汉文 ىلە اقپارات تورابىنا حوش كەلدىڭىزدەر!
مەملەكەتتىك ساياسي كەڭەس 14 - كەزەكتى كوميتەتى 1 - ءماجىلىسىنىڭ جابىلۋ جينالىسىندا سويلەنگەن ءسوز
2023-03-13 10:23:19     كورىلىم:رەت كەلۋ قاينارى:تيانشان تورى  جاۋاپتى رەداكتور:جاڭىلقان قوجا قىزى

(2023 - جىلى 3 - ايدىڭ 11 - كۇنى)

ۋاڭ حۋنيڭ

مۇشەلەر، جولداستار:

جۇڭگو حالىق ساياسي ءماسليحات كەڭەسى 14 - كەزەكتى مەملەكەتتىك كوميتەتىنىڭ 1 - ءماجىلىسى بارلىق مۇشەلەردىڭ بىرگە قۇلشىنۋى ارقىلى ءتۇرلى كەڭەستىك تارتىپتەردى تابىسپەن ورىنداپ جەڭىسپەن جابىلعالى تۇر. جۇڭگو كوممۋنيستىك پارتياسىنىڭ ورتالىق كوميتەتى وسى رەتكى ماجىلىسكە وسكەلەڭ ءمان بەردى، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتارلى پارتيا مەن مەملەكەتتىڭ باسشى جولداستارى ءماجىلىستىڭ اشىلۋ جينالىسىنا جانە جابىلۋ جينالىسىنا قاتىناسىپ، مۇشەلەرگە امانداسىپ ءارى بىرلەسكەن گرۋپپالار تالقىسىنا قاتىناسىپ، مەملەكەت ءىسىن مۇشەلەرمەن بىرگە اقىلداستى. بارلىق مۇشەلەر جۇڭگو كوممۋنيستىك پارتياسىنىڭ 18 - قۇرىلتايىنان بەرى، پارتيا مەن مەملەكەت ىستەرىنىڭ دامۋىندا قول جەتكەن تاريحي سيپاتتى تابىستاردى، تۋىلعان تاريحي سيپاتتى وزگەرىستەردى ايرىقشا جوعارى باعالاپ، ”ەكىنى تۇراقتاندىرۋدىڭ“ شەشۋشى ءمانىن جەتە ءتۇسىنىپ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ نۇرلى بولاشاعىنا، ءسوزسىز، جەڭىسكە جەتەدى دەيتىن سەنىم ارتتى. مۇشەلەر باس شۋجي شي جينپيڭنىڭ جۇڭگو دەموكراتيالىق مەملەكەت قۇرۋ قوعامى، ساۋدا - ونەركاسىپشىلەر بىرلەستىگى سالاسىنداعى مۇشەلەردىڭ بىرلەسكەن گرۋپپا ماجىلىسىنە قاتىناسقانداعى ماڭىزدى ءسوزىن مۇقيات ۇيرەنىپ، ۇكىمەت قىزمەتىنەن باياندامانى جانە باسقا باياندامالاردى ىشكەرىلەي تالقىلاپ، ساياسي كەڭەس تۇراقتى كوميتەتىنىڭ قىزمەت بايانداماسى، ساياسي كەڭەس ۋستاۆىنا وزگەرىس ەنگىزۋ جوباسىنىڭ العاشقى نۇسقاسى سياقتى حۇجاتتاردى مۇقيات قاراپ، ۇكىمەت ءىسىن كەڭەسۋدە سۇبەلى ناتيجەگە قول جەتكىزدى. بۇل ءبىر رەتكى تۋدى بيىك ۇستاعان، دەموكراتيالى، ىنتىماقتى، شىندىققا تالپىنعان، ەكپىندەي ىلگەرىلەگەن، ستيلى پاك، سالتى دۇرىس جيىن بولىپ، ەلىمىزدىڭ جالپى بارىستىق حالىق دەموكراتياسىنىڭ ەرەكشەلىگىن، ابزالدىلىعىن جانە تىڭ تىنىسىن، ومىرشەڭدىگىن تولىق ايگىلەدى.

