汉文 ىلە اقپارات تورابىنا حوش كەلدىڭىزدەر!
«جاڭا مادەنيەت تىرشىلىك تۇلعاسىن جەتىلدىرەيىك − ”ەكىنى ۇشتاستىرۋدىڭ“ كەلەلى ٴمانىن جەتە ٴتۇسىنۋ جونىندە جەلىلەس شولۋ(3)»
2023-06-26 10:27:43     كورىلىم:رەت كەلۋ قاينارى:ىلە گازەتى  جاۋاپتى رەداكتور:جاڭىلقان قوجا قىزى

شينحۋا اگەنتتىگى شولۋ جاريالادى

«جاڭا مادەنيەت تىرشىلىك تۇلعاسىن جەتىلدىرەيىك − ”ەكىنى ۇشتاستىرۋدىڭ“ كەلەلى ٴمانىن جەتە ٴتۇسىنۋ جونىندە جەلىلەس شولۋ(3)»

شينحۋا اگەنتتىگىنىڭ 6 - ايدىڭ 20 - كۇنى بەيجيڭنەن بەرگەن حابارى. شينحۋا اگەنتتىگى 6 - ايدىڭ 20 - كۇنى «جاڭا مادەنيەت تىرشىلىك تۇلعاسىن جەتىلدىرەيىك − ”ەكىنى ۇشتاستىرۋدىڭ“ كەلەلى ٴمانىن جەتە ٴتۇسىنۋ جونىندە جەلىلەس شولۋ(3)» اتتى شولۋدى جاريالادى.

ماقالادا بىلاي دەلىندى: مادەنيەتتى جالعاستىرۋ، دامىتۋ اڭگىمە ماجىلىسىندە باس شۋجي شي جينپيڭ ”ەكىنى ۇشتاستىرۋدىڭ“ كەلەلى ٴمانىن تەرەڭ ٴتۇسىندىرىپ، ”ۇشتاستىرۋدىڭ“ ناتيجەسى ٴوزارا تابىسقا جەتكىزۋ، ”تەرەڭ حيميالىق رەاكسيا“ تۋدىرىپ، ورگانيكالى بىرلىككە كەلگەن جاڭا مادەنيەت تىرشىلىك تۇلعاسىن جەتىلدىرۋ ەكەندىگىن ايقىن اتاپ كورسەتتى:

”ماركسيزمدى جۇڭگونىكىنە اينالدىرۋ، جۇڭحۋانىڭ تاڭداۋلى ٴداستۇرلى مادەنيەتىن وسى زاماندىكىنە اينالدىرۋ، ’ۇشتاستىرۋدان‘ قالىپتاسقان جاڭا مادەنيەتتىڭ جۇڭگو ۇلگىسىندەگى وسىزاماندانعان مادەنيەت فورماتسياسىنا اينالۋىنا مۇمكىندىك جاسادى“.

ماقالادا بىلاي دەپ اتاپ كورسەتىلدى: باس شۋجي شي جينپيڭنىڭ ماڭىزدى بايىمداۋى ”ەكىنى ۇشتاستىرۋدىڭ“ قوزعالىس زاڭدىلىعىن جانە جەتىستىك فورماتسياسىن ٴبىلدىرىپ، جاڭا داۋىردە جۇڭحۋا ۇلتىنىڭ وسى زامانعى وركەنيەتىن قۇلشىنا قۇرۋعا ٴادىس - امال، جول جانە نىسانا كورسەتتى.

ماقالا 3 بولىكتەن قۇرالدى: ”ماركسيزمدى جۇڭگونىكىنە اينالدىرۋ“؛ ”جۇڭحۋانىڭ تاڭداۋلى ٴداستۇرلى مادەنيەتىن وسى زاماندىكىنە اينالدىرۋ“؛ ”’ۇشتاستىرۋدان‘ قالىپتاسقان جاڭا مادەنيەتتى جۇڭگو ۇلگىسىندەگى وسىزاماندانعان مادەنيەت فورماتسياسىنا اينالدىرۋ“.

ماقالادا بىلاي دەلىندى: مادەنيەت ادامدى باۋليدى، مادەنيەت جول - جوسىندى ۇعىندىرادى؛ وركەنيەت ٴداۋىردى قالىپتاستىرادى، مادەنيەت ەلدى گۇلدەندىرەدى.

بولاشاقتى بەتكە الىپ، باس شۋجي شي جينپيڭ بەتالىستى ايقىن كورسەتتى: ”مادەنيەت سەنىمىن بەكەمدەپ، بورىش ارقالاپ، قايراتتانا ٴىس تىندىرىپ، ٴبىزدىڭ وسى داۋىرگە ٴتان جاڭا مادەنيەتتى بىرگە قۇلشىنا جاراتىپ، جۇڭحۋا ۇلتىنىڭ وسى زامانعى وركەنيەتىن كوركەيتۋىمىز كەرەك“.