حىبەي گازەتى كولەمدى ادەبي حابار جاريالادى
«”ءبىر سارىندىلىققا بوي ۇرماي دارىندىلاردى تاڭداۋ“ − شي جينپيڭ جولداستىڭ حىبەيدىڭ جىڭديڭىندە قىزمەت ىستەگەن كەزىندە ”دارىندىلار 9 تارماعىن“ العا قويۋىنىڭ امالياتى جانە شابىتى»
شينحۋا اگەنتتىگىنىڭ 6 - ايدىڭ 12 - كۇنى بەيجيڭنەن بەرگەن حابارى. 6 - ايدىڭ 12 - كۇنى باسپادان شىققان حىبەي گازەتىندە «”ءبىر سارىندىلىققا بوي ۇرماي دارىندىلاردى تاڭداۋ“ − شي جينپيڭ جولداستىڭ حىبەيدىڭ جىڭديڭىندە قىزمەت ىستەگەن كەزىندە ”دارىندىلار 9 تارماعىن“ العا قويۋىنىڭ امالياتى جانە شابىتى» اتتى كولەمدى ادەبي حابار جاريالاندى.
ماقالادا بىلاي دەلىندى: بىلىكتى دارىندىلاردى كوپ جيناۋ ۇلى ءىستى تابىسقا جەتكىزەدى؛ دارىندىلار كوركەيسە، مەملەكەت گۇلدەنەدى.
”دارىندىلار ماسەلەسى جىڭديڭدى گۇلدەندىرۋدەگى كەزەك كۇتتىرمەيتىن جۇمىس ءارى ستراتەگيالىق مانگە يە 100 جىلدىق ۇلى جوسپار“.
”دارىندىلاردى ەنگىزۋدە جاڭا وي جەلى، كەڭ كوز ايا، ءىرى شارا بولۋ كەرەك، مۇندا حالىقارالىق تۇرعىدان بۇكىل ەل كولەمىنەن، دۇنيە ءجۇزى كولەمىنەن دارىندى باۋراۋ قاجەت“؛
”دارىندىلاردىڭ ستراتەگيالىق ورنالاسىمىن كەمەلدەندىرىپ، ءار جاقتاعى دارىندىلاردى بىرگە يگەرۋگە تاباندى بولىپ، كولەمى زور، قۇرىلىمى ۇيلەسىمدى، ساپاسى تاماشا دارىندىلار قوسىنىن قۇرۋ كەرەك“؛
...
مەيلى نەگىزگى ساتىدا، جەرگىلىكتى ورىندا، الدە ورتالىقتا بولسىن، شي جينپيڭ جولداستىڭ دارىندىلار قىزمەتىنە باسا نازار اۋدارۋى، تولعانۋى مەن امالياتى باستان - اياق جالعاسىپ كەلەدى.
1983 - جىلى 3 - ايدىڭ 29 - كۇنى حىبەي گازەتىنىڭ ءبىرىنشى بەتىنىڭ ءبىرىنشى ورنىنا «جاڭا مەزگىلدەگى ادام ىستەتۋ كوزقاراسىن ورناتىپ، بىلىمدىلەردى شاقىرىپ، ەگەيلەردى قابىلداپ، ىسكەرلەردى توپتادى − جىڭديڭ اۋدانى جالىندى ازاماتتارعا قاقپاسىن ايقارا اشتى» دەگەن اقپاراتتىق حابار بەرىلدى.
1982 - جىلى 3 - ايدان 1985 - جىلى 5 - ايعا دەيىن شي جينپيڭ جولداس ىلگەرىندى - كەيىندى حىبەي ولكەسى جىڭديڭ اۋداندىق پارتكومنىڭ ورىنباسار شۋجيى، شۋجيى مىندەتىن وتەدى. حاباردا باياندالعانى ونىڭ جىڭديڭدە قىزمەت ىستەگەن كەزىندە بىلىمدىلەر مەن دارىندىلاردى كەڭىنەن قابىلدايتىن ”دارىندىلار 9 تارماعىن“ العا قويىپ، جەرگىلىكتى ورىننىڭ دامۋىنا جاعداي اشىپ، جول سالعاندىعى.
ماقالادا مىنالار اتاپ كورسەتىلدى: 40 جىلدان كەيىنگى بۇگىنگى كۇنى ”دارىندىلار 9 تارماعى“ ءالى دە كەلەلى رەال مانگە يە.
ءبىز سول ءبىر تاريحقا نازار سالىپ، شي جينپيڭ جولداستىڭ جىڭديڭدە قىزمەت ىستەگەن كەزىندە دارىندىلار قىزمەتى جونىندەگى اماليات ءىزىن قاراستىرىپ، شي جينپيڭ جولداستىڭ حىبەيدە قالدىرعان اسا قۇندى رۋحاني بايلىعىن سەزىنىپ، جاڭا داۋىردەگى دارىندىلار قىزمەتىن ويداعىداي ىستەۋدەگى ارەكەت سانالىلىعىن كۇشەيتۋىمىز كەرەك.
ماقالا ءتورت بولىمگە ءبولىندى: ”دارىندىلار 9 تارماعى“ بۇكىل ەلدى ءدۇر سىلكىندىردى؛ دارىندىلارعا ءزارۋ بولىپ قۇشاعىن كەڭ جايدى؛ ”جۇلدىز“ بايىرعى قالانى نۇرلاندىرىپ، ادامدى تەرەڭ ويعا باتىردى؛ دارىندىلار ارقىلى حىبەيدى گۇلدەندىرىپ، جاڭا ساپارعا اتتاندى.
ماقالادا بىلاي دەلىندى: حىبەيدىڭ بايتاق دالاسىندا شار تاراپتان جاڭالىق اشۋدىڭ اسقاق سەزىمى تولقىپ، جاسامپازدىقتىڭ جالىندى كۇشى تاسقىنداپ، شارۋاشىلىق قۇرۋشىلاردىڭ تۇلعاسى جالىنداپ، ەكونوميكادا قۋاتتى ولكەنى، كورىكتى حىبەيدى جەدەل قۇرۋدىڭ ايبىندى كارتيناسى كەسكىندەلدى.
جاڭا ءداۋىردىڭ جاڭا جورىعى، ءسوزسىز، قۇلاشىن كەڭ جايعان ءداۋىر، ءسوزسىز، ارمانعا قۇلشىنا قانات قاققان جورىق بولماق.
دارىندىلاردىڭ كۇشىن توپتاپ، ءتىپتى دە كوپ تۇلپارلاردى الامان بايگەگە قوسساق، ءسوزسىز، جوعارى ساپالى دامۋدى ىلگەرىلەتىپ، جۇڭگو ۇلگىسىندەگى وسىزامانداندىرۋ قۇرىلىسىن ىلگەرىلەتۋگە باياندى قوزعاۋشى كۇش ازىرلەي الامىز.