جۇڭگو حالىق ساياسي ٴماسليحات كەڭەسى 14 - كەزەكتى مەملەكەتتىك كوميتەتى 1 - ٴماجىلىسىنىڭ جۇڭگو حالىق ساياسي ٴماسليحات كەڭەسىنىڭ ۋستاۆىنا وزگەرىس ەنگىزۋ جوباسى جونىندەگى قارارى

(ساياسي كەڭەس 14 - كەزەكتى مەملەكەتتىك كوميتەتىنىڭ 1 - ماجىلىسىندە 2023 - جىلى 3 - ايدىڭ 11 - كۇنى ماقۇلداندى)

  جۇڭگو حالىق ساياسي ٴماسليحات كەڭەسى 14 - كەزەكتى مەملەكەتتىك كوميتەتىنىڭ 1 - ٴماجىلىسى ساياسي كەڭەس 13 - كەزەكتى مەملەكەتتىك كوميتەتى تۇراقتى كوميتەتىنىڭ ورتاعا قويعان «جۇڭگو حالىق ساياسي ٴماسليحات كەڭەسىنىڭ ۋستاۆىن (وزگەرىس ەنگىزۋ جوباسى)» قاراپ ٴارى ماقۇلداپ، وسى وزگەرىس ەنگىزۋ جوباسىنىڭ جاريالانعان كۇننەن باستاپ كۇشكە يە بولاتىندىعىن ۇيعاردى.

  ٴماجىلىس بىلاي دەپ قارادى: ساياسي كەڭەس ۋستاۆىنا لايىقتى وزگەرىس ەنگىزۋ − جۇڭگو كوممۋنيستىك پارتياسى ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋدىڭ ٴىس جۇزىندىك ارەكەتى جانە ماڭىزدى شاراسى. ساياسي كەڭەس ۋستاۆىنا وزگەرىس ەنگىزۋ شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جۇڭگو كوممۋنيستىك پارتياسى ورتالىق كوميتەتىنىڭ ورتالىقتانعان ٴبىر تۇتاس باسشىلىعىنا تاباندى بولىپ، جۇڭگو كوممۋنيستىك پارتياسى 20 - قۇرىلتايىندا العا قويىلعان ماڭىزدى يدەيالاردى، ماڭىزدى كوزقاراستاردى، كەلەلى ستراتەگيالاردى، كەلەلى شارالاردى تولىق ايگىلەپ، 2018 - جىلى ساياسي كەڭەس ۋستاۆىنا وزگەرىس ەنگىزگەننەن، اسىرەسە، ورتالىقتىڭ ساياسي كەڭەس قىزمەتى ماجىلىسىنەن بەرى حالىق ساياسي كەڭەسى ىستەرىنىڭ جاڭالىق اشا دامۋىنىڭ ماڭىزدى جەتىستىگىن بەينەلەدى، جۇڭگو كوممۋنيستىك پارتياسىنىڭ جاپپاي باسشىلىعىنا تاباندى بولىپ، جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى مەن ساياسي كەڭەس تۇزىمىنە تاباندى بولىپ جانە ونى كەمەلدەندىرىپ، حالىق ساياسي كەڭەسى تۇزىمىنە ويداعىداي تاباندى بولۋ، حالىق ساياسي كەڭەسى ىستەرىن ويداعىداي دامىتۋ جونىنەن ماڭىزدى مانگە يە.

  ٴماجىلىس بىلاي دەپ قارادى: حالىق ساياسي كەڭەسى جۇڭگو كوممۋنيستىك پارتياسىنىڭ باسشىلىعىنداعى ساياسي ۇيىم جانە دەموكراتيا فورماسى رەتىندە، ٴسوز جوق، تۋى ايقىن تۇردە ساياسيدى دارىپتەۋ كەرەك. ٴماجىلىس جۇڭگو كوممۋنيستىك پارتياسىنىڭ 19 - قۇرىلتايىنان بەرگى شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ تىڭ دامۋىن ۋستاۆقا جازىپ، جۇڭگو كوممۋنيستىك پارتياسىنىڭ جاپپاي باسشىلىعىنا تاباندى بولىپ، ”ٴتورت تانىمدى“ كۇشەيتۋ، ”ٴتورت سەنىمدى“ بەكەمدەۋ، ”ەكىنى قورعاۋدى“ ورىنداۋ سياقتى مازمۇنداردى قوسۋدى قۇپتادى. وسى مازمۇنداردىڭ تولىقتانۋى حالىق ساياسي كەڭەسىنە قاتىناسقان ٴارقايسى پارتيا - توپتاردىڭ، ۇيىمداردىڭ، ٴار ۇلت، ٴار سالا قايراتكەرلەرىنىڭ ورتاق ەركىن بەينەلەدى، ىنتىماقتاسا كۇرەس جۇرگىزۋدىڭ ورتاق يدەيالىق - ساياسي نەگىزىن بەكەمدەپ، جۇڭگوشا سوتسياليستىك ساياسي دامۋ جولىنا تاباندى بولىپ، حالىق ساياسي كەڭەسى ىستەرىن ۇزدىكسىز العا قاراي ىلگەرىلەتۋ جونىنەن كەلەلى مانگە يە. ٴماجىلىس حالىق ساياسي كەڭەسىندەگى ٴار دارەجەلى ۇيىمداردان جانە حالىق ساياسي كەڭەسىنە قاتىناسقان ٴارقايسى پارتيا - توپتاردان، ۇيىمداردان ٴار ۇلت، ٴار سالا قايراتكەرلەرىنەن ”ەكىنى تۇراقتاندىرۋدىڭ“ شەشۋشى ٴمانىن جەتە ٴتۇسىنىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، باس شۋجي شي جينپيڭنىڭ حالىق ساياسي كەڭەسى قىزمەتىن كۇشەيتۋ جانە ونى جاقسارتۋ جونىندەگى ماڭىزدى يدەياسىن ىشكەرىلەي دايەكتىلەندىرىپ، شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ حالىق ساياسي كەڭەسىنە باسشىلىعىن جانە حالىق ساياسي كەڭەسى قىزمەتىنە قويعان ٴتۇرلى تالاپتارىن بىرگە تياناقتاندىرۋدى تالاپ ەتتى.

  ٴماجىلىس بىلاي دەپ قارادى: جۇڭگو كوممۋنيستىك پارتياسى 20 - قۇرىلتايى جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋدى العا قويدى ٴارى وسىنى جاڭا داۋىردەگى جاڭا جورىقتا جۇڭگو كوممۋنيستىك پارتياسىنىڭ وزەكتى مىندەتى ەتىپ تۇراقتاندىردى. ٴماجىلىس ساياسي كەڭەس ۋستاۆىنا وسى نەگىزدە سايكەستى وزگەرىس ەنگىزىپ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋ، ەكىنشى 100 جىلدىق كۇرەس نىساناسىن جۇزەگە اسىرۋ جولىندا ىنتىماقتاسا كۇرەس جۇرگىزۋ سياقتى مازمۇنداردى قوسۋدى قۇپتادى. وسى مازمۇنداردىڭ تولىقتانۋى حالىق ساياسي كەڭەسىنىڭ ”بەستى ٴبىرتۇلعالاندىرۋ“ جالپى تۇلعالىق ورنالاستىرۋىمەن جانە ”ٴتورتتى جاپپاي ورىنداۋ“ ستراتەگيالىق ورنالاستىرۋىمەن تىعىز بايلانىستىرا وتىرىپ مىندەتىن وتەپ، جاۋاپكەرشىلىگىن ادا ەتىپ، پارتيا مەن مەملەكەت ىستەرىنىڭ دامۋىنا كەڭ كولەمدە زەيىن - زەردە مەن كۇش - قۋات ۇيىستىرۋىنا پايدالى.

  ٴماجىلىس بىلاي دەپ قارادى: حالىق ساياسي كەڭەسى قىزمەتىن ويداعىداي ىستەۋدە، ٴسوز جوق، حالىق ساياسي كەڭەسىنىڭ سيپاتىن، ورنىن دالمە - ٴدال يگەرىپ، حالىق ساياسي كەڭەسىنىڭ ٴتۇزىم ابزالدىلىعىن مەملەكەتتى باسقارۋدىڭ ونىمدىلىگىنە اينالدىرۋ كەرەك. جۇڭگو كوممۋنيستىك پارتياسىنىڭ 19 - قۇرىلتايىنان بەرى، شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتى حالىق ساياسي كەڭەسى قىزمەتىنە جاپپاي باسشىلىعىن اناعۇرلىم كۇشەيتىپ، حالىق ساياسي كەڭەسى قىزمەتىن كۇشەيتۋ جانە ونى جاقسارتۋ جونىندە ٴبىر قىدىرۋ جاڭا تالاپ قويىپ، ٴبىر قىدىرۋ جاڭا ورنالاستىرۋ جاساپ، جاڭا داۋىردەگى حالىق ساياسي كەڭەسى ىستەرىنىڭ دامۋىنا ٴتۇبىرلى بويسۇنۋ ولشەمىن ازىرلەدى. ٴماجىلىس ساياسي كەڭەس ۋستاۆىنا حالىق ساياسي كەڭەسى − ەلىمىزدىڭ ساياسي ومىرىندەگى سوتسياليستىك دەموكراتيانى ساۋلەلەندىرۋدىڭ، جالپى بارىستىق حالىق دەموكراتياسىن امالياتتا ايگىلەۋدىڭ ماڭىزدى فورماسى، جۇڭگو كوممۋنيستىك پارتياسى باسشىلىعىنىڭ، بىرلىكساپتىڭ، كەڭەستىك دەموكراتيانىڭ ورگانيكالى بىرلىگىنە تاباندى بولۋ، وزەكتى ارقاۋ ەتۋگە، كەلەلى جاعدايعا قىزمەت وتەۋگە تاباندى بولۋ، دەموكراتيانى ساۋلەلەندىرۋ مەن ىنتىماقتى نىعايتۋدىڭ ٴوزارا تۇتاسۋىنا، سىندارلى اقىل - كەڭەس بەرۋ مەن ورتاق تانىم ۇيىستىرۋدىڭ قوس باعىتتا كۇش سالۋىنا تاباندى بولۋ، ارناۋلى كەڭەس قۇرىلىمىندىق رولىن ساۋلەلەندىرۋ، يدەيالىق - ساياسي جەتەكشىلىكتى كۇشەيتۋدى، كەڭ كولەمدە ورتاق تانىم ۇيىستىرۋدى مىندەت وتەۋ قىزمەتى بارىسىنا ٴسىڭىرۋ سياقتى مازمۇنداردى تولىقتىرۋعا قوسىلدى. وسى مازمۇنداردىڭ تولىقتانۋى تاريحي داستۇرگە مۇراگەرلىك ەتىپ، ٴداۋىر ەرەكشەلىگىن بەينەلەدى، حالىق ساياسي كەڭەسىنىڭ نەگىزگى زاڭ، زاڭ جانە ساياسي كەڭەس ۋستاۆى بويىنشا دۇرىس ورىن تۇراقتاندىرۋ نەگىزىندە ساياسي كەڭەسۋ، دەموكراتيالىق باقىلاۋ، ۇكىمەت ىسىنە قاتىسۋ، كەڭەس بەرۋ دەڭگەيىن جوعارىلاتىپ، ورتاق تانىمدى اناعۇرلىم ويداعىداي ۇيىستىرىپ، جالپى بارىستىق حالىق دەموكراتياسىن امالياتتا ايگىلەۋ، ۇلى ىنتىماقتى، ۇلى بىرلىكتى نىعايتۋ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋ بارىسىندا بەلسەندى رول اتقارۋىنا پايدالى.

  ٴماجىلىس بىلاي دەپ قارادى: بىرلىكساپ − جۇرت تىلەگىن ۇيىستىراتىن، كۇش - قۋات توپتايتىن قۋاتتى اسىل. ٴماجىلىس ساياسي كەڭەس ۋستاۆىنا ەل ٴىشى - سىرتىنداعى جۇڭحۋا پەرزەنتتەرىنىڭ ۇلى ىنتىماعىن كۇشەيتۋ، ۇلت ماسەلەسىن شەشۋدىڭ جۇڭگوشا دۇرىس جولىمەن بۇلجىماي ٴجۇرۋ، ”وتانشىلدار شياڭگاڭدى باسقارۋ“، ”وتانشىلدار اۋمىندى باسقارۋ“ پرينسيبىن تياناقتاندىرۋ سياقتى مازمۇنداردى قوسۋدى قۇپتادى. بۇل حالىق ساياسي كەڭەسىنىڭ بىرلىكساپ ۇيىمى يقۋاتىن ساۋلەلەندىرىپ، ىنتىماقتاسا كۇرەس جۇرگىزۋدىڭ ٴداۋىر تالابىن يگەرىپ، ساياسي پارتيالار قاتىناسىنىڭ، ۇلتتار قاتىناسىنىڭ، دىندەر قاتىناسىنىڭ، جىكتەر قاتىناسىنىڭ، ەل ٴىشى - سىرتىنداعى باۋىرلاستار قاتىناسىنىڭ جاراسىمدىلىعىن بەلسەنە جەبەپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدى ونان ارى ارقاۋ ەتە وتىرىپ بىرگە ويلاۋعا، بىرگە ىستەۋگە پايدالى.

  ٴماجىلىس بىلاي دەپ قارادى: ساياسي كەڭەس مۇشەلەرى − حالىق ساياسي كەڭەسى قىزمەتىنىڭ نەگىزگى تۇلعاسى. ٴماجىلىس ساياسي كەڭەس ۋستاۆىندا مۇشەلەردىڭ ۇيرەنۋ مازمۇنىن بايىتىپ، مەملەكەت ٴۇشىن مىندەت وتەۋگە، حالىق ٴۇشىن جاۋاپكەرشىلىكتى ادا ەتۋگە تاباندى بولۋ سياقتى مازمۇنداردى قوسۋدى قۇپتادى. بۇل مىندەت وتەۋ قابىلەتى قۇرىلىسىن كۇشەيتىپ، ”ساياسي كەڭەستى ٴتۇسىنۋ، كەڭەسە ٴبىلۋ، ۇكىمەت ٴىسىن كەڭەسۋگە شەبەر بولۋ، تارتىپكە بويسۇنۋ، قاعيدانى دارىپتەۋ، احىلاق جانە مىنەز - قۇلىققا ٴمان بەرۋ“ تالابىن ويداعىداي تياناقتاندىرىپ، مۇشەلەردىڭ جاۋاپكەرشىلىك ارقالاۋىن ونان ارى كۇشەيتۋگە پايدالى.

  ٴماجىلىس حالىق ساياسي كەڭەسىندەگى ٴار دارەجەلى ۇيىمداردان، ٴارقايسى قاتىناسۋشى ورىنداردان جانە قالىڭ ساياسي كەڭەس مۇشەلەرىنەن شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، جۇڭگو كوممۋنيستىك پارتياسى 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ٴمانىن جەتە ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، سانالى تۇردە ۋستاۆتى ۇيرەنىپ، ۋستاۆقا بويسۇنىپ، ۋستاۆتى دايەكتىلەندىرىپ، ۋستاۆتى قورعاپ، قىزمەت جاۋاپكەرشىلىگىن ٴونىمدى اتقارىپ، جاپپاي سوتسياليستىك وسىزاماندانعان مەملەكەت قۇرۋعا، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە اقىل - پاراسات پەن كۇش - قۋات قوسۋدى تالاپ ەتتى!

(شينحۋا اگەنتتىگىنىڭ 3 - ايدىڭ 11 - كۇنى بەيجيڭنەن بەرگەن حابارى)