جاڭ چۇنلين جۇڭگو شينجياڭ دوستىق ۋاكىلدەر ۇيىرمەسىن باستاپ الجيريادا، ەگيپەتتە ساپاردا بولدى

　　سەلبەستىكتى، اۋىس - كۇيىستى تەرەڭدەتىپ، جۇڭگو شينجياڭىنىڭ وبرازىن ايگىلەدى

انار بۇلت \ شينجياڭ گازەتىنىڭ ءتىلشىسى ليۋ شياڭ 10 - ايدىڭ 17 - كۇنى ۇرىمجىدەن حابارلايدى. 10 - ايدىڭ 9 - كۇنىنەن 13 - كۇنىنە دەيىن اۆتونوميالى رايوندىق پارتكومنىڭ ورىنباسار شۋجيى جاڭ چۇنلين جۇڭگو شينجياڭ دوستىق ۋاكىلدەر ۇيىرمەسىن باستاپ الجيريادا، ەگيپەتتە ساپاردا بولىپ، الجيرياداعى، ەگيپەتتەگى جانە اراب ەلدەرى وداعى حاتشىلار باسقارماسىنداعى قاتىستى مانساپتىلارمەن جانە قاتىستى قايراتكەرلەرمەن كەڭ كولەمدە كەزدەسىپ، پىكىرلەسىپ، بەلسەندى ونىمدىلىككە قول جەتكىزدى.

ۋاكىلدەر ۇيىرمەسى جۇڭگونىڭ الجيرياداعى ەلشىلىگىندە ”شينجياڭ جاقسى جەر“ اتىنداعى ۇگىتتەۋ - تانىستىرۋ ءماجىلىسىن وتكىزىپ، جۇڭگو شينجياڭىنىڭ نەگىزگى جاعدايىن جان - جاقتى تانىستىردى، پارتيا 18 - قۇرىلتايىنان بەرى جۇڭگونىڭ شينجياڭىنىڭ ەكونوميكالىق، قوعامدىق دامۋدا قول جەتكىزگەن تابىستارىن ءتۇيىندى تۇردە تانىستىردى ءارى جۇڭگونىڭ شينجياڭى مەن الجيريانىڭ دوستىق اۋىس - كۇيىسىن جانە ناقتى سەلبەستىگىن ونان ارى كۇشەيتۋ جونىندە قاتىستى ۇسىنىستاردى العا قويدى. الجيريا اقپارات مەديالارىنىڭ تىلشىلەرى بەلسەنە، جابال سۇراۋ قويدى، ۋاكىلدەر ۇيىرمەسىنىڭ مۇشەلەرى سۇراۋلارعا ءبىر - بىردەن جاۋاپ بەردى. تۇتاس قيمىل قىزۋ مەرەيگە شومىپ، دوستىق سۇيىسپەنشىلىك تەرەڭدەي ءتۇستى.

ۋاكىلدەر ۇيىرمەسى ىلگەرىندى - كەيىندى الجيريا − جۇڭگو دوستىق ىستەستىك قوعامىنىڭ ءتوراعاسى يسمايىل دەبەش، ەگيپەتتىڭ كايرو ولكەسىنىڭ باستىعى حاليد ابدۇللەر، اراب ەلدەرى وداعىنىڭ كومەكشى باس حاتشىسى حايفا ابۋجازاراعا امانداسا باردى ءارى الجيريا جۇڭگو قارجىلاندىرعان كاسىپورىندار قوعامىمەن، كايرو ونەركاسىپ - ساۋدا سالاسىنداعى قاتىستى قايراتكەرلەرمەن، سونداي - اق ەگيپەتتەگى ءبىر ءبولىم چياۋمين باۋىرلاستارمەن جەكە - جەكە اڭگىمە وتكىزىپ، پىكىر اۋىستىردى. ۋاكىلدەر ۇيىرمەسىنىڭ مۇشەلەرى جۇڭگونىڭ شينجياڭىنىڭ ەكونوميكالىق دامۋى، قوعام ورنىقتىلىعى، حالىق تۇرمىسىن جاقسارتۋ، كەدەيلىكتەن ارىلتۋدان قامال الۋ، وقۋ - اعارتۋ، ەمدەۋ، ۇلت، ءدىن، مادەنيەتتى قورعاۋ، سىرتقا ەسىك اشۋ سياقتى جاقتارداعى تابىستارىن بەلسەنە ۇگىتتەپ، تانىستىرىپ، وبيەكتيۆ، ەگجەي - تەگجەيلى ساندى مالىمەتتەر، ناقتى، جاندى مىسالدار ارقىلى جۇڭگونىڭ شينجياڭىنىڭ وبرازىن ايگىلەپ، جۇڭگونىڭ شينجياڭىنىڭ ءۇنىن تاراتىپ، جۇڭگونىڭ شينجياڭىنىڭ حيكايالارىن بايانداپ، بەلسەندى، قىزۋ اڭىس قوزعادى.

الجيريا، ەگيپەت جانە اراب ەلدەرى وداعىنداعى قاتىستى قايراتكەرلەر ۋاكىلدەر ۇيىرمەسىنىڭ ساپارلاي كەلگەندىگىن قارسى الاتىندىعىن ءبىلدىردى، جۇڭگونىڭ شينجياڭىنىڭ ىنتىماقتى، ورنىقتى اسا تاماشا جاعدايى مەن جۇڭگونىڭ شينجياڭىنىڭ ادامدىق ۇقىقتى قامتاماسىز ەتۋ، ۇلتتار ىنتىماعى، ءدىن تاتۋلىعى سياقتى جاقتاردا ىستەگەن قىزمەتتەرىنە، قول جەتكىزگەن ناتيجەلەرىنە بەلسەندى باعا بەرىپ، جۇڭگونىڭ شينجياڭىمەن قاتىستى سالالارداعى اۋىس - كۇيىستى، سەلبەستىكتى كۇشەيتۋدى قالايتىندىعىن ءبىلدىردى.