باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
رايونىمىز ”لاڭكەستىككە قارسى تۇرۋداعى اتويشى ورتا اترەتتىڭ“ وزات ىزگى ىستەرىنەن بايانداما جاساۋ ءماجىلىسىن وتكىزدى
2021-10-02 13:23:16     كورىلىم:رەت كەلۋ قاينارى:تيانشان تورى  جاۋاپتى رەداكتور:بەرىك وقاباي ۇلى


انار بۇلت / شينجياڭ گازەتىنىڭ ءتىلشىسى گو ليڭ 9 - ايدىڭ 29 - كۇنى ۇرىمجىدەن حابارلايدى. جان تەبىرەنتەتىن اڭگىمەلەر، قيان - كەسكى شايقاستار، ماشاقاتقا تولى كەشىرمەلەر، جان جۇيەنى تەبىرەنتەتىن كورىنىستەر... 9 - ايدىڭ 26 - كۇنىنەن 29 - كۇنىنە دەيىن، قارۋلى ساقشى شينجياڭ باس اترەتى بەلگىلى ءبولىمىنىڭ ”لاڭكەستىككە قارسى تۇرۋداعى اتويشى ورتا اترەتىنىڭ“ وزات ىزگى ىستەرىنەن بايانداما جاساۋ ماجىلىسىندە بايانداما ۇيىرمەسىنىڭ 5 مۇشەسىنىڭ تەرەڭ سۇيىسپەنشىلىكپەن بايانداۋى، ەلەكتروندىق ەكراندا ءبىر ۋاقىتتا قويىلعان كەسكىندەر قاھارمان كوللەكتيۆتىڭ وزگەشە كەشىرمەسى مەن جۇرت بىلە بەرمەيتىن اڭگىمەلەرىن قايتا كورسەتىپ، تىڭداۋشىلاردى رۋحاني جاقتان ءبىر تازارتتى.

قارۋلى ساقشى شينجياڭ باس اترەتى بەلگىلى جيدۇڭ تارماق اترەتى ەرەكشە شايقاس 1 - ورتا اترەتىنىڭ وفيتسەر - اسكەرلەرى لاڭكەستىككە قارسى تۇرىپ، ورنىقتىلىقتى قورعاۋدىڭ ءبىرىنشى شەبىندە كوپ جىل تاپجىلماي تۇرىپ، جاۋعا قارسى سەس كورسەتىپ، سۇرقيالىقتى باسىپ، الباستىلاردى جويىپ، باستارىن ءباي تىگىپ، جۇرەكسىنبەدى، تايسالمادى. 2021 - جىلى 6 - ايدىڭ 25 - كۇنى ورتالىق اسكەري ىستەر كوميتەتى قارۋلى ساقشى شينجياڭ باس اترەتى بەلگىلى جيدۇڭ تارماق اترەتى ەرەكشە شايقاس 1 - ورتا اترەتىنە ”لاڭكەستىككە قارسى تۇرۋداعى اتويشى ورتا اترەت“ داڭق اتاعىن بەردى. 7 - ايدىڭ 5 - كۇنى باس شۋجي شي جينپيڭ وسى ورتا اترەتكە ءوز قولىمەن سيلىق جالاۋىن بەردى.

”لاڭكەستىككە قارسى تۇرۋداعى اتويشى ورتا اترەتتىڭ“ وزات تيپتىك، ۇلگىلىك، جەتەكتەۋ رولىن تولىق ساۋلەلەندىرىپ، قىزىل گەندى جالعاستىرىپ، ەكپىندەي ىلگەرىلەۋ كۇشىن ۇيىستىرىپ، قاھارمانداردى ارداقتايتىن، قاھارمانداردان ۇيرەنەتىن، قاھارمانداردى قورعايتىن، قاھارمانداردى ايالايتىن قويۋ راي قالىپتاستىرۋ ءۇشىن، اۆتونوميالى رايوندىق پارتكوم وسى رەتكى ”لاڭكەستىككە قارسى تۇرۋداعى اتويشى ورتا اترەتتىڭ“ وزات ىزگى ىستەرىنەن بايانداما جاساۋ ءماجىلىسىن وتكىزىپ، پارتيا تاريحىن ۇيرەنۋ تاربيەسىن ىشكەرىلەي ىلگەرىلەتۋدىڭ كەلەلى شاراسى ەتىپ، ۇلگىلەردىڭ كۇش - قۋاتى ارقىلى ادامداردى شابىتتاندىرىپ، جىگەرلەندىرىپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋدىڭ تەلەگەي كۇشىن ۇيىستىردى.

بايانداما ۇيىرمەسى ىلگەرىندى - كەيىندى شينجياڭ مەديتسينا داشۋەسىنىڭ شۋەليانشان مەكتەپ اۋماعىندا، اۆتونوميالى رايوندىق پارتكوم ءماجىلىسى ورتالىعىندا، شينجياڭ ساقشى شۋەيۋانىندا 4 رەت بايانداما جاسادى ءارى بەينە ءماجىلىس فورماسىندا بۇكىل رايونداعى 24 جوعارى مەكتەپتىڭ وقىتۋشى - وقۋشى ۋاكىلدەرىنە، اۆتونوميالى رايونعا توتە قاراستى ورگاندارداعى جانە ءارقايسى ايماق - وبلىسقا (قالا) توتە قاراستى ورگاندارداعى پارتيالى باسشى كادرلارعا، بۇكىل رايوننىڭ ساياسي - زاڭ جۇيەسىندەگى پارتيالى كادرلارعا، سونداي - اق ساقشى شۋەيۋانىنىڭ 5000نان استام وقىتۋشى - وقۋشىسىنا ”لاڭكەستىككە قارسى تۇرۋداعى اتويشى ورتا اترەتتىڭ“ وزات ىزگى ىستەرىنەن بايانداما جاسادى.

بايانداما ۇيىرمەسىنىڭ مۇشەسى، ەرەكشە شايقاس 1 - ورتا اترەتىنىڭ جەتەكشىسى ۋاڭ شياۋزى ”ءتوراعانىڭ تاپسىرماسىن ەستە بەرىك ساقتاپ، لاڭكەستىككە قارسى تۇرۋداعى اتويشىلاردى شىڭدايمىز“ تاقىرىبىندا ورتا اترەتتىڭ جالپى بەتتىك قۇرىلىس بارىسىن تانىستىردى؛ ەرەكشە شايقاس ۇلكەن اترەتىنىڭ باستىعى ليۋ جىجۇن ءوزىنىڭ زورلىقتى كۇش لاڭكەس ەلەمەنتتەرمەن ارپالىسقان ءولىم - ءومىر ساتتەرىن اڭگىمەلەدى؛ ەرەكشە شايقاس 1 - ورتا اترەتىنىڭ شاڭشىسى ليۋ چۋان ”مەن اتويشى اترەتتەگى اسكەرمىن“ دەيتىن ەرەكشە شايقاس ارمانىن ايتتى؛ ەرەكشە شايقاس 1 - ورتا اترەتىنىڭ اسكەري مىندەتتەن بوساعان جيڭشىسى، قازىر قوعام حاۋىپسىزدىگى حالىق ساقشىسى جيا يۇڭياۋ ءوزىنىڭ 12 جىلدىق ەرەكشە شايقاس كەشىرمەسىندەگى تابىستارىنان العان اسەرىن باياندادى؛ اقپارات قۇرالىنىڭ ءتىلشىسى سۇڭ چيچي تالاي رەت ەرەكشە شايقاس 1 - ورتا اترەتىنە تىلشىلىك جاساعانداعى العان اسەرىمەن ءبولىستى.

”ۇلگى دەگەنىمىز جاندى وقۋلىق، وسى رەتكى كوڭىلدى كولدەي تولقىتقان بايانداما جاساۋ ءماجىلىسىن تىڭداعاننان كەيىن، ىشتەي قاتتى اسەرلەندىم. مەديتسينا ماماندىعىنىڭ وقۋشىسى رەتىندە، بۇدان كەيىنگى ۇيرەنۋ، تۇرمىس بارىسىندا وزىمە اناعۇرلىم جوعارى ولشەممەن تالاپ قويىپ، قاھارماندارعا قاراپ قاتار تۇزەيمىن“، - دەدى شينجياڭ مەديتسينا داشۋەسى دارىگەرلىك شۋەيۋانىنىڭ وقۋشىسى جاڭ زىيۋە.