جۇڭگو حالىق ساياسي ٴماسليحات كەڭەسى 14 - كەزەكتى مەملەكەتتىك كوميتەتى 1 - ٴماجىلىسىنىڭ ساياسي قارارى

(ساياسي كەڭەس 14 - كەزەكتى مەملەكەتتىك كوميتەتىنىڭ 1 - ماجىلىسىندە 2023 - جىلى 3 - ايدىڭ 11 - كۇنى ماقۇلداندى)

جۇڭگو حالىق ساياسي ٴماسليحات كەڭەسى 14 - كەزەكتى مەملەكەتتىك كوميتەتىنىڭ 1 - ٴماجىلىسى 2023 - جىلى 3 - ايدىڭ 4 - كۇنىنەن 11 - كۇنىنە دەيىن بەيجيڭدە وتكىزىلدى.

جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ قاتارلى پارتيا مەن مەملەكەتتىڭ باسشى جولداستارى ماجىلىسكە قاتىناسىپ، مۇشەلەرمەن بىرگە مەملەكەت ىستەرىن اقىلداستى. ٴماجىلىس شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جۇڭگو كوممۋنيستىك پارتياسى 20 - قۇرىلتايىنىڭ رۋحىن جاپپاي دايەكتىلەندىرىپ، باس شۋجي شي جينپيڭنىڭ جۇڭگو دەموكراتيالىق مەملەكەت قۇرۋ قوعامى، ساۋدا - ونەركاسىپشىلەر بىرلەستىگى سالاسىنداعى مۇشەلەردىڭ بىرىككەن گرۋپپا جيىنىنا قاتىناسقاندا سويلەگەن ماڭىزدى ٴسوزىنىڭ رۋحىن مۇقيات ۇيرەنىپ، بەلسەنە مىندەت اتقارىپ، جاۋاپكەرشىلىكتى ادا ەتىپ، ناقتى ىستەر جونىندە كەڭەسىپ، ۇكىمەت ٴىسىن اقىلداسىپ، ٴتۇرلى كەڭەستىك تارتىپتەردى ٴساتتى ورىنداپ، ماڭىزدى تابىستارعا قول جەتكىزدى. ٴماجىلىس ۋاڭ ياڭ جولداستىڭ ساياسي كەڭەس 13 - كەزەكتى مەملەكەتتىك كوميتەتى تۇراقتى كوميتەتى اتىنان جاساعان قىزمەت بايانداماسىن قاراپ بەكىتتى، شاۋ حۇڭ جولداستىڭ ۇسىنىس جوبا قىزمەتى جاعدايىنان جاساعان بايانداماسىن قاراپ بەكىتتى، جۇڭگو حالىق ساياسي ٴماسليحات كەڭەسى ۋستاۆىنا وزگەرىس ەنگىزۋ جوباسىن قاراپ ماقۇلدادى، ساياسي كەڭەس 14 - كەزەكتى مەملەكەتتىك كوميتەتىنىڭ ٴتوراعاسىن، ورىنباسار ٴتوراعالارىن، باس حاتشىسىن جانە تۇراقتى مۇشەلەرىن سايلاپ شىقتى. مۇشەلەر 14 - كەزەكتى مەملەكەتتىك حالىق قۇرىلتايىنىڭ 1 - ماجىلىسىنە سىرتتاي قاتىناسىپ، لي كىچياڭ جولداستىڭ ۇكىمەت قىزمەتىنەن جاساعان بايانداماسىن تىڭدادى جانە تالقىلادى، ەڭ جوعارى حالىق سوتى مەكەمەسىنىڭ قىزمەت بايانداماسىن، ەڭ جوعارى حالىق پروكۋراتۋراسىنىڭ قىزمەت بايانداماسىن تىڭدادى جانە تالقىلادى، مەملەكەتتىك كەڭەس قۇرىلىمدارىنىڭ رەفورما جوباسىن جانە باسقا دا قاتىستى باياندامالاردى تالقىلادى، وعان قوسىلاتىندىقتارىن ٴبىلدىردى جانە پىكىرلەرى مەن ۇسىنىستارىن العا قويدى.

