انار بۇلت \ شينجياڭ گازەتىنىڭ ءتىلشىسى گۋان مىڭيىڭ 6 - ايدىڭ 1 - كۇنى بۇراتالادان حابارلايدى. 6 - ايدىڭ 1 - كۇنى تۇستەن بۇرىن ”جاڭا ورايدى يگەرىپ، جاڭا جورىقتا ەكپىندەي ىلگەرىلەيىك“ نەگىزگى تاقىرىبىنداعى 7 - كەزەكتى بۇكىل مەملەكەتتىك پارتيا مەديالارى سايتتارى جوعارى دارەجەلىلەر تالقى مىنبەرى بۇراتالا قالاسىندا اشىلدى.

نەگىزگى تالقى مىنبەرى مەن نەگىزگى تاقىرىپتىق تالقى مىنبەرىندە ورتالىقتىڭ جانە ءارقايسى ولكەنىڭ (اۆتونوميالى رايون، قالا) پارتيا مەديالارى سايتتارىنىڭ 100دەن استام ۋاكىلى، قاتىستى سالالاردىڭ ماماندارى ”پارتيا 20 - قۇرىلتايىنىڭ رۋحىن ۇگىتتەپ، دايەكتىلەندىرىپ، جاڭا جورىقتا ەكپىندەي ىلگەرىلەۋدىڭ ۇلى كۇشىن ۇيىستىرايىق“، ”توعىسپالى مەديا ورتالىعىن كۇشەيتىپ قۇرىپ، ودان ويداعىداي پايدالانىپ، اۋىل - قىستاقتى گۇلدەندىرۋگە جانە نەگىزگى ساتىنى جونگە سالۋعا دەم بەرەيىك“، ”جاڭا تەحنيكادان، جاڭا تاسىلدەن شەبەرلىكپەن پايدالانىپ، قولدانۋدا جاڭالىق اشىپ، دامۋدى جەبەيىك“ سياقتى تاقىرىپتار توڭىرەگىندە ارقاۋ ءسوز سويلەدى جانە دوڭگەلەك ۇستەل تالقىسىن وتكىزدى. حالىق سايتىنىڭ زەرتتەۋ مەكەمەسى «2022 − 2023 - جىلعى گازەت ىستەرىنىڭ توعىسپالى دامۋى جونىندەگى باقىلاۋ بايانداماسىن» جاريالاپ، شينجياڭ مەديالارىنىڭ ماڭىزدى نەگىزگى تاقىرىپتىق ۇگىت حابارلارىن بەلسەنە حابارلاپ، شينجياڭ وبرازىن جان - جاقتى، وبيەكتيۆ، شىنايى ايگىلەپ، قوعامدىق پىكىرگە جەتەكشىلىك ەتۋ رولىن ءونىمدى ساۋلەلەندىرگەندىگىن تولىق تۇراقتاندىردى.

قيمىل بارىسىندا تاعى ”سايرام كولىندە كەڭەسىپ، قيسىندى ءتۇسىندىرۋ“ قيمىلى وتكىزىلىپ، ”بۇراتالا − الاتاۋ − جىڭ“ جاڭا تيپتەگى ونەركاسىپ التىن ءۇش بۇرىشىن، ”بۇراتالا − اراسان − سايرام“ مادەنيەت، ساياحات، سالاماتتىق، كۇتىنۋ التىن ءۇش بۇرىشىن تۇلعالاۋ، سونداي - اق مەملەكەتتىڭ باتىسقا ەسىك اشۋىنىڭ جانە شەكارانى بويلاي ەسىك اشۋىنىڭ جاڭا بيىگىن جەدەل قۇرۋ سياقتى تاقىرىپتار جونىندە پىكىر اۋىستىرىلىپ، تالقى جۇرگىزىلىپ، بۇراتالا موڭعۇل اۆتونوميالى وبلىسىنىڭ جوعارى ساپالى دامۋىنا اقىل - كەڭەس بەرىلدى.

وسى جولعى قيمىلدى حالىق سايتى، جۇڭگو كوممۋنيستىك پارتياسى بۇراتالا موڭعۇل اۆتونوميالى وبلىستىق كوميتەتى، بۇراتالا موڭعۇل اۆتونوميالى وبلىستىق حالىق ۇكىمەتى ۇيىمداستىردى. اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى ۋاڭ جيانشين، حالىق گازەتى مەكەمەسى رەداكسيا القاسىنىڭ مۇشەسى ۋاڭ فاڭجيە ماجىلىسكە قاتىناستى ءارى ارناۋ ءسوز سويلەدى.