汉文 ىلە اقپارات تورابىنا حوش كەلدىڭىزدەر!
جۇڭگو ارمانىن ٴبىر نيەت، ٴبىر تىلەكپەن جۇزەگە اسىرۋدىڭ قۋاتتى بىرىككەن كۇشىن ۇيىستىرايىق
2023-03-13 16:34:09     كورىلىم:رەت كەلۋ قاينارى:ىلە گازەتى  جاۋاپتى رەداكتور:جاڭىلقان قوجا قىزى

جۇڭگو ارمانىن ٴبىر نيەت، ٴبىر تىلەكپەن جۇزەگە اسىرۋدىڭ قۋاتتى بىرىككەن كۇشىن ۇيىستىرايىق

− مەملەكەتتىك ساياسي كەڭەس 14 - كەزەكتى كوميتەتى 1 - ٴماجىلىسىنىڭ جەڭىسپەن جابىلعاندىعىن قىزۋ قۇتتىقتايمىز

ىشكەرىلەي كەڭەسىپ، تاماشا ادىستەردى قاراستىرىپ، كەڭ كولەمدە ورتاق تانىم ۇيىستىرىپ، بىرىككەن كۇشتى نىعايتتى. مەملەكەتتىك ساياسي كەڭەس 14 - كەزەكتى كوميتەتىنىڭ 1 - ٴماجىلىسى ماڭىزدى تاپسىرمانى اقتاپ، بورىشىن وتەپ، ٴتۇرلى كەڭەستىك تارتىپتەردى تولىق ورىنداپ، 3 - ايدىڭ 11 - كۇنى بەيجيڭدە جەڭىسپەن جابىلدى. ٴبىز ٴماجىلىستىڭ تابىستى بولعاندىعىن قىزۋ قۇتتىقتايمىز!

بۇل ٴبىر رەتكى دەموكراتيالى، ىنتىماقتى، شىندىققا ۇمتىلعان، ەكپىندەي ىلگەرىلەگەن ٴماجىلىس بولدى. ٴماجىلىس كەزىندە جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ قاتارلى پارتيا مەن مەملەكەتتىڭ باسشى جولداستارى ٴماجىلىستىڭ اشىلۋ جينالىسىنا جانە جابىلۋ جينالىسىنا قاتىناسىپ، ماجىلىسكە قاتىناسقان مۇشەلەرگە امانداسىپ، سالالىق گرۋپپالارعا ىشكەرىلەي بارىپ، پىكىر تىڭداپ، مۇشەلەرمەن مەملەكەت ٴىسىن بىرگە اقىلداسىپ، دامۋدى بىرگە جوسپارلادى. قالىڭ ساياسي كەڭەس مۇشەلەرى مىندەتىن مۇقيات وتەپ، جاۋاپكەرشىلىگىن ادا ەتىپ، بەلسەندى تۇردە سىندارلى اقىل - كەڭەس بەرىپ، كەڭ كولەمدە ورتاق تانىم ۇيىستىرىپ، سوتسياليستىك كەڭەس دەموكراتياسىنىڭ وزگەشە ابزالدىلىعىن تولىق ساۋلەلەندىرىپ، جۇڭگوشا سوتسياليستىك دەموكراتيالىق ساياسيدىڭ تىرشىلىك تىنىسىن، ومىرشەڭدىك كۇشىن تولىق ايگىلەدى.

ساياسي كەڭەس ۋستاۆى − حالىق ساياسي كەڭەسىنە قاتىناساتىن ٴارقايسى پارتيا - توپتاردىڭ، ۇيىمداردىڭ جانە ٴار ۇلت، ٴار سالا قايراتكەرلەرىنىڭ ورتاق ارەكەت ولشەمى، ٴار دارەجەلى ساياسي كەڭەستەردىڭ ۇيىم قۇرۋىنىڭ، قىزمەت ورىستەتۋىنىڭ نەگىزگى دايەگى. ساياسي كەڭەس ۋستاۆىنا لايىقتى وزگەرىس ەنگىزۋ − جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگىنە جانە ساياسي كەڭەس تۇزىمىنە اناعۇرلىم ويداعىداي تاباندى بولۋداعى جانە ونى كەمەلدەندىرۋدەگى، حالىق ساياسي كەڭەس ٴتۇزىمى قۇرىلىسىن جانە وزىندىك قۇرىلىستى كۇشەيتۋدەگى كەلەلى ٴىس. وسى جولعى ٴماجىلىس پارتيا 19 - قۇرىلتايىنان بەرگى شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ جاڭا دامۋشىلىقتارىن ۋستاۆقا جازىپ، پارتيا 20 - قۇرىلتايى العا قويعان ماڭىزدى يدەيالاردى، ماڭىزدى كوزقاراستاردى، كەلەلى ستراتەگيالاردى، كەلەلى شارالاردى جانە پارتيا ورتالىق كوميتەتىنىڭ حالىق ساياسي كەڭەسى قىزمەتى جونىندەگى ماڭىزدى شەشىمدەرىن، ورنالاستىرۋلارىن ۋستاۆتا ايگىلەدى. ساياسي كەڭەس ۋستاۆىنىڭ جاڭا جاعدايعا ۇزدىكسىز ۇيلەسۋى، جاڭا ولشەمدەردى شىعارۋى حالىق ساياسي كەڭەسىنىڭ رولىن اناعۇرلىم ويداعىداي ساۋلەلەندىرىپ، حالىق ساياسي كەڭەسى ىستەرىنىڭ دامۋىن ىلگەرىلەتۋگە پايدالى.