ٴماجىلىس مىنالاردى باسا دارىپتەدى: وتكەن 5 جىل مەن جاڭا داۋىردەن بەرگى 10 جىل پارتيا مەن مەملەكەتتىڭ دامۋ ۇردىسىندە اسا وزگەشە، ايرىقشا ەرەكشە بولدى. شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتى جۇڭحۋا ۇلتىنىڭ ۇلى گۇلدەنۋى ستراتەگيالىق جالپى جاعدايى مەن دۇنيە جۇزىندە 100 جىلدا بولماعان زور وزگەرىستەردى ٴبىر تۇتاس جوسپارلاپ، پارتيانىڭ نەگىزگى نازارياسىن، نەگىزگى لۋشيانىن، نەگىزگى جالپى جوباسىن جاپپاي دايەكتىلەندىرىپ، ۇلى كۇرەستى، ۇلى ينجەنەريانى، ۇلى ٴىستى، ۇلى ارماندى ٴبىر تۇتاس مەڭگەرىپ، ۇلى تاريحي ىرىقتىلىق رۋحىمەن، وراسان زور ساياسي باتىلدىقپەن، كۇشتى جاۋاپكەرشىلىك ارقالاۋمەن بۇكىل پارتيانى، بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، ٴبىر قىدىرۋ ستراتەگيالىق شارالار قولدانىپ، ٴبىر قىدىرۋ وزگەرىس سيپاتتى امالياتتى ىلگەرىلەتىپ، ٴبىر قىدىرۋ قامال الۋ سيپاتتى ىلگەرىلەۋشىلىكتەردى جۇزەگە اسىرىپ، ٴبىر قىدىرۋ نىشاندىق جەتىستىكتەرگە قول جەتكىزىپ، ۇزاق ۋاقىتتان بەرى شەشىلمەگەن كوپتەگەن قيىن ماسەلەلەردى شەشىپ، ۇزاق بولاشاققا ساياتىن كوپتەگەن ٴىرى ىستەردى، ماڭىزدى ىستەردى تىندىرىپ، ساياسي، ەكونوميكا، يدەولوگيا، تابيعات دۇنيەسى سياقتى جاقتارداعى حاۋىپ - قاتەر مەن سىن - سايىستىڭ سىناعىنان سۇرىنبەي ٴوتىپ، كەدەيلىكتەن ارىلتۋدان قامال الۋ، جاپپاي دوڭگەلەك داۋلەتتى قوعام ورناتۋ تاريحي مىندەتىن ورىنداپ، ٴبىرىنشى 100 جىلدىق كۇرەس نىساناسىن جۇزەگە اسىرىپ، جاڭا داۋىردەگى جۇڭگوشا سوتسياليزمنىڭ ۇلى تابىستارىن جاراتىپ، ەلىمىزدىڭ جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاۋىن ىلگەرىلەتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ كەرى قايتارۋعا كەلمەيتىن تاريحي ۇردىسكە قادام تاستادى. جاڭا داۋىردە پارتيا مەن مەملەكەت ىستەرىنىڭ تاريحي تابىسقا قول جەتكىزۋىنىڭ، تاريحي وزگەرىس تۋىلۋىنىڭ ەڭ ٴتۇبىرلى سەبەبى شي جينپيڭ جولداستىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن تۇراقتاندىرۋدا، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ جەتەكشىلىك ورنىن تۇراقتاندىرۋدا جاتىر. حالىق ساياسي كەڭەسى ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن باستان - اياق وسكەلەڭ ٴبىر اۋىزدىلىقتى ساقتاۋى كەرەك.

