جۇڭگو كوممۋنيستىك پارتياسى ورتالىق كوميتەتى ساياسي بيۋروسى 12 - ايدىڭ 8 - كۇنى ٴماجىلىس اشىپ، 2024 - جىلعى ەكونوميكالىق قىزمەتكە تالداۋ جاساپ، اقىلداسىپ، ”ورنىقتىلىق بارىسىندا ىلگەرىلەۋ قىزمەت جالپى ارناسىنان جازباۋدى“ ايقىن العا قويدى، ”ەكونوميكانىڭ قايتا ورلەۋ، جاقسارۋ جاعدايىن بەكەمدەپ جانە كۇشەيتىپ، ەكونوميكانىڭ ساپا جاعىندا ٴونىمدى جوعارىلاۋى مەن سان جاعىندا ۇيلەسىمدى ارتۋىن جۇزەگە اسىرۋدى ٴۇرتىس ىلگەرىلەتۋدى“ باسا دارىپتەدى، ٴبىرقىدىرۋ ماڭىزدى ورنالاستىرۋ 2024 - جىلعى ەكونوميكالىق قىزمەتتىڭ جاڭا بەتالىسىن جەتكىزدى.
بيىل ەكونوميكا قايتا ورلەدى، جاقساردى، كەلەر جىلى ”14 - بەسجىلدىق“ جوبانى اتقارۋدىڭ شەشۋشى ٴبىر جىلىن قارسى الامىز
بيىل − پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ باستاما جىلى، 3 جىلعى جاڭا تيپتى ايدارشا ۆيرۋس ىندەتىنەن ساقتانۋ - تىزگىندەۋ جاڭا كەزەڭگە وتكەننەن كەيىن ەكونوميكا قالپىنا كەلگەن، دامىعان ٴبىر جىل بولدى.
كەزەكتە ەلىمىزدىڭ دامۋى ٴدوپ كەلگەن جاعداي قىم - قۋىت، كۇردەلى، حالىقارالىق ساياسي، ەكونوميكالىق ورتانىڭ ٴتيىمسىز فاكتورلارى كوبەيىپ، ەل ٴىشىنىڭ پەريودتىق جانە قۇرىلىمدىق قايشىلىقتارى قاباتتاسىپ وتىر.
”سىرتقى قىسىمعا توتەپ بەرىپ، ىشكى قيىنشىلىقتى جەڭدى“، ”ەلىمىزدىڭ ەكونوميكاسى قايتا ورلەدى، جاقساردى“، ”جاپپاي سوتسياليستىك وسىزاماندانعان مەملەكەت قۇرۋدا نىق قادام تاستالدى“... ورتالىق كوميتەت ساياسي بيۋروسىنىڭ ٴماجىلىسى بيىلعى ەكونوميكالىق اينالىم جاعدايىن مىنە وسىلاي قورىتىندىلادى.
كۇردەلى دە قاتاڭ جاعدايدا، بيىلعى ەكونوميكالىق اينالىم مەن ەكونوميكالىق قىزمەت ناتيجەسىنىڭ وڭايلىقپەن قولعا كەلمەگەندىگى پارتيا ورتالىق كوميتەتىنىڭ جاعداي جونىندەگى تۇجىرىمىنىڭ جانە قاتىستى شەشىمدەرىنىڭ دۇرىستىعىن، كورەگەندىگىن تولىق دالەلدەدى. جاڭا ٴبىر جىلعا كوز جىبەرگەن باس شۋجي شي جينپيڭ 12 - ايدىڭ 6 - كۇنى اشىلعان پارتيا سىرتىنداعى قايراتكەرلەر اڭگىمە ماجىلىسىندە دە: ”ەلىمىز ەكونوميكاسىنىڭ قالپىنا كەلۋى ٴالى دە شەشۋشى كەزەڭدە تۇر“ دەپ تۇجىرىم جاسادى.
2024 - جىل − جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعى، ”14 - بەسجىلدىق“ جوبانى اتقارۋدىڭ شەشۋشى ٴبىر جىلى، ەكونوميكالىق قىزمەتتى ويداعىداي ىستەۋ ايرىقشا ماڭىزدى.
