汉文 ىلە اقپارات تورابىنا حوش كەلدىڭىزدەر!
”ادامزات قوعامىنىڭ بارلىق گۇل شەشەك اتقان وسىزاماندانۋ جاڭا كەلبەتىن بىرگە كەسكىندەيىك“
2023-03-18 18:09:27     كورىلىم:رەت كەلۋ قاينارى:تيانشان تورى  جاۋاپتى رەداكتور:جاڭىلقان قوجا قىزى

 ”ادامزات قوعامىنىڭ بارلىق گۇل شەشەك اتقان وسىزاماندانۋ جاڭا كەلبەتىن بىرگە كەسكىندەيىك“

  − باس شۋجي شي جينپيڭنىڭ جۇڭگو كوممۋنيستىك پارتياسى مەن دۇنيە ءجۇزى ساياسي پارتيالارىنىڭ جوعارى جىكتەگىلەر كەڭەسىنە قاتىناسقاندىعى ءارى ارقاۋ ءسوز سويلەگەندىگى جونىندە ەستەلىك

شينحۋا اگەنتتىگىنىڭ تىلشىلەرى ياڭ يجۇن، ۋاڭ بين

3 - ايداعى بەيجيڭ، كۇللى تىرشىلىك جاندانىپ، جارقىراپ جايناي ءتۇستى.

دياۋيۇيتاي مەملەكەتتىك قوناق ءۇيىنىڭ فاڭحۋايۋانىندا جۇڭگو كوممۋنيستىك پارتياسىنىڭ نارت قىزىل پارتيا تۋى مەن جۇڭحۋا حالىق رەسپۋبليكاسىنىڭ مەملەكەت تۋى ايرىقشا كوز تارتادى.

3 - ايدىڭ 15 - كۇنى كەشتە جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ وسى ارادا جۇڭگو كوممۋنيستىك پارتياسى مەن دۇنيە ءجۇزى ساياسي پارتيالارىنىڭ جوعارى جىكتەگىلەر كەڭەسىنە قاتىناسىپ ءارى ارقاۋ ءسوز سويلەپ، بۇكىل جەر شارىنداعى 150 نەشە مەملەكەتتىڭ 500دەن استام ساياسي پارتياسىنىڭ جانە ساياسي ۇيىمىنىڭ باسشىلارىمەن ”بۇلتتا“ باس قوستى.

بۇل − پارتيا 20 - قۇرىلتايى مەن 2023 - جىلعى مەملەكەتتىك ەكى ءماجىلىس جەڭىسپەن جابىلعاننان كەيىن، ءبىز وتكىزگەن كەلەلى كوپ جاقتى ديپلوماتيا قيمىلعا باس شۋجي شي جينپيڭنىڭ تۇڭعىش رەت قاتىناسۋى. سان ميلليونداعان حالىقتى ىنتىماقتاستىرىپ جانە باستاپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاعان 100 جىلدىق ءىرى پارتيا دۇنيە جۇزىندەگى ساياسي پارتيالارمەن دوستىق بارىس - كەلىس، سەلبەستىك جاساسۋدىڭ تىڭ پاراعىن اشتى.

ساعات 20 مولشەرىندە، باس شۋجي شي جينپيڭ كوڭىلدى بەينەدە جينالىس الاڭىنا كىردى.

”وسىزامانداندىرۋ جولى: ساياسي پارتيانىڭ جاۋاپكەرشىلىگى“ − وسى رەتكى كەڭەستىڭ نەگىزگى تاقىرىبى بولىپ، ءار ەل ساياسي پارتيالارىنىڭ ءوز ەلىنىڭ وسىزامانداندىرۋدى جۇزەگە اسىرۋىن ىلگەرىلەتۋ ورتاق ارمانىن بەينەلەپ، حالىقارالىق قوعامنىڭ جۇڭگو كوممۋنيستىك پارتياسىنىڭ جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋىنە قاداعالاي نازار اۋداراتىندىعىن جەتكىزدى.

باس شۋجي شي جينپيڭ «وسىزامانداندىرۋ جولىمەن قول ۇستاسا بىرگە جۇرەيىك» اتىندا ارقاۋ ءسوز سويلەدى.

