انار بۇلت \ شينجياڭ گازەتىنىڭ ءتىلشىسى ما ينيڭ 3 - ايدىڭ 28 - كۇنى شاڭحايدان حابارلايدى. 3 - ايدىڭ 28 - كۇنى تۇڭعىش كەزەكتى شينجياڭ توقىماشىلىق، كيىم - كەشەك كاسىپ سالاسىنىڭ ساۋداگەر شاقىرىپ قارجى ەنگىزۋ جونىندەگى تانىستىرۋ ءماجىلىسى شاڭحايدا وتكىزىلدى، 10 كاسىپورىن جەكە - جەكە اقسۋ ايماعىمەن، بايىنعولين موڭعۇل اۆتونوميالى وبلىسىمەن، سانجى حۇيزۋ اۆتونوميالى وبلىسىمەن قارجى قوسۋ نيەتتىك كەلىسىمىن جاساستى، جالپى قوسىلاتىن قارجى 18 ميلليارد 500 ميلليون يۋانعا جەتتى.

تانىستىرۋ ماجىلىسىندە جيحۋا توبى جارنا شەكتى سەرىكتەستىگى اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىمەن ستراتەگيالىق سەلبەستىك جۇلگەلىك كەلىسىمىن جاساسىپ، ءوز باسىمدىقتارىن تولىق ساۋلەلەندىرىپ، توقىماشىلىق، كەزدەمە توقۋ، گۇل باسۋ - بوياۋ، كيىم - كەشەك، شۇعىل جاعدايعا توتەپ بەرۋ، ارميا، ساقشى قاجەتىن قامتاماسىز ەتۋ، جاڭا ماتەريالداردى زەرتتەۋ - اشۋ، جابدىق جاساۋ، وسى زامانعى قىزمەت وتەۋ كاسىبى سياقتى سالالارداعى سەلبەستىكتى كۇشەيتتى.

وسى رەت قول قويىلعان نىساندار قوماقتى قارجى ەنگىزۋدى، قۋاتتى ساۋداگەر شاقىرۋدى، ساپالىلارىن باۋراۋدى تياناق ەتىپ، تىزبەكتى كۇشەيتىپ، تىزبەكتى ۇزارتىپ، تىزبەكتى تولىقتاپ، شينجياڭ توقىماشىلىق، كيىم - كەشەك كاسىپ سالاسىنىڭ دامۋىنا جاڭا قوزعاۋشى قۋات سيلادى. مۇندا گۋاڭجوۋ جىجيڭ ينفورماتسيا عىلىم - تەحنيكا شەكتى سەرىكتەستىگى، حاڭجوۋ سايشى جارناسى مەڭگەرىلگەن توپ شەكتى سەرىكتەستىگى، نانتۇڭ حاييۇي حيميالىق تالشىق شەكتى سەرىكتەستىگى جەكە - جەكە اقسۋ توقىماشىلىق ونەركاسىپ بازارىمەن (اشۋ رايونى) ءجىپ ءيىرۋ، سۋ بۇركىپ توقۋ ماشيناسى، گۇل باسۋ - بوياۋ جانە ءۇي توقىمالارى نىساندارىنا قول قويدى، قول قويىلعان كەلىسىم جالپى سوماسى 13 ميلليارد يۋانعا جەتتى.

قازىر شينجياڭ ماقتا توقىماشىلىق كاسىبىنىڭ كولەمى مەن تەحنيكالىق دەڭگەيى ەل ىشىندە الدىڭعى قاتاردا تۇرادى. توقىپ شىعارۋ، گۇل باسۋ - بوياۋ، كيىم - كەشەك، ءۇي توقىمالارى، ءبىز توقىماشىلىعى كاسىبىنىڭ العاشقى ادىمدا كولەم قالىپتاستىرىپ، كاسىپ سالاسىنىڭ ويىسۋىن قابىلداۋ اياق الىسى كورنەكتى تەزدەپ، كاسىپ سالاسىنىڭ قۇرىلىمى ساپالىلانىپ، شوعىرلانىپ دامۋ ونىمدىلىگى بىرتىندەپ ايگىلەنىپ، ەلىمىزدەگى ەڭ ماڭىزدى ماقتا توقىماشىلىق ءوندىرىس بازاسىنا، قويمالجىڭ جەلىمدى تالشىق ءوندىرىس بازاسىنا جانە باتىس سولتۇستىك وڭىردەگى باستى كيىم - كەشەك مانەرلەۋ بازاسىنا اينالدى.

بيىل رايونىمىز ماقتا جانە توقىماشىلىق، كيىم - كەشەك كاسىپ سالاسى شوعىرىن قۇرۋدى جەدەلدەتىپ، ماقتا جانە توقىماشىلىق، كيىم - كەشەك كاسىپ سالاسىنىڭ دامۋ اياسىن ۇزدىكسىز كەڭەيتتى؛ حيميالىق تالشىقتى توقىماشىلىقتى ءبىر تۇلعالاندىرا دامىتۋدى قولداپ، حيميالىق تالشىق، گۇل باسۋ - بوياۋ، كيىم - كەشەك، ءۇي توقىمالارى، ءبىز توقىماشىلىعى جانە جوبالاۋ سياقتى كاسىپ سالاسى تىزبەگىنىڭ ولقىلىقتارىن كۇش سالا تولىقتاپ، ءبىر توپ ءتۇيىندى نىسان قۇرىلىسىن ىلگەرىلەتىپ، ەرتەرەك وندىرىسكە قوسىلۋىن، ەرتەرەك ونىمدىلىككە قول جەتكىزۋىن كۇش سالا جەبەدى.