ٴماجىلىس مىنالاردى باسا دارىپتەدى: شي جينپيڭ جاڭا ٴداۋىر جۇڭگوشا سوتسياليزم يدەياسى ماركسيزمنىڭ نەگىزگى قاعيدالارىن جۇڭگونىڭ ناقتى امالياتىمەن ۇشتاستىرۋعا، جۇڭحۋانىڭ تاڭداۋلى ٴداستۇرلى مادەنيەتىمەن ۇشتاستىرۋعا تاباندى بولىپ، جاڭا داۋىردە قانداي جۇڭگوشا سوتسياليزمگە تاباندى بولۋ جانە ونى دامىتۋ، جۇڭگوشا سوتسياليزمگە قالاي تاباندى بولۋ جانە ونى دامىتۋ، قانداي سوتسياليستىك وسىزاماندانعان قۇدىرەتتى مەملەكەت قۇرۋ، سوتسياليستىك وسىزاماندانعان قۇدىرەتتى مەملەكەتتى قالاي قۇرۋ، ۇزاق ۋاقىت بيلىك جۇرگىزەتىن قانداي ماركسيزمدىك ساياسي پارتيا قۇرۋ، ۇزاق ۋاقىت بيلىك جۇرگىزەتىن ماركسيزمدىك ساياسي پارتيانى قالاي قۇرۋ سياقتى كەلەلى داۋىرلىك تاقىرىپتارعا عىلمي جاۋاپ بەردى، ول زامانىمىزداعى جۇڭگو ماركسيزمى، 21 - عاسىر ماركسيزمى، جۇڭحۋا مادەنيەتى مەن جۇڭگو رۋحىنىڭ داۋىرلىك جاۋھارى، پارتيا مەن مەملەكەت، ٴسوز جوق، ۇزاق ۋاقىت تاباندى بولاتىن جەتەكشى يدەيا. حالىق ساياسي كەڭەسى شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ وزەكتى ماڭىزىن، رۋحاني ٴمانىن، باي مازمۇنىن، امالياتتىق تالاپتارىن تەرەڭ ٴتۇسىنىپ، وسى ماڭىزدى يدەيانىڭ دۇنيەگە كوزقاراسى مەن ٴادىسناماسىن ويداعىداي يگەرىپ، وعان سىڭىرىلگەن تۇرعىعا، كوزقاراسقا، ادىسكە ويداعىداي تاباندى بولىپ، ونى ويداعىداي قولدانىپ، ىنتىماقتاسا كۇرەس جۇرگىزۋدىڭ ورتاق يدەيالىق - ساياسي نەگىزىن ۇزدىكسىز بەكەمدەۋ كەرەك.

