جۇڭگو حالىق ساياسي ٴماسليحات كەڭەسى 14 - كەزەكتى مەملەكەتتىك كوميتەتى 1 -ٴماجىلىسى ۇسىنىس جوبالاردى تەكسەرۋ كوميتەتىنىڭ ساياسي كەڭەس 14 - كەزەكتى كوميتەتى 1 - ٴماجىلىسىنىڭ ۇسىنىس جوبالاردى تەكسەرۋ جاعدايى جونىندەگى بايانداماسى

(ساياسي كەڭەس 14 - كەزەكتى مەملەكەتتىك كوميتەتىنىڭ 1 - ماجىلىسىندە 2023 - جىلى 3 - ايدىڭ 11 - كۇنى ماقۇلداندى)

مەملەكەتتىك ساياسي كەڭەس 14 - كەزەكتى كوميتەتىنىڭ 1 - ٴماجىلىسى كەزىندە ساياسي كەڭەس مۇشەلەرى، ساياسي كەڭەسكە قاتىناسۋشى ورىندار شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، جۇڭگو كوممۋنيستىك پارتياسى 20 - قۇرىلتايىنىڭ رۋحىن جاپپاي دايەكتىلەندىرىپ، جۇڭگو ۇلگىسىندەگى وسىزامانداندىرۋدى تىڭعىلىقتى ىلگەرىلەتۋدى ارقاۋ ەتىپ، جاپپاي سوتسياليستىك وسىزاماندانعان مەملەكەت قۇرۋ ٴۇشىن جاقسى باستاما اشىپ، جاقسى قادام تاستاپ، بەلسەندى تۇردە ۇسىنىس جوبا ارقىلى سىندارلى اقىل - كەڭەس بەرىپ، رولدارىن ساۋلەلەندىردى.

3 - ايدىڭ 5 - كۇنى ساعات 20 عا دەيىن جيىنى 5399 ۇسىنىس جوبا تاپسىرىپ الىندى. «جۇڭگو حالىق ساياسي ٴماسليحات كەڭەسى مەملەكەتتىك كوميتەتىنىڭ ۇسىنىس جوبا قىزمەت ەرەجەسىنە» جانە ۇسىنىس جوبالاردى تەكسەرۋ قىزمەتىنىڭ ەگجەي - تەگجەيلى ەرەجەسىنە نەگىزدەلىپ، تەكسەرۋ ارقىلى 4689 ى ەستەلىككە الىندى، 82 سى بىرىكتىرىلدى، 628 ى پىكىرگە جانە ۇسىنىسقا اينالدى.

تىزىمگە الىنعان ۇسىنىس جوبالاردىڭ ىشىندە مۇشەلەر قويعان ۇسىنىس جوبا 4234 نۇسقا بولىپ، %90.3 ىن يەلەدى؛ ٴارقايسى دەموكراتيالىق پارتيا - توپتار، حالىقتىق ۇيىمدار جانە سالالار، مۇشەلەر گرۋپپاسى قاتارلىلار قويعان ۇسىنىس جوبا 455 نۇسقا بولىپ، %9.7 ىن ۇستادى. مۇنىڭ ىشىندە ەكونوميكالىق قۇرىلىس جاعىنداعى ۇسىنىس جوبا 1989 نۇسقا بولىپ، %42.4 ىن ۇستادى؛ ساياسي قۇرىلىس جاعىنداعى ۇسىنىس جوبا 412 نۇسقا بولىپ، %8.8 ىن ۇستادى؛ مادەنيەت قۇرىلىسى جاعىنداعى ۇسىنىس جوبا 341 نۇسقا بولىپ، %7.3 ىن ۇستادى؛ قوعامدىق قۇرىلىس جاعىنداعى ۇسىنىس جوبا 1339 نۇسقا بولىپ، %28.5 ىن ۇستادى؛ ەكولوگيالىق وركەنيەت قۇرىلىسى جاعىنداعى ۇسىنىس جوبا 608 نۇسقا بولىپ، %13 ىن ۇستادى.

وسى رەتكى ماجىلىستەگى ۇسىنىس جوبالار تومەندەگىدەي ەرەكشەلىككە يە: ٴبىرىنشى، ۇسىنىس جوبالار ”بەستى ٴبىر تۇلعالاندىرۋ“ جالپى تۇلعالىق ورنالاستىرۋىن ٴبىر تۇتاس جوسپارلاپ ىلگەرىلەتۋدى، ”ٴتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋدى ارقاۋ ەتىپ، نازاردى جاڭا دامۋ ۇستانىمىن تولىق، دالمە - ٴدال، جاپپاي دايەكتىلەندىرۋگە، جاڭا دامۋ ارناسىن جەدەل قالىپتاستىرۋعا، جوعارى ساپالى دامۋدى كۇش سالا ىلگەرىلەتۋگە شوعىرلاندىرىپ، حالىق تۇرمىسىن قامتاماسىز ەتۋدى جانە جاقسارتۋدى كوزدەپ، سەنىمدى بەكەمدەۋگە، مەجەنى ورنىقتىرۋعا، بىرىككەن كۇشتى ۇيىستىرۋعا، جاڭا جاعداي اشۋعا بەلسەنە اقىل - كەڭەس بەردى. ەكىنشى، مۇشەلەر مەملەكەت ٴۇشىن مىندەت وتەۋ، حالىق ٴۇشىن جاۋاپكەرشىلىگىن ادا ەتۋ سىندى جاۋاپكەرشىلىك ارقالاۋدى كۇشەيتىپ، ماماندىق ارتىقشىلىعى، باسىمدىعى، دامۋ قاجەتى جاقتارىنان دالمە - ٴدال تاقىرىپ تاڭداۋعا باسا ٴمان بەرىپ، ىشكەرىلەي تەكسەرۋ - زەرتتەۋ جۇرگىزىپ، ۇسىنىس قويدى، جيىنى 1973 مۇشە ۇسىنىس جوبا تاپسىرىپ، ۇسىنىس جوبالاردىڭ جالپى تۇلعالىق ساپاسى كورنەكتى جوعارى بولدى. ٴۇشىنشى، ۇسىنىس جوبا قىزمەتىنىڭ ينفورماتسيالانۋ دەڭگەيى اناعۇرلىم جوعارىلاپ، تۇڭعىش رەت ۇسىنىس جوبانى %100 ينتەرنەت جەلىسىندە تاپسىرۋ جۇزەگە اسىرىلدى.

ٴماجىلىس جابىلعاننان كەيىن، ۇسىنىس جوبالار اتقارۋعا جاۋاپتى ورىنداردىڭ ٴبىر جايلى ەتۋىنە تاپسىرىلادى. بۇل رەتكى ٴماجىلىستىڭ ۇسىنىس جوبالاردى قابىلداۋ ۋاقىتى اياقتاعاننان كەيىن تاپسىرىپ الىنعان ۇسىنىس جوبالار تەكسەرىلىپ ەستەلىككە الىنعاننان كەيىن، ادەتتەگى ۇسىنىس جوبا رەتىندە، ۇسىنىس جوبانى اتقارۋعا جاۋاپتى ورىنداردىڭ ٴبىر جايلى ەتۋىنە تاپسىرىلادى.

جوعارىداعى باياندامانى قاراپ شىعۋلارىڭىزدى سۇرايمىز.

(شينحۋا اگەنتتىگىنىڭ 3 - ايدىڭ 11 - كۇنى بەيجيڭنەن بەرگەن حابارى)