحۋا ۇلتىنىڭ ٴداستۇرلى اسىل ٴمورالى، پارتيا ستيلى، پاكتىك قۇرىلىسى سياقتى تاربيەلەردى ىشكەرىلەي ورىستەتىپ، پارتيا ۋستاۆىن جانە پارتيا ەرەجەسىن، پارتيا ٴتارتىبىن ۇيرەنۋ تاربيەسىن پارتيالىلىق تاربيەنىڭ ماڭىزدى مازمۇنى ەتىپ، باسشى كادرلاردى ساياسي سانالىلىعىن، رۋحاني دەڭگەيىن، ٴمورال جەتىلىمىن ۇزدىكسىز جوعارىلاتۋعا، دۇرىس ۇقىق كوزقاراسىن، ناتيجە كوزقاراسىن، ٴىس كوزقاراسىن ورناتۋعا، كوممۋنيستەردىڭ ساياسي قاسيەتىن ساقتاۋعا باستاۋ جانە ونى ىلگەرىلەتۋ كەرەك.

مەيلى ٴىس تىندىرىپ، ناتيجە شىعارۋدا بولسىن، الدە قامال الىپ، قيىندىقتى جەڭۋدە بولسىن، كەڭ يىقتى قاجەت ەتىپ قالماستان، قۇرىش يىقتى دا قاجەت ەتەدى؛ ساياسيدا ىسىلعان بولۋدى قاجەت ەتىپ قالماستان، جوعارى قابىلەتتى دە قاجەت ەتەدى. باس شۋجي شي جينپيڭ بىلاي دەپ باسا دارىپتەدى: ”پارتيا مەن حالىق جۇكتەگەن جاڭا داۋىردەگى قىزمەت جاۋاپكەرشىلىگىن، بورىشىن ويداعىداي اتقارۋ ٴۇشىن، باسشى كادرلار، ٴسوز جوق، ٴار جاقتارداعى قابىلەتىن جاپپاي جوعارىلاتىپ، ٴوز قىزمەتىنىڭ مايتالمانى بولۋعا قۇلشىنۋى كەرەك“. ٴار دارەجەلى پارتيا مەكتەپتەرى پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن تىعىز ارقاۋ ەتىپ، مەملەكەتتىڭ كەلەلى ستراتەگيالىق قاجەتىمەن تىعىز ۇشتاستىرىپ، ناقتى دا جارامدى ماماندانعان قابىلەتكە باۋلۋدى ۇيىمداستىرىپ ورىستەتىپ، باسشى كادرلاردىڭ جوعارى ساپالى دامۋدى ىلگەرىلەتۋ قابىلەتىن، بۇقاراعا قىزمەت وتەۋ قابىلەتىن، حاۋىپ - قاتەردەن ساقتانۋ جانە ونى جويۋ قابىلەتىن ٴتۇيىندى تۇردە جوعارىلاتۋى، سونىمەن بىرگە كۇرەسكەرلىك رۋح پەن كۇرەسكەرلىك قابىلەتتى جەتىلدىرۋدى كۇشەيتىپ، حاۋىپ - قاتەردەن ساقتانۋ، قيىندىقتان قامال الۋ، سىن - سايىسقا توتەپ بەرۋ، قىسىمعا قارسىلىق كورسەتۋ قابىلەتىن كۇش سالا كۇشەيتىپ، ماماندانۋ ورەسىن ۇزدىكسىز جوعارىلاتىپ، باسشىلىق قىزمەتتى اناعۇرلىم ويداعىداي ىستەۋى كەرەك.

جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ تەتىگى پارتيادا. ٴار دارەجەلى پارتيا مەكتەپتەرى پارتيا مەكتەپتەرىنىڭ اۋەلگى ماقساتىنان اينىماي، پارتيا ٴۇشىن دارىندى تاربيەلەۋگە تاباندى بولىپ، نازاريالىق تاربيەنىڭ اناعۇرلىم جۇيەلى، تەرەڭ بولۋىنا، پارتيالىلىق تاربيەنىڭ اناعۇرلىم جان جۇيەگە جاناسىمدى بولۋىنا، قابىلەت باۋلۋىنىڭ اناعۇرلىم دالمە - ٴدال، جوعارى ٴونىمدى بولۋىنا مۇمكىندىك جاساۋعا قۇلشىناتىن بولسا، ٴسوز جوق، ۇلتتى گۇلدەندىرۋ اۋىر مىندەتىن ارقالاي الاتىن بيلىك جۇرگىزۋ تىرەكتى قوسىنىن تاربيەلەپ، جەتىلدىرىپ شىعاتىن بولادى.

(شينحۋا اگەنتتىگىنىڭ 3 - ايدىڭ 3 - كۇنى بەيجيڭنەن بەرگەن حابارى)