شينحۋا اگەنتتىگىنىڭ 8 - ايدىڭ 14 - كۇنى نايروبيدەن بەرگەن حابارى (تىلشىلەر لي حۋاليڭ، لي چىڭ). 8 - ايدىڭ 14 - كۇنى «شي جينپيڭ ەل باسقارۋ جونىندە» 1 - تومىنىڭ سۋاحيلي تىلىندەگى نۇسقاسىن تۇڭعىش تاراتۋ سالتى جانە جۇڭگو مەن كەنيانىڭ ەل باسقارۋ جونىندەگى زەرتتەۋ - تالقى ءماجىلىسى كەنيانىڭ استاناسى نايروبيدە وتكىزىلدى.

ماجىلىسكە قاتىناسقان جۇڭگولىق، كەنيالىق سيلى قوناقتار مەن ماماندار، وقىمىستىلار بىلاي دەپ قارادى: «شي جينپيڭ ەل باسقارۋ جونىندە» كىتابى ءتوراعا شي جينپيڭنىڭ ەل باسقارۋ جالپى جوباسىن شوعىرلى بەينەلەدى، جۇڭگونىڭ دامۋدا قول جەتكىزگەن تابىستارى مەن تاجىريبەلەرى كەنيانى قامتىعان قالىڭ وركەندەپ كەلە جاتقان ەلدەرگە پايدالى ۇلگى ازىرلەدى. «شي جينپيڭ ەل باسقارۋ جونىندە» 1 - تومىنىڭ سۋاحيلي تىلىندەگى نۇسقاسىنىڭ باسپادان شىعۋى ەكى ەل باسپا سالاسىنىڭ، اۋدارما سالاسىنىڭ تىزە قوسا سەلبەسۋىنىڭ ماڭىزدى جەتىستىگى ءارى جۇڭگو مەن كەنيانىڭ ەل باسقارۋ تاجىريبەلەرى جونىندە اۋىس - كۇيىس جاساۋىنىڭ، ۇلگى الۋىنىڭ جاندى ايعاعى. جاڭا كىتاپتىڭ باسپادان شىعىپ تاراتىلۋى افريكا وقىرماندارىنىڭ جۇڭگو جولىنىڭ تاريحي تەرەڭدىگى مەن مادەنيەت نەگىزىن، جۇڭگو كوممۋنيستىك پارتياسى كىم ءۇشىن ىستەيدى، كىمگە سۇيەنىپ بيلىك جۇرگىزەدى دەگەن ۇستانىمىن، سونداي - اق اناعۇرلىم كورىكتى دۇنيە ءجۇزىن قۇرۋداعى جۇڭگو اقىل - پاراساتىن تانۋى مەن ءتۇسىنۋىن جەبەيدى.

ماجىلىسكە قاتىناسقان سيلى قوناقتار مىنالاردى ءبىلدىردى: بيىل − جۇڭگو مەن كەنيانىڭ ديپلوماتيالىق قارىم - قاتىناس ورناتقاندىعىنىڭ 60 جىلدىعى، ەكى جاق وسى رەتكى قيمىلدى وراي ەتىپ، گۋمانيتارلىق اۋىس - كۇيىستى تەرەڭدەتىپ، ءداستۇرلى دوستىقتى جەبەپ، جۇڭگو مەن كەنيانىڭ جالپى بەتتىك ستراتەگيالىق سەلبەستىك سەرىكتەستىك قارىم - قاتىناسىن قۇرۋعا بەلسەنە ۇلەس قوسادى.

تۇڭعىش تاراتۋ سالتىندا جۇڭگولىق، كەنيالىق سيلى قوناقتار «شي جينپيڭ ەل باسقارۋ جونىندە» 1 - تومىنىڭ سۋاحيلي ءتىلى نۇسقاسىنداعى جاڭا كىتاپتىڭ بەتىن بىرگە اشتى، جۇڭگو جاق كەنيا جاققا جاڭا كىتاپ تارتۋ ەتتى.

«شي جينپيڭ ەل باسقارۋ جونىندە» 1 - تومىنىڭ سۋاحيلي تىلىندەگى نۇسقاسىن شەتەل ءتىلى باسپاسى مەن كەنيا ادەبيەت مەكەمەسى بىرگە اۋدارىپ باسپادان شىعاردى. قازىرگە دەيىن «شي جينپيڭ ەل باسقارۋ جونىندە» 1 - تومى 37 تىلگە اۋدارىلىپ باسىلدى، 180نەن استام مەملەكەت پەن رايونعا تاراتىلدى.

ورتالىق كوميتەت ۇگىت بولىمىندەگى جاۋاپتى جولداستار، جۇڭگونىڭ كەنيادا تۇراتىن ەلشىلىگىندەگى جاۋاپتى جولداستار، كەنيا جاقتىڭ جوعارى جىك ساياسي قايراتكەرلەرى، ساياسي پارتيا باسشىلارى، مەديالاردىڭ، پاراسات قويمالارىنىڭ ۋاكىلدەرى سياقتى ءار سالا قايراتكەرلەرىنەن 500گە تاياۋ ادام تۇڭعىش تاراتۋ سالتىنا جانە زەرتتەۋ - تالقى ماجىلىسىنە قاتىناستى.

وسى رەتكى قيمىلدى جۇڭگو مەملەكەتتىك كەڭەس اقپارات كەڭسەسى جەتەكشىلىك ەتىپ، كەنيا ادەبيەت مەكەمەسى، جۇڭگو شەتەل تىلدەرى مەكەمەسى، جۇڭگونىڭ كەنيادا تۇراتىن باس ەلشىلىگى بىرگە ۇيىمداستىردى.

سول كۇنى تاعى جۇڭگو مەن كەنيانىڭ قاتىستى جاقتارى 2023 - جىلعى ”افريكالىق سەرىكتەر“ مەديا سەلبەستىك تالقى مىنبەرى، كەنيا − جۇڭگو كينو فەستيۆالى سياقتى ءبىر قىدىرۋ مادەنيەت اۋىس - كۇيىسى قيمىلدارىن وتكىزدى.