ٴماجىلىس مىنالاردى باسا دارىپتەدى: جۇڭگو كوممۋنيستىك پارتياسىنىڭ 20 - قۇرىلتايىندا جاسالعان جاپپاي سوتسياليستىك وسىزاماندانعان مەملەكەت قۇرۋ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ ايبىندى جوباسى جۇرتتى جەلپىندىرىپ، ەكپىندەي ىلگەرىلەۋگە جەبەدى. جۇڭگو ۇلگىسىندەگى وسىزامانداندىرۋ − جۇڭگو كوممۋنيستىك پارتياسىنىڭ بۇكىل ەلدەگى ٴار ۇلت حالقىنا باسشىلىق ەتىپ، ۇزاق ۋاقىت ىزدەنۋ جانە امالياتتان وتكىزۋ بارىسىندا جاپا - ماشاقاتتى باستان كەشىرىپ، وراسان زور بوداۋ بەرىپ قول جەتكىزگەن كەلەلى جەتىستىگى، ونى، ٴسوز جوق، بارىنشا قاستەرلەپ، وعان باستان - اياق تاباندى بولىپ، ونى ۇزدىكسىز كەڭەيتۋ جانە تەرەڭدەتۋ كەرەك. حالىقارالىق جانە ەل ٴىشى ورتاسىندا تۋىلعان تەرەڭ دە كۇردەلى وزگەرىستەر الدىندا، ٴسوز جوق، بايسالدى دا سابىرلى بولىپ، تاباندىلىقتى ساقتاپ، ورنىقتىلىق بارىسىندا ىلگەرىلەپ، بەلسەنە ىسكەرلىك كورسەتىپ، جۇدىرىقتاي جۇمىلىپ، كۇرەس جۇرگىزۋگە باتىل بولۋ كەرەك. حالىق ساياسي كەڭەسى جۇڭگو ۇلگىسىندەگى وسىزامانداندىرۋدىڭ جۇڭگوشا ەرەكشەلىگىن، ماندىك تالابىن جانە كەلەلى پرينسيبىن تەرەڭ ٴتۇسىنىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ ٴبىرقانشا كەلەلى قارىم - قاتىناسىن دۇرىس يگەرىپ، وزەكتى مىندەتتى ارقاۋ ەتىپ، ”بەستى ٴبىر تۇلعالاندىرۋ“ جالپى تۇلعالىق ورنالاستىرۋىن ٴبىر تۇتاس جوسپارلاپ ىلگەرىلەتۋ، ”ٴتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋ سياقتى جاقتارداعى ماڭىزدى ماسەلەلەردى تىعىز ارقاۋ ەتىپ، ىشكەرىلەي تەكسەرۋ - زەرتتەۋ جۇرگىزىپ، ٴونىمدى كەڭەس جۇرگىزىپ، ۇكىمەت ٴىسىن كەڭەسىپ، دەموكراتيالىق باقىلاۋ جۇرگىزىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە بەلسەنە اقىل - كەڭەس بەرۋ كەرەك. ۇلى ىنتىماققا، ۇلى بىرلىككە تاباندى بولىپ، ٴبىرىڭعايلىق پەن الۋان تۇرلىلىكتىڭ بىرلىگىنە تاباندى بولىپ، كەڭ كولەمدە ورتاق تانىم ۇيىستىرىپ، جۇرت تىلەگىن ۇيىستىرىپ، اقىل - پاراساتتى ۇيىستىرىپ، كۇش - قۋاتتى ۇيىستىرىپ، جۇڭگو ارمانىن ٴبىر نيەتپەن بىرگە جۇزەگە اسىرۋدىڭ قۋاتتى وڭ ەنەرگياسىن توپتاۋ كەرەك. نازاردى جۇڭگو كوممۋنيستىك پارتياسى ورتالىق كوميتەتىنىڭ بيىلعى ەكونوميكالىق، قوعامدىق دامۋدىڭ ٴتۇرلى قىزمەتتەرىن ويداعىداي ىستەۋ جونىندەگى شەشىمدەرى مەن ورنالاستىرۋلارىن دايەكتىلەندىرۋگە، تياناقتاندىرۋعا شوعىرلاندىرىپ، كوپتىڭ اقىل - پاراساتىن كەڭىنەن توپتاپ، ۇتىمدى شارالاردى كەڭىنەن قاراستىرىپ، پارتيا مەن ۇكىمەتكە سەلبەسىپ ساياساتتى ۇگىتتەۋ، كۇدىك - كۇماننان ارىلتۋ، مەجەنى ورنىقتىرۋ، سەنىمدى سەرپىلتۋ قىزمەتتەرىن كوبىرەك ىستەپ، جاپپاي سوتسياليستىك وسىزاماندانعان مەملەكەت قۇرۋعا دەم بەرۋدە جاقسى باستاما اشۋ، جاقسى قادام تاستاۋ كەرەك.