مۇشەلەردىڭ سەنىم ارتىپ، بىزدەردەن قۇرالعان ساياسي كەڭەس 14 - كەزەكتى مەملەكەتتىك كوميتەتىنىڭ تۇراقتى كوميتەتىن سايلاعاندىعىنا العىس ايتامىن. 14 - كەزەكتى مەملەكەتتىك ساياسي كەڭەس الدىڭعى ءار كەزەكتى مەملەكەتتىك ساياسي كەڭەستەر قالاعان تاماشا نەگىز بويىنشا قىزمەت ورىستەتەدى.

وتكەن 5 جىلدا، شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلىعىندا ۋاڭ ياڭ جولداستىڭ باسقارۋى مەن باستاۋىندا 13 - كەزەكتىمەملەكەتتىك ساياسي كەڭەس ىنتىماق جانە دەموكراتيا سىندى ەكى ءىرى نەگىزگى تاقىرىپتى مىقتى يگەرىپ، پارتيا مەن مەملەكەتتىڭ وزەكتى مىندەتىن مىقتاپ ارقاۋ ەتىپ مىندەت اتقارىپ، جاۋاپكەرشىلىكتى ادا ەتىپ، حالىق ساياسي كەڭەسىنىڭ ارناۋلى كەڭەس قۇرىلىمىندىق رولىن تولىق ساۋلەلەندىرىپ، حالىق ساياسي كەڭەسى ىستەرىن مۇراگەرلىك ەتۋ بارىسىندا دامىتۋدى، دامىتۋ بارىسىندا جاڭالىق اشۋدى ىلگەرىلەتىپ، پارتيا مەن مەملەكەت ىستەرىنىڭ دامۋىنا ەلەۋلى ۇلەس قوستى. ۋاڭ ياڭ جولداس پەن 13 - كەزەكتى مەملەكەتتىك ساياسي كەڭەستىڭ بارلىق مۇشەلەرىنە وسكەلەڭ قۇرمەت بىلدىرەمىز!

مۇشەلەر، جولداستار! جۇڭگو كوممۋنيستىك پارتياسىنىڭ 20 - قۇرىلتايى جاپپاي سوتسياليستىك وسىزاماندانعان قۇدىرەتتى مەملەكەت قۇرۋدىڭ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ ايبىندى جوباسىن كەسكىندەپ، جاڭا جورىقتا ەكپىندەي ىلگەرىلەۋدىڭ داۋىرلىك دابىلىن قاقتى. جاڭا جورىقتا حالىق ساياسي كەڭەسىنىڭ بورىشى داڭقتى، جاۋاپكەرشىلىگى اۋىر. ءبىز شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جۇڭگو كوممۋنيستىك پارتياسى 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، ەش مىزعىماستان جۇڭگو كوممۋنيستىك پارتياسىنىڭ جالپى بەتتىك باسشىلىعىنا تاباندى بولىپ، ”ەكىنى تۇراقتاندىرۋدىڭ“ شەشۋشى ءمانىن جەتە ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جۇڭگو كوممۋنيستىك پارتياسى باسشىلىعىنداعى كوپ پارتيا سەلبەستىگى جانە ساياسي كەڭەس تۇزىمىنە تاباندى بولىپ جانە ونى كەمەلدەندىرىپ، پارتيا باسشىلىعىن، بىرلىكساپتى، كەڭەستىك دەموكراتيانى ورگانيكالى ۇشتاستىرۋعا تاباندى بولىپ، وزەكتى كەلەلى جاعدايمەن تىعىز بايلانىستىرىپ، مىندەتىن مۇقيات اتقارىپ، بەلسەنە جاۋاپكەرشىلىك ارقالاپ، ىسكەرلىك كورسەتىپ، جۇڭگو كوممۋنيستىك پارتياسى ورتالىق كوميتەتىنىڭ شەشىمدەرىن، ورنالاستىرۋلارىن جانە حالىق ساياسي كەڭەسى قىزمەتىنە بولعان تالاپتارىن اناعۇرلىم ويداعىداي تياناقتاندىرىپ، ەل ءىشى - سىرتىنداعى جۇڭحۋا پەرزەنتتەرىنىڭ اقىل - پاراساتىن جانە كۇش - قۋاتىن ۇيىستىرىپ، جۇڭگو كوممۋنيستىك پارتياسىنىڭ 20 - قۇرىلتايىندا بەلگىلەنگەن نىسانا - مىندەتتەردى جۇزەگە اسىرۋعا بەلسەنە ۇلەس قوسۋىمىز كەرەك.

