汉文 ىلە اقپارات تورابىنا حوش كەلدىڭىزدەر!
ۋاڭ حۋنيڭ مەملەكەتتىك ساياسي كەڭەستىڭ ٴتوراعالىعىنا سايلاندى
2023-03-13 11:57:12     كورىلىم:رەت كەلۋ قاينارى:ىلە گازەتى  جاۋاپتى رەداكتور:جاڭىلقان قوجا قىزى

ساياسي كەڭەس 14 - كەزەكتى مەملەكەتتىك كوميتەتى باسشىلاردى سايلادى

ۋاڭ حۋنيڭ مەملەكەتتىك ساياسي كەڭەستىڭ ٴتوراعالىعىنا سايلاندى

20230311000066_b17deedede92f5bc5699394a087231866080b547.JPG

 3 - ايدىڭ 10 - كۇنى مەملەكەتتىك ساياسي كەڭەس 14 - كەزەكتى كوميتەتىنىڭ 1 - ٴماجىلىسى بەيجيڭ حالىق سارايىندا ٴۇشىنشى جالپى جيىنىن وتكىزدى. جيىن باسقارۋشى ۋاڭ حۋنيڭنىڭ ساياسي كەڭەس 14 - كەزەكتى مەملەكەتتىك كوميتەتىنىڭ ٴتوراعالىعىنا سايلانعاندىعىن جاريالاعان سوڭ، ۋاڭ ياڭ ورنىنان تۇرىپ قۇتتىقتاپ، ۋاڭ حۋنيڭمەن قىزۋ مەرەيمەن قول الىستى.

 سۋرەتتى شينحۋا اگەنتتىگىنىڭ ٴتىلشىسى لي شۋەرىن تۇسىرگەن 

شينحۋا اگەنتتىگىنىڭ 3 - ايدىڭ 10 - كۇنى بەيجيڭنەن بەرگەن حابارى. مەملەكەتتىك ساياسي كەڭەس 14 - كەزەكتى كوميتەتىنىڭ 1 - ٴماجىلىسى 3 - ايدىڭ 10 - كۇنى تۇستەن كەيىن ٴۇشىنشى جالپى جيىنىن وتكىزىپ، ساياسي كەڭەس 14 - كەزەكتى مەملەكەتتىك كوميتەتىنىڭ باسشىلارىن سايلادى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى ۋاڭ حۋنيڭ مەملەكەتتىك ساياسي كەڭەستىڭ ٴتوراعالىعىنا سايلاندى، جيىن سونىمەن بىرگە مەملەكەتتىك ساياسي كەڭەستىڭ 23 ورىنباسار ٴتوراعاسىن سايلادى.

سايلاۋ ناتيجەسى جاريالاناردىڭ الدىندا 13 - كەزەكتى مەملەكەتتىك ساياسي كەڭەستىڭ ٴتوراعاسى ۋاڭ ياڭ ٴماجىلىس زالىنا كەلىپ، سايلانۋ الدىندا تۇرعان جاڭا كەزەكتى ساياسي كەڭەس مەملەكەتتىك كوميتەتىنىڭ تۇراقتى كوميتەتىن قۇتتىقتادى. جيىن باسقارۋشى ۋاڭ حۋنيڭنىڭ ساياسي كەڭەس 14 - كەزەكتى مەملەكەتتىك كوميتەتىنىڭ ٴتوراعالىعىنا سايلانعاندىعىن جاريالاعان سوڭ، ۋاڭ ياڭ ورنىنان تۇرىپ قۇتتىقتاپ، ۋاڭ حۋنيڭمەن قىزۋ مەرەيمەن قول الىستى، بۇكىل زالدى ۇزاققا دەيىن شاپالاق ٴۇنى كەرنەدى.

جيىندا سايلانعان ساياسي كەڭەس 14 - كەزەكتى مەملەكەتتىك كوميتەتىنىڭ ورىنباسار ٴتوراعالارى: شى تايفىڭ، حۋ چۇنحۋا، شىن يۋەيۋە، ۋاڭ يۇڭ، جوۋ چياڭ، پابالا گىلەلاڭجيە، حى حوۋحۋا، لياڭ جىنيىڭ، باتىر، سۋ حۇي، شاۋ حۇڭ، گاۋ يۇنلۇڭ، چىن ۋ، مۋ حۇڭ، شيان حۇي، ۋاڭ دۇڭفىڭ، جياڭ شينجى، جياڭ زۋوجۇن، حى باۋشياڭ، ۋاڭ گۋاڭچيان، چين بويۇڭ، جۋ يۇڭشين، ياڭ جىن.

جيىن ۋاڭ دۇڭفىڭدى ساياسي كەڭەس 14 - كەزەكتى مەملەكەتتىك كوميتەتىنىڭ باس حاتشىلىعىنا سايلادى ٴارى ساياسي كەڭەس 14 - كەزەكتى مەملەكەتتىك كوميتەتىنىڭ 299 تۇراقتى مۇشەسىن سايلادى.

جيىن تۇستەن كەيىنگى ساعات 3 تە حالىق سارايىندا وتكىزىلدى، شى تايفىڭ باسقاردى. 14 - كەزەكتى مەملەكەتتىك ساياسي كەڭەستىڭ مۇشەسى جيىنى 2169 ادام، ناقتى قاتىناسقان مۇشە 2125 ادام، بۇل سايلاۋ بەلگىلەمەسىندەگى ادام سانىنا ۇيلەسەدى.

مەملەكەتتىك ساياسي كەڭەس 14 - كەزەكتى كوميتەتى 1 - ٴماجىلىسىنىڭ سايلاۋ ادىسىنە ساي، جيىننىڭ سايلاۋىندا جاسىرىن بەلەت تاستاۋ ٴادىسى قولدانىلدى. ٴتوراعا، ورىنباسار ٴتوراعالار، باس حاتشى جانە تۇراقتى مۇشەلەر تەڭ سانمەن سايلاۋ ٴادىسى ارقىلى سايلاناتىن بولدى. بارلىق مۇشەنىڭ جارتىسىنان كوبىنىڭ داۋىسىنا يە بولعان كانديداتتار سايلاناتىن بولدى.

سايلاۋ باستالاردىڭ الدىندا جيىن باسقارۋشى الدىمەن قىزمەتكەرگە باس بەلەت باقىلاۋشىنىڭ، بەلەت باقىلاۋشىلاردىڭ ەسىمدىگىن وقۋدى ۇسىنىس ەتتى. باس بەلەت باقىلاۋشى، بەلەت باقىلاۋشىلار دەرەۋ ورىندارىنا جايعاستى، بەلەت باقىلاۋشىلار بۇكىل زالداعى 23 بەلەت ساندىعىنىڭ جاعدايىن تەكسەردى. 2 باس بەلەت باقىلاۋشى جيىنعا تەكسەرۋ ناتيجەسىن مالىمدەدى.

ودان سوڭ قىزمەتكەرلەر سايلاۋ بەلەتىن تاراتتى. سايلاۋ بەلەتى ەكى ٴتۇرلى، ياعني ٴتوراعانى، ورىنباسار ٴتوراعالاردى، باس حاتشىنى سايلاۋ بەلەتى جانە تۇراقتى مۇشەلەردى سايلاۋ بەلەتى.

قىزمەتكەر سايلاۋ بەلەتىن تولتىرۋ تالاپتارىن وقىعان سوڭ، مۇشەلەر بەلەتتى تولتىرا باستادى. بەلەت تاستاۋ باستالعاننان كەيىن، باس بەلەت باقىلاۋشى، بەلەت باقىلاۋشىلار ورىندارىنا جايعاستى ٴارى الدىمەن بەلەت تاستادى، مۇشەلەر وتىرعان ورىندارىنا قاراي بەلگىلەنگەن بەلەت ساندىقتارىنا بەلەت تاستادى.

قىزمەتكەرلەر جينالعان سايلاۋ بەلەتىن ساناپ بولعان سوڭ، باس بەلەت باقىلاۋشى جيىن باسقارۋشىعا بەلەت ناتيجەسىنىڭ مالىمەتىن تاپسىردى. جيىن باسقارۋشى سايلاۋدىڭ كۇشكە يە ەكەندىگىن جاريالادى.

  بەلەت ساناۋ اياقتالىپ، قىزمەتكەر سايلاۋ بەلەتىنىڭ ناتيجەسىن وقىدى. سايلاۋ ناتيجەسى ٴتوراعا، ورىنباسار ٴتوراعالار، باس حاتشى جانە تۇراقتى مۇشەلەردىڭ 323 كانديداتىنىڭ يە بولعان بەلەت سانىنىڭ جالپى مۇشەلەر سانىنىڭ جارتىسىنان اسقاندىعىن، بارلىعىنىڭ سايلانعاندىعىن كورسەتتى.

مەملەكەتتىك ساياسي كەڭەستىڭ جاڭادان سايلانعان ٴتوراعاسىنىڭ، ورىنباسار ٴتوراعالارىنىڭ ورتاشا جاس شاماسى 3. 65 جاس. ورىنباسار ٴتوراعالاردىڭ اراسىندا جۇڭگو كوممۋنيستىك پارتياسىنىڭ مۇشەسى 11 ادام، جۇڭگو كوممۋنيستىك پارتياسىنىڭ مۇشەسى ەمەس قايراتكەرلەر 12 ادام، از ۇلت قايراتكەرلەرى 4 ادام، ايەل 4 ادام. جاڭادان سايلانعان تۇراقتى مۇشەلەردىڭ ورتاشا جاس شاماسى 8. 60 جاس، بۇلاردىڭ اراسىندا جۇڭگو كوممۋنيستىك پارتياسىنىڭ مۇشەسى ەمەس قايراتكەرلەر 195 ادام بولىپ، %65.2 تى يەلەدى؛ از ۇلت قايراتكەرلەرى 32 ادام؛ ايەلدەر 48 ادام.

بۇكىل زالداعى مۇشەلەر جاڭا كەزەكتى ساياسي كەڭەس مەملەكەتتىك كوميتەتى تۇراقتى كوميتەتىنىڭ جارىققا شىققاندىعىن دۋ قول شاپالاق سوعىپ قۇتتىقتادى.