شىنايى دا ىقىلاستى ءسوز، كۇشتى دە پارمەندى ءۇن ينتەرنەت ارقىلى شار تاراپقا تاراپ، كەڭ كولەمدى ۇندەستىك تۋدىردى −

”حالىق − تاريحتى جاراتۋشى، وسىزامانداندىرۋدى ىلگەرىلەتۋدەگى ەڭ بەرىك نەگىز، ەڭ مىعىم كۇش. وسىزامانداندىرۋدىڭ ەڭ سوڭعى نىساناسى − ادامنىڭ ەركىندىگىن، جاپپاي دامۋىن جۇزەگە اسىرۋ“؛

”وسىزامانداندىرۋ از ساندى ەلدەردىڭ ’مەنشىكتى بۇيىمى‘ ەمەس، ءيا اناۋ، ءيا مىناۋ دەيتىن ’جالعىز جاۋابىن تاڭداۋ سۇراۋى‘ دا ەمەس“؛

”ءارقانداي ەل وسىزامانداندىرۋعا تالپىنعاندا، ىنتىماقتاسا سەلبەستىك جاساسۋ، بىرگە دامۋ ۇستانىمىنا تاباندى بولۋ، بىرگە قۇرۋ، بىرگە يگىلىكتەنۋ، بىرگە كەنەلۋ جولىمەن ءجۇرۋ كەرەك“؛

”وسىزامانداندىرۋ اسپاننان تۇسپەيدى، قايتا تاريحي ىرىقتىلىق رۋحىن ساۋلەلەندىرىپ ىستەۋدەن كەلەدى“؛

...

وسىزامانداندىرۋ − ءار ەل حالقىنىڭ ورتاق ارمانى. تاريحي جاعدايعا قايىرىلا قاراساق، باتىستاعى الپاۋىتتار سىرتقا ىرگە كەڭەيتىپ تالان - تاراجىلىق ىستەۋگە بايلانىستى وسىزامانداندىرۋ جولىنا الدىمەن قادام تاستاعاندا، قالىڭ وركەندەپ كەلە جاتقان ەلدەر وسىزامانداندىرۋ جولىندا ماشاقاتتى ىزدەنىس جاساپ، تالاي ساتسىزدىككە جولىققاندا، ”وسىزامانداندىرۋ = باتىستاندىرۋ“ دەگەن تەرىس وي ءبىر مەزگىل بۇكىل الەمدى تورلادى.

عالامات وزگەرىسكە سۇيىنەمىز. بۇگىن جۇڭگو كوممۋنيستىك پارتياسى جۇڭگو حالقىن باستاپ، جۇڭگو ۇلگىسىندەگى وسىزامانداندىرۋدى ءساتتى ىلگەرىلەتىپ ءارى كەڭەيتىپ، باتىستىڭ وسىزامانداندىرۋ ۇلگىسىنەن وزگەشە جاڭا بەينەنى ايگىلەپ، دۇنيە ءجۇزىنىڭ وسىزامانداندىرۋ كارتاسىن تەرەڭدەي جاڭالاپ، وركەندەپ كەلە جاتقان ەلدەردىڭ وسىزاماندانۋعا بەت الۋىنا قىمباتتى تاجىريبە، وي، شىت جاڭا جول تالعامىن ازىرلەدى.

وسى رەتكى جوعارى جىكتەگىلەر كەڭەسىندە كەڭەسكە قاتىناسقان شەتەل ساياسي پارتيالارىنىڭ باسشىلارى مەن ۋاكىلدەرىنىڭ سانى ەڭ العاشىندا ۇسىنىس ەتىلگەن ادام سانىنان الدەقايدا اسىپ كەتتى. تاراپتاردىڭ ءبارى مىناعان ايرىقشا كوڭىل ءبولدى: جۇڭگو ۇلگىسىندەگى وسىزامانداندىرۋ ءبىر ءتۇرلى شىت جاڭا ادامزات وركەنيەتىنىڭ فورماتسياسى رەتىندە دۇنيە جۇزىنە نەلەردى اكەلەدى؟

ءار ەل ساياسي پارتيالارى دوستارىنىڭ الدىندا، باس شۋجي شي جينپيڭ كوسىلە سويلەپ تەرەڭدەي بايىمدادى −

جۇڭگو ۇلگىسىندەگى وسىزامانداندىرۋ ”ءبىزدىڭ مەملەكەتتى قۇدىرەتتەندىرۋ قۇرىلىسىمىزدىڭ، ۇلتتى گۇلدەندىرۋىمىزدىڭ داڭعىل جولى ءارى جۇڭگونىڭ ادامزاتتىڭ العا باسۋىن، دۇنيە ءجۇزىنىڭ ۇلى بىرلىگىن قاراستىرۋدا، ءسوزسىز، باسىپ وتەتىن جولى“؛