ٴماجىلىس مىنالاردى اتاپ كورسەتتى: باس شۋجي شي جينپيڭنىڭ جۇڭگو دەموكراتيالىق مەملەكەت قۇرۋ قوعامى، ساۋدا - ونەركاسىپشىلەر بىرلەستىگى سالاسىنداعى مۇشەلەردىڭ بىرىككەن گرۋپپا جيىنىنا قاتىناسقاندا سويلەگەن ماڭىزدى ٴسوزى حالىقتىق شارۋاشىلىقتىڭ جۇڭگو كوممۋنيستىك پارتياسىنىڭ ۇزاق ۋاقىت بيلىك جۇرگىزۋدەگى، بۇكىل ەل حالقىن ىنتىماقتاستىرىپ جانە باستاپ ”قوس 100 جىلدىق“ كۇرەس نىساناسى مەن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋداعى ماڭىزدى كۇشى ەكەندىگىن تولىق تۇراقتاندىردى، ”ەكىدەن تيتتەي دە اۋىتقىماۋعا“، ”ٴۇش وزگەرگەن جوققا“ باستان - اياق تاباندى بولۋدى باسا دارىپتەۋ، حالىقتىق كاسىپورىندار مەن حالىقتىق كاسىپكەرلەردى باستان - اياق ٴوز ادامى ساناۋ بەكەم تۇرعىسى ادامدى جەلپىندىرىپ، سەنىمدى ەسەلەپ ارتتىردى. ٴبىز باس شۋجي شي جينپيڭنىڭ تالابى بويىنشا قالىڭ حالىقتىق كاسىپورىندار مەن حالىقتىق كاسىپكەرلەردى جۇڭگو كوممۋنيستىك پارتياسى ورتالىق كوميتەتىنىڭ باعىت - ساياساتتارىن دۇرىس تۇسىنۋگە، جاڭا دامۋ ۇستانىمىن امالياتتا ايگىلەۋگە جەتەكتەپ، وتاندى ٴسۇيۋ، كاسىپتى قادىرلەۋ، زاڭعا بويسۇنىپ تيجارات جۇرگىزۋ، شارۋاشىلىق قۇرۋ، جاڭالىق اشۋ، قوعامعا قارىمجى قايتارۋ بارىسىندا حالىقتىق شارۋاشىلىقتىڭ اقاۋسىز دامۋىن، جوعارى ساپالى دامۋىن جۇزەگە اسىرۋىمىز كەرەك.

ٴماجىلىس بىلاي دەپ قارادى: وتكەن 5 جىلدا 13 - كەزەكتى مەملەكەتتىك ساياسي كەڭەس جۇڭگو كوممۋنيستىك پارتياسىنىڭ جاپپاي باسشىلىعىنا تاباندى بولىپ، جۇڭگو كوممۋنيستىك پارتياسى ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، ىنتىماق جانە دەموكراتيا سىندى ەكى ۇلكەن تاقىرىپتى مىقتاپ يگەرىپ، دەموكراتيانى ساۋلەلەندىرۋ مەن ىنتىماقتى نىعايتۋدىڭ ٴوزارا ساباقتاسۋىنا، سىندارلى اقىل - كەڭەس بەرۋ جانە ورتاق تانىم ۇيىستىرۋ سىندى قوس باعىتتا كۇش سالۋعا تاباندى بولىپ، پارتيا مەن مەملەكەتتىڭ وزەكتى مىندەتىن مىقتاپ ارقاۋ ەتىپ، ارناۋلى كەڭەس قۇرىلىمىندىق رولىن ساۋلەلەندىرىپ، حالىق ساياسي كەڭەسى ىستەرىنىڭ مۇراگەرلىك ەتۋ بارىسىندا دامۋىن، دامۋ بارىسىندا جاڭالىق اشۋىن ىلگەرىلەتىپ، جاڭا لەپ، جاڭا بەينە ايگىلەپ، پارتيا مەن مەملەكەت ىستەرىنىڭ دامۋىنا ماڭىزدى ۇلەس قوستى.

ٴماجىلىس مىنالاردى باسا دارىپتەدى: 14 - كەزەكتى مەملەكەتتىك ساياسي كەڭەس جاڭا داۋىردەگى جاڭا جورىقتى تياناق ەتىپ، باس شۋجي شي جينپيڭنىڭ حالىق ساياسي كەڭەسى قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، جۇڭگو كوممۋنيستىك پارتياسى 20 - قۇرىلتايىنىڭ جالپى بارىستىق حالىق دەموكراتياسىن دامىتۋ جونىندەگى ورنالاستىرۋلارىن، تالاپتارىن مۇقيات تياناقتاندىرىپ، جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى مەن ساياسي كەڭەس تۇزىمىنە تاباندى بولىپ جانە ونى كەمەلدەندىرىپ، حالىق ساياسي كەڭەسىنىڭ سيپاتىن، ورنىن، فۋنكتسياسىن، رولىن دۇرىس يگەرىپ، نەگىزگى زاڭ، زاڭدار جانە ساياسي كەڭەس ۋستاۆى بويىنشا مىندەتىن مۇقيات اتقارىپ، جۇڭگوشا سوتسياليستىك ساياسي دامۋ جولىمەن بۇلجىماي ٴجۇرۋ كەرەك. پارتيانىڭ باسشىلىعىن، بىرلىكساپ شەبىن، كەڭەستىك دەموكراتيانى ورگانيكالى ۇشتاستىرۋعا تاباندى بولىپ، تۇزىمدەندىرۋ، جۇيەلىلەندىرۋ، تارتىپتەندىرۋ سياقتى فۋنكتسيالىق قۇرىلىستاردى كۇشەيتىپ، ىشكەرىلەي كەڭەسۋ، ٴوزارا ىقپالداسۋ، پىكىردى تولىق بەينەلەۋ، ورتاق تانىمدى كەڭ كولەمدە ۇيىستىرۋ دەڭگەيىن جوعارىلاتۋ كەرەك. كەڭەستىك دەموكراتيانىڭ كەڭ كولەمدى، كوپ ساتىلى تۇزىمدەنىپ دامۋىن ىلگەرىلەتۋ بارىسىندا ارناۋلى كەڭەس قۇرىلىمى قۇرىلىسىن تەرەڭدەتۋ كەرەك. ەلىمىزدىڭ جاڭاشا ساياسي پارتيا ٴتۇزىم ابزالدىلىعىن ساۋلەلەندىرىپ، جۇڭحۋا ۇلتى ورتاق تۇلعا تانىمىن بەرىك ورناتىپ، ەلىمىزدىڭ ٴدىندى جۇڭگوشالاندىرۋ بەتالىسىنا تاباندى بولىپ، پارتيا سىرتىنداعى زيالىلارمەن، جالپىلىق مەنشىككە جاتپايتىن شارۋاشىلىق قايراتكەرلەرىمەن، جاڭا قوعامدىق جىك قايراتكەرلەرىمەن بايلانىستى كۇشەيتىپ، ”ٴبىر ەل، ەكى تۇزىمگە“ تاباندى بولىپ جانە ونى كەمەلدەندىرىپ، وتاننىڭ بىرلىككە كەلۋىن، ساياسي پارتيالار قاتىناسىنىڭ، ۇلت قاتىناسىنىڭ، ٴدىن قاتىناسىنىڭ، جىكتەر قاتىناسىنىڭ، ەل ٴىشى - سىرتىنداعى باۋىرلاستار قاتىناسىنىڭ جاراسىمدىلىعىن جەبەۋ كەرەك. سىرتپەن دوستىق قارىم - قاتىناستى كۇشەيتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ كەرەك. قالىڭ مۇشەلەر ساياسي كەڭەس ۋستاۆىن مۇقيات ۇيرەنىپ، وعان سانالى بويسۇنىپ، ٴمورال - قاسيەتتى شىڭداپ، بەلسەنە جاۋاپكەرشىلىك ارقالاپ، ىسكەرلىك كورسەتىپ، شىندىققا جۇگىنىپ، ناقتى ٴىس ىستەۋگە تاباندى بولىپ، ساياسي مەڭگەرۋ قابىلەتىن، تەكسەرىپ - زەرتتەۋ قابىلەتىن، بۇقارامەن بايلانىس جاساۋ قابىلەتىن، سەلبەسىپ بىرگە ىستەۋ قابىلەتىن جوعارىلاتىپ، فورماشىلدىقتان، تورەشىلدىكتەن بارىنشا ساقتانىپ، ٴداۋىردىڭ ٴۇمىتىن اقتايتىن، حالىقتىڭ ٴۇمىتىن اقتايتىن ناتيجە جاراتۋعا قۇلشىنۋ كەرەك.

ٴماجىلىس مىناعان ۇندەدى: حالىق ساياسي كەڭەسىنە قاتىناسقان ورىنداردى، ٴار دارەجەلى ۇيىمداردى جانە قالىڭ مۇشەلەردى شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاستىرىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، سەنىمدى بەكەمدەپ، ٴبىر نيەت، ٴبىر تىلەكتە بولىپ، قاجىرلىلىقپەن قۇلشىنا ىستەپ، ەرلىكپەن العا باسىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزەيىك!

(شينحۋا اگەنتتىگىنىڭ 3 - ايدىڭ 11 - كۇنى بەيجيڭنەن بەرگەن حابارى)