انار بۇلت \ شينجياڭ گازەتىنىڭ ءتىلشىسى رىن جياڭ 9 - ايدىڭ 1 - كۇنى وساكادان حابارلايدى. 8 - ايدىڭ 31 - كۇنى تۇستەن كەيىن كليماتى ىلعال جاپونيانىڭ ەكىنشى ءىرى قالاسى وساكادان جالىندى ”جۇڭگو شينجياڭ سامالى“ ەستى − 2023 - جىلعى جۇڭگو شينجياڭ مادەنيەت جانە ساياحاتىنىڭ شەتەلدەگى اۋىس - كۇيىس قيمىلى (جاپونياعا ارنالعان) وسى ارادا وتكىزىلدى.

ءبي، ءان، داپ، 12 مۇقام كلاسسيكالىق ۇزىندىلەرى... شينجياڭ كوركەمونەر تەاترحاناسىنىڭ كوركەمونەرشىلەرى وسىنداعى 260تاي جاپونيا جۇرتشىلىعىنا شينجياڭنىڭ ءان - ءبيىن ءوز مانەرىمەن قاز - قالپىندا كورسەتتى، مۇندا ءارى ءداستۇرلى «قارا جورعا»، «شىنى ءبيى»، سونداي - اق 12 مۇقامنىڭ كلاسسيكالىق ءۇزىندىسى «جۇلا» سياقتىلار، ءارى «اسەم ءان سيلى قوناققا ارنالادى»، «جايلاۋ كەشى» سياقتى ەل اۋزىنان تۇسپەيتىن اندەر بار، تارتىمدى كونسەرت وسىنداعى جاپونيا حالقىن تامساندىرىپ، ولار ءالسىن - ءالى ەرىكسىزدەن ريتىمگە ىلەسىپ شاپالاق سوقتى. وساكا تاماشالاۋ مەكەمەسىنىڭ القا باستىعى گوۋتيانحۇڭ «شىنى ءبيىن» كورگەننەن كەيىن، قىزىعا سۋسىن قۇمىراسىن توبەسىنە قويىپ، شىنىنى توبەسىنە قويۋدىڭ قيىندىعىن سەزىنىپ، سول ورتاداعىلاردى دۋ كۇلدىردى، شاپالاق ءۇنى كوتەرىلدى.

بۇل قيمىلدى جۇڭگو − شەتەل مادەنيەت اۋىس - كۇيىس ورتالىعى، اۆتونوميالى رايوندىق مادەنيەت جانە ساياحات مەڭگەرمەسى، جۇڭگونىڭ وساكاداعى باس كونسۋلحاناسى، جۇڭگونىڭ وساكاداعى ساياحات ءىس باسقارماسى بىرلەسىپ وتكىزگەن.

وسى كۇنگى سول جەردىڭ وزىندەگى اۋىس - كۇيىس قيمىلدارىنان سىرت، شەتەلدە تۇراتىن ەلشىلىك، كونسۋلحانا جانە شەتەلدە تۇراتىن ساياحات ءىس باسقارماسى سياقتى ارنالاردىڭ جانە تۇعىرلاردىڭ باسىمدىعىنان پايدالانىپ، ينتەرنەت جەلىسىندە، ينتەرنەت جەلىسىنەن تىس ۇشتاستىرىلعان تاسىلمەن بەيزاتتىق مادەنيەت مۇرالارى فوتو سۋرەت كورمەسى، ساياحاتتى تانىستىرۋ، ءدامدى تاعامداردى باعالاۋ، كەسكىن كورسەتۋ سياقتى قيمىلداردى وتكىزىپ، جاپونيا حالقىنا جۇڭگو شينجياڭىنىڭ ەكونوميكالىق، قوعامدىق دامۋ تابىستارىن، ۇلتتارى ىنتىماقتى، جاراسىمدى، ەكولوگياسى جاسىل دا كورىكتى، مادەنيەتىنىڭ گۇلدەنگەن، الۋان ءتۇرلى، ساياحات كورىنىسى كوز تارتاتىن تاماشا وبرازىن كورسەتتى. وسىندا كەلگەن حالىق جاپونيا مادەنيەت - ساياحات كاسىپورىندارىنىڭ ۋاكىلدەرى، دوس قايراتكەرلەردىڭ ۋاكىلدەرى، سونداي - اق اقپارات مەديالارى سياقتىلاردى قامتىدى.

جۇڭگونىڭ شينجياڭى مەن جاپونيانىڭ وساكاسى ۇزاق ۋاقىتتان بەرى قويۋ اۋىس - كۇيىستى جانە دوستىق قارىم - قاتىناستى ساقتاپ كەلەدى. بىلتىر 3 - ايدىڭ 25 - كۇنىنەن 4 - ايدىڭ 10 - كۇنىنە دەيىن اۆتونوميالى رايوندىق مادەنيەت جانە ساياحات مەڭگەرمەسى جۇڭگو − شەتەل مادەنيەت اۋىس - كۇيىسى ورتالىعىمەن، جۇڭگونىڭ وساكاداعى ساياحات ءىس باسقارماسىمەن بىرلەسىپ ”شينجياڭ جاقسى جەر“ اتىنداعى شينجياڭ مادەنيەت جانە ساياحات اپتالىعى (جاپونياعا ارنالعان) قيمىلىن ورىستەتىپ، ”بۇلتتىق تەرمينالدا“ اۋىس - كۇيىس جاساسىپ ىقپالداسۋدى جۇزەگە اسىردى.

اۆتونوميالى رايوندىق مادەنيەت جانە ساياحات مەڭگەرمەسى پارتيا باسشىلىق گرۋپپاسىنىڭ ورىنباسار شۋجيى، ورىنباسار مەڭگەرمە باستىعى يان نايمين وسىندا شينجياڭنىڭ سالت - ساناسى، وڭىرلىك ەرەكشەلىگى، ساياحات كورىنىسى سياقتىلاردى تانىستىردى، ”شينجياڭ − جىبەك جولىنداعى ماڭىزدى ارنا، تاۋ - وزەندەرى كوركەم، بايلىعى مول، اناعۇرلىم كوپ جاپونيا ساياحاتشىلارىنىڭ تيانشان الابىنا كەلىپ، ’ءشول - جازيرادا اۋەلەگەن شۇيكە تۇتىنىندەي‘، ’تيانشاننان تۋعان جارىق ايداي‘ كەرەمەت جاعدايدا، ’داپ قاعىپ ءان اۋەلەتۋ‘ ويناقى ريتىمىمەن شينجياڭنىڭ كوركەمدىگىن سەزىنۋىن قارسى الامىز“.

”بۇگىنگى وسى قيمىل شينجياڭنىڭ كەرەمەتىن ءبولىسۋدىڭ تاماشا ورايى. مادەنيەت جانە ساياحات اۋىس - كۇيىسى ارقىلى ەكى جاق حالقىنىڭ اناعۇرلىم تۇسىنىسەتىندىگىنە، اناعۇرلىم دوستاساتىندىعىنا سەنەمىن“، - دەدى گوۋتيانحۇڭ.اۆتونوميالى رايوندىق حالىق ۇكىمەتىنىڭ مادەنيەت اقىلشىسى شياۋداۋ كاڭيۇي وسى قيمىلعا ارنايى كەلىپ قاتىناستى، ول جاپونيا حالقىنىڭ جۇڭگونىڭ شينجياڭىنا بارىپ كوزىمەن كورۋىن ءارى كورگەن - بىلگەندەرىن توڭىرەگىندەگى ادامدارعا جەتكىزۋىن ءۇمىت ەتتى.

”شينجياڭعا ساياحاتتاي بارعانداردىڭ، ءسوز جوق، وكىنبەيتىندىگىنە سەنەمىن، سىزدەر شينجياڭنىڭ ەرەكشە جاراتىلىستىق كورىنىسىن، سالت - ساناسىن تاماشالاپ قانا قويماي، ونان دا ماڭىزدىسى، جۇڭگو ۇلگىسىندەگى وسىزامانداندىرۋ اياق الىسىنىڭ ىقشام كورىنىسىن دە كورە الاسىزدار“، - دەدى جۇڭگونىڭ وساكاداعى باس كونسۋلى شۋە جيان.