قازاقستان مەديالارى ۋاكىلدەر ۇيىرمەسى شينجياڭدا ەكسكۋرسيادا، ساپاردا بولدى −

　　كورىكتى شينجياڭدى بۇكىل دۇنيە جۇزىنە تانىستىرامىز

　　□ انار بۇلت \ شينجياڭ گازەتىنىڭ ءتىلشىسى گۋان مىڭيىڭ

8 - ايدىڭ 31 - كۇنىنەن 9 - ايدىڭ 1 - كۇنىنە دەيىن، قازاقستان مەديالارى ۋاكىلدەر ۇيىرمەسىندەگىلەر شينجياڭدا ەكسكۋرسيادا، ساپاردا بولىپ، ىلگەرىندى - كەيىندى ءۇرىمجى قالاسى، سانجى حۇيزۋ اۆتونوميالى وبلىسى سياقتى جەرلەرگە بارىپ، جەرگىلىكتى ورىننىڭ ەكونوميكالىق، قوعامدىق دامۋ جاعدايىن ۇعىستى.

ءۇرىمجى مادەنيەت ورتالىعى قالا جوباسى سارايىندا، شينجياڭ مۇقام ءانسامبىلى تەاترحاناسىندا، قازاقستان «شارۋاشىلىق گازەتىنىڭ» رەداكتورى سايدا جارگينوۆا تۇسىندىرمەنى تىڭداي وتىرىپ بەينەجازبا ءتۇسىردى. بۇل ونىڭ شينجياڭعا ءۇشىنشى رەت كەلۋى. ول بىلاي دەدى: ”مەن شينجياڭنىڭ دامۋىنا بۇرىننان نازار اۋدارىپ كەلەمىن، بۇل جەردىڭ بايلىعى مول، كورىنىسى كوركەم، مادەنيەتى شۇعىلالى، ’ءبىر بەلدەۋ، ءبىر جول‘ قۇرىلىسىنىڭ ىلگەرىلەۋىنە ساي، جۇڭگو - قازاقستان ەكى جاقتىڭ اۋىس - كۇيىستى، سەلبەستىكتى ۇزدىكسىز تەرەڭدەتۋىن ءۇمىت ەتەمىن“.

كوزدىڭ جاۋىن الاتىن شينجياڭنىڭ ەرەكشە تاۋارلارى، قويۋ ءسۇتتى شاي، ءتاتتى جەمىس - جيدەكتەر... شينجياڭ حالىقارالىق ۇلكەن بازارىندا مەديالار ۋاكىلدەر ۇيىرمەسىندەگىلەر شينجياڭنىڭ سالت - ساناسىن جانە كوپ نەگىزدى مادەنيەتىن سەزىندى. ”شينجياڭ جاقسى جەر، بۇل ارادا ومىرشەڭدىككە تولى قالا، وسىزاماندانعان كاسىپ سالاسى، مايەكتى تاريحي مادەنيەت بار، مەن بۇل ارانى قاتتى ۇناتامىن“. «قازاقستان گازەتى» اقپارات اگەنتتىگىنىڭ باس رەداكتورى ۆالەري سۇرگانوۆ ارنايى ”ءۇرىمجى“ دەگەن جازۋ باسىلعان جەيدە ساتىپ الدى، ”مەن جەيدەنى كيىپ ەلگە قايتامىن، سونداي - اق جەيدەنى كيىپ، وتباسىمداعىلارىممەن، دوستارىممەن بىرگە شينجياڭعا قايتا اياق باسۋدى ءۇمىت ەتەمىن“.

شينجياڭ حالىقارالىق ءماجىلىس - كورمە ورتالىعىندا مەديالار ۋاكىلدەر ۇيىرمەسى ”شينجياڭنىڭ لاڭكەستىككە قارسى تۇرۋ جانە ۇشقارىلىقتى الاستاۋ كۇرەسى نەگىزگى تاقىرىپتىق كورمەسىن“ ەكسكۋرسيالادى. ولار زورلىقتى كۇش لاڭكەستەردىڭ زورلىقتى كۇش ارەكەتتەرىن قاتاڭ جازعىردى، جۇڭگونىڭ شينجياڭىنىڭ لاڭكەستىككە جانە ۇشقارىلىققا سوققى بەرۋ جولىندا جاساعان قۇلشىنىستارىن جانە قول جەتكىزگەن تابىستارىن بارىنشا تۇراقتاندىردى.

”شينجياڭنىڭ بۇگىنگى تاڭداعى تىنىش، گۇلدەنگەن، ىنتىماقتى جاعدايى وڭاي - وسپاق كەلگەن جوق. لاڭكەستىككە قارسى تۇرۋ − بۇكىل دۇنيە ءجۇزىنىڭ ورتاق جاۋاپكەرشىلىگى، جۇڭگو شينجياڭىنىڭ ۇكىمەتى ورىندى شارالار قولدانىپ، بۇكىل دۇنيە ءجۇزىنىڭ لاڭكەستىككە قارسى تۇرۋ كۇرەسىن تاماشا تاجىريبەلەرمەن قامدادى“. تەنگر اقپارات سايتىنىڭ رەداكتورى اسەل ساتايەۆا بىلاي دەدى: شينجياڭداعى ۇلتتار ىنتىماقتى، جاراسىمدى، تىنىش ءومىر، شات - شادىمان تىرشىلىك كەشىرۋدە، ءار ۇلتتىڭ مادەنيەتى وتە جاقسى قورعالۋدا جانە جالعاستىرىلۋدا ەكەن. ”ءبىز مەديا تۇعىرىمىز ارقىلى وسى رەتكى ساپاردا شينجياڭنىڭ جەر - جەرىنەن كورگەن - بىلگەندەرىمىزدى تانىستىرامىز، حالىقارالىق قوعامعا شىنايى شينجياڭدى باياندايمىز“.

9 - ايدىڭ 1 - كۇنى مەديالار ۋاكىلدەر ۇيىرمەسى جيۋشىڭحى تۇقىم شارۋاشىلىعى جارنا شەكتى سەرىكتەستىگى، شينجياڭ ەرەكشە ترانسفورماتور توبى شەكتى سەرىكتەستىگى سياقتى كاسىپورىندارعا باردى. ”ءوندىرىس سەحىنىڭ بۇكىلدەي سيفرلانعان ۇلاسپالى جەلىسى، زەردەلى مەحانيكالى قولمەن جۇمىس ىستەۋ ادامدى قايران قالدىرادى“. گۋاڭجوۋ اۆتوموبيل توبى ءمىنىس اۆتوكولىگى شەكتى سەرىكتەستىگى شينجياڭ بولىمشە سەرىكتەستىگىنىڭ ءوندىرىس سەحىندا زاكون سايتىنىڭ استانادا تۇراتىن بولىمشە پۋنكتىنىڭ باس رەداكتورى وكساننا سكيبان شينجياڭنىڭ جاساۋ كاسىبىنىڭ جەدەل دامىعاندىعىنان بارىنشا تەبىرەندى، ”وسى رەتكى ەكسكۋرسيا، ساپار كەزىندە مەن شينجياڭنىڭ ەكونوميكالىق، قوعامدىق دامۋدى ىلگەرىلەتۋ جاعىندا قولدانعان شارالارى مەن قول جەتكىزگەن تابىستارىن كوردىم، بۇل ادامدى سۇيىندىرەدى، ۇيرەنۋگە جانە ۇلگى الۋعا تاتيدى“.

”بۇل اراداعى حالىق باقىتتى، ىنتىماقتى ەكەن، بۇل ايرىقشا نازار اۋدارۋعا تاتيتىن جەر. مەن جاقسى ۇگىتشى، بايلانىسشى بولىپ، اناعۇرلىم كوپ ادامعا جۇڭگونىڭ شينجياڭىن تانىستىرامىن، جۇڭگو - قازاقستان دوستىعى حيكاياسىن ويداعىداي باياندايمىن“. ەكى كۇندىك ەكسكۋرسيا، ساپار ۆالەري سۇرگانوۆتى قاتتى اسەرلەندىردى، ”بۇل جولعى ساپارداعى تابىسىم وتە مول بولدى، جۇڭگونىڭ شينجياڭىنىڭ مەديالارىنداعى كاسىپتەستەرمەن سەلبەسىپ، اۋىس - كۇيىس جاساپ، كورىكتى جۇڭگونىڭ شينجياڭىن بۇكىل دۇنيە جۇزىنە تانىستىرۋدى ءۇمىت ەتەمىن“.