”ماكرولىق رەتتەۋ - مەڭگەرۋ تەبىنىن ارتتىرۋ“، ”ەكونوميكانىڭ ومىرشەڭدىك كۇشىن شىن مانىندە كۇشەيتۋ، حاۋىپ - قاتەردەن ساقتانۋ جانە ونى جويۋ، قوعامدىق مەجەنى جاقسارتۋ“، ”ەكونوميكانىڭ قايتا ورلەۋ، جاقسارۋ جاعدايىن بەكەمدەۋ جانە كۇشەيتۋ“، ”ەكونوميكانىڭ ساپا جاعىندا ٴونىمدى جوعارىلاۋى مەن سان جاعىندا ۇيلەسىمدى ارتۋىن جۇزەگە اسىرۋدى ٴۇرتىس ىلگەرىلەتۋ“... كەلەر جىلعى ەكونوميكالىق قىزمەتكە مەڭزەس، ورتالىق كوميتەت ساياسي بيۋروسىنىڭ ٴماجىلىسى جەلىلەس ورنالاستىرۋ جاسادى.
مەملەكەتتىك دامۋ جانە رەفورما كوميتەتى حالىق شارۋاشىلىعى جالپىلىق مەكەمەسىنىڭ جاۋاپتىسى بىلاي دەدى: ماجىلىستە العا قويىلعان ”ٴۇشتى ٴبىر تۇتاس جوسپارلاۋ“ − كەلەر جىلعى ەكونوميكالىق قىزمەتتە يگەرۋگە ٴتيىستى ماڭىزدى پرينسيپ. ىشكى سۇرانىستى كەڭەيتۋ مەن قامداۋ جاعىنداعى قۇرىلىمدىق رەفورمانى تەرەڭدەتۋدى ٴبىر تۇتاس جوسپارلاۋدا ەكەۋىن ورگانيكالى ۇشتاستىرىپ، ەل ىشىندەگى ۇلكەن اينالىمنىڭ ىشكى قوزعاۋشى كۇشى مەن سەنىمدىلىگىن كۇشەيتىپ، حالىقارالىق اينالىمنىڭ ساپاسى مەن ونىمدىلىگىن جوعارىلاتۋ كەرەك. جاڭاشا قالا - قالاشىقتاندىرۋ مەن اۋىل - قىستاقتى جاپپاي گۇلدەندىرۋدى ٴبىر تۇتاس جوسپارلاۋدا اۋىل شارۋاشىلىعى، اۋىل - قىستاق، شارۋالار قىزمەتىن تاباندىلىقپەن ويداعىداي يگەرىپ، اۋىل شارۋاشىلىعىنان ويىسقان حالىقتى قالا تۇرعىندارىنا اينالدىرۋدى اناعۇرلىم كورنەكتى ورىنعا قويىپ، قالا مەن اۋىلدىڭ توعىسا دامۋىن ىلگەرىلەتۋ كەرەك. جوعارى ساپالى دامۋ مەن جوعارى دەڭگەيدەگى حاۋىپسىزدىكتى ٴبىر تۇتاس جوسپارلاۋدا جوعارى ساپالى دامۋدى مىقتاپ يگەرۋدەن اۋىتقىماي، ٴتۇيىندى سالالارداعى حاۋىپ - قاتەرلەردەن ٴۇرتىس ٴونىمدى ساقتانىپ جانە ونى جويىپ، مەملەكەتتىڭ حاۋىپسىزدىك قابىلەتى قۇرىلىسىن كۇشەيتىپ، جاڭا حاۋىپسىزدىك ارناسى ارقىلى جاڭا دامۋ ارناسىن قامتاماسىز ەتۋ كەرەك.
ورنىقتىلىق بارىسىندا ىلگەرىلەۋگە، ىلگەرىلەۋ ارقىلى ورنىقتىلىقتى جەبەۋگە، الدىمەن قۇرىپ، ونان سوڭ كۇشىنەن قالدىرۋعا تاباندى بولۋ
ورتالىق كوميتەت ساياسي بيۋروسىنىڭ ٴماجىلىسى مىنالاردى اتاپ كورسەتتى: كەلەر جىلى ورنىقتىلىق بارىسىندا ىلگەرىلەۋگە، ىلگەرىلەۋ ارقىلى ورنىقتىلىقتى جەبەۋگە، الدىمەن قۇرىپ، ونان سوڭ كۇشىنەن قالدىرۋعا تاباندى بولىپ، ماكرولىق ساياساتتا كەرى پەريودتىق جانە پەريود اتتاپ رەتكە سالۋدى كۇشەيتىپ، بەلسەندى قازىنا ساياساتى مەن ورنىقتى دا اقاۋسىز اقشا ساياساتىن ۇزدىكسىز اتقارۋ كەرەك.
