汉文 ىلە اقپارات تورابىنا حوش كەلدىڭىزدەر!
حالىقتىڭ ماڭىزدى تاپسىرماسى، ايبىندى ۋادە
2023-03-13 12:03:28     كورىلىم:رەت كەلۋ قاينارى:ىلە گازەتى  جاۋاپتى رەداكتور:جاڭىلقان قوجا قىزى

حالىقتىڭ ماڭىزدى تاپسىرماسى، ايبىندى ۋادە

−− شي جينپيڭنىڭ مەملەكەتتىڭ ٴتوراعالىعىنا، ورتالىق اسكەري ىستەر كوميتەتىنىڭ ٴتوراعالىعىنا سايلانعاندىعى ٴارى نەگىزگى زاڭ الدىندا سەرت بەرگەندىگى جونىندە

شينحۋا اگەنتتىگىنىڭ تىلشىلەرى 

تولىق داۋىسپەن سايلانۋ حالىق تىلەگىن ايگىلەدى!

ايبىندى سەرت ەكپىندەي ىلگەرىلەۋ اسقاق سەزىمىن تاسقىنداتتى!

جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىن قارسى العان تاريحي ساتتە − 2023 - جىلى 3 - ايدىڭ 10 - كۇنى تۇستەن بۇرىن باس شۋجي شي جينپيڭ مەملەكەتتىڭ ٴتوراعالىعىنا، ورتالىق اسكەري ىستەر كوميتەتىنىڭ ٴتوراعالىعىنا تولىق داۋىسپەن سايلاندى.

ناقتى قاتىناسقان ۋاكىل 2952، تاراتىلعان سايلاۋ بەلەتى 2952، جيناپ الىنعان سايلاۋ بەلەتى 2952، قۇپتاعان بەلەت سانى 2952! سالماقتى سايلاۋ بەلەتى ميلليارد حالىقتىڭ جاڭا ٴداۋىردىڭ جاڭا جورىعىنداعى جول باستاۋشىنى شىن جۇرەكتەن قولداۋى مەن شەكسىز سەنىمىن ۇيىستىردى.

حالىق سارايىنداعى تالايعا دەيىن تولاستاماعان شاپالاق ٴۇنى جالپى بارىستىق حالىق دەموكراتياسى ۇيىستىرعان قۋاتتى ەرىك - جىگەر مەن گۇلدەندىرۋدىڭ ۇلى كۇشىن ايگىلەدى.

بۇل جۇدىرىقتاي جۇمىلۋدىڭ اۋەلەگەن اۋەنى.

3 - ايدىڭ 10 - كۇنى ەرتەمەن تيان - انمىن الاڭىنا تاڭ شۇعىلاسى توگىلدى. 14 - كەزەكتى مەملەكەتتىك حالىق قۇرىلتايىنىڭ 1 - ماجىلىسىنە قاتىناسىپ جاتقان ۋاكىلدەر نىق تا پارمەندى قاداممەن حالىق سارايىنا اياق باسىپ، حالىق بەرگەن قاسيەتتى ۇقىقتارىن جۇرگىزۋگە دايىندالدى.

  تۇستەن بۇرىن ساعات 9 دان 27 مينۋتتا سايلاۋ رەسمي باستالدى. بەلەت باقىلاۋشىلار بۇكىل الاڭداعى 28 قىزىل ٴتۇستى ەلەكتروندى بەلەت ساندىعىن جانە ەلەكتروندى سايلاۋ جۇيەسىن مۇقيات تەكسەردى، قىزمەتكەرلەر سايلاۋ بەلەتىن تارتىپپەن تاراتتى، ۋاكىلدەر مۇقيات تەكسەرىپ كوردى، بەلەتتى جازدى... سايلاۋ ورنى رەتتى دە ٴتارتىپتى بولدى.

ساعات 9 دان 50 مينۋت مولشەرىندە كوڭىلدى دە ويناقى مۋزىكاعا ىلەسە ۋاكىلدەر رەتىمەن بەلەت ساندىعىنىڭ الدىنا كەلىپ، بەلەتتى بايىپپەن ٴبىر - بىرلەپ بەلەت ساندىعىنا سالدى.

