ۋاڭ چۋان:

　　الىس جولدا اۋىر مىندەت ارقالاپ، سان مىڭداعان وتباسىن ەلەكترمەن ويداعىداي قامدادى

　　− جۇندۇڭ اشۋ رايونىنداعى جاستار②

　　انار بۇلت \ شينجياڭ گازەتىنىڭ ءتىلشىسى شى شين

شينجياڭنىڭ ەلەكترىن سىرتقا جەتكىزۋدىڭ بەلگى سيپاتتى ينجەنەرياسى سانجى − گۋچۋان 1100± كيلوۆولتتىق ەرەكشە جوعارى كەرنەۋلى تۇراقتى توك جەتكىزۋ ينجەنەرياسىنىڭ ىسكە قوسىلۋىنا كۋا بولدى؛ حۋادۇڭ وڭىرىندە توك تاپشى بولعان شەشۋشى مەزگىلدە سانجى − گۋچۋان تۇراقتى توك قۋاتىن ارتتىرۋدى قامتاماسىز ەتۋ قىزمەتىن جوعارى ساپامەن ورىندادى؛ توكتەن پايدالانۋدىڭ جازعى قاۋىرت مەزگىلىندە، توكتەن پايدالانۋدىڭ قىسقى قاۋىرت مەزگىلىندە توكتىڭ جەتكىلىكتى بولۋىن قامتاماسىز ەتتى... قىزمەت ىستەگەنىنە 10 جىلعا تولا قويماعانىمەن، ۋاڭ چۋان وسى كەشىرمەلەرىن ايرىقشا ماقتانىش ەتەدى.

ۋاڭ چۋان مەملەكەت ەلەكتر تورى شينجياڭ اسقىن جوعارى كەرنەۋلى بولىمشە سەرىكتەستىگى 1100± كيلوۆولتتىق سانجى توك اۋىستىرۋ پۋنكتىنىڭ تۇراقتى توك جەتكىزۋ جۇمىسىن تەكسەرۋ تەحنيكاسىنا ارناۋلى جاۋاپتى قىزمەتكەرى. 2014 - جىلى شۇيچاڭ شۋەيۋانىنىڭ ەلەكتر ينجەنەرياسى جانە ونى اۆتوماتتاندىرۋ ماماندىعىنان وقۋ تاۋىسقان.

2017 - جىلى سانجى توك اۋىستىرۋ پۋنكتى ءالى ينجەنەريالىق قۇرىلىس مەزگىلىندە بولاتىن، 27 جاستاعى ۋاڭ چۋان توك اۋىستىرۋ پۋنكتى تۇرعان شينجياڭ جۇندۇڭ ەكونوميكالىق - تەحنيكالىق اشۋ رايونىنا كەلىپ قىزمەت ىستەيدى.

3 - ايدىڭ 21 - كۇنى ۋاڭ چۋان ەلەكترود 1 وزىق كلاپان تىزبەگىن تەكسەرىپ - جوندەۋدىڭ حاۋىپ - قاتەرلەردى مەجەلەۋ - تىزگىندەۋ كارتچكاسى، جۇمىس باسىندا بارلاۋ - تەكسەرۋ، تيەكتى مەڭگەرۋ جوباسى سياقتىلاردى قامتىعان دايىندىق قىزمەتتەرىن ىستەپ جاتتى.”بۇل وسى اپتاعى ءتۇيىندى قىزمەت. مەن نەگىزىنەن تيەكتى مەڭگەرۋگە جانە جابدىقتاردىڭ جۇمىس اينالىمى، كۇتىمدەۋ ىستەرىن باسقارۋعا جاۋاپتىمىن، جابدىقتاردىڭ حاۋىپسىز، ورنىقتى جۇمىس جۇرگىزۋىن قامتاماسىز ەتەمىن“، - دەدى ۋاڭ چۋان.

سانجى توك اۋىستىرۋ پۋنكتى سانجى − گۋچۋان تۇراقتى توك جەتكىزۋ تەرمينال پۋنكتى كەزەكتە دۇنيە ءجۇزى بويىنشا ەلەكتر كەرنەۋى دارەجەسى ەڭ جوعارى، توك جەتكىزۋ سيىمدىلىعى ەڭ زور، توك جەتكىزۋ ارالىعى ەڭ ۇزاق، تەحنيكالىق دەڭگەيى ەڭ وزىق ەرەكشە جوعارى كەرنەۋلى تۇراقتى توك جەتكىزۋ ينجەنەرياسى.