حالىق ساياسي كەڭەسى بىرلىكساپ ۇيىمى، كوپ پارتيا سەلبەستىگى جانە ساياسي كەڭەس قۇرىلىمى، جالپى بارىستىق حالىق دەموكراتياسىنىڭ ماڭىزدى جۇزەگە اسۋ فورماسى رەتىندە، سوتسياليستىك كەڭەستىك دەموكراتيانىڭ ماڭىزدى ارناسى جانە ارناۋلى كەڭەسۋ قۇرىلىمى سانالادى. اماليات حالىق ساياسي كەڭەسى تۇزىمىنە ويداعىداي تاباندى بولۋدا، حالىق ساياسي كەڭەسى ىستەرىن ويداعىداي دامىتۋدا، ٴسوز جوق، جۇڭگو كوممۋنيستىك پارتياسىنىڭ جاپپاي باسشىلىعىنا تيتتەي دە بۇلجىماستان تاباندى بولۋ، ٴسوز جوق، حالىق ساياسي كەڭەسىنىڭ سيپاتىن، ورنىن دالمە - ٴدال يگەرۋ، ٴسوز جوق، نازاردى وزەكتى قىزمەتكە شوعىرلاندىرىپ كەڭەسۋ ونىمدىلىگىن ۇزدىكسىز جوعارىلاتۋ، ٴسوز جوق، ىنتىماق جانە دەموكراتيا سىندى ەكى ۇلكەن نەگىزگى تاقىرىپقا تاباندى بولۋ، ٴسوز جوق، ساياسي كەڭەس مۇشەلەرىنىڭ جاۋاپكەرشىلىك ارقالاۋىن ۇزدىكسىز كۇشەيتۋ كەرەكتىگىن تولىق دالەلدەدى.

پارتيا 20 - قۇرىلتايى جاپپاي سوتسياليستىك وسىزاماندانعان مەملەكەت قۇرۋدىڭ جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ ايبىندى جوباسىن كەسكىندەدى. ايبىندى جوبانى جۇزەگە اسىرۋ پارتيا تۋى استىندا ىنتىماقتاسىپ، جۇدىرىقتاي جۇمىلىپ، قيىنشىلىقتى بىرگە جەڭەتىن تەلەگەي كۇش ۇيىستىرۋدى، بۇكىل جۇڭحۋا پەرزەنتتەرىن بىرگە وي جۇگىرتۋگە، بىرگە ىستەۋگە جۇمىلدىرىپ، بەلگىلەنگەن ستراتەگيالىق نىسانانى بەتكە الىپ العا ىلگەرىلەپ، تىڭ دا اناعۇرلىم زور جەڭىستەرگە ۇزدىكسىز قول جەتكىزۋدى قاجەت ەتەدى. حالىق ساياسي كەڭەسى − مەملەكەتتى باسقارۋ جۇيەسىنىڭ ماڭىزدى قۇرامداس بولىگى. شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ حالىق ساياسي كەڭەسى قىزمەتىن كۇشەيتۋ جانە ونى جاقسارتۋ جونىندەگى ماڭىزدى يدەياسىن ۇيرەنىپ، دايەكتىلەندىرىپ، ورتالىقتىڭ ساياسي كەڭەس قىزمەتى ٴماجىلىسىنىڭ رۋحىن ۇزدىكسىز ىشكەرىلەي دايەكتىلەندىرىپ، ٴتۇرلى فۋنكتسيالاردى مۇقيات اتقارىپ، جالپى بارىستىق حالىق دەموكراتياسىن امالياتتا ايگىلەپ، جۇڭحۋا پەرزەنتتەرىنىڭ ۇلى ىنتىماعىن جەبەپ، جۇڭگو ارمانىن ٴبىر نيەت، ٴبىر تىلەكپەن جۇزەگە اسىرۋدىڭ قۋاتتى بىرىككەن كۇشىن ۇيىستىرۋ كەرەك.