جۇڭگو كوممۋنيستىك پارتياسى ورتالىق كوميتەتىنىڭ ۇسىنىسىنا ساي، 14 - كەزەكتى مەملەكەتتىك حالىق قۇرىلتايى 1 - ٴماجىلىسى ٴتوراعالار القاسىنىڭ كورسەتۋىمەن، ٴارقايسى ۋاكىلدەر ۇيىرمەلەرىنىڭ تولىق اقىلداسىپ كەڭەسۋى ارقىلى ەڭ سوڭىندا ٴماجىلىس ٴتوراعالار القاسى كانديداتتاردى ۋاكىلدەردىڭ پىكىرى بويىنشا تۇراقتاندىردى.

  ۋاكىلدەر شي جينپيڭ جولداستى مەملەكەت ٴتوراعالىعىنا، ورتالىق اسكەري ىستەر كوميتەتىنىڭ ٴتوراعالىعىنا كورسەتۋدى ٴبىر اۋىزدان قۇپتادى. كوپشىلىك ٴبىر اۋىزدان بىلاي دەپ قارادى: باس شۋجي شي جينپيڭ بۇكىل پارتيانى، بۇكىل ارميانى، بۇكىل ەلدەگى ٴار ۇلت حالقىن باستاپ، تار جول، تايعاق كەشۋلەردەن تايسالماي ٴوتىپ، ەرەن ەڭبەك ٴسىڭىردى. ”ەكىنى تۇراقتاندىرۋدىڭ“ شەشۋشى ٴمانى ميلليارد حالىقتىڭ بەرىك ورتاق تانىمىنا اينالدى. باس شۋجي شي جينپيڭنىڭ جاڭا ٴداۋىردىڭ جاڭا جورىعىندا رول ۇستاپ، جول باستاۋى − تاريحتىڭ تاڭداۋى، حالىقتىڭ تاڭداۋى، ٴداۋىردىڭ تاڭداۋى، جۇڭحۋا ۇلتى ۇلى گۇلدەنۋىنە سايادى، جالپى حالىقتىڭ قالاۋى.

ساعات 10 نان 55 مينۋت وتكەندە قىزمەتكەر ٴور داۋىسپەن: ”جۇڭحۋا حالىق رەسپۋبليكاسى ٴتوراعاسىنىڭ كانديداتى شي جينپيڭ، قۇپتاعان داۋىس 2952“ دەپ جاريالادى. بەلەت ساناۋ ناتيجەسى سول جەردەگى ۇلكەن ەكراننان قادامداس كورسەتىلدى.

بۇكىل زالداعىلار ورىندارىنان تۇرىپ، دۋ شاپالاق سوقتى.

باسقارۋشى بىلاي دەپ جاريالادى: ”شي جينپيڭ جولداس جۇڭحۋا حالىق رەسپۋبليكاسىنىڭ ٴتوراعالىعىنا سايلاندى“.

شاتىرلاي سوعىلعان شاپالاق داۋىسى حالىق سارايىن جاڭعىرتتى.

شي جينپيڭ بارلىق ۋاكىلگە ٴيىلىپ ىزەت ٴبىلدىردى.

باسقارۋشى شي جينپيڭ جولداستىڭ جۇڭحۋا حالىق رەسپۋبليكاسى ورتالىق اسكەري ىستەر كوميتەتىنىڭ ٴتوراعالىعىنا سايلانعاندىعىن جاريالاعان كەزدە زالدى تاعى ٴبىر مارتە شاتىرلاعان شاپالاق ٴۇنى كەرنەدى.

پارتيا 20 - قۇرىلتايىنىڭ ۋاكىلدىگىنە، 20 - كەزەكتى ورتالىق كوميتەتتىڭ مۇشەلىگىنە، ورتالىق كوميتەتتىڭ باس شۋجيلىگىنە تولىق داۋىسپەن سايلانعاننان ٴارى 14 - كەزەكتى مەملەكەتتىك حالىق قۇرىلتايىنىڭ ۋاكىلدىگىنە تولىق داۋىسپەن سايلانعاننان كەيىن باس شۋجي شي جينپيڭ مەملەكەت ٴتوراعالىعىنا، ورتالىق اسكەري ىستەر كوميتەتىنىڭ ٴتوراعالىعىنا تولىق داۋىسپەن سايلاندى.

دەسە دەگەندەي پارتيانىڭ ۇيتقىسى، حالىقتىڭ كوسەمى، ارميانىڭ باس قولباسشىسى بولدى.