− ءبىز شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، حالىق ساياسي كەڭەس ىستەرى دامۋىنىڭ دۇرىس ساياسي بەتالىسىنا شىنايى كەپىلدىك ەتۋىمىز كەرەك. شي جينپيڭ جاڭا ءداۋىر جۇڭگوشا سوتسياليزم يدەياسى − ماركسيزمنىڭ جۇڭگوشالانۋىنىڭ، زامانالانۋىنىڭ كەلەلى نازاريالىق جاسامپازدىق جەتىستىگى، پارتيا مەن مەملەكەت، ءسوز جوق، ۇزاق ۋاقىت تاباندى بولاتىن جەتەكشى يدەيا. حالىق ساياسي كەڭەسى شي جينپيڭ جاڭا ءداۋىر جۇڭگوشا سوتسياليزم يدەياسىن ساياسي كەڭەس قىزمەتىن ءبىر تۇتاس مەڭگەرەتىن باس پروگرامما ەتىپ، جۇڭگو كوممۋنيستىك پارتياسى ورتالىق كوميتەتىنىڭ ءبىر تۇتاس ورنالاستىرۋى بويىنشا، نەگىزگى تاقىرىپتىق تاربيەنى ساياسي كەڭەس قىزمەتىنىڭ امالياتىمەن ۇشتاستىرا ىشكەرىلەي ورىستەتىپ، جەتە ۇيرەنۋ، جەتە يگەرۋ، شىنايى تياناقتاندىرۋ جاعىندا ۇمتىلا كۇش سالىپ، وسى ءبىر ماڭىزدى يدەيانىڭ دۇنيەگە كوزقاراسىن جانە ادىستەمەسىن تەرەڭ يگەرىپ، وعان سىڭىرىلگەن تۇرعىعا، كوزقاراسقا، ادىسكە ويداعىداي تاباندى بولىپ، ودان ويداعىداي پايدالانىپ، ىنتىماقتاسا كۇرەس جاساۋدىڭ ورتاق يدەيالىق نەگىزىن بەكەمدەۋ كەرەك. جۇڭگو كوممۋنيستىك پارتياسىنىڭ باسشىلىعىنا تاباندى بولۋدىڭ حالىق ساياسي كەڭەسى ىستەرىنىڭ دامۋىنىڭ، العا باسۋىنىڭ ءتۇبىرلى كەپىلى ەكەندىگىن جەتە تانىپ، ءارقايسى پارتيا - توپتاردى، ۇيىمداردى جانە ءار ۇلت، ءار سالا قايراتكەرلەرىن سەلبەسۋ اۋەلگى ماقساتىن ۇمىتپاي، ۇزدىكسىز قول ۇستاسا العا ىلگەرىلەۋگە جەتەكشىلىك ەتىپ، ساياسي تۇرعىدا، ساياسي بەتالىستا، ساياسي پرينسيپتە، ساياسي جولدا شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىمەن وسكەلەڭ ءبىر اۋىزدىلىقتى ساقتاۋعا شىنايى كەپىلدىك ەتۋ كەرەك. باس شۋجي شي جينپيڭنىڭ حالىق ساياسي كەڭەسى قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، ورتالىقتىڭ ساياسي كەڭەس قىزمەتى ءماجىلىسىنىڭ رۋحىن شىنايى تياناقتاندىرىپ، حالىق ساياسي كەڭەسىنىڭ سيپاتىن، ورنىن، فۋنكتسياسىن، رولىن ءدال يگەرىپ، نەگىزگى زاڭ، زاڭدار جانە ساياسي كەڭەس ۋستاۆى بويىنشا مۇقيات مىندەت اتقارىپ، بۇلجىماستان جۇڭگوشا سوتسياليستىك ساياسي دامۋ جولىمەن ءجۇرۋ كەرەك.

