ٴتىلشىمىز لي شين - ان حابارلايدى. ورتالىق ۇيىمداستىرۋ ٴبولىمى، ورتالىق ۇگىت ٴبولىمى، ورتالىق ساياسي - زاڭ كوميتەتى، جۇڭگو زاڭگەرلەر قوعامى، وقۋ - اعارتۋ مينيسترلىگى، ٴادىليا مينيسترلىگى بىرلەسىپ ۇيىمداستىرعان، ٴار دارەجەلى باسشى كادرلاردى نەگىزگى ۇگىت - لەكسيا وبيەكتى ەتكەن اۆتونوميالى رايوننىڭ 2021 - جىلعى «100 زاڭگەردىڭ 100 مايدان بايانداما جاساۋ ٴماجىلىسى» اتىنداعى  ۇگىت - لەكسيا قيمىلى بويىنشا، 12 - ايدىڭ 10 - كۇنى تۇستەن بۇرىن ىلە وبلىسىندا ارناۋلى ۇگىت - لەكسيا جۇرگىزىلدى.

ۇگىت - لەكسيا ماجىلىسىندە شينجياڭ داشۋەسىنىڭ باكالاۆرى، شاڭحاي حۋادۇڭ شىفان داشۋەسىنىڭ ماگيسترى ۋي جيڭجيڭ نەگىزگى ۇگىت - لەكسيا جاسادى. ۋي جيڭجيڭ − شينجياڭ مەديتسينا داشۋەسى الەۋمەتتىك دەنساۋلىق ساقتاۋ شۋەيۋانى دەنساۋلىق ساقتاۋ ىستەرىن باسقارۋ كافەدراسىنىڭ مەڭگەرۋشىسى، پروفەسسور، ماگيستر جەتەكشىسى. 2008 - جىلى اۆتونوميالى رايوندىق دەنساۋلىق ساقتاۋ مەڭگەرمەسى جاعىنان شينجياڭ مەديتسينا عىلىمى ەتيكا ٴىلىمي كوميتەتىنىڭ مامانى بولىپ تاعايىندالعان. ول ۇگىت - لەكسيا بارىسىندا جاڭا تيپتى ايدارشا ۆيرۋس وكپە قابىنۋ ىندەتىنىڭ قازىرگى جاعدايى ٴارى وسى ىندەتكە قاتىستى تيۆتىك مىسالدارعا تالداۋ جاساۋ، شينجياڭنىڭ الەۋمەتتىك دەنساۋلىق ساقتاۋ ىستەرىنىڭ قازىرگى جاعدايى، شينجياڭنىڭ الەۋمەتتىك دەنساۋلىق ساقتاۋ ىستەرىن باسقارۋداعى جەرگىلىكتى زاڭمەن جونگە سالۋدىڭ قازىرگى جاعدايى جاقتارىنان ىندەتتەن ساقتانۋ - تىزگىندەۋ جانە زاڭمەن جونگە سالۋدى قامتاماسىزداندىرۋ بويىنشا پىسىقتاۋ  بايانداماسىن جاسادى. 

 وبلىس باسشىلارىنان چيۋ شۋحۋا، جاۋ تيانجيە، سەرجان ۇعىباي ۇلى، ليۋ شينلي، پارحات ٴسايدى، رازبەك قامزا ۇلى، ديڭ باڭۋىن، ەلشات تۇرسىنباي ۇلى جانە وبلىستىق حالىق قۇرىلتايى تۇراقتى كوميتەتى، ۇكىمەت، ساياسي كەڭەس باسشىلىق القالارىنىڭ مۇشەلەرى، اۆتونوميالى وبلىستىڭ قاتىستى تاراۋلارىنىڭ جاۋاپتىلارى ۇگىت - لەكسيانى تىڭدادى.

ۇگىت - لەكسيا ٴماجىلىسى اياقتاعاننان كەيىن وبلىستىق ٴادىليا مەكەمەسىنىڭ كادرى گۇلپيا ابليكىم بىلاي دەدى: «ۇگىت - لەكسيانى تىڭداپ، تەرەڭ تۇسىنىككە يە بولدىم. شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، جۇڭگوشا سوتسياليزم جولىنا اۋىتقىماي تاباندى بولىپ، زاڭمەن جونگە سالۋ وي جەلىسىن جانە زاڭمەن جونگە سالۋ تانىمىن اناعۇرلىم كۇشەيتىپ، حالىقتى وزەك ەتۋدەي دامۋ يدەياسىنان جازباي، اۋىل - قىستاق، الەۋمەتتىك اۋماق، كاسىپورىن، مەكتەپ سياقتى ورىنداردا زاڭ جونىندەگى ۇگىت قيمىلىن ىشكەرىلەي ورىستەتەمىن». 

 وبلىستىق وداق كوميتەتى پارتيا باسشىلىق گرۋپپاسىنىڭ مۇشەسى، وداق كوميتەتىنىڭ ورىنباسار شۋجيى ٴپاريدا ابىلبەك قىزى بىلاي دەدى: «ٴبىز وسى رەتكى ۇگىت - لەكسيانى قىزمەتتىڭ قوزعاۋشى كۇشىنە اينالدىرىپ، ٴوز قىزمەتىمىزبەن تىعىز ۇشتاستىرىپ، كوممۋنيستىك جاستار وداعىنىڭ قىزمەت ابزالدىعىن ساۋلەلەندىرىپ، قالىڭ جاستار مەن ورەندەر اراسىندا زاڭمەن جونگە سالۋ ۇگىت - لەكسيا قىزمەتىن ويداعىداي ورىستەتەمىز، اسىرەسە، ٴار اپتاداعى <جاستاردىڭ قاۋىرت ۇيرەنۋىندە>، <كوممۋنيستىك جاستار وداعىنىڭ نەگىزگى تاقىرىپتىق وداق ساباعىندا> جانە پيونەرلەر وتىريادىنىڭ نەگىزگى تاقىرىپتىق وتىرياد قيمىلىندا ارناۋلى كاسىپتىك مامانداردى ۇگىت - لەكسيا جاساۋعا ۇسىنىس ەتەمىز. سونىمەن بىرگە، جاس لەكتورلار ۇيىرمەسى مەن پيونەرلەر وتىريادىنىڭ ارالاپ ۇگىت - لەكسيا جاساۋ ۇيىرمەسىنىڭ رولىن ساۋلەلەندىرىپ، جاستار مەن ورەندەر قىزىعا تىڭداپ، قۋانا قابىلدايتىن تاسىلدەر ارقىلى زاڭمەن جونگە سالۋ ۇگىت - لەكسيا قيمىلىن ورىستەتەمىز».