شينحۋا اگەنتتىگى شولۋ جاريالادى

«جۇڭگوشا سوتسياليزم جولىنىڭ نەگىزىن بەكەمدەيىك − ”ەكىنى ۇشتاستىرۋدىڭ“ كەلەلى ءمانىن جەتە ءتۇسىنۋ جونىندە جەلىلەس شولۋ (4)»

شينحۋا اگەنتتىگىنىڭ 6 - ايدىڭ 21 - كۇنى بەيجيڭنەن بەرگەن حابارى. شينحۋا اگەنتتىگى 6 - ايدىڭ 21 - كۇنى «جۇڭگوشا سوتسياليزم جولىنىڭ نەگىزىن بەكەمدەيىك − ”ەكىنى ۇشتاستىرۋدىڭ“ كەلەلى ءمانىن جەتە ءتۇسىنۋ جونىندە جەلىلەس شولۋ (4)» اتتى شولۋدى جاريالادى.

ماقالادا بىلاي دەلىندى: باعدار جولدى بەلگىلەيدى، جول تاعدىردى بەلگىلەيدى.

باس شۋجي شي جينپيڭ مادەنيەتتى جالعاستىرۋ، دامىتۋ اڭگىمە ماجىلىسىندە ”ءبىزدىڭ سوتسياليزم نەلىكتەن وزگەشە؟ قالايشا قاۋلاعان تىرشىلىك تىنىسى مەن جالىندى كۇشكە يە بولعان؟ تەتىك جۇڭگوشا ەرەكشەلىكتە، جۇڭگوشا ەرەكشەلىكتىڭ تەتىگى ەكىنى ۇشتاستىرۋدا“ دەپ اتاپ كورسەتتى.

”ۇشتاستىرۋ“ جول نەگىزىن بەكەمدەپ، جۇڭگوشا سوتسياليزم جولىنىڭ اناعۇرلىم كەڭ دە كەلەلى تاريحي تەرەڭدىككە يە بولۋىنا مۇمكىندىك جاساپ، جۇڭگوشا سوتسياليزم جولىنىڭ مادەنيەت نەگىزىن كەڭەيتتى.

ماقالادا بىلاي دەپ اتاپ كورسەتىلدى: پارتيا 18 - قۇرىلتايىنان بەرى باس شۋجي شي جينپيڭ جۇڭگوشا سوتسياليزمدى جۇڭحۋا مادەنيەتىنىڭ قۇنارلى توپىراعىنا تامىر تارتقىزۋعا باسا ءمان بەرىپ، كوممۋنيزم سەنىمىن، سوتسياليزم ۇستانىمىن جۇڭحۋا ۇلتىنىڭ مىڭ جىلدىق مۇراتىمەن جاندى تۇردە ۇشتاستىرىپ، جول تۇزىمىنە ۇلتتىڭ قان تامىرىن، مۇرات - سەنىمگە وركەنيەتتىڭ مايەگىن سيلاپ، ”ءوز جولىمەن جۇرۋدەگى“ كۇشتى جىگەر مەن سەنىمدى ايگىلەدى.

ماقالا 3 بولىكتەن قۇرالعان: ”جۇڭگوشا سوتسياليزم جولى اناعۇرلىم كەڭ دە كەلەلى تاريحي تەرەڭدىككە يە بولدى“؛ ”جۇڭگوشا سوتسياليزم جولىنىڭ مادەنيەت نەگىزى كەڭەيدى“؛ ”جۇڭحۋا وركەنيەتى جۇڭگو ۇلگىسىندەگى وسىزامانداندىرۋعا مايەكتى نەگىز سيلادى“.

ماقالادا بىلاي دەلىندى: سارا جولمەن جۇرە بەرسەك، الىستارعا جەتە الامىز.

شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جۇڭگو ۇلگىسىندەگى وسىزامانداندىرۋ جولىندا جۇڭگوشا سوتسياليزمنىڭ ايبىندى الىپ كەمەسى، ءسوز جوق، تولقىن جارا العا ىلگەرىلەپ، جۇڭحۋا ۇلتى ۇلى گۇلدەنۋىنىڭ جەڭىس كومبەسىن بەتكە الىپ جۇزە بەرەدى.