شينحۋا اگەنتتىگىنىڭ 9 - ايدىڭ 12 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس جۋىقتا «فۋجياننىڭ بۇعازدىڭ ەكى جاعالاۋىنىڭ توعىسپالى دامۋ جاڭا جولى جونىندە ىزدەنۋىن، ەكى جاعالاۋدىڭ توعىسپالى دامۋى بويىنشا ۇلگى كورسەتۋ رايونىن قۇرۋىن قولداۋ جونىندەگى پىكىردى» (تومەندە قىسقارتىلىپ «پىكىر» دەلىنەدى) باسىپ تاراتتى.
«پىكىردە» مىنالار اتاپ كورسەتىلدى: تايۋان ماسەلەسىن شەشۋ، وتاننىڭ بۇكىلدەي بىرلىككە كەلۋىن جۇزەگە اسىرۋ − جۇڭگو كوممۋنيستىك پارتياسىنىڭ اينىماس تاريحي مىندەتى، بارلىق جۇڭحۋا پەرزەنتتەرىنىڭ ورتاق ارمانى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ قاجەتتى تالابى. فۋجيان تايۋان قىزمەتىنىڭ جالپى جاعدايىندا ەرەكشە ورىنعا جانە رولعا يە.
«پىكىردە» مىنالار تالاپ ەتىلدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جاڭا داۋىردەگى پارتيانىڭ تايۋان ماسەلەسىن شەشۋدەگى جالپى تۇلعالىق جالپى جوباسىن دايەكتىلەندىرۋگە تاباندى بولىپ، ”ەكى جاعالاۋ بەرەكەلى شاڭىراعى“ ۇستانىمىن امالياتتا ايگىلەپ، تۇتاستىرۋ ارقىلى توعىسۋدى جەبەۋدى، تيىمدىلىك جاساۋ ارقىلى توعىسۋدى جەبەۋدى، سۇيىسپەنىشلىك ارقىلى توعىسۋدى جەبەۋدى كورنەكتىلەندىرىپ، فۋجيان جالپى وڭىرىندە ەكى جاعالاۋدىڭ توعىسپالى دامۋى بويىنشا ۇلگى كورسەتۋ رايونىن قۇلشىنا قۇرۋ كەرەك.
فۋجياننىڭ تايۋان جونىنەن ەرەكشە باسىمدىعى مەن الدىمەن ۇلگى كورسەتۋ رولىن تولىق ساۋلەلەندىرىپ، ءار جاقتىڭ بايلىق قاينارىنان شەبەر پايدالانىپ، توعىسپالى دامۋدى تەرەڭدەتۋ كەرەك. تايۋاندىق باۋىرلاستارعا باستان - اياق قۇرمەت ەتىپ، قامقورلىق جاساپ، باقىت جاراتىپ، تايۋاندىق باۋىرلاستاردىڭ قۇت - ىرىسىن ارتتىرۋ جانە ۇقساس مامىلەدەن يگىلىكتەنۋ ساياسات - ءتۇزىمىن كەمەلدەندىرۋ كەرەك. ماسەلەنى باعدار ەتۋگە تاباندى بولىپ، الدىمەن اتقارۋدى، الدىمەن سىناق ەتۋدى كورنەكتىلەندىرىپ، ۇقىق بەرۋ، قۋات ۇستەۋدى ۇلعايتىپ، ساياسات پەن تۇزىمدە جاڭالىق اشۋدى ۇزدىكسىز ىلگەرىلەتۋ كەرەك. الدىمەن جەڭىلىن، سوڭىنان قيىنىن ىستەۋگە، بىرتىندەپ ىلگەرىلەۋگە، ۇزدىكسىز ىلگەرىلەتۋگە، ۇزدىكسىز قاجىماي كۇش سالۋعا تاباندى بولىپ، ۋاقىتقا، جاعدايعا قاراي ىستەپ، شارت - جاعدايى جاقسى، باسىمدىعى كورنەكتى رايونداردىڭ الدىمەن سىناق ءتۇيىنى ەتىلۋىن، ءتۇيىن ارقىلى كولەمدى جەتەكتەۋدى قولداپ، وزگە وڭىرلەردىڭ ورنىن ءدال تاۋىپ، سايكەسە ونىمدىلىكتى ارتتىرۋىنا جەتەكشىلىك ەتۋ كەرەك.
«پىكىردە» ايقىن العا قويىلعان قىزمەت نىساناسى مىناداي: ەكى جاعالاۋدىڭ توعىسپالى دامۋى بويىنشا ۇلگى كورسەتۋ رايونى نەگىزىنەن قۇرىلىپ بولدى، فۋجيان تايۋاندىق باۋىرلاستاردىڭ، تايۋان كاسىپورىندارىنىڭ ۇلى قۇرلىققا كەلۋدەگى ءبىرىنشى مەكەنى رەتىندەگى اسەرىن تولىق ايگىلەدى. توعىسپالى دامۋدىڭ ساياسات - ءتۇزىم جۇيەسىن اناعۇرلىم كەمەلدەندىرىپ، ”ەكى جاعالاۋ بەرەكەلى شاڭىراعى، فۋجيان، تايۋان بارعان سايىن ەتەنە“ بولۋداي قوعامدىق رايدى اناعۇرلىم قويۋلاتۋ؛ فۋجياندىقتاردىڭ، تايۋاندىقتاردىڭ بارىس - كەلىسىنە اناعۇرلىم قولايلىلىق جاراتىپ، ساۋدا، قارجى قوسۋدى دا اناعۇرلىم ىركىلىسسىزدەندىرىپ، اۋىس - كۇيىستى، سەلبەستىكتى اناعۇرلىم كەڭ سالالارعا كەڭەيتىپ، اناعۇرلىم تەرەڭ دەڭگەيگە ۇلعايتۋ؛ شيامىن مەن جينمىن، فۋجوۋ مەن مازۋ توعىسپالى دامۋ بويىنشا ۇلگى كورسەتۋ اسەرىن ۇزدىكسىز ايگىلەپ، پيڭتان كەشەندى تاجىريبە رايونىنىڭ تايۋانمەن توعىسۋ رولىن تولىق ساۋلەلەندىرۋ كەرەك.
«پىكىردە» تاعى ”تايۋاندىق باۋىرلاستاردىڭ، تايۋان كاسىپورىندارىنىڭ ۇلى قۇرلىققا كەلۋىندەگى ءبىرىنشى مەكەنىن قۇرۋ“، ”فۋجيان مەن تايۋاننىڭ ەكونوميكا - ساۋداسىن تەرەڭ توعىستىرۋ“، ”فۋجياننىڭ تۇتاس وڭىرلىك توعىسپالى دامۋىن جەبەۋ“، ”فۋجيان مەن تايۋاننىڭ قوعامدىق، گۋمانيتارلىق اۋىس - كۇيىسىن تەرەڭدەتۋ“ سياقتى 21 تارماقتى ناقتى مازمۇن العا قويىلدى.