”جۇندۇڭعا العاش كەلگەندە ۇنەمى 2 − 3 اي قۇرىلىس ورنىندا تۇراتىنبىز، قۇلازىعان جاپان ءتۇز، بوران كۇشتى، توك اۋىستىرۋ پۋنكتىنىڭ جوقتان بار بولعانىن، ودان قازىر سانجى − گۋچۋان تۇراقتى توك جەتكىزۋ ينجەنەرياسىنىڭ 1200 نەشە كۇن حاۋىپسىز، ورنىقتى جۇمىس جۇرگىزگەنىن، سىرتقا جەتكىزگەن ەلەكتر مولشەرىنىڭ جيىنى 200 نەشە ميلليارد كيلوۆات ساعاتقا جەتكەنىن كورىپ ەرەكشە تەبىرەنەمىن. حۋادۇڭ وڭىرىندەگى سان مىڭداعان وتباسىنىڭ ەلەكترىن ءبىزدىڭ سانجى توك اۋىستىرۋ پۋنكتى ءۇن - ءتۇنسىز قورعاپ كەلەدى جانە وعان تىرەك بولىپ كەلەدى“، - دەدى ۋاڭ چۋان.

”جاسى ۇلكەن بولماعانىمەن، بىراق تەحنيكاسى ەلدەن ەرەك. بويى بيىك بولماعانىمەن، اۋىر جۇكتەردى باتىلدىقپەن ارقالاي الادى“. مىنە، بۇل قىزمەتتەستەرىنىڭ ۋاڭ چۋانعا بەرگەن جالپىلىق باعاسى. سانجى توك اۋىستىرۋ پۋنكتىندە قىزمەت ىستەگەن وسى 6 جىلدا ۋاڭ چۋان ىلگەرىندى - كەيىندى بەلگىلەنگەن فازادا تيەكتى بەكىتىپ ايىرعىشتى جاڭالاۋ، مەملەكەت ەلەكتر تورى ەنەرگياسى شينجياڭ جۇندۇڭ كومىر ەلەكتر شەكتى سەرىكتەستىگىنىڭ 2 × 660 مىڭ كيلوۆاتتىق ەلەكتر ستانسياسى مەن شينجياڭ لۋ - ان شيەشين جۇندۇڭ ەنەرگيا شەكتى سەرىكتەستىگىنىڭ جەلى سىمىن جالعاۋ جانە 2022 - جىلعى جالپىلىق تەكسەرۋ - جوندەۋ قاتارلى قىزمەتتەردى تابىسپەن ورىندادى.

مۇنىڭ ىشىندە 2022 - جىلى سانجى − گۋچۋان تۇراقتى توك جەتكىزۋ قۋاتىن 11 ميلليون كيلوۆاتقا ارتتىرۋ ۋاڭ چۋاننىڭ جادىندا تەرەڭ ساقتالدى. ول بىلاي دەدى: سانجى توك اۋىستىرۋ پۋنكتىنىڭ تۇڭعىش رەت قولدانىلعان ءىرى تەحنيكالىق جابدىقتارى كوپ، قۋاتى ارتتىرىلعاننان كەيىن بولجاۋعا بولمايتىن ماسەلەلەر كوپ بولدى، بۇل قىزمەتكەرلەر مەن جابدىق جونىنەن زور سىن ەدى. مىندەتتى قۇلشىنا تابىستى ورىندادىق، بۇل بارىستا تەحنيكامىز جوعارىلاپ، وزىمىزگە سەنىمىمىز ءتىپتى دە ارتا ءتۇستى.

2022 - جىلى سانجى توك اۋىستىرۋ پۋنكتىن جالپىلىق تەكسەرۋ - جوندەۋ كەزىندە ۋاڭ چۋان دەرلىك ءار كۇنى كەشتەن ءتۇن ورتاسىنا دەيىن قىزمەت ىستەپ، قاتىستى جوبالار مەن حۇجاتتى جاساۋ، تەكسەرۋ قىزمەتىن جۇرگىزدى. ”جۇندۇڭدى تاڭداۋىم كۇرەس جۇرگىزۋ مەن ۇلەس قوسۋدى تاڭداعانىمدى اڭعارتادى، مەن جۇندۇڭ مەن سانجى توك اۋىستىرۋ پۋنكتىنە جاستىق كوكتەمىمدى ۇزدىكسىز ارنايمىن“، - دەدى ۋاڭ چۋان.

ۋاڭ چۋان جۇندۇڭعا تامىر تارتىپ، ەرەكشە جوعارى كەرنەۋلى تۇراقتى توك جەتكىزۋ ىسىنە قىزمەت وتەگەنىنە وكىنبەيدى. الايدا، وتباسىنداعىلارعا سەرىك بولعان ۋاقىتىنىڭ وتە از بولعاندىعىنا وكىنەدى. بولاشاق جونىندە وي جۇگىرتكەندە، ۋاڭ چۋان جۇندۇڭ اشۋ رايونىنا جۇردەك پويەز قاتىناپ، جۇندۇڭ ەكونوميكاسىنىڭ جىلدام قارىشتاۋىنا مۇمكىندىك جاساۋمەن بىرگە، ۇيىندەگىلەرمەن ارالىعىن ءتىپتى دە جاقىنداتا ءتۇسۋدى ءۇمىت ەتتى.