”جۇڭگونىڭ وسىزاماندانعان كاسىپ سالاسى جۇيەسى قۇرىلىسىنىڭ ىلگەرىلەتىلۋىنە ىلەسە، ءبىز دۇنيە جۇزىنە اناعۇرلىم كوپ، اناعۇرلىم جاقسى جۇڭگو جاساۋىن جانە جۇڭگو جاسامپازدىعىن ازىرلەپ، دۇنيە جۇزىنە اناعۇرلىم كەڭ كولەمدى جۇڭگو بازارىن جانە جۇڭگو سۇرانىسىن ازىرلەيمىز“؛

”جۇڭگو ۇلگىسىندەگى وسىزامانداندىرۋ وتارلىق تاران - تاراجىلاۋدىڭ كونە جولىمەن جۇرمەيدى، وزگە ەلدەردىڭ قۇدىرەتتەنگەندە زورەكەر بولاتىن تەرىس جولىمەن جۇرمەيدى، بەيبىت دامۋ سىندى دۇنيەنىڭ دۇرىس جولىمەن جۇرەدى“؛

”جۇڭگو ۇلگىسىندەگى وسىزامانداندىرۋ ادامزات وركەنيەتىنىڭ جاڭا فورماتسياسى رەتىندە، الەمدەگى باسقا دا وركەنيەتتەرمەن ءوزارا ۇلگى الاتىن بولسا، دۇنيە ءجۇزى وركەنيەتىنىڭ گۇلزارىن ايرىقشا بايىتاتىندىعى ءشۇباسىز“؛

...

فاڭحۋايۋانداعى الىپ ەكراندا بۇكىل جەر شارىنىڭ جەر - جەرىندەگى جينالىس الاڭدارىنىڭ سۋرەتى ءدال ۋاقىتىندا كورسەتىلىپ تۇردى. ازيادان، افريكادان تارتىپ، ەۆروپاعا، امەريكاعا، وكەانياعا دەيىن... ءار ەل ساياسي پارتيالارى باسشىلارى، سونداي - اق ۋاكىلدەرى زەيىن - زەردەسىن شوعىرلاندىرىپ، دەن قويا تىڭدادى، كەيبىرەۋلەرى مۇقيات ەستەلىك الدى، كەيبىرەۋلەرى قايتا - قايتا باستارىن يزەپ قۇپتايتىندىقتارىن ءبىلدىردى.

تاريحتىڭ سالقار كوشى قۇلاشىن كەڭ جايعان. ادامزاتتىڭ وسىزاماندانۋعا تالپىنۋ تاريحى تۇرلىشە وركەنيەتتەردىڭ اۋىس - كۇيىس، ءوزارا ۇلگى الۋ بارىسىندا ەسكىنى جاڭالاۋ تاريحى بولىپ تا تابىلادى. دۇنيە جۇزىندە 100 جىلدا بولماعان زور وزگەرىس جەدەل قۇبىلعان جىلداردا وسىزامانداندىرۋ ارمانىنا تالپىنۋ وركەنيەتكە دەگەن سەنىم، وركەنيەتتى قاستەرلەۋ، وركەنيەتكە تاباندى بولۋ جونىنەن ايرىقشا ماڭىزدى بولماق.

ادامزات وركەنيەتىنىڭ وتكەنىنە، قازىرگىسىنە جانە بولاشاعىنا دەگەن كەڭ ويلاممەن باس شۋجي شي جينپيڭ بۇكىل جەر شارىنداعى ساياسي پارتيالارعا مەڭزەس، الەمدىك وركەنيەت باستاماسىن بايىپتىلىقپەن العا قويدى −

”ءبىز دۇنيە ءجۇزى وركەنيەتىنىڭ الۋان تۇرلىلىگىنە قۇرمەت ەتۋدى بىرگە دارىپتەۋىمىز كەرەك“؛

”ءبىز بۇكىل ادامزاتقا ورتاق قۇندىلىقتى اسقاقتاتۋدى بىرگە دارىپتەۋىمىز كەرەك“؛

”ءبىز وركەنيەتتى جالعاستىرۋعا جانە وندا جاڭالىق اشۋعا باسا ءمان بەرۋدى بىرگە دارىپتەۋىمىز كەرەك“؛

”ءبىز حالىقارالىق گۋمانيتارلىق اۋىس - كۇيىستى، سەلبەستىكتى كۇشەيتۋدى بىرگە دارىپتەۋىمىز كەرەك“.