كەڭەسۋ ارقىلى ورتاقتىققا ۇمتىلۋعا، سەلبەسۋ ارقىلى ٴىس بىتىرۋگە بولادى. حالىق ساياسي كەڭەسى پارتيا باسشىلىعىنىڭ، بىرلىكساپتىڭ، كەڭەستىك دەموكراتيانىڭ ورگانيكالى بىرلىگىنە تاباندى بولىپ، دەموكراتيانى اسقاقتاتۋ مەن ىنتىماقتى نىعايتۋدىڭ ٴوزارا تۇتاسۋىنا، سىندارلى اقىل - كەڭەس بەرۋ مەن ورتاق تانىم ۇيىستىرۋدىڭ قوس باعىتتا كۇش سالۋىنا تاباندى بولىپ، پارتيا مەن مەملەكەت قىزمەتى كەلەلى جاعدايىنا قىزمەت وتەۋدى ارقاۋ ەتىپ كەڭەس بەرىپ، ۇكىمەت ٴىسىن اقىلداسىپ، ەڭ كەڭ كولەمدى وتانشىل بىرلىكساپتى بەكەمدەۋگە جانە ونى دامىتۋعا تاباندى بولىپ، پارتيانىڭ ٴتۇرلى قىزمەتكە باسشىلىعىنا تاباندى بولۋدىڭ جانە ونى كۇشەيتۋدىڭ ماڭىزدى بازاسىنا، پارتيانىڭ جاسامپاز نازارياسىمەن ٴار ۇلت، ٴار سالا ۋاكىل قايراتكەرلەرىن ىنتىماقتاستىراتىن، تاربيەلەيتىن، جەتەكتەيتىن ماڭىزدى تۇعىرعا، ورتاق يدەيالىق ساياسي نەگىزدە قايشىلىقتاردى شەشەتىن جانە ورتاق تانىم ۇيىستىراتىن ماڭىزدى ارناعا اناعۇرلىم ويداعىداي اينالۋى كەرەك. حالىق ساياسي كەڭەسىنىڭ ارناۋلى كەڭەستىك قۇرىلىم رولىن ساۋلەلەندىرىپ، تۇزىمدەندىرۋ، ولشەمدەندىرۋ، تارتىپتەندىرۋ سياقتى يقۋات قۇرىلىسىن كۇشەيتىپ، ىشكەرىلەي كەڭەسىپ ىقپالداسۋ، پىكىرلەردى تولىق جەتكىزۋ، كەڭ كولەمدە ورتاق تانىم ۇيىستىرۋ دەڭگەيىن جوعارىلاتىپ، حالىق ساياسي كەڭەسىنىڭ دەموكراتيالىق باقىلاۋ جانە مۇشەلەردىڭ ٴوز سالاسىنداعى بۇقارامەن بايلانىس جاساۋ ٴتۇزىم مەحانيزمىن كەمەلدەندىرىپ، حالىق ساياسي كەڭەسى ٴتۇزىمىنىڭ ابزالدىلىعىن مەملەكەتتى باسقارۋ ونىمدىلىگىنە اينالدىرۋ كەرەك.

جۇدىرىقتاي جۇمىلىپ، كوپتىڭ كۇش - قۋاتىن توپتاپ، كوپتىڭ اقىل - پاراساتىن ۇيىستىردى. جاپپاي سوتسياليستىك وسىزاماندانعان مەملەكەت قۇرۋ جۇڭحۋا ۇلتىنىڭ اسىل ارمانى مەن تىلەگىن ارقالاعان، وعان جۇڭگو حالقىنىڭ كۇرەسى مەن ماڭداي تەرى سىڭگەن. جۇڭگو ۇلگىسىندەگى وسىزامانداندىرۋ − جۇڭگو كوممۋنيستىك پارتياسى بۇكىل ەلدەگى ٴار ۇلت حالقىنا باسشىلىق ەتىپ ۇزاق ۋاقىت ىزدەنىس جاساۋ جانە اماليات بارىسىندا تالاي - تالاي جاپا - ماشاقات شەگىپ، زور بوداۋ بەرۋدىڭ ارقاسىندا قول جەتكىزگەن كەلەلى تابىسى، قۇدىرەتتى ەل قۇرىلىسىنىڭ، ۇلتتى گۇلدەندىرۋدىڭ بىردەن - ٴبىر دۇرىس جولى. داڭق پەن ارمانعا تولى جاڭا جورىقتا، حالىق ساياسي كەڭەسىنىڭ بورىشى داڭقتى، جاۋاپكەرشىلىگى اۋىر. ٴبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ٴمانىن جەتە ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، تياناقتاندىرىپ، ٴبىر نيەت، ٴبىر تىلەكتە بولىپ، قاجىرلىلىقپەن بەرىلە ىستەپ، ەرلىكپەن العا ىلگەرىلەپ، جاڭا جورىقتا تاماشا باستاما اشۋدى جۇزەگە اسىرۋعا، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جەڭىسىنە قول جەتكىزۋگە، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا تەلەگەي ۇلى كۇش ۇيىستىرىپ، تىڭ ۇلەستەر قوسايىق!

(شينحۋا اگەنتتىگىنىڭ 3 - ايدىڭ 11 - كۇنى بەيجيڭنەن بەرگەن حابارى)