شينحۋا اگەنتتىگىنىڭ 3 - ايدىڭ 28 - كۇنى بەيجيڭنەن بەرگەن حابارى. مەملەكەتتىك كەڭەستىڭ اقپارات كەڭسەسى 3 - ايدىڭ 28 - كۇنى «2022 - جىلعى امەريكانىڭ ادامدىق ۇقىققا قول سۇعۋى جونىندەگى باياندامانى» جاريالاپ، امەريكانىڭ ادامدىق ۇقىققا قول سۇعۋىنىڭ شىنايى كەيىپ - كەسپىرىن اشىپ كورسەتتى.

بايانداما العى ءسوز، ازاماتتاردىڭ ۇقىق - مۇددەسىن قورعاۋ ءتۇزىمى يقۋاتىنان اۋىر دارەجەدە ايرىلدى، امەريكا ۇلگىسىندەگى سايلاۋ دەموكراتياسى كۇن سايىن كەۋەكتەندى، ناسىلدىك كەمسىتۋ مەن تەڭسىزدىك بارعان سايىن اسقىندى، تومەنگى جىكتەگى بۇقارانىڭ نەگىزدىك ءومىر ءسۇرۋ داعدارىسى اۋىرلادى، ايەلدەردىڭ، بالالاردىڭ ۇقىق - مۇددەسى تاريحي سيپاتتى كەرى شەگىندى، وزگە ەلدەردىڭ ادامدىق ۇقىعىنا بەتالدى قول سۇعىپ، ادىلەتتىلىكتى اياققا تاپتادى سىندى جالپى 7 بولىككە ءبولىندى.

باياندامادا بىلاي دەلىندى: 2022 - جىل − امەريكانىڭ ادامدىق ۇقىق جاعدايى بەلگى سيپاتتى كەرى شەگىنگەن ءبىر جىل. ءوزىن ”ادامدىق ۇقىقتىڭ قورعاۋشىسى“ دەپ ماقتايتىن امەريكانىڭ اقشا ساياسيى، ناسىلدىك كەمسىتۋ، مىلتىقتىڭ بەيبەرەكەت تارالۋى، ساقشىلاردىڭ زورلىقتى كۇش ىستەتۋى، كەدەي - باي بولىپ جىكتەلۋ سياقتى ءسىڭىستى دەرتتى الاستاۋى قيىن، ادامدىق ۇقىق جونىندەگى زاڭ شىعارۋ، ءادىليا تاريحتى زور دارەجەدە كەرى شەگىندىردى، امەريكا حالقىنىڭ نەگىزگى ۇقىق - مۇددەسى مەن ەركىندىگى ونان ارى قۇر قاڭقاعا اينالدى.

باياندامادا مىنالار اتاپ كورسەتىلدى: امەريكا − اسقان زورلىقتى كۇش انىقتاماسى بەرىلگەن مەملەكەت، بۇقارا زورلىقتى كۇش قىلمىسى جانە زورلىقتى كۇشپەن زاڭ اتقارۋ سىندى قوس قاتەرگە ۇشىراپ، ازاماتتاردىڭ باس اماندىعى قامتاماسىزدىققا يە بولمادى. تۇرمەلەر ادامعا تولىپ، وسى زامانعى قۇلدانۋ ورنىنا اينالىپ، زورلىقپەن ەڭبەككە سالۋ مەن جىنىستىق قاناۋ ۇنەمى كەزىگەتىن ىسكە اينالدى.

باياندامادا مىنالار كورسەتىلدى: امەريكا ۇلگىسىندەگى دەموكراتيا حالىق رايى نەگىزىنەن ايرىلدى. امەريكانىڭ سايلاۋ اقىسى ۇزبەي جوعارىلاۋدا، ”قارا قارجى“ كومەك قاراجاتى سايلاۋ بەتالىسىن استىرتىن مەڭگەرىپ، ساياسي ۇيەكتەنۋ جانە قوعامدىق پارە - پارە بولۋى دەموكراتيالىق ورتاق تانىمعا كەلۋدى قيىنداتىپ، ادامدار امەريكا ۇلگىسىندەگى دەموكراتيادان جاپپاي ۇمىتسىزدەندى.

باياندامادا مىنالار باسا دارىپتەلدى: امەريكانىڭ ناسىلشىلدىگى ونان ارى ءورشىپ، از ساندى ەتنيكالىق قاۋىم جاپپاي كەمسىتۋگە ۇشىرادى؛ ادامداردىڭ ورتاشا مەجەلى عۇمىرى زور مولشەردە تومەندەدى، الباتى ءدارى - دارمەك پايدالانۋدان ولگەندەردىڭ سانى ءۇرتىس ارتۋدا؛ بالالاردىڭ ءومىر ءسۇرۋ ورتاسى ادامدى الاڭداتادى. امەريكا ەكى ۇيەككە جىكتەلگەن ەكونوميكالىق ءبولىس جاعدايىنىڭ، ناسىلدىك قاقتىعىسقا تولى قوعامدىق جاعدايدىڭ، سونداي - اق كاپيتال مۇددە توپتارى مەڭگەرگەن ساياسي جاعدايدىڭ ءوزارا ىقپالىندا تاياۋ جىلداردان بەرى ءتۇزىمنىڭ كادەگە جاراماۋىنىڭ، باسقارۋداعى ولقىلىقتىڭ، ەتنيكالىق توپتاردىڭ پارە - پارە بولۋىنىڭ، قوعامدىق الاساپىراندىقتىڭ قۇيىنا ابدەن باتتى.

باياندامادا بىلاي دەپ قارالدى: الپاۋىتتاردىڭ مۇددەسىنە قىزمەت وتەيتىن امەريكانىڭ ساياسي الاياقتارى قاراپايىم بۇقارانىڭ نەگىزگى تالاپ - تىلەكتەرىنە جاۋاپ قايتارۋ، قاراپايىم ازاماتتاردىڭ نەگىزگى ۇقىق - مۇددەسىن قورعاۋ جونىندەگى سۋبيەكتيۆتىك قالاۋى مەن وبيەكتيۆتىك قابىلەتىنەن كۇن سايىن ايرىلىپ، ءوزىنىڭ ادامدىق ۇقىق ماسەلەسىندەگى قۇرىلىمدىق سيپاتتى ايىقپاس دەرتتى شەشۋگە شاماسى جەتپەي تۇرىپ، كەرىسىنشە ءوز بەتىنشە ادامدىق ۇقىقتى قارۋ ەتىپ وزگە ەلدەرگە شابۋىلداپ، حالىقارالىق قوعامدا قارسىلاسۋ، بولشەكتەنۋ جانە بىلىقپالىق تۋدىرىپ، الەمدىك ادامدىق ۇقىق دامۋىن بۇلدىرۋشىگە جانە وعان كەدەرگى جاساۋشىعا اينالدى.