− ءبىز سانالى تۇردە وزەكتى ارقاۋ ەتىپ، كەلەلى جاعدايعا قىزمەت ەتىپ، جۇڭگو كوممۋنيستىك پارتياسى 20 - قۇرىلتايى شەشىمدەرىنىڭ، ورنالاستىرۋلارىنىڭ دايەكتىلەندىرىلۋىن، تياناقتاندىرىلۋىن ىلگەرىلەتۋ ءۇشىن كەڭەس بەرىپ، ۇسىنىس قويۋىمىز كەرەك. باس شۋجي شي جينپيڭ بىلاي دەپ باسا دارىپتەدى: حالىق ساياسي كەڭەسى نازاردى پارتيا مەن مەملەكەتتىڭ وزەكتى مىندەتىنە شوعىرلاندىرا وتىرىپ مىندەت وتەپ، جاۋاپكەرشىلىكتى ادا ەتۋ كەرەك. حالىق ساياسي كەڭەسى كەلەلى جاعدايدى كوكەيدە ساقتاپ، اۋقىمدى يگەرىپ، ءىرى ىستەردى كوزدەپ، جۇڭگو كوممۋنيستىك پارتياسىنىڭ 20 - قۇرىلتايى بەلگىلەگەن نىسانا - مىندەتتەردى جۇزەگە اسىرۋدى مىندەت اتقارۋدىڭ كۇش سالۋ ءتۇيىنى ەتىپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتۋدىڭ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋدىڭ كەلەلى ماسەلەلەرىمەن تىعىز بايلانىستىرىپ، حالىق بۇقاراسىنىڭ تاماشا تۇرمىسقا دەگەن تىلەگىمەن جانە ناقتى ءجىتى قاداعالاعان ىستەرىمەن تىعىز جاناستىرىپ، ماسەلەنى باعدار ەتۋدەن جازباي، تىڭعىلىقتى تەكسەرۋ - زەرتتەۋ جۇرگىزىپ، تەرەڭدەي كەڭەسىپ ۇكىمەت ءىسىن اقىلداسىپ، كەڭەسۋ ۇلگىسىندەگى باقىلاۋدىڭ ەرەكشەلىگىن يگەرىپ، دەموكراتيالىق باقىلاۋ ورىستەتىپ، جۇڭگو كوممۋنيستىك پارتياسى ورتالىق كوميتەتى بەكىتكەن جىلدىق كەڭەسۋ جوسپارىن ويداعىداي تياناقتاندىرىپ، عىلمي، دەموكراتيالى شەشىم جاساۋعا، شەشىمدەردى دايەكتىلەندىرۋدى، اتقارۋدى جەبەۋگە اناعۇرلىم ويداعىداي قىزمەت وتەپ، جوعارى ساپالى دامۋدى ىلگەرىلەتۋ كەرەك. كەڭەسۋ ساپاسىن جوعارىلاتىپ، تۇزىمدەندىرۋ، ولشەمدەندىرۋ، تارتىپتەندىرۋ سياقتى يقۋات قۇرىلىسىن كۇشەيتىپ، سوتسياليستىك كەڭەس دەموكراتياسىنىڭ امالياتىن ۇزدىكسىز بايىتىپ، جالپى بارىستىق حالىق دەموكراتياسىن دامىتۋدى ىلگەرىلەتۋ كەرەك.

− ءبىز ۇلى ىنتىماققا، ۇلى بىرلىككە باستان - اياق تاباندى بولىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ تەلەگەي كۇش - قۋاتىن ۇيىستىرۋىمىز كەرەك. باس شۋجي شي جينپيڭ ىنتىماق − كۇش ەكەندىگىن، ىنتىماق بولعاندا عانا جەڭىسكە جەتۋگە بولاتىندىعىن اتاپ كورسەتتى؛ جۇڭحۋا ۇلتىنىڭ ۇلى گۇلدەنۋى ارمانىن جۇزەگە اسىرۋ ەل ءىشى - سىرتىنداعى جۇڭحۋا پەرزەنتتەرىنىڭ بىرگە كۇرەس جاساۋىن قاجەت ەتەتىندىگىن باسا دارىپتەدى. ەلىمىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى كەزەڭىندە تۇر، دۇنيە جۇزىندە 100 جىلدا بولماعان زور وزگەرىس جەدەل قۇبىلىپ، ورتاق تانىم ۇيىستىرۋدى، ىنتىماقتى كۇشەيتۋدى اناعۇرلىم قاجەت ەتۋدە. ىنتىماقتى دارىپتەۋ، ىنتىماققا ءمان بەرۋ − حالىق ساياسي كەڭەسىنىڭ تاڭداۋلى ءداستۇرى جانە ساياسي جاۋاپكەرشىلىگى. يدەيا - ساياسي جاقتان جەتەكتەۋدى كۇشەيتۋدى، كەڭ كولەمدە ورتاق تانىم ۇيىستىرۋدى مىندەت اتقارۋ قىزمەتىنىڭ وزەكتى بۋىنى ەتىپ، ساياسي كەڭەسۋ، دەموكراتيالىق باقىلاۋ، ۇكىمەت ىسىنە ات سالىسىپ، اقىل - كەڭەس بەرۋدىڭ تۇتاس بارىسىنا ءسىڭىرىپ، بۇكپەسىز تەرەڭ كەڭەسۋ بارىسىندا شىنايى مويىنداۋدى كۇشەيتۋ، ىنتىماقتى كۇشەيتۋ، سەلبەستىكتى تەرەڭدەتۋ كەرەك. ءار سالا بۇقاراسىمەن كەڭ كولەمدە بايلانىس ورناتىپ جانە ولاردى اتتانىسقا كەلتىرىپ، پارتيا مەن ۇكىمەتتىڭ ساياساتتى ۇگىتتەۋ، بايلانىستاردى سايكەستىرۋ، كوڭىل كۇيدى رەتتەۋ، قايشىلىقتاردى شەشۋ، سەنىمدى بەكەمدەۋ قىزمەتىن ويداعىداي ىستەۋىنە كومەكتەسىپ، وڭ ەنەرگيا ۇيىستىرىپ، ەرىك - جىگەردى سەرپىلتۋ كەرەك. ءارقايسى پارتيا - توپتارمەن، ۇيىمدارمەن جانە ءار ۇلت، ءار سالا قايراتكەرلەرىمەن اناعۇرلىم ويداعىداي بايلانىس ورناتىپ، قىزمەت وتەپ، ساياسي جاقتا كوڭىل ءبولۋدى، يدەيالىق جاقتا سىرلاسۋدى، سەزىمدىك جاقتا سىرلاس بولۋدى ورىنداپ، ءبىر نيەتپەن جۇڭگو ارمانىن جۇزەگە اسىرۋدىڭ قۇدىرەتتى بىرىككەن كۇشىن قالىپتاستىرۋ كەرەك.

مۇشەلەر، جولداستار! باس شۋجي شي جينپيڭ ساياسي كەڭەس مۇشەلەرى ءارقايسى پارتيا - توپتار، ۇيىمدار مەن ءار ۇلت، ءار سالا ۋاكىل قايراتكەرلەرى رەتىندە، ءار جاقتىڭ بايسالدى ءماسليحاتتاسۋىنان جارىققا شىققان، ءار سالا بۇقاراسىنا ۋاكىل بولىپ مەملەكەت ىستەرىنە ات سالىسادى، مىندەت، جاۋاپكەرشىلىك اتقارادى. بۇل − داڭق، ءتىپتى دە ماڭىزدىسى، جاۋاپكەرشىلىك ەكەندىگىن باسا دارىپتەدى ءارى ساياسي كەڭەس مۇشەلەرىنە ”ساياسي كەڭەستى ءتۇسىنۋ، ءماسليحاتتاسۋدى ءبىلۋ، ۇكىمەت ءىسىن اقىلداسۋعا شەبەر بولۋ، تارتىپكە بويسۇنۋ، قاعيدانى دارىپتەۋ، مىنەز - قۇلىققا ءمان بەرۋ“ سىندى ماڭىزدى تالاپتى قويدى. ءبىز باس شۋجي شي جينپيڭنىڭ ىقىلاستى ءتالىمىن ەستە بەرىك ساقتاپ، مۇرات - سەنىمدى بەكەمدەپ، اۋەلگى ماقساتتان، بورىشتان جازباي، ءىستى كوڭىل تورىنە قويىپ، جاۋاپكەرشىلىكتى ارقالاپ، اناعۇرلىم قايراتتانا ءىس تىندىراتىن رۋحاني بەينەمەن مەملەكەت ءۇشىن مىندەت اتقارىپ، حالىق ءۇشىن جاۋاپكەرشىلىكتى ادا ەتۋىمىز كەرەك. مىندەت اتقارۋ قابىلەتىن جاپپاي كۇشەيتىپ، شەبەرلىكپەن ۇيرەنىپ، باتىلدىقپەن جاڭالىق اشىپ، ساياسي يگەرۋ قابىلەتىن، تەكسەرۋ - زەرتتەۋ قابىلەتىن، بۇقارامەن بايلانىس جاساۋ قابىلەتىن، سەلبەسىپ بىرگە ىستەۋ قابىلەتىن ۇزدىكسىز جوعارىلاتۋىمىز كەرەك. كۇرەسكەرلىك رۋحتى اسقاقتاتىپ، كۇرەسكەرلىك قابىلەتتى كۇشەيتىپ، ۇلكەن دۇرىس، ۇلكەن بۇرىس جاعىندا تۇرعىمىز بەرىك، تۋىمىز ايقىن بولىپ، پرينسيپتىك ماسەلەلەردە باتىلدىقپەن ءۇن قاتىپ، شەبەرلىكپەن ءۇن قاتىپ، ادەتتەگى كەزدە كوزگە ءتۇسۋدى، شەشۋشى ساتتە كادەگە جاراۋدى ورىنداۋىمىز كەرەك. نەگىزگى زاڭعا، زاڭدارعا جانە ساياسي كەڭەس ۋستاۆىنا سانالىلىقپەن بويسۇنىپ، سوتسياليستىك وزەكتى قۇن كوزقاراسىن بەلسەنە امالياتتا ايگىلەپ، كىرشىكسىز، تارتىپشەڭ بولۋدى قاتايتىپ، ءمورالدى، قۇلىقتى جەتىلدىرىپ، تاڭداۋلى ستيلدى اسقاقتاتۋىمىز كەرەك. مۇشەلەردىڭ مىندەت اتقارۋىنا شارت - جاعداي ازىرلەپ، قىزمەت وتەۋدى ويداعىداي ىستەپ، قالىڭ مۇشەلەردىڭ ساياسي كەڭەس قىزمەتىندەگى نەگىزگى تۇلعالىق رولىن ساۋلەلەندىرۋىمىز كەرەك.

مۇشەلەر، جولداستار! شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ءبىر نيەت، ءبىر تىلەكتە بولىپ، كوپ بولىپ اقىل قوسىپ، جۇمىلا كۇش سالىپ، سەنىمدى بەكەمدەپ، قايراتتانا العا ىلگەرىلەپ، حالىق ساياسي كەڭەسى ىستەرى دامۋىنىڭ جاڭا تاراۋىن قۇلشىنا جازىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ ءۇشىن ىنتىماقتاسا كۇرەس جۇرگىزەيىك!

(شينحۋا اگەنتتىگىنىڭ 3 - ايدىڭ 11 - كۇنى بەيجيڭنەن بەرگەن حابارى)