سۋرەتتە: بۇقاراعا لاڭكەستىككە قارسى تۇرۋ جونىندەگى زاڭ بىلىمدەرىن ۇگىتتەۋدەن كورىنىس.
ٴتىلشىمىز مىڭ شيا فوتوسى
ٴتىلشىمىز مىڭ شيا، ەرىكتى ٴتىلشى تاڭ شۋاي حابارلايدى. 12 - ايدىڭ 25 - كۇنى «جۇڭحۋا حالىق رەسپۋبليكاسىنىڭ لاڭكەستىككە قارسى تۇرۋ زاڭى» جاريالانعاندىعىنىڭ 6 جىلدىعى قارساڭىندا، وبلىسقا توتە قاراستى ورىنداردىڭ «جالپى حالىق لاڭكەستىككە قارسى تۇرىپ، بىرگە تىنىشتىق ورناتايىق» اتىنداعى لاڭكەستىككە قارسى تۇرۋ ۇگىت ـ تاربيە قيمىلى قۇلجا قالاسىنىڭ تۇڭلوۋان الاڭىنداعى نەگىزگى ٴماجىلىس الاڭىندا وتكىزىلدى. سونىمەن بىرگە، وبلىسقا توتە قاراستى باسقا 10 اۋدان، قالادا بولىمشە ٴماجىلىس الاڭى ورنالاستىرىلىپ، لاڭكەستىككە قارسى تۇرۋ ۇگىت ـ تاربيە قيمىلى ورىستەتىلدى.
«جۇڭحۋا حالىق رەسپۋبليكاسىنىڭ لاڭكەستىككە قارسى تۇرۋ زاڭى» − لاڭكەستىك ارەكەتتەردەن ساقتانۋ جانە ونى جازالاۋ، لاڭكەستىككە قارسى تۇرۋ قىزمەتىن كۇشەيتۋ، مەملەكەت حاۋىپسىزدىگىن، الەۋمەتتىك حاۋىپسىزدىكتى جانە حالىقتىڭ ٴومىرى مەن مال ـ مۇلكىنىڭ حاۋىپسىزدىگىن قورعاۋ ٴۇشىن، نەگىزگى زاڭعا ساي جاسالعان زاڭ ـ ەرەجە. لاڭكەستىككە قارسى تۇرۋ قىزمەتىندە ارناۋلى قىزمەت پەن بۇقارالىق لۋشياندى ۇشتاستىرۋ، ساقتانۋدى نەگىز ەتۋ، جازالاۋ مەن ساقتانۋدى ۇشتاستىرۋ جانە الدىمەن جاۋدى شاۋجايلاۋ، ىرىقتىلىقتى ساقتاۋ پرينسيپىنە تاباندى بولۋ كوزدە ۇستالعان.
سول كۇنگى قيمىل الاڭىندا قىزمەتكەرلەر لاڭكەستىككە قارسى تۇرۋ جابدىقتارىن كورسەتۋ، ۇگىت ماتەريالدارىن تاراتۋ، كورمە تاقتاسىن قويۋ، كەسكىن كورسەتۋ، ماماندار اقىل ـ كەڭەس بەرۋ سياقتى تاسىلدەر ارقىلى تىكە سەزىنۋ جانە قاراپايىم دا ۇعىنىقتى تىلمەن بۇقاراعا لاڭكەستىككە قارسى تۇرۋ جونىندەگى حاۋىپسىزدىك بىلىمدەرىن جانە «جۇڭحۋا حالىق رەسپۋبليكاسىنىڭ لاڭكەستىككە قارسى تۇرۋ زاڭى»، «جۇڭحۋا حالىق رەسپۋبليكاسىنىڭ مەملەكەت حاۋىپسىزدىگى زاڭى»، «اۆتونوميالى رايوننىڭ <جۇڭحۋا حالىق رەسپۋبليكاسىنىڭ لاڭكەستىككە قارسى تۇرۋ زاڭىن> اتقارۋ ٴادىسى»، «اۆتونوميالى رايوننىڭ بۇقارانىڭ زورلىقتى كۇش، لاڭكەستىك قىلمىستارىنا ساياتىن دەرەكتەردى مالىمدەگەندەردى سيلاۋ ٴادىسى» سياقتى زاڭ ـ ەرەجەلەردى ٴتۇسىندىردى. ناق مايداندا بۇقاراعا كەڭەس بەرىپ، بۇقارانىڭ سۇراۋىنا جاۋاپ بەرىپ، قالىڭ قالا تۇرعىندارىنىڭ لاڭكەستىك جانە ۇشقارىلىق ارەكەتتەردى پارىقتاۋ قابىلەتىن جوعارىلاتىپ، شۇعىل جاعدايعا توتەپ بەرۋ جونىندەگى حاۋىپسىزدىك ساقتىق تانىمىن جانە لاڭكەستىك ارەكەتتەرمەن كۇرەس جۇرگىزۋ بەلسەندىلىگىن ارتتىردى.
وبلىستىق لاڭكەستىككە قارسى تۇرۋ كەڭسەسىنىڭ ورىنباسار مەڭگەرۋشىسى باي جۇنساي بىلاي دەدى: «وسى رەتكى ۇگىت قيمىلى − شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋدىڭ، تۇلعالىق مەملەكەت حاۋىپسىزدىگى كوزقاراسىن دايەكتىلەندىرۋدىڭ ناقتى بەينەسى. قيمىلدا ٴبىر نەگىزگى ٴماجىلىس الاڭى+ 10 بولىمشە ٴماجىلىس الاڭى جانە تىنىش تيانشان ٴۇنحات الەۋمەتتىك ٴنومىرى ارقىلى جەلىدە جاۋاپ بەرۋ سياقتى كوپ ٴتۇرلى فورما قولدانىلىپ، لاڭكەستىككە قارسى تۇرۋ جونىندەگى زاڭ ـ ەرەجەلەردىڭ بارشا وتباسىنا جەتكىزىلۋىنە مۇمكىندىك جاسالدى.