شينحۋا اگەنتتىگىنىڭ 9 - ايدىڭ 4 - كۇنى بەيجيڭنەن بەرگەن حابارى. بۇكىل پارتيادا ىشكەرىلەي ورىستەتىلىپ جاتقان شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىنە سايكەسۋ ءۇشىن، ورتالىق نەگىزگى تاقىرىپتىق تاربيە باسشىلىق گرۋپپاسى كەڭسەسى، مەملەكەتتىك ۇلت ىستەرى كوميتەتى جۇڭگو ۇلتتار ءتىل - جازۋ اۋدارما مەكەمەسىنە جەتەكشىلىك ەتىپ «شي جينپيڭ جاڭا ءداۋىر جۇڭگوشا سوتسياليزم يدەياسىنان ارناۋلى تاقىرىپتىق ۇزىندىلەردىڭ» موڭعۇل ءتىلى، زاڭزۋ ءتىلى، ۇيعۇر ءتىلى، قازاق ءتىلى، چاۋشيان ءتىلى، يزۋ ءتىلى، جۋاڭزۋ ءتىلى سىندى 7 ۇلت ءتىل - جازۋىنداعى نۇسقاسىن اۋدارۋ قىزمەتىن ورىندادى، بۇگىننەن باستاپ بۇكىل ەلدە باسپادان شىعىپ، تاراتىلدى.

«ارناۋلى تاقىرىپتىق ۇزىندىلەردىڭ» ۇلتتار ءتىل - جازۋىنداعى نۇسقاسىنىڭ باسپادان شىعىپ تاراتىلۋى قالىڭ از ۇلت پارتيا مۇشەلەرىنىڭ، كادرلارىنىڭ ”ەكىنى تۇراقتاندىرۋدىڭ“ شەشۋشى ءمانىن جەتە ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، سانالى تۇردە يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، شي جينپيڭ جاڭا ءداۋىر جۇڭگوشا سوتسياليزم يدەياسىن پارتيانىڭ 20 - قۇرىلتايى العا قويعان كەلەلى ستراتەگيالىق ورنالاستىرۋلاردى دايەكتىلەندىرۋدە، تياناقتاندىرۋدا شىن مانىندە قولدانىپ، وسى يدەيانى سۋبيەكتيۆ دۇنيە مەن وبيەكتيۆ دۇنيەنى وزگەرتۋدەگى قۋاتتى يدەيالىق قارۋعا اينالدىرۋىن اناعۇرلىم ىلگەرىلەتەدى.

«ارناۋلى تاقىرىپتىق ۇزىندىلەردىڭ» موڭعۇل تىلىندەگى، زاڭزۋ تىلىندەگى، ۇيعۇر تىلىندەگى، قازاق تىلىندەگى، چاۋشيان تىلىندەگى نۇسقاسىن ۇلتتار باسپاسى باسپادان شىعارىپ تاراتتى؛ يزۋ تىلىندەگى، جۋاڭزۋ تىلىندەگى نۇسقاسىن ۇلتتار باسپاسى جەكە - جەكە سىچۋان ۇلتتار باسپاسىمەن، گۋاڭشي ۇلتتار باسپاسىمەن بىرلەسىپ باسپادان شىعارىپ تاراتتى.