انار بۇلت / شينجياڭ گازەتىنىڭ ءتىلشىسى گو ليڭ 6 - ايدىڭ 26 - كۇنى ۇرىمجىدەن حابارلايدى. بيىل 6 - ايدىڭ 26 - كۇنى 34 - رەتكى حالىقارالىق ەسىرتكىگە تيىم سالۋ كۇنى، اۆتونوميالى رايوننىڭ ”26 - ماۋسىم“ حالىقارالىق ەسىرتكىگە تيىم سالۋ كۇنى تاقىرىپتىق قيمىلى ۇرىمجىدە وتكىزىلدى، قيمىلدىڭ نەگىزگى تاقىرىبى −”ەسىرتكىنى الباتى پايدالانۋدان ساقتانىپ، جاڭا داۋىردەگى ەسىرتكىگە تيىم سالۋ حالىقتىق شايقاسىنىڭ جەڭىسىنە باتىل قول جەتكىزەيىك“.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوندىق ەسىرتكىگە تيىم سالۋ كوميتەتىنىڭ مەڭگەرۋشىسى ۋاڭ جۇنجىڭ قاتىناستى ءارى ءسوز سويلەدى.
ۋاڭ جۇنجىڭ بىلاي دەپ اتاپ كورسەتتى: پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، مەملەكەتتىك ەسىرتكىگە تيىم سالۋ كوميتەتىنىڭ پارمەندى جەتەكشىلىگىندە تۇتاس شينجياڭداعى ەسىرتكىگە تيىم سالۋ شايقاس شەبى بۇلجىماستان، باتىلدىقپەن اۆتونوميالى رايوندىق پارتكومنىڭ شەشىمدەرى مەن ورنالاستىرۋلارى بويىنشا ىندەتتەن ساقتانۋ - تىزگىندەۋدى ۇدايىلاندىرۋ جانە ەسىرتكىگە تيىم سالۋ قىزمەتىن ءبىر تۇتاس جوسپارلاپ، قىزمەت وي جەلىسىندە جاڭالىق اشۋ، قىزمەت ءادىس - شارالارىن مولايتۋ جاعىنا ايرىقشا كۇش سالىپ، قىزمەت مەحانيزمىن كەمەلدەندىرۋ، قىزمەت كۇشتەرىن بىرىكتىرىپ جىگەرلەنە العا ۇمتىلىپ، قىرۋار ماشاقاتتى، تىڭعىلىقتى قىزمەتتەر ىستەپ، كورنەكتى ونىمدىلىكتەرگە قول جەتكىزدى، ەسىرتكى قىلمىسىنا سوققى بەرۋدە تىڭ تابىستارعا قول جەتىپ، ەسىرتكى تۇتىنۋعا تيىم سالۋ - ايىقتىرۋ ورەسىندە جاڭا ورلەۋ جارىققا شىعىپ، ەسىرتكىنى جالپىلىق جونگە سالۋدا جاڭا سەرپىلىس بولىپ، ەسىرتكىگە تيىم سالۋ ۇگىت تاربيەسىندە جاڭا جاعداي اشىلىپ، ەسىرتكىگە تيىم سالۋ قوسىنى قۇرىلىسىندا جاڭا ىلگەرىلەۋشىلىككە قول جەتىپ، تۇتاس شينجياڭدا كورنەكتى ماسەلەلەر ءونىمدى شەشىلگەن، جونگە سالۋ ناتيجەسى ورنىقتى بەكەمدەلگەن، ەسىرتكىگە تيىم سالۋ جاعدايى كورنەكتى جاقسارۋعا بەت العان تاماشا اۋقىم جارىققا شىقتى. ۋاڭ جۇنجىڭ بىلاي دەپ باسا دارىپتەدى: ءبىز باس شۋجي شي جينپيڭنىڭ ەسىرتكىگە تيىم سالۋ قىزمەتى جونىندەگى ماڭىزدى نۇسقاۋلارىنىڭ رۋحىن بۇلجىماستان، باتىل دايەكتىلەندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، حالىققا وسكەلەڭ جاۋاپتى بولۋ رۋحىمەن، شي جينپيڭ زاڭمەن جونگە سالۋ يدەياسىن ىشكەرىلەي دايەكتىلەندىرىپ، تياناقتاندىرىپ، جالپى تۇلعالىق مەملەكەت حاۋىپسىزدىگى كوزقاراسىن بەرىك ورناتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، ەسىرتكىنىڭ تىرشىلىك ورتاسىن باتىل الاستاۋىمىز كەرەك. قوعامداعى ءار سالا قايراتكەرلەردىڭ جانە قالىڭ جاستار مەن ورەندەردىڭ پارتيا مەن ۇكىمەتتىڭ ۇندەۋىنە بەلسەنە ءۇن قوسۋىن، سوتسياليستىك وزەكتى قۇن كوزقاراسىن ساۋلەلەندىرۋىن، ەسىرتكىگە تيىم سالۋ قىزمەتىنە اۋەلگىدەي كوڭىل ءبولۋىن، قولداۋىن، ءتۇسىنۋىن، ات سالىسۋىن، جاڭا داۋىردەگى ەسىرتكىگە تيىم سالۋ حالىقتىق شايقاسىندا باتىل جەڭىسكە جەتۋىن ءۇمىت ەتەمىز.
قيمىلدا مەملەكەتتىك ەسىرتكىگە تيىم سالۋ كەڭسەسىنىڭ ورىنباسار مەڭگەرۋشىسى، جۇڭگو ەسىرتكىگە تيىم سالۋ قور قوعامىنىڭ باس حاتشىسى لي شيانحۇي ىلە قازاق اۆتونوميالى وبلىسىنا ”ەسىرتكىگە تيىم سالۋداعى مەملەكەتتىك ۇلگىلى قالا“ تاقتاسىن بەردى. شينجياڭ شىفان داشۋەسى سياقتى 6 جوعارى مەكتەپ ”شينجياڭ جوعارى مەكتەپتەرىنىڭ ەسىرتكىگە تيىم سالۋ ەرىكتىلەرى بىرلەستىگى“ تۋىنا يە بولدى. التاي ايماعى ۋاكىلدەرى ۇيىرمەسى اۆتونوميالى رايوندىق تۇڭعىش كەزەكتى جاستار مەن ورەندەردىڭ ەسىرتكىگە تيىم سالۋ زەيىن سىناۋ جارىسىندا 1 - دارەجەلى سيلىققا يە بولدى.
اۆتونوميالى رايون باسشىلارى ۋاڭ ميڭشان، چىن ميڭگو قاتارلىلار قيمىلعا قاتىناستى.
سول كۇنى رايونىمىزدىڭ جەر - جەرى اۆتونوميالى رايوندىق ەسىرتكىگە تيىم سالۋ كوميتەتىنىڭ ءبىر تۇتاس ورنالاستىرۋى بويىنشا زاڭ بويىنشا تەكسەرىلىپ تاركىلەنگەن ءتۇرلى ەسىرتكىنى شوعىرلى ورتەدى.