”ورنىقتىلىق بارىسىندا ىلگەرىلەۋگە، ىلگەرىلەۋ ارقىلى ورنىقتىلىقتى جەبەۋگە، الدىمەن قۇرىپ، ونان سوڭ كۇشىنەن قالدىرۋعا تاباندى بولۋدىڭ تەتىگى − وندا قامتىلعان ديالەكتيكالىق قاتىناستى ويداعىداي يگەرۋدە“. مەملەكەتتىك دامۋ جانە رەفورما كوميتەتى حالىق شارۋاشىلىعى جالپىلىق مەكەمەسىنىڭ جاۋاپتىسى بىلاي دەدى: ٴتۇرلى قىزمەتتى ىلگەرىلەتۋدىڭ بارلىعىندا زاڭدىلىققا قۇرمەت ەتۋ كەرەك. ”ورنىقتىلىق“ نەگىزىندە ”ىلگەرىلەۋدى“ جەبەۋ، ەكونوميكالىق قۇرىلىم، دامۋ ساپاسى، كەلەلى رەفورما جاعىندا ”ىلگەرىلەۋ“ ارقىلى ”ورنىقتىلىقتى“ جۇزەگە اسىرۋ كەرەك. ”قۇرۋ“ مەن ”كۇشىنەن قالدىرۋ“ جاعىندا دا ىلگەرىندى - كەيىندى ٴتارتىپتى ويداعىداي يگەرۋ قاجەت، ايتپەگەندە ەكونوميكانىڭ دامۋ كەلەلى جاعدايىنا ىقپال جاسايدى، بۇل دا ەكونوميكالىق قىزمەتتىڭ ماڭىزدى ادىستەمەسى.
چيڭحۋا داشۋەسى جۇڭگونىڭ دامۋ جوباسىن زەرتتەۋ ينستيتۋتىنىڭ ۇنەمىلىك ىستەرگە جاۋاپتى ورىنباسار باستىعى دۇڭ يۇي بىلاي دەپ قارادى: كەزەكتەگى ەكونوميكالىق اينالىم بارىسىنداعى ماسەلەلەردىڭ قىسقا مەرزىمدىگى دە، ۇزاق مەرزىمدىگى دە بار. ٴماجىلىس ورنالاستىرۋىنان قاراعاندا، كەلەر جىلعى ماكرولىق ساياسات اناعۇرلىم دالمە - ٴدال كۇش سالىپ، قوسۋ امالىن كوبىرەك ىستەپ، اناعۇرلىم بەلسەندى دە ىرىقتى قولداۋ ساياساتىن قولدانىپ، دامۋ ٴادىسى ارقىلى ماسەلەنى شەشىپ، سەنىمدى ونان ارى سەرپىلتەتىن بولادى.
مۇنان سىرت، ماجىلىستە مىنالار باسا دارىپتەلدى: بەلسەندى قازىنا ساياساتىندا تەبىندى ۇيلەسىمدى ارتتىرۋ، ساپانى جوعارىلاتىپ، ونىمدىلىكتى ارتتىرۋ كەرەك، ورنىقتى دا اقاۋسىز اقشا ساياساتى يكەمدى، ۇيلەسىمدى، دالمە - ٴدال، ٴونىمدى بولۋ كەرەك.
بيىل جىل باسىنان بەرى ەلىمىز بەلسەندى قازىنا ساياساتى مەن ورنىقتى دا اقاۋسىز اقشا ساياساتىن ۇزدىكسىز اتقارىپ، ماكرولىق ساياساتتى رەتتەۋ - مەڭگەرۋ تەبىنىن ارتتىرىپ، ٴتۇرلى ساياساتتاردى سايكەستىرۋدى، ۇيلەستىرۋدى كۇشەيتىپ، ەكونوميكانىڭ جالپى تۇلعالىق جاقتان ورلەۋىن، جاقسارۋىن قۇلشىنا ىلگەرىلەتىپ، جوعارى ساپالى دامۋدى تىڭعىلىقتى ىلگەرىلەتتى.
”ٴماجىلىس ’تەبىندى ۇيلەسىمدى ارتتىرۋدى‘ ايقىنداۋمەن بىرگە، ’ساپانى جوعارىلاتىپ، ونىمدىلىكتى ارتتىرۋدى‘ باسا دارىپتەدى، بۇل قازىنا ساياساتىنىڭ باعىتتامالىلىعىن كۇشەيتۋگە پايدالى“. جۇڭگو قوعامدىق عىلىمدار اكادەمياسى قازىنا - سالىق زەرتتەۋ ورتالىعىنىڭ مەڭگەرۋشىسى ياڭ جىيۇڭ بىلاي دەدى: جۋىق جىلداردان بەرى ەلىمىز بەلسەندى قازىنا ساياساتىن ۇزدىكسىز اتقارعان جاعدايدا، كەلەر جىلعى قازىنا ساياساتى ٴالى دە ۇزدىكسىز كۇش سالىپ، بەلسەندىلىكتى ساقتاپ، ساپانى جوعارىلاتىپ، ونىمدىلىكتى ارتتىرىپ، اناعۇرلىم دالمە - ٴدال، اناعۇرلىم باعىتتامالى تۇردە رولىن ساۋلەلەندىرەدى.
شاڭحاي فينانس جانە دامۋ تاجىريبەحاناسىنىڭ مەڭگەرۋشىسى زىڭ گاڭ بىلاي دەپ قارادى: ورنىقتى دا اقاۋسىز اقشا ساياساتى ارقىلى كەرى پەريودتىق جانە پەريود اتتاپ رەتكە سالۋدى ويداعىداي ىستەپ، اقشا امانات - قارىزىنىڭ جالپى مولشەرى مەن قوعامدىق قارجى قۇراۋ كولەمىنىڭ ۇيلەسىمدى ارتۋىن ساقتاپ، قۇرىلىمدىق اقشا ساياساتى قۇرالىنان ويداعىداي پايدالانىپ، ”يكەمدى، ۇيلەسىمدى، دالمە - ٴدال، ٴونىمدى بولۋدى“ جۇزەگە اسىرىپ، تۇلعالىق ەكونوميكانىڭ ورنىقتى ارتۋىن پارمەندى، ٴونىمدى قولداۋ كەرەك.
ورتالىق كوميتەت ساياسي بيۋروسىنىڭ ٴماجىلىسى مىنالاردى ورتاعا قويدى: ماكرولىق ساياسات بەتالىسىنىڭ ٴبىرىڭعايلىعىن كۇشەيتىپ، ەكونوميكالىق ۇگىتتى جانە قوعامدىق پىكىر جەتەكشىلىگىن كۇشەيتۋ كەرەك.
”ماكرولىق ساياسات بەتالىسىنىڭ ٴبىرىڭعايلىعىن كۇشەيتۋ ٴارى ساياساتتىڭ ونىمدىلىگىن جوعارىلاتۋعا، ٴارى بازار مەجەسىن ورنىقتىرۋعا پايدالى“. زىڭ گاڭ بىلاي دەدى: ٴبىر جاعىنان، جاڭا، كونە ساياساتتاردىڭ جالعاسۋىن جۇزەگە اسىرۋ، ەندى ٴبىر جاعىنان، قازىنا، اقشا، كاسىپ سالاسى، باقىلاۋ - باسقارۋ سياقتى ساياساتتاردىڭ سايكەسۋىن، ۇيلەسۋىن ويداعىداي ىستەپ، جوعارى ساپالى دامۋدى بىرگە جەبەيتىن بىرىككەن كۇش قالىپتاستىرۋ كەرەك.
جاڭا دامۋ ارناسىن جەدەل قالىپتاستىرىپ، جوعارى ساپالى دامۋعا ۇزدىكسىز پارمەندى قوزعاۋشى كۇش ۇستەۋ
جاڭا دامۋ ارناسىن قالىپتاستىرۋدىڭ تەتىگى ەكونوميكالىق اينالىمنىڭ ىركىلىسسىز، كەدەرگىسىز بولۋىن جۇزەگە اسىرۋدا، بۇل، باستىسى، قامداۋ مەن قاجەتسىنۋ ەكى ۇشتىڭ قوزعاۋشى كۇشىنىڭ كۇشتى بولعان - بولماعاندىعىنا، جالپى تۇلعالىق جاقتان سايما - ساي كەلگەن - كەلمەگەندىگىنە، يكەمدى تەپە - تەڭ بولعان - بولماعاندىعىنا، ٴتيىمدى ىقپالداستىعى بار - جوعىنا بايلانىستى. بۇل جونىندە ورتالىق كوميتەت ساياسي بيۋروسىنىڭ ماجىلىسىندە ”ىشكى سۇرانىستى كەڭەيتۋ مەن جانە قامداۋ جاعىنداعى قۇرىلىمدىق رەفورمانى تەرەڭدەتۋدى ٴبىر تۇتاس جوسپارلاۋ“ العا قويىلدى ٴارى ٴبىر قىدىرۋ ماڭىزدى ورنالاستىرۋلار جاسالدى.
قامداۋ جاعىن ارقاۋ ەتە وتىرىپ، ماجىلىستە مىنالار العا قويىلدى: عىلىم - تەحنيكادا جاڭالىق اشۋ ارقىلى وسىزاماندانعان كاسىپ سالاسى جۇيەسى قۇرىلىسىنا جەتەكشىلىك ەتىپ، كاسىپ سالاسى تىزبەگىنىڭ، قامداۋ تىزبەگىنىڭ سەرپىمدىلىگىن جانە حاۋىپسىزدىك دەڭگەيىن جوعارىلاتۋ كەرەك.
”قازىر جاڭا كەزەكتى عىلىم - تەحنيكا توڭكەرىسى مەن كاسىپ سالاسى وزگەرىسى ىشكەرىلەي دامۋدا، شارپۋ كولەمىنىڭ كەڭدىگى، ىقپال دارەجەسىنىڭ تەرەڭدىگى بۇرىن بولماعان. عىلىم - تەحنيكادا جاڭالىق اشۋدى نەگىزگى قوزعاۋشى كۇش ەتۋگە تاباندى بولىپ، عىلىم - تەحنيكادا جاڭالىق اشۋ ارقىلى كاسىپ سالاسى وزگەرىسىنە جەتەكشىلىك ەتىپ، كاسىپ سالاسىنىڭ قابىلەت دەڭگەيىن جوعارىلاتىپ، ولقىلىقتاردى تولىقتاپ، ارتىقشىلىقتاردى ساۋلەلەندىرىپ، جاڭا تىرەكتى كاسىپ سالالارىن بار كۇشپەن جەتىلدىرىپ، دامۋدىڭ جاڭا سالاسىن، جاڭا جارىس جولىن ۇزدىكسىز اشىپ، دامۋدىڭ جاڭا قوزعاۋشى قۋاتىن، جاڭا باسىمدىعىن سومداۋ كەرەك“، - دەدى دۇڭ يۇي.
سۇرانىستى ارقاۋ ەتە وتىرىپ، ماجىلىستە مىنالار العا قويىلدى: ىشكى سۇرانىستى كۇش سالا كەڭەيتىپ، تۇتىنۋ مەن قارجى قوسۋ ٴبىرىن - ٴبىرى جەبەيتىن ۇتىمدى اينالىم قالىپتاستىرۋ كەرەك.
مەملەكەتتىك دامۋ جانە رەفورما كوميتەتى حالىق شارۋاشىلىعى جالپىلىق مەكەمەسىنىڭ جاۋاپتىسى بىلاي دەدى: ٴبىر جاعىنان، تۇتىنۋ قاجەتىن، اسىرەسە، حالىقتىڭ كۇن سايىن ارتىپ وتىرعان تاماشا تۇرمىس قاجەتىن قاناعاتتاندىرۋدا ٴونىمدى قامداۋ قۋاتى مەن ساپاسىن ۇزدىكسىز جوعارىلاتىپ، قامداۋدى جاقسارتۋ ٴۇشىن ٴونىمدى قارجى قوسۋعا تۋرا كەلەدى؛ ەندى ٴبىر جاعىنان، قارجى قوسۋدى ناقتى زاتتىق قىزمەت مولشەرىنە اينالدىرۋ بارىسىندا دا، تاۋار نەمەسە قىزمەت وتەۋدى ساتىپ الۋ سياقتى تىزبەكتەر ارقىلى جەتكىزىپ كىرىستىڭ ارتۋىن، تۇتىنۋدىڭ كەڭەيۋىن ٴونىمدى تۇردە جەتەكتەپ، ۇتىمدى اينالىم قالىپتاستىرۋ كەرەك.
حالىق شارۋاشىلىعىنىڭ ۇتىمدى اينالىمىن جۇزەگە اسىرۋ رەفورما جاساۋدى، ەسىك اشۋدى ونان ارى تەرەڭدەتۋدەن ايرىلا المايدى. ماجىلىستە مىنالار العا قويىلدى: ٴتۇيىندى سالالارداعى رەفورمانى تەرەڭدەتىپ، جوعارى ساپالى دامۋعا ٴۇرتىس قۋاتتى قوزعاۋشى كۇش ۇستەۋ كەرەك. جوعارى دەڭگەيدە سىرتقا ەسىك اشۋدى كەڭەيتىپ، سىرتقى ساۋدانىڭ، شەتەل قارجىسىنىڭ نەگىزگى جاعدايىن بەكەمدەۋ كەرەك.
حالىق تۇرمىسىنىڭ تومەنگى شەگىن مىقتى يگەرىپ، شارۋا جۇمىسكەرلەردىڭ ەڭبەكاقىسىنىڭ ۋاعىندا، تولىق تاراتىلۋىن قامتاماسىز ەتۋ
حالىقتىڭ باقىتتى، الاڭسىز بولۋى − جوعارى ساپالى دامۋدى ىلگەرىلەتۋدىڭ ەڭ سوڭعى ماقساتى. ەكونوميكالىق جاعداي نەعۇرلىم كۇردەلى، قاتاڭ بولعان سايىن، نازاردى حالىق تۇرمىسىنا كوڭىل بولۋگە سولعۇرلىم شوعىرلاندىرىپ، حالىق تۇرمىسىنىڭ تومەنگى شەگىن مىقتى يگەرۋ، بەكەمدەۋ كەرەك.
ورتالىق كوميتەت ساياسي بيۋروسىنىڭ ماجىلىسىندە مىنالار اتاپ كورسەتىلدى: بار كۇشىن سالۋعا، كورپەگە قاراي كوسىلۋگە تاباندى بولىپ، حالىق تۇرمىسىن شىن مانىندە قامتاماسىز ەتۋ جانە جاقسارتۋ كەرەك.
”قازىر ەلىمىز ەكونوميكانى قالپىنا كەلتىرۋدىڭ شەشۋشى كەزەڭىندە تۇر، حالىق تۇرمىسىن شىن مانىندە قامتاماسىز ەتۋ جانە جاقسارتۋ − جالپى بەتالىس، بار كۇشىن سالۋ، كورپەگە قاراي كوسىلۋ − قاجەتتى پرينسيپ. ٴتۇيىندى كاسىپ سالاسىنا، ٴتۇيىندى قاۋىمعا ۇزدىكسىز نازار اۋدارىپ، ٴار جاق سەلبەسىپ تاماشا تۇرمىستى بىرگە جاراتۋ كەرەك“، - دەدى مەملەكەتتىك كەڭەس دامۋدى زەرتتەۋ ورتالىعىنىڭ زەرتتەۋشىسى فىڭ ۋىنمىڭ.
ٴماجىلىس تاعى مىنالاردى باسا دارىپتەدى: ”ەكى مەرەكە“ كەزىندەگى ماڭىزدى حالىق تۇرمىسى تاۋارلارىن قامداۋمەن قامتاماسىز ەتۋدى، باعانى ورنىقتىرۋدى ويداعىداي ىستەپ، شارۋا جۇمىسكەرلەردىڭ ەڭبەكاقىسىن دەر كەزىندە، تولىق تاراتۋدى قامتاماسىز ەتىپ، قيىنشىلىعى بار بۇقارانىڭ ٴوندىرىس، تۇرمىسىنا كوڭىل ٴبولىپ، ٴوندىرىس حاۋىپسىزدىگى جاۋاپكەرشىلىك ٴتۇزىمىن ىشكەرىلەي تياناقتاندىرىپ، حالىق بۇقاراسىنىڭ ٴومىرى مەن مال - مۇلكىنىڭ حاۋىپسىزدىگىن جانە دەنساۋلىعىن ويداعىداي قورعاۋ كەرەك.
فىڭ ۋىنمىڭ مىنالاردى ٴبىلدىردى: وسى رەتكى ٴماجىلىستىڭ ٴبىر قىدىرۋ ورنالاستىرۋلارى بۇقارانىڭ حالىق تۇرمىسى قۇت - ىرىسىنا سايادى، اسىرەسە، ”ەكى مەرەكە“ كەزىندە ”استىقپەن“، ”كوجە قاتىقپەن“ قامداۋدى ويداعىداي قامتاماسىز ەتۋ بۇقارانىڭ جاڭا جىلدى جاقسى وتكىزە الۋ - الماۋىنا سايادى، ٴسوز جوق، قامداۋعا كەپىلدىك ەتۋ، باعانى ورنىقتىرۋ قىزمەتىن ناقتاپ تياناقتاندىرىپ، حالىق تۇرمىسىن قامتاماسىز ەتۋدىڭ تومەنگى شەگىن ناقتىلاندىرۋ، بەكەمدەۋ كەرەك.
جىل سوڭى مەن جىل باسى − ەڭبەكاقىعا قارىزدار بولۋ ماسەلەسى وڭاي تۋىلاتىن، كوپ تۋىلاتىن مەزگىل. جۇڭگو ەڭبەك عىلىمى قوعامىنىڭ ەرەكشە ۇسىنىس ەتىلگەن زەرتتەۋشىسى سۋ حاينان بىلاي دەدى: وسى رەتكى ورتالىق كوميتەت ساياسي بيۋروسىنىڭ ٴماجىلىسى شارۋا جۇمىسكەرلەردىڭ ەڭبەكاقىسىن قامتاماسىزداندىرۋ توڭىرەگىندە ايقىن تالاپ قويىپ، حالىق تۇرمىسى ماسەلەسىنە ايرىقشا نازار اۋدارعاندىعىن ايگىلەدى. كەلەسى قادامدا، ماڭىزدىسى، ٴماجىلىستىڭ ورنالاستىرۋىن ناقتاپ تياناقتاندىرىپ، ەڭبەكاقىعا قارىزدار بولۋدى تۇبىرىنەن وڭاۋدىڭ قىسقى ارناۋلى ارەكەتىن تىڭعىلىقتى ورىستەتىپ، تەكسەرىپ انىقتالعان شارۋا جۇمىسكەرلەردىڭ ەڭبەكاقىسىن كەشەۋىلدەتۋ دەلوسىن تەز ارادا ٴبىتىرۋدى ىلگەرىلەتۋ، سونىمەن بىرگە ەڭبەكاقىنى بوتەن ويمەن بەرمەي قويۋ سياقتى زاڭعا، ەرەجەگە قايشى ارەكەتتەردى قاتاڭ جازالاپ، شارۋا جۇمىسكەرلەردىڭ زاڭدى ۇقىق - مۇددەسىن شىنايى قورعاۋ كەرەك.
ٴبىر ۇلەس ورنالاستىرۋدا، توعىز ۇلەس تياناقتاندىرۋدا. ٴماجىلىس مىنالاردى باسا دارىپتەدى: پارتيانىڭ جاپپاي باسشىلىعىنا تاباندى بولىپ جانە ونى كۇشەيتىپ، پارتيا ورتالىق كوميتەتىنىڭ ەكونوميكالىق قىزمەت جونىندەگى كەلەلى شەشىمدەرىن، ورنالاستىرۋلارىن جوعارى ساپامەن تياناقتاندىرۋ كەرەك.
ماماندار مىنالاردى ٴبىلدىردى: قازىر ەلىمىز ەكونوميكانى قالپىنا كەلتىرۋدىڭ جانە كاسىپ سالاسىنىڭ تيبىن وزگەرتىپ، دارەجەسىن جوعارىلاتۋدىڭ شەشۋشى كەزەڭىندە تۇر. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ٴتۇرلى شەشىمدەر مەن ورنالاستىرۋلاردى جوعارى ساپامەن تىڭعىلىقتى تياناقتاندىرىپ، وزىندىك باسىمدىعىن تولىق ساۋلەلەندىرگەندە، ەلىمىزدىڭ قيىنشىلىق پەن سىن - سايىستاردى جەڭىپ، ەكونوميكانىڭ باياندى، اقاۋسىز دامۋىن ىلگەرىلەتۋگە شارت - جاعدايى، قابىلەتى قابدال جەتەدى.
(شينحۋا اگەنتتىگىنىڭ 12 - ايدىڭ 8 - كۇنى بەيجيڭنەن بەرگەن حابارى) (تىلشىلەر چىن ۋيۋي، پان دىشين، جاۋ ۋىنجۇن، پان جيە)