بۇل − دۇنيە جۇزىنە تەرەڭ سۇيىسپەنشىلىگى، وركەنيەت سۇيىسپەنشىلىگى بار ءىرى پارتيا، ءىرى ەل باسشىسىنىڭ ادامزات وركەنيەتىنىڭ العا باسۋى ىستەرىن ىلگەرىلەتۋگە قوسقان جۇڭگو اقىل - پاراساتى، جۇڭگو جوباسى.

پارتيا 18 - قۇرىلتايىنان بەرى، بىرلەسكەن مەملەكەتتەر ۇيىمى وقۋ - اعارتۋ، عىلىم، مادەنيەت ۇيىمىنىڭ باس شتابىنا ساپارلاي بارۋدان تارتىپ، ازيا وركەنيەتتەر تىلدەسۋى جينالىسىن وتكىزۋدى ءوزى دارىپتەگەنگە دەيىن؛ ساپارعا شىققاندا ”ەڭ ۇناتاتىن ءىسى بەس قۇرلىقتىڭ تۇرلىشە وركەنيەتىن ءتۇسىنۋ ەكەندىگىنەن“ تارتىپ، ادامزات ءدوپ كەلگەن كورنەكتى قايشىلىقتار مەن ماسەلەلەردى شەشۋ ”رۋحاني كۇشكە سۇيەنىپ شىنايى، تۋراشىل بولۋدى قاجەت ەتەتىندىگىن“ باسا دارىپتەگەنگە دەيىن... باس شۋجي شي جينپيڭ ءبارىن ءوزى ىستەپ، تەرەزەسى تەڭ، ءوزارا ۇلگى الاتىن، تىلدەسەتىن، سيىسىمدى وركەنيەت كوزقاراسىن دارىپتەپ، تاراپتاردىڭ وركەنيەت اۋىس - كۇيىس ارقىلى وركەنيەت كىربەڭدىگىن، وركەنيەتتىڭ ءبىر - بىرىنەن ۇلگى الۋى ارقىلى وركەنيەتتەر ارا قاقتىعىستى، وركەنيەتتەردىڭ سيىسىمدىلىعى ارقىلى وركەنيەت مەنمەندىگىن جويىپ، دۇنيە ءجۇزى وركەنيەتىنىڭ گۇلزارىن بىرگە گۇلدەندىرۋىن ىلگەرىلەتتى.

تىڭداڭىزدارشى، بۇل دۇنيە جۇزىندەگى تۇرلىشە ءوڭىر ساياسي پارتيالارىنىڭ ءۇن قوسۋى −

”باس شۋجي شي جينپيڭنىڭ ەندى عانا جابىلعان مەملەكەتتىك حالىق قۇرىلتايى ماجىلىسىندە تولىق داۋىسپەن جۇڭگونىڭ مەملەكەت ءتوراعاسى بولىپ سايلانعاندىعىن قۇتتىقتايمىن، ءبىز جۇڭگو جاقپەن ءارقايسى سالاداعى سەلبەستىكتى كۇشەيتە بەرۋدى ءۇمىت ەتەمىز“، - دەدى افريكادا وڭتۇستىك افريكا افريكالىقتار حالىقتىق كەڭەسىنىڭ ءتوراعاسى، زۇڭتۇڭ رامافوسا سوزىندە.

”باس شۋجي شي جينپيڭنىڭ باسشىلىعىندا، جۇڭگونىڭ ءوز ەلىنىڭ ەرەكشەلىگىنە يە سوتسياليستىك وسىزاماندانعان مەملەكەت قۇرۋ جولىندا ۇزدىكسىز العا ىلگەرىلەپ، اناعۇرلىم زور دامۋ تابىستارىنا قول جەتكىزەتىندىگىنە سەنەمىن“، - دەدى لاتىن امەريكاسىندا ۆەنەسۋەلا بىرلىككە كەلگەن سوتسياليستىك پارتياسىنىڭ ءتوراعاسى، زۇڭتۇڭ مادۋرو.

