شينحۋا اگەنتتىگىنىڭ 7 - ايدىڭ 30 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى پارتيا تاريحى جانە حۇجات زەرتتەۋ ورنى، جۇڭگو حالىق ازاتتىق ارمياسى اسكەري ىستەر عىلىم اكادەمياسى قۇراستىرعان «جۇڭگو كوممۋنيستىك پارتياسىنىڭ اسكەري ىستەر قىزمەتى جونىندەگى ماڭىزدى حۇجاتتارىنان تاڭدامالىلار» تاياۋدا ورتالىق حۇجاتتار باسپاسىنان، ازاتتىق ارميا باسپاسىنان باسپادان شىعىپ، بۇكىل ەلدە تاراتىلدى.

وسى ماڭىزدى حۇجاتتار جيناعىنا جۇڭگو كوممۋنيستىك پارتياسى 1921 - جىلى 7 - ايدا قۇرىلعاننان 2022 - جىلى 10 - ايدا 20 - قۇرىلتاي اشىلعانعا دەيىنگى مەزگىلدەگى اسكەري ىستەر قىزمەتى جونىندەگى جيىنى 119 ماڭىزدى حۇجات ەنگىزىلگەن. مۇنىڭ ىشىندە ماۋ زىدۇڭ، دىڭ شياۋپيڭ، جياڭ زىمين، حۋ جينتاۋ، شي جينپيڭ جولداستاردىڭ 98 ماقالاسى؛ جۇڭگو كوممۋنيستىك پارتياسىنىڭ ماڭىزدى ماجىلىستەرىنىڭ حۇجاتتارى، جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك حالىق قۇرىلتايىنىڭ، مەملەكەتتىك كەڭەستىڭ، ورتالىق اسكەري ىستەر كوميتەتىنىڭ قارارلارى، قاۋلىلارى، ۇسىنىستارى، پىكىرلەرى، نۇسقاۋلارى، بۇيرىقتارى، حابارلاندىرۋلارى جانە شىعارىپ جاريالانعان 21 زاڭ، ەرەجە، اق تىستى كىتاپ سياقتىلار بار. ءىشىنارا حۇجاتتار تۇڭعىش رەت اشىق جاريالانىپ وتىر. وسى حۇجاتتار جيناعى 3 تومعا بولىنگەن: 1 - تومعا جاڭا دەموكراتيالىق توڭكەرىس داۋىرىندەگى، سوتسياليستىك توڭكەرىس جانە قۇرىلىس داۋىرىندەگى حۇجاتتار ەنگىزىلگەن، 2 - تومعا رەفورما جاساۋ، ەسىك اشۋ جانە سوتسياليستىك وسىزامانداندىرۋ قۇرىلىسىنىڭ جاڭا داۋىرىندەگى حۇجاتتار ەنگىزىلگەن، 3 - تومعا جۇڭگوشا سوتسياليزمنىڭ جاڭا داۋىرىندەگى حۇجاتتار ەنگىزىلگەن.

مەملەكەتتى قۇدىرەتتەندىرۋ ءۇشىن، ءسوز جوق، ارميانى قۇدىرەتتەندىرۋ كەرەك، ارميا قۇدىرەتتەنگەندە عانا، مەملەكەت تىنىش بولادى. جۇڭگو كوممۋنيستىك پارتياسى 100 جىلدىق كۇرەس بارىسىن باسىپ ءوتتى، توڭكەرىستىڭ، قۇرىلىستىڭ، رەفورمانىڭ ءارقايسى تاريحي كەزەڭىندە ماركسيزمنىڭ نەگىزگى قاعيدالارىن جۇڭگونىڭ توڭكەرىستىك سوعىسىمەن جانە حالىق ارمياسى قۇرىلىسىنىڭ امالياتىمەن ءوزارا ۇشتاستىرۋعا تاباندى بولىپ، حالىق ارمياسىن قۇرىپ جانە جەتىلدىرىپ، جۇڭگوشا ماركسيزمدىك اسكەري ىستەر نازارياسى جەتىستىكتەرىن جاراتتى. حالىق ارمياسى پارتيا تۋى استىندا العا ىلگەرىلەپ، ارميانى قۇرۋدىڭ، ارميانى باسقارۋدىڭ جۇيەلى پرينسيپتەرىن قالىپتاستىرىپ، حالىقتىق سوعىستىڭ ستراتەگياسى مەن تاكتيكاسىن دامىتىپ، وزىندىك داڭقتى ءداستۇر مەن تاڭداۋلى ستيلدى جەتىلدىرىپ، پارتيا مەن حالىققا وشپەس ەڭبەك ءسىڭىرىپ، قىزىل بيلىكتى قورعاۋدىڭ، ۇلتتىڭ ار - نامىسىن قورعاۋدىڭ بەرىك تىرەگىنە، ءوڭىردىڭ جانە دۇنيە ءجۇزىنىڭ بەيبىتشىلىگىن قورعاۋدىڭ قۇدىرەتتى كۇشىنە اينالدى.

«جۇڭگو كوممۋنيستىك پارتياسىنىڭ اسكەري ىستەر قىزمەتىندەگى ماڭىزدى حۇجاتتارىنان تاڭدامالىلار» پارتيانىڭ 100 جىلدان بەرگى اسكەري ىستەر قىزمەتىنىڭ شۇعىلالى تاريحىنا جانە ۇلى تابىستارىنا جان - جاقتى قايىرىلا قاراپ جانە ونى قورىتىندىلاپ، پارتيانىڭ اسكەري ىستەرگە جەتەكشىلىك ەتۋ نازارياسىنىڭ بايىپ دامۋىن، اسىرەسە، پارتيا 18 - قۇرىلتايىنان بەرى ارميانى قۇدىرەتتەندىرۋ ىستەرىن ىلگەرىلەتۋ نازارياسى مەن امالياتىندا جاڭالىق اشۋدى جۇيەلى بەينەلەدى، قالىڭ كادرلار مەن بۇقارانىڭ جانە وفيتسەر - اسكەرلەردىڭ پارتيانىڭ حالىق ارمياسىنا شارتسىز باسشىلىعىنا تاباندى بولۋدىڭ ايرىقشا ماڭىزدىلىعىن تەرەڭ تانۋىنا كومەكتەسىپ، مەملەكەت قورعانىسى مەن ارميانىڭ وسىزاماندانۋىن جەدەلدەتۋ، ارميا قۇرىلعاندىعىنىڭ 100 جىلدىعى كۇرەس نىساناسىن ۋاعىندا جۇزەگە اسىرۋ، حالىق ارمياسىن دۇنيە جۇزىندەگى بىرەگەي ارميا ەتىپ قۇرىپ شىعۋ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جونىنەن كەلەلى ماڭىزعا يە.