汉文 ىلە اقپارات تورابىنا حوش كەلدىڭىزدەر!
14 - كەزەكتى مەملەكەتتىك حالىق قۇرىلتايى 1 - ءماجىلىسىنىڭ ءتوراعالار القاسى 7 - جيىنىن وتكىزدى
2023-03-13 16:59:56     كورىلىم:رەت كەلۋ قاينارى:تيانشان تورى  جاۋاپتى رەداكتور:جاڭىلقان قوجا قىزى

جاۋ لىجي باسقاردى

شينحۋا اگەنتتىگىنىڭ 3 - ايدىڭ 11 - كۇنى بەيجيڭنەن بەرگەن حابارى. 14 - كەزەكتى مەملەكەتتىك حالىق قۇرىلتايى 1 - ءماجىلىسىنىڭ ءتوراعالار القاسى 3 - ايدىڭ 11 - كۇنى تۇستەن بۇرىن بەيجيڭ حالىق سارايىندا 7 - جيىنىن وتكىزدى.

ءتوراعالار القاسىنىڭ تۇراقتى ءتوراعاسى جاۋ لىجي جيىندى باسقاردى. جيىنعا قاتىناسۋعا ءتيىستى 192 ادام، قاتىناسقانى 190 ادام، 2 ادام قاتىناسا المادى، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.

«جۇڭحۋا حالىق رەسپۋبليكاسىنىڭ نەگىزگى زاڭىنىڭ» 62 - تارماعىنداعى بەلگىلەمەگە ساي، مەملەكەتتىك كەڭەستىڭ زۇڭليى لي چياڭ ماجىلىسكە مەملەكەتتىك كەڭەستىڭ ورىنباسار زۇڭليلەرى، مەملەكەتتىك كەڭەستىڭ مۇشەلەرى، مينيسترلىكتەردىڭ مينيسترلەرى، كوميتەتتەردىڭ مەڭگەرۋشىلەرى، جۇڭگو حالىق بانكەسىنىڭ باستىعى، قازىنالىق باقىلاۋ مەكەمەسىنىڭ باستىعى، باس حاتشىسى كانديداتتارىن كورسەتىپ، ءماجىلىستىڭ تاعايىنداۋدى ۇيعارۋىنا ۇسىندى.

ءتوراعالار القاسىنىڭ جيىنى داۋىسقا سالۋ ارقىلى لي چياڭ كورسەتكەن جوعارىداعى مەملەكەتتىك كەڭەستىڭ وزگە قۇرامىنداعىلاردىڭ كانديداتتارىن ۋاكىلدەر ۇيىرمەلەرىنىڭ اقىلداسۋىنا ۇسىنۋدى ۇيعاردى.

14 - كەزەكتى مەملەكەتتىك حالىق قۇرىلتايى 10 ارناۋلى كوميتەت قۇردى. مۇندا نەگىزگى زاڭ جانە زاڭدار كوميتەتىنىڭ، قازىنا - ەكونوميكا كوميتەتىنىڭ قۇرامىنداعىلاردىڭ ەسىمدىگى 3 - ايدىڭ 5 - كۇنى داۋىسقا سالىنىپ ماقۇلدانعان. 3 - ايدىڭ 9 - كۇنى جۇڭگو كوممۋنيستىك پارتياسى ورتالىق كوميتەتى ءماجىلىستىڭ ءتوراعالار القاسىنا وزگە 8 ارناۋلى كوميتەتتىڭ ۇسىنىستىق كانديداتتارىنىڭ ەسىمدىگىن ۇسىندى.

ءتوراعالار القاسىنىڭ جيىنى جەكە - جەكە داۋىسقا سالۋ ارقىلى 14 - كەزەكتى مەملەكەتتىك حالىق قۇرىلتايى ۇلت ىستەرى كوميتەتىنىڭ، باقىلاۋ - تەكسەرۋ جانە ءادىليا كوميتەتىنىڭ، وقۋ - اعارتۋ، عىلىم، مادەنيەت، دەنساۋلىق ساقتاۋ كوميتەتىنىڭ، سىرتقى ىستەر كوميتەتىنىڭ، حۋاچياۋلار كوميتەتىنىڭ، قورشاعان ورتا جانە بايلىقتى قورعاۋ كوميتەتىنىڭ، اۋىل شارۋاشىلىعى جانە اۋىل - قىستاق كوميتەتىنىڭ، قوعامدىق قۇرىلىس كوميتەتىنىڭ مەڭگەرۋشى مۇشەسىنىڭ، ورىنباسار مەڭگەرۋشى مۇشەلەرىنىڭ، مۇشەلەرىنىڭ كانديداتتارىن ءتوراعالار القاسى كورسەتكەن كانديداتتار رەتىندە، ۋاكىلدەر ۇيىرمەلەرىنىڭ اقىلداسۋىنا ۇسىنۋدى ۇيعاردى.

ءتوراعالار القاسىنىڭ تۇراقتى ءتوراعالارى لي گانجيە، لي حۇڭجۇڭ، ۋاڭ دۇڭميڭ، شياۋ جيە، جىڭ جيانباڭ، ديڭ جۇڭلي، حاۋ ميڭجين، ساي دافىڭ، حى ۋي، ۋ ۋيحۋا جيىنعا قاتىناستى.