”دۇنيە ءجۇزى بۇرىن بولماعان سىن - سايىستارعا ءدوپ كەلدى، وزگەشە باتىلدىقپەن ماسەلەلەردى شەشۋدى قاراستىراتىن كورەگەندىكتى شۇعىل قاجەت ەتىپ وتىر، ءسىزدىڭ ەلدەن ەرەك باسشىلىق قابىلەتىڭىز بۇرىنعى ءارقانداي كەزدەگىدەن دە ماڭىزدى“، - دەدى ەۆروپادا سەربيا العا پارتياسىنىڭ ءتوراعاسى، زۇڭتۇڭ ۆۋچيچ.

”ادامزات كوپتەگەن سىناقتارعا ءدوپ كەلگەن ساتتە، باس شۋجي شي جينپيڭ الەمدىك دامۋ باستاماسى، الەمدىك حاۋىپسىزدىك باستاماسى، الەمدىك وركەنيەت باستاماسى سياقتى حالىقارالىق، وڭىرلىك بەيبىتشىلىك سەلبەستىگى باستامالارىن العا قويدى، موڭعۇليا جاق مۇنى قولدايتىندىعىن بىلدىرەدى“، - دەدى ازيادا موڭعۇليا حالىق پارتياسىنىڭ ءتوراعاسى، موڭعۇليانىڭ ۇكىمەت زۇڭليى ويون ەردەن.

...

وسى قۇتتىقتاۋلار، القاۋلار، ۇمىتتەر جاڭا ءداۋىردىڭ جاڭا جورىعىنداعى جۇڭگو كوممۋنيستىك پارتياسىنىڭ جول باستاۋشىسىنا، جۇڭگو اتتى الىپ كەمەنىڭ رول ۇستاۋشىسىنا قۇرمەت ءبىلدىرىپ، جۇڭگو كوممۋنيستىك پارتياسىنىڭ ءار ەل ساياسي پارتيالارىمەن وسىزامانداندىرۋ جولىمەن قول ۇستاسا بىرگە ءجۇرۋ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ سىندى كەڭ پەيىلىن القادى.

ون مىڭ شاقىرىم جول باسسا دا اۋەلگى ماقساتىن ۇمىتپادى. تاعدىرلاس بولىپ، داڭعىل جولدا بىرگە ءجۇردى.

تاريح ەسىمىزدەن ەش كوتەرىلگەن ەمەس − 10 جىلدىڭ الدىنداعى 2013 - جىلى 3 - ايدا، شي جينپيڭ جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى مىندەتىن ارقالاعاننان كەيىن تۇڭعىش رەت ساپارعا شىققاندا، دۇنيە ءجۇزىن بەتكە الىپ، ادامزاتتىڭ تاعدىرلاس ورتاق تۇلعاسى ۇستانىمىن بايىمدادى.

ءداۋىر جاۋاپكەرشىلىك ارقالاۋعا ۇندەيدى − دۇنيە ءجۇزى جاڭا اۋمالى - توكپەلى وزگەرىس مەزگىلىنە قادام تاستاعاندا، باس شۋجي شي جينپيڭ الەمدىك دامۋ باستاماسىن، الەمدىك حاۋىپسىزدىك باستاماسىن، الەمدىك وركەنيەت باستاماسىن ىلگەرىندى - كەيىندى العا قويىپ، جاڭا جاعدايدا ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە العا باسۋ بەتالىسىن كورسەتىپ، رەال جولىن ايقىندادى.

”ادامزات قوعامىنىڭ وسىزامانداندىرۋ جورىعىندا ساتسىزدىككە جولىعۋدان ساقتانۋ قيىن، الايدا بولاشاعى، ءسوز جوق، جارقىن بولادى. جۇڭگو كوممۋنيستىك پارتياسى ءار جاقپەن بىرگە قۇلشىنىپ، وزىندىك ەرەكشەلىككە يە وسىزامانداندىرۋ ىستەرىن دۇنيە ءجۇزىنىڭ گۇلدەنۋىن، العا باسۋىن ىلگەرىلەتەتىن ءداۋىر اعىمىنا اينالدىرىپ، تاريحتىڭ سالقار كوشىندە جوڭكىلە العا ىلگەرىلەۋدى، تىنباي دامۋدى قالايدى“! باتىل دا پارمەندى ءسوز ادامدار ساناسىندا كوپكە دەيىن جاڭعىرىپ تۇردى.

فاڭحۋايۋاننىڭ سىرتىندا اسپاندا جۇلدىزدار جامىراپ، كوكتەم سامالى ەسەدى.

(شينحۋا اگەنتتىگىنىڭ 3 - ايدىڭ 16 - كۇنى بەيجيڭنەن بەرگەن حابارى)