جاڭا ٴداۋىردىڭ  10 جىلىندا  شي جينپيڭ جولداستى ۇيتقى ەتكەن پارتيا ورتالىق كوميتەتى حالىقتى ىنتىماقتاستىرىپ جانە باستاپ، ٴبىر قىدىرۋ ستراتەگيالىق شارا قولدانىپ، ٴبىر قىدىرۋ وزگەرىس سيپاتتى امالياتتى ىلگەرىلەتىپ، ٴبىر قىدىرۋ كەلەلى ىلگەرىلەۋشىلىكتى جۇزەگە اسىرىپ، ٴبىر قىدىرۋ بەلگى سيپاتتى جەتىستىككە قول جەتكىزىپ، پارتيا مەن مەملەكەت ىستەرىندە تاريحي تابىستارعا قول جەتكىزىپ، تاريحي وزگەرىستەر جاسادى.

  پارتيانىڭ 20 - قۇرىلتايى جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جونىندە ستراتەگيالىق جوسپار جاسادى. جاڭا تاريحي باستامادا ميلليارد حالىق كوكىرەك تولى سەنىممەن جانە تىلەكپەن، جۇڭگو ۇلگىسىندەگى وسىزامانداندىرۋ قۇرىلىسىنىڭ تەلەگەي كۇشىن ۇيىستىرىپ، ۇلتتى گۇلدەندىرۋدىڭ نۇرلى بولاشاعىنا قاراي ارشىندى قاداممەن اتتاندى.

ۇلى داۋىردە، ٴسوز جوق، جول باستاۋشى بەتالىستى كورسەتەدى؛

ۇلى ىستەردە، ٴسوز جوق، رول ۇستاۋشى ۇستامدىلىقپەن جول باستايدى.

جۇرت مىناعان كامىل سەنەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا جۇڭحۋا ۇلتى ۇلى گۇلدەنۋىنىڭ الىپ كەمەسى، ٴسوز جوق، تولقىن جارا ىلگەرىلەپ، ورنىقتى تۇردە الىسقا جەتەدى.

قىزىل جۇلدىز جارقىراپ، ادامدى ەكپىندەي ىلگەرىلەۋگە جەبەدى؛ ايبىندى سەرتتىڭ سالماعى توتەنشە اۋىر.

ساعات 11 دەن 7 مينۋتتا ازاتتىق ارميانىڭ اسكەري وركەسترى سەرت بەرۋ كەرنايىن شالدى. 12 قۇرمەت قاراۋىلى زالدىڭ ارتقى جاعىنان مارش قادامىمەن كىرىپ، ٴتوراعالار مىنبەسىنىڭ الدىنا كەلىپ تۇردى.

ٴتوراعالار مىنبەسىندە 3 قۇرمەت قاراۋىلى «جۇڭحۋا حالىق رەسپۋبليكاسىنىڭ نەگىزگى زاڭىن» قورعاپ الىپ كەلىپ، نەگىزگى زاڭدى سەرت بەرۋ مىنبەسىنىڭ ۇستىنە تۇزەپ قويدى.

مەملەكەت ٴانىنىڭ اۋەنى اسقاقتاپ، بۇكىل زالداعىلار اۋەلەتە شىرقادى.

”قوزعال، قۇل بولعىسى كەلمەگەن جان، جان - تانىمىزبەن سوعايىق جاڭا قورعان“... ايبىندى ٴىرى ەل ٴانى جۇڭحۋا پەرزەنتتەرىن ەرلىكپەن العا تارتىپ، جاڭا جورىقتا قاسقايا ەكپىندەي ىلگەرىلەۋگە جىگەرلەندىردى.

ٴتوراعانىڭ الاڭعا شىعۋ كەرنايىنىڭ اسقاق داۋىسىنا ىلەسە، شي جينپيڭ نىق قاداممەن سەرت بەرۋ مىنبەسىنىڭ الدىنا كەلدى.

مەملەكەت گەربى جارقىراپ، قاسيەتتى ساتكە كۋا بولدى −

  شي جينپيڭ سول قولىن نەگىزگى زاڭنىڭ ۇستىنە قويىپ، وڭ قولىن كوتەرىپ جۇدىرىعىن ٴتۇيىپ، مەملەكەتتىك حالىق قۇرىلتايىنىڭ 3000 داي ۋاكىلى الدىندا ايبىندى سەرت بەردى.

  ”مەن مىنانى سەرت ەتەمىن: جۇڭحۋا حالىق رەسپۋبليكاسىنىڭ نەگىزگى زاڭىنا ادال بولامىن، نەگىزگى زاڭنىڭ بەدەلىن قورعايمىن، زاڭدا بەلگىلەنگەن قىزمەت مىندەتىمدى اتقارامىن، وتانعا ادال بولامىن، حالىققا ادال بولامىن، ٴوز قىزمەتىمدى بايىپتى، مۇقيات، جاقسى ىستەپ، پاك ٴارى كوپشىل بولىپ، حالىقتىڭ باقىلاۋىن قابىلدايمىن، باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى مەملەكەت قۇرۋ ٴۇشىن قۇلشىنا كۇرەسەمىن“!

  حالىق سارايىن تاعى دا ۇزاققا سوزىلعان دۋ شاپالاق ٴۇنى كەرنەدى.

  ايبىندى سالت مەملەكەتتىڭ ٴتۇبىرلى زاڭىن قۇرمەتتەۋ مەن قورعاۋدى ٴتۇسىندىردى −

5 جىلدىڭ الدىندا حالىق رەسپۋبليكاسى تاريحىنداعى تۇڭعىش رەتكى مەملەكەت باسشىسىنىڭ نەگىزگى زاڭ الدىندا سەرت بەرۋى تاريحقا جازىلدى. باس شۋجي شي جينپيڭ ٴوزى امالياتتا ايگىلەپ، ٴوزى ونەگە كورسەتىپ، نەگىزگى زاڭنىڭ اتقارىلۋىن ىلگەرىلەتىپ، جاڭا داۋىردەگى مەملەكەتتى نەگىزگى زاڭمەن باسقارۋدىڭ، نەگىزگى زاڭ ارقىلى بيلىك جۇرگىزۋدىڭ نەگىزىن بەكەمدەدى.

  سەرت ەكپىندى بولدى، ايبىندى جورىققا اسقاق سەزىممەن باستادى −

  2035 - جىلعا بارعاندا سوتسياليستىك وسىزامانداندىرۋدى نەگىزىنەن جۇزەگە اسىرۋ، وسى عاسىردىڭ ورتاسىنا بارعاندا ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل ەتىپ قۇرۋ شىعۋ... جۇڭگو ۇلگىسىندەگى وسىزامانداندىرۋدىڭ كوركەم بولاشاعى ادامدى تالپىندىرادى، حالىق كوسەمى ٴار ۇلت حالقىن باستاپ جاڭا ارمانعا ۇمتىلۋ جورىعىنا قادام تاستادى.

  شاپالاق ٴۇنى جاڭعىردى، كوكىرەك تولى سەنىممەن تىڭ تاراۋ جازدى −

  ”بۇل باس شۋجي شي جينپيڭنىڭ پارتياعا ٴوزىن ارناۋ، وتانعا ٴوزىن ارناۋ، حالىق ٴۇشىن بيلىك جۇرگىزۋ سىندى ايبىندى ۋادەسى“!

”باس شۋجي شي جينپيڭ ٴبىزدىڭ ’سۇيەنىشىمىز‘ بولعاندا، جاپا - ماشاقات، قيىنشىلىق، حاۋىپ - قاتەر، كەدەرگى اتاۋلىنى، ٴسوزسىز، جەڭىپ شىعامىز“!

”ٴبىز باس شۋجي شي جينپيڭنىڭ باستاۋىندا اسقاق جىگەرمەن قايراتتانا ۇمتىلىپ، تاعى دا تىڭ ۇلەس قوسامىز“!

  ...

تاسقىنداعان جۇرەك ٴۇنى، قىزۋ، شىنايى سۇيىسپەنشىلىك.

  حالىق سارايىنىڭ سىرتىندا نارت قىزىل تۋلار جەلبىرەدى.

  جۇڭحۋانىڭ بايتاق دالاسىندا تىرشىلىك تىنىسى قاۋلادى.

(شينحۋا اگەنتتىگىنىڭ 3 - ايدىڭ 10 - كۇنى بەيجيڭنەن